*ماذا لو؟

[يسرمن الله]

بسم الله الرحمن الرحيم

ماذا لو؟

رجع الزمان للوراء وسمح لك ان تعيشى فترة من عمرك اى مرحلة تحبى ان تعيشيها من تانى وليه وهل هتعشيها زى مامرت ولا هيكون لك اسلوب تانى؟
ارجوا المشاركة

[sara_623]

لو رجع بيا الزمن اختار مرحلة الثانوية العامة تانى لانها كانت احسن مرحلة بنسبة ليا وكان ليا احسن اصدقاء واحسن الاوقات بس لو رجعت تانى حذاكر تانى لا يبقى كدة احسن هههههههههههه
ولكى جزيل الشكر على طرحك الموضوع الجميل دة

[high wave]

موضوع جميل ورائع اختى يسر من الله وعلى فكره اسمك جميل وعجبنى قوى ..احلى مرحله فى حياتى كانت ايام الكليه ايام جميله تخرجت منذ سنتين تقريبا بس دائما احس بحنين شديد لتلك الايام لان طبعا بعد الجامعه اتفرقنا اللى اتجوزت واللى سافرت يعنى اتفرقنا كنا جروب كبير بس دلوقتى خلاص بيوحشونى قوى كنا عايشين ايام جميله مفيهاش هموم لسه مكناش نعرف يعنى ايه حياه ومشاكلها وضغوضها يااااااااااااااااااااااااااااااااااااااااااااااااا اه نفسى اعيش بس يوم واحد من الايام دى وهحاول اعيشه بكل ما فيه واضحك اكتروانبسط لان الواحد مكنش ييعرف بعد كده الايام مخبياله ايه ...بجد موضوع راااااااااااااااااااائع ..

[عمرى لزوجى]

السلام عليكم
موضوع حلو اختى يسر من الله
والحمد لله على كل مراحل الحياه بحلوها ومرها
لكن احلى مراحل حياتى مرحله خطوبتى او بمعنى اصح عقد قرانى
كانت احلى ايام والحمد لله على كل حال

[تاج77]

احلى ايام حياتي المرحله المتوسطه لان لي فيها احلى واجمل الاصدقاء

[زهرة حبيبى]

موضوع جميل شكرا على طرحه.......... والحمد لله كل مرحلة فى حياتى لها جمالها بحلوها ومرها لكن احلى فترة كانت فترة الجامعة من حوالى 6 سنوات تخرجت .............فعلا كانت ايام جميلة جدالانى كنت فيها مع احلى بنات واعز صديقات ,,,, وخصوصا انتيمى وحبيبتى اللى افتقدها الان لانى مسافرة ربنا يجمعنا ببعض تانى .........وشكرا لانك فكرتينا بذكريات جميلة

[أم نبيلة]

أحلى فتره أيام الدراسه بجوار أبى رحمه الله وأمى أتمنى أن عادت كنت سأعيد التفكير فى أشياء كثيره

[عابرة الدنيا]

ودي اعيش في بطن امي ولا اخرج ابدا!!

[يسرمن الله]

اخواتى شكرا لكم
وفعلا لاقيت امنياتكم شبيهالامنياتى فعلا احلى مرحلة هى ايام الدراسةوالصداقة الجميلةوكمان لان كان فيها هدف النجاح
انا كمان نفسى ارجع لهاقوى وكنت برده هعيشها بضحك ومرح وسعادة وكنت هعدى اى مشكلة ومكنتش هقف عندها زى ماكنت باعمل ولاقيت كمان الايام اللىمرت صعبة وثقيلة وقتها لما بفتكرها بندم انى ضيعتها فى زعل وهموم
واحسن حاجة ان الانسان يعيش وقته من غير مايزعل ولا يشيل هم لان كده كده الوقت هيعدى مش هيستنى ونرجع نندم على ايام جرت مننا ومعشنهاش صح
الله يوفقكم جميعا ويسعد اوقاتكم ويملاْها بالبركة

[bichebicha1]

أهلين اختي

على ما اظن الكل متضامن
و يعتبر مرحلة الدراسة احلى مرحلة
فعلا أعتبر مرحلة الدراسة أيام حلوة
رغم ان لكل مرحلة فترها و مميزاتها
و لكن دائما تظل تلك الفترة مميزة أكثر
و يشتاق لها الانسان .

[همساات حنين]

انا شايفة انها هاي احلى ايام حياتي
لاني دايما اسمع اي حدن بحكي
يا ريت لو ارجع لعمر ال15

[فارس بلا جواد$]

يشرفنى المشاركه

اجمل ايام حياتى
هى فترة الدراسه و ايام العزوبيه
ولو رجع بى الزمان من تانى
لا كنت اتزوجت ولا فكرت فى الزواج و لا افكر اساسا
بجد موضوع جميل
وفكره حلوه يا يسر من الله