انا.....اخي........زوجه اخي....وين الغلط؟؟

[الحلا-كلـــه]

السلااااام عليكم ورحمه الله وبركاته...

انا اكتب هذا الموضوع بعد مرور اكثر من 6 اشهر من زواج اخي الكبير...
اخوي اكبر مني باربع سنوات وهو اكبر ولد عندنا في البيت...

قبل الزواج اخوي كان متشدد في الدين...
اما انا ما اقول متشددة ... متدينه..

اخوي كله يحط دوبه ودوبي..

اذا شافني طالعه من البيت يقولي لازم محرم... ويوديني لبيت صديقتي مع انهم جيرانا بعد بس لازم يوديني اهو...

وكان ما يخليني البس ثياب عدله... لانه اغلب الثياب تكون مفصله على الجسم يعني مضبوطه واهو كان يعارض مع انه والله في ثياب عدله وحلوه ومو ضيقه بالمرة بس اهو يقول لا...
وحتى عبايتي يتشرط علي كيف افصلها...

وكنت لما اطلع معاه السوق يقولي عيب تمشين قدامي او جنبي...ههههههه
لازم امشي وراه... الحمدلله والشكر!!

وانا كنت له مطيعه وكنت اقدر هذا الشي...
لان باعتقادي انه ما يسوي هذا الشي إلا لانه يحبني ويخاف علي ويغار على اخته...
وعمري ما عارضته او قلت له لا...


بعد الزواج ...هههههههه
كل شي صار العكس...

والسبب في هذا ان زوجته مو متدينه..
فاخوي العزيز يبغاني اصير مثل زوجته!!

زوجه اخوي اكبر مني بسنه..
كانت ماخذه حريتها تطلع من بيتهم متى ما تبي وترجع متى ماتبي...
وتروح السوق بروحها...يعني بدون محرم..

صرت اذا اقوله يوديني بيت صديقتي يقولي انه قريب اروح له بروحي...

ولما اروح السوق اشتري ملابس يقوم يتدخل ويختارلي..
انا ما عندي مانع في ذي الشي..
بس اهو صار يختار لي اشياء كللللللش مو مناسبه...
يختار لي تنورة ضيقه... بلوزات ضيقه..أو فتحه الصدر كبيرة...
وفي مرة من المرات دخلت محل وكنت ضايعه فيه كان صوب قمصان نوم هههههههههههه
عاد اخوي جاني وقالي شوفي هذا حلو مررة بس هذا يناسبك اذا بتلبسيه قدام زوجك في غرفه النوم!!!
انا هني ضاع وجهي وقلب الوان...
حسيت الحيا ضاع منه...

واذا دخلنا محل اقوله انه يقاصص البياع على السعر علشان يخفض تخيلوا شنو يقولي...
يقولي روحي انتي وتكلمي ولا ما عندك لسان!!


اكيييييييييد لاحظتوا انه العكس تمااااااما!!
والله يشهد اني ما اكذب...



انا كنت رافضه تماما ومتمسكه باخلاقي وتديني...
واهو صار يزعل مني!!
بس صرت استعين باخوي الصغير ما شاء الله عليه عمرة 13 سنه...



المهم...
مشكلتي ان زوجه اخوي هذا تفتن بيني وبين اخوي!!
في مرة من المرات كنت اسمع اناشيد واخوي جاني وقالي الحمدلله والشكر الناس تطورت وبعدين وش هذا الصوت وقام يتطنز على المنشد...
كل هذا قدام زوجته..
انا ما استحملت قمت قلت له: هذا احسن من الاغاني اللي تغنيهم نانسي عجرم...
( للعلم اخوي بعد الزواج كان يتمسع لنانسي عجرم بشدددددة وعنده كل صورها والبوماتها وكان عنده في السيارة صورة كبيرة لها)

اهو مني عصب علي وطلع من الغرفه...
زوجته قامت تسألني عن الموضوع وانا ما خبرتها عن اي شي...
قامت راحت عنده وقالت له اختك قالت كيت وكيت وكيت وتبلت على اخوي الصغير انه قال انه يحب نانسي عجرم وهيفاء وهبي ومادري ايش...( حتى اخوي الصغير ما سلم منها )
وكل هذا علشان تسحب منه كلام على حساب علاقتنا فيه...
تخيلوا ان هذا الموقف صار الساعه 9 في الليل..

الساعه 1 في الليل كنت نايمه جا اخوي ودخل الغرفه وقومني من نومي وقعد يهاوشني ويصرخ علي ويقولي ما توقعت كذا حقودة وحسودة وانانيه و................. وقال كلام كثير ما استوعبته لاني كنت نص نايمه...
بس اللي اتذكره لحد الآن هو زوجته..
اتذكر انها كانت واقفه تقوله بس خلاص واهي ميته ضحك!!
انا ما حطيت بالي على الموضوع ولا على موقفها...


وقمت الوم نفسي واقول اني سويت مشكله بين اخوي وزوجته...
ويمكن زوجته زعلانه عليه لانه تغار عليه وكذا...
المهم...
اليوم الثاني طرشت له مسج اقوله آسفه وسامحني وكذا...
بس هو ما رد علي...

وعدت هذي السالفه على خير...



اما السالفه اللي انا لحد الآن منقهرة عليها....
انه اخوي صار له فترة يطنشني ولا يكلمني وكانه زعلان..
وما يعطين فرصه اكلمه او اسأله...
كنت اذا اكلمه يسوي روحه ما يسمعني لدرجه كنت اتفشل وانحرج من تطنيشه لي قدام الكل...
فطرشت له مسج مضمونه:

إذا قصرت في وصالك يوم
وجاك في يوم جفا مني
ابيك تخفف عني اللوم
واذا غلطت سامحني
وتذكر ان مصيري يوم
كفن ابيض يغطيني
وقبر صغير يحويني
ودمعه ابيها من عيونك
تودعني وتبكيني تدعيلي

واهو رد علي في نفس الوقت:
انتي اختي للأبد
والظفر ما يطلع من اللحم

هههههههههههههههههههههه>> هذي ضحكتي انا
انا استغربت وقلت اشفيه اخوي
انا ما غلطت بحقه؟؟
والسالفه اللي حكيت لكم عنها مر عليها 5 شهور( سالفه نانسي)
بس ما فهمت ليش كتب لي هالكلام
واستغربت اكثر ان حاله معاي ما تغير
مستمر في التطنيش
حكيت لاختي الكبيرة عن السالفه وقالت لي: انتي تكتبين خواطر ومذكرات؟؟
قلت لها ليه تسألين؟؟
صرخت علي وقالت لي انتي وين حاطتهم؟؟
قلت لها في كبتي يعني وين؟
قالت لي يا تشوفين مكان ثاني تحطيهم فيه او تحرقيهم؟؟
انا قلت هذي فيها شي..


(انا اذا تضايقت او كنت زعلانه اكتب مشاعري في دفتر الخواطر تبعي...
وكنت اكتب عن كل شي يخطر ببالي حزة لما اكون زعلانه او ابكي..)

قالت لي ان اخوي راح يشتكي لها عني
اني كاتبه عنه انه متغير علينا بعد الزواج
انا هني عصبت وقلت بروح اكلمه
وبسأله انا شنو كتبت بالضبط
اذا قالي حرفيا انا شنو كتبت يعني هو اللي قرأ مذكراتي وهذا احتمال بعيد...
( لانه مرة صرخ علي وهاوشني لاني فتحت محفظته احسب فلوسه... وعطاني محاضرة في الاخلاق واحترام خصوصيات الآخرين والله اني لحد الآن اتذكرها واذا تبوني اكتبها لكم تراني حاضرة)

واذا قالي بس هالكلمتين معناه ان زوجته هي اللي قرأت الكلام وقالت له

فانا قلت خلاص رايحه رايحه هشعللها

بس اختي حلفت علي ما اكلمه في ذي الموضوع
وقالت لي انه اشتكى لها وقالها ما تخبر احد
بس هي خبرتني علشان هذي المذكرات اتصرف معاها
وقالت لي كمان اني اذا كلمته انه ما راح يثق فيها ولا راح يشتكي لها مرة ثانيه

وسكت علشان هذا الشي
ودفتر الخواطر هذا تخلصت منه
قلت ما ابيه يسبب لي مشاكل اكثر ولان كل اللي فيه مواقف حزينه


بس هذا الشي لحد الآن قاهرني
ان زوجته اشلون تتعدى على خصوصياتي وفوق هذا كله تفتن بيني وبين اخوي
واخوي يصدقها في كل شي
اهو يعني ما قالها عيب اللي تسويه
ما سألها اشلون عرفت؟
ولا اهو بس فالح علي انا؟؟

واللي قاهرني اكثر انه لحد الآن زعلان!!
الحمدلله والشكر
من المفروض يزعل من الثاني؟
اهو مو زعلان وبس الا مطنشني ومسوي فيها خايف مني
ههههههههههههههه
اذا اقوله يوديني مكان لاااااااااااااااااااااازم زوجته تكون معانا
والله والله حتى المستشفى اذا ابغى اروح له يوديها معانا

اهو يبيني اعتبرها مثل اختي
بس انا مو من النوع اللي من اول اسبوع خلاص بتعلق فيها وبحبها
لا طبعا...
من بعد اللي صار ابتعدت عنها وصرت ما اكلمها
لاني ما اقدر اكلمها حتى لو مجامله
احس لو اتكلم بتفجر



الكلام اللي قلت عنها ترى قليل وهي يا ماااااا سوت اشياء كثيرة فيني
بس انا ساكته
ودي اتكلم بس اهو مبتعد عني
ودي اصارحه بكل شي
بس ما في أمــــــــــــــــل


انا احب اخوي الكبير واتمنى اكون قريبه منه واشكي له همومي واحسس انه سندي
انا كنت اتمنى لو كان عندي 10 اخوان وابيهم يكونون اكبر مني
علشان يدلعوني ويلبون طلباتي وراح اشوف فيهم مختلف الشخصيات
بس الحين اتمنى لو ما كان عندي ..... استغفر الله العلي العظيم

وحسبي الله ونعم الوكيل






بس انا لحد الآن مستغربه من اخوي
ادري ان فيه اولاد كثير يتغيرون بعد الزواج

بس اخوي ليه يبغاني اتغير واصير مثل زوجته؟؟؟

وليه اهو يصير غبي وبدون تفكير امام تصرفات زوجته ؟؟

وليه لحد الآن هو زعلان؟؟؟

انا ما احب احمل على الناس مشاعر بغيضة وابغى اتخلص من هذى المشاعر تجاه زوجة اخوي
وما راح اتخلص منها إلا اذا كلمت اخوي
فيا ترى شنو الطريقه الانسب علشان اصارحه؟؟
بدون اي مشاكل؟؟؟




ساعدوني جزاكم الله خيرا.....

[Salma1]

وعليكِ السلام ورحمة الله وبركاته
حياك الله اختي
الحلا كله


قرات قصتك.. وما يجول بخاطري الان هو المهم في القصة
وهي اعادة الثقة والعلاقة الطيبة المستقرة بينك وبين اخوكِ كما تتمناها اي اخت
محبة لعائلتها واخوتها..

وعليكِ ان تصارحيه بكلمات محدودة كي توصلي اليه فكرتك باختصار ودون جدال.
انه اذا اراد ان تستقر الامور وهي ليست سيئة..فعليه الاستماع الى رأيك بالموضوع
وان هدفك ونيتك صافية معهم جميعا..
ثم اتركي الامر له...فبذلك تكوني عملتِ ما يمليه عليك ضميرك
وتتخلصي من عناء التفكير..

ثم ان علاقة الزوج بزوجته خصوصا ان كان يحبها .... يشعر يا اختي ان زوجته
جزء لا يتجزأ من حياته
فلا يحب ان يخرج الا برفقتها خصوصا انك ذكرتِ ان زواجه تم منذ ستة اشهر..
فهذا طبيعي جدا ..وعليكِ ان تراعي هذه النقطة..

ولكن من حقك ان ترشديه اذا تم فتح قناة حوار بينكما وان تخبريه عن رأيك به بتغيره
على ان لا تحاولي الصاق الاسباب بالزوجة.. فذلك يعتبر عند
الاغلب تحريض غير مباشر..

بل ذكريه الالتزام والموسيقى وتمني له الهداية وابقي ثابته على دينك
وموقفك امامه
وتحملي لو صدر منه اي استهزاء فلا تدخلي معه في جدال وتشاحن ابدا..
لعله يهتدي ويستفيق من غفلته..


وايضا ضعي علاقتك بزوجة اخيك ضمن اطار محدد مبني على الاحترام
وعدم الخوض في الخصوصيات مهما كان الظرف..

فانت الرابحة في النهاية..
وطالما انك تشكين بانها تفتن بينك وبين أخيكِ فلا تتكلمي امامها الا بما يلزم..

واحتسبي غير ذلك عند الله تعالى..

ايضا نقطة مهمة زوجة الاخ تحب ان تسمع الكلمات الطيبة من أخوات الزوج
حتى يحن قلبها عليهن وتألفهن بسرعة
فالكلمة الطيب يا حلا مفتاح المحبة ونجاح العلاقات بين الناس وسببا
رئيسا لهداية الكثيرين..



وفقك الله لكل خير غاليتي.

[the sad_dew]

حبيبتى لا استطبع ان اتكلم بعد كلام ام طلال الجميل ولكنى اشعر بك حبيبتى حاجه تغيظ عموما حاولى ان تتجاهلى الموضوع وتسمى بنفسك عن هذه المشكلات وانا ارى فيكى القدرة على ذلك لنفسك الجميله التى لاحظتها عليكى و ربنا معاكى

[OOدانة الدنياOO]

تجاهلي الموضوع وتعاملي مع اخيك بحيادية ........................... وعموما بعض الرجال يشوف امراته هي الصح وكل ش تسويهOK

[الحلا-كلـــه]

وعليكِ السلام ورحمة الله وبركاته
حياك الله اختي

الحلا كله

قرات قصتك.. وما يجول بخاطري الان هو المهم في القصة
وهي اعادة الثقة والعلاقة الطيبة المستقرة بينك وبين اخوكِ كما تتمناها اي اخت
محبة لعائلتها واخوتها..

وعليكِ ان تصارحيه بكلمات محدودة كي توصلي اليه فكرتك باختصار ودون جدال.
انه اذا اراد ان تستقر الامور وهي ليست سيئة..فعليه الاستماع الى رأيك بالموضوع
وان هدفك ونيتك صافية معهم جميعا..
ثم اتركي الامر له...فبذلك تكوني عملتِ ما يمليه عليك ضميرك
وتتخلصي من عناء التفكير..

ثم ان علاقة الزوج بزوجته خصوصا ان كان يحبها .... يشعر يا اختي ان زوجته
جزء لا يتجزأ من حياته
فلا يحب ان يخرج الا برفقتها خصوصا انك ذكرتِ ان زواجه تم منذ ستة اشهر..
فهذا طبيعي جدا ..وعليكِ ان تراعي هذه النقطة..

ولكن من حقك ان ترشديه اذا تم فتح قناة حوار بينكما وان تخبريه عن رأيك به بتغيره
على ان لا تحاولي الصاق الاسباب بالزوجة.. فذلك يعتبر عند
الاغلب تحريض غير مباشر..

بل ذكريه الالتزام والموسيقى وتمني له الهداية وابقي ثابته على دينك
وموقفك امامه
وتحملي لو صدر منه اي استهزاء فلا تدخلي معه في جدال وتشاحن ابدا..
لعله يهتدي ويستفيق من غفلته..

وايضا ضعي علاقتك بزوجة اخيك ضمن اطار محدد مبني على الاحترام
وعدم الخوض في الخصوصيات مهما كان الظرف..

فانت الرابحة في النهاية..
وطالما انك تشكين بانها تفتن بينك وبين أخيكِ فلا تتكلمي امامها الا بما يلزم..

واحتسبي غير ذلك عند الله تعالى..

ايضا نقطة مهمة زوجة الاخ تحب ان تسمع الكلمات الطيبة من أخوات الزوج
حتى يحن قلبها عليهن وتألفهن بسرعة
فالكلمة الطيب يا حلا مفتاح المحبة ونجاح العلاقات بين الناس وسببا
رئيسا لهداية الكثيرين..

وفقك الله لكل خير غاليتي.

مشكووووورة اختي كلامك ريحني
وانا تاخرت في الرد بسبب سالفه جديدة صارت
لا حول ولا قوة إلا بالله

زوجه اخوي صادها جفاف وترقدت في المستشفى
ولما اخوي راح يرجعها البيت قامت تبكي وتقوله وصلني كلام إن اختك تقول عني كلام مو زين وتشوه سمعتي واختك من وين تعرف هذا الشي اكييييد امك اللي قالت لها...
اخوي رجعها البيت واهو غضبان ومعصب ومكشر وحالته حاله...
بس اهو ما قدر يستحمل وكلم امي...
طبعا اخوي كبر في عيني هذي المرة لانه راح كلم امي وقالها يمه ترى زوجتي تقول كيت وكيت فهل كلامها صحيح؟؟

امي عصبت وقالت له اشلون زوجتك تقول كذا وامي اتصلت في اختي واختي كلمت اخوي وقالت له خلني اكلم زوجتك علشان اعرف مين قالها...
( مع العلم ان اختي متزوجه وعندها 4 اطفال ووالله والله ما تقول هالكلام لان الكلام اللي قالته زوجه اخوي ما ينقال!! وبعدين سمعتها من سمعه اخوي اشلون تفكر تسوي كذا...)
طبعا زوجه اخوي قالت ان زوجه اخوها اهي اللي قالت لها..
فاختي اخذت المصحف الشريف وراحت لزوجه اخوها وقالت لها ابغاك تحلفين على المصحف وتقولين اذا قلت لك كلام زي هذا ولا لا؟؟
طبعا زوجه اخوها قامت تصارخ وتقول انا ما قلت شي ومادري شنو...
يعني سالفه ملفقه...
قامت ام زوجه اخوي اعترفت وقالت يمكن انا فهمت الموضوع غلط... اي موضوع واي خرابيط؟؟
يعني امها اهي اللي قالت لها تقول هالكلام...



فبصراحه بعد ذي السالفه انا ابتعدت عنها اكثر...
اخاف تقول شي عني او تلفق علي شي...


مع انه والله انه كنت اعاملها احسن معامله وادافع عنها قدام الناس لانه واااااايد ناس انتقدوها وانتقدوا امها
وكنت ادافع عنها وما آخذ لي شي من السوق إلا ولازم آخذ لها
وما آكل إلا وياها حتى لو شي بسيط
وما اخليها تحس انها بروحها كله اقعد وياها ونسولف



فانا ابغى اعرف اهي ليش تسوي كذا؟؟؟

[ام قتادة]

سلام الله عليك
صدقا تأثرت لحالك وأسأل الله الكريم أن يسخر لك أخوك ويريح بالك يارب
وقلت في نفسي لو كنت أنا زوجة أخيك لكنت نعم الأخت لك ولا أتركه يغضبك أبدا ما دمت مؤدبة وملتزمة
بارك الرحمن فيك وأوصيك بالدعاء والاستغفار ولا تنسيني من دعائك
على فكرة رسالتك لأخيك رائعة واصلي في الكتابة

[رعشة أهداب]

لاحول ولا قوة الا بالله

يقول ابن القيم

التغافل عن الأخطاء تسعة اعشار الخلق

اتمنى انك فهمتيها

[القلب الطيب**]

لاحول ولاقوة الابالله شر البليه مايضحك
يا اختي وانا اقرا كلامك مره ازعل علشانك واقول معقوووووول
ومرة امووووووووت من الضحك وش هالسخف هذا الي فيه زوجة اخوج
هذه سخيييييييييييفه لاتردين عليهاواذا خاطبكم الجاهلون قولوا سلاااااما عطيها حقها بس عشان اخوج مبين عليه يحبج اخوج
بس مو قادر من زوجته السخيفه

كانا الله في عونج والله يظهر حقج وحق اختج المسكينه.
ودمتي في حفظ الله ورعايته