الحقونىىىىىىىى الراجل ده حيجننىىىىىىىىىىىىىى

[f_love_m]

حفيدة ابن القيم
مشكورة على الرد ويارب ييسرلك امرك انتى الاخرى
ويهديلك اهلك ويحنن قلبهم عليكى

[f_love_m]

الاخت ورد الوجنتين مشكورة على الرد والمتابعة انا على فكرة مخطوبة وعقد القران انشاء الله فى الصيف
اما بالنسبة لانى اعتابه فياريت تقرى ردى على حبيبة قلب امها

[f_love_m]

الاخت ورد الوجتين انا جاوبتك بس لى سؤال ممكن
هو ليه انتى سالتى اذا كنت عاقدة ام لا ؟

[نصيحتي لكم]

السلام عليكم...

تطورت الأحداث و الحمد لله الأمور على ما يرام..

و الآن بعد أن إتصل... يا سلام... حاسبيه و أشعريه بخطئه .... لكن بطريقة غير مباشرة...

لا أنصحك أن تجعلي هده الواقعة تمر بسلااام... لانه إدا لم يجد من يردعه ... سيكررها... و

يكررها..ولا أضن انك تريدين المقاطعة لايام اخرى....

أختي عندما يحدثك في الهاتف ... جاوبيه... تحدثي معه... بكل هدوء و عفوية...

لكن إن أراد أن يعاتبك ... أو يلومك

أخبريه أنه من الاحسن له أن يسكت و يسكت و يسكت...

و أخبريه ان ما يعتبره أخطاء قمتي أنتي بها... هي تصرفات طبيعية و نطقية..

ثم إن رأته لازال يريد العتاب ... فل نفتح الصفحة و نبدأ في لومه..

1_ هانت عليك خطيبتك 10 أياااااام..

2_لم تسأل عنها و عن أحوالها

3_كنت تنام و ترتاح... و انتي تتصلين و لا مجيب

4_ تعطي الأولوية للعمل وربما الأدقاء.. و أين مكان حبيبتك في حياتك؟

5_دائما نتفق على موعد تم تقوم بإلغائه

6.... و 7..... و8.......

ثم أخبريه أنك لا تحبين أن تعاتبيه إلا أنه أجبرك... و لا تتحدتي بطريقة خشنة لأنك أنثى فلا

تنسي أثناء عتابك له أن تشعريه بحبك...

أختك هاجر

و لا تنسي أن تطلعيني على آخر أخباركم

و دمتم سالميييين...

[حبيبة قلب امها]

أذيك يا طماطم عاملة أيه دلوقت أنا طلعت من النت ساعتها قمت اصلى وأشوف شغل البيت أنتى عملتى أيه وأيه الجديد

[f_love_m]

السلام عليكم
مشكورة هاجر ولكن
هو انا اللى غلطانه من الاساس و غلطى يغطى على غلطه ولو كنتى متابعة الردود حتعرفى انى ناويه اعتابه بس لما نتقابل


بالنسبه لحبيبه ايه يا جميل على فكره هو لسه مكلمنى وقالف معايه وكان عتابه منطقى وكان معاه الحق بس مين سيبته يتكلم وبعدين قمت لفيته بكلمتين
وان شاء الله من النهارده حيتعامل منى باسلوب تانى خالص وانا نويت بقى وانتى عارفة لما واحدة تنوى على حاجة بس انتى واخواتى نفسكوا معايا انا عايزة اخليه ينبهر باسلوبى الجديد وميبقاش قادر على بعدى بينى وبينك انا زودتها معاه لحد الواد ما كان قرب يزهق
اوكى على فكرة ما قلتليش اسمك
منتظرة ردك

[ghada ali]

اولا الحمد لله اني اما نويت ارد عليكي كانت المشكله خلصت
ثانيا كل ما انت فيه من مشاكل طبيعيه جدا و كلنا مرينا بها كتييييييييييييييييييييييييير جدا
اهم حاجه في المرحله اللي انت فيها دي انك تحطي قواعد طريقه تعاملكم مع بعض بمنتهى الرقه و الانوثه و احيانا الغضب و لكن بدون ارتفاع صوت "يا ما ضيعت حقي بسبب ارتفاع صوتي"
و لكن بعد استمرار 9 سنوات زواج و سنتين خطوبه اقول لكي ان اهم شئ هو الحوار في كل كبيرة و صغيرة في الحلو والوحش متسيبيش حاجه واحده تعدي منك
بس اوعي و انت بتقولي الوحش تفضلي تقولي كله وحش عشان ميتخنقش لان كل الرجاله خلقها ضيق اوي بالذات من كثرة الانتقادات يعني لازم تخلي حاجه واحده بتضايقك في وسط كلام حلو اوي و اوعي تنسي تصعب عليكي نفسك في النص و تعيطي شويه و بجد ده مش بيكون تمثيل بيكون حقيقي
لان المشكله ان ربنا خلقنا هما كل حاجه في حياتنا مهما كترت مشاكلنا و انشغالتنا لكن الدنيا بتبقى حلوة اوي طول ما احنا حلوين مع بعض مهما كانت مليانه مشاكل
و بتبقى وحشه اوي اما بنكون متخانقين مهما كانت مليانه افراح و مباهج
ربنا يارب يهدي سرك و يكملك على خير و حاولي زي ما البنات قالولك جزاهم الله كل خير مدخليش مشاكل العيله في مشاكلكم المهم تبقوا انتو سمنه على عسل و ساعتها هتعرفي تقولي كل اللي في نفسك بس بذكاء
معلش طولت عليكي يارب اكون افدتك في حاجه و لو بسيطه

[حبيبة قلب امها]

ايوه يا طماطم معلش أصل مشغوله شوية كويس التطورات دى وربنا يهدى سركم ويبعد عنكم الشيطان وسايسيه يا بنتى معلش وفى نفس الوقت خدى حقك بعقل ورزانه لكن لابد من وضع قواعد لحياتكم من دلوقت علشان تمشو عليها وبعدين قوليله فى مبدأ طالما أنت بتحبنى وأنا بحبك يبقى كل واحد يعمل اللى يحبو الطرف الثانى دايما انا وزوجى نقول لبعض كدة.......أما بخصوص أسمى فا دلعى هبهوب يبقى أسمى أيه قولى أنتى بقى لازم أحيرك شوية......أنتى بقى منين فى مصر.

[ghada ali]

ايوه يا طماطم معلش أصل مشغوله شوية كويس التطورات دى وربنا يهدى سركم ويبعد عنكم الشيطان وسايسيه يا بنتى معلش وفى نفس الوقت خدى حقك بعقل ورزانه لكن لابد من وضع قواعد لحياتكم من دلوقت علشان تمشو عليها وبعدين قوليله فى مبدأ طالما أنت بتحبنى وأنا بحبك يبقى كل واحد يعمل اللى يحبو الطرف الثانى دايما انا وزوجى نقول لبعض كدة.......أما بخصوص أسمى فا دلعى هبهوب يبقى أسمى أيه قولى أنتى بقى لازم أحيرك شوية......أنتى بقى منين فى مصر.

يبقى انت كده هبه تشرفنا يا هبه انت متجوزه من امتى احب اتعرف عليكي

[حبيبة قلب امها]

برافو عليكى يا غادة كنت عايزة أدوخ طماطم شوية بس يلا أنا متزوجة من 5 سنوات ويسعدنى جداً التعارف عليكى

[f_love_m]

السلام عليكم ازيك يا غادة على فكرة كلامك جميل جدا ومنطقى زى باقى الاخوات وانا متشكرة على النصيحة والرد

بالنسبه لهبهوب انا عرفت اسمك من اول ما قولتى اسم الدلع يا حبيبى
بس غادة سبقتنى على فكرة انا معظم اصحابى اسمهم هبه والغالين كمان
انا من اسكندرية يا جميل
على فكرة انا كمان اليومين دول مشغولة بس انا بدخل عشان اكلمكو من وقت للتانى فى اليوم انتوا عارفين بقى بنجهز لبينت اللى حيلتنا هههههههههههه
لعلموكوا انا فرحانة بيها جدا اصلها ختى الوحيدة واللى اصغر منى بس تصوروا اعقل منى وبتتصرف مع خطيبها بعقل عنى
عموما انشاء الله انا موجودة على طول

[حبيبة قلب امها]

طماطم تصدقى وتأمنى بأيه حسيت أنك أسكندرانية من كام كلمة من كلامك دا انا خبره بقى

[ghada ali]

اتشرفت بيكو يا بنات
هبهوبه ربنا يكرمك و 5 سنين يبقوا 50 انت منين في مصر انا شخصيا من مدينة نصر و مهندسة كمبيوتر متقاعده ههههههههههه بربي الفرسان التلاته او هما اللي بيربوني ههههههههه علي و عبد الرحمن و محمد
و انت يا طمطم يارب يكون بوجي بخير ههههههههههههههههههههههه و يهدي سركوا دايما
على فكرة يا طمطم انا اتعرفت على بنات اسكندرانيه كتير هنا في المنتدى و كلهم زيك زي العسل
ربنا يكمل لاختك و يكملك على خير ان شاء الله انتو ز كل بنات المسلمين

[منمن19]

حبيبتى طماطم
انا متابعه موضوعك والحمد لله انه اتصل
اسمعى كلام هبهوبه الرجاله تموت فى السهوكه بس فى نفس الوقت خليكى قويه


بس والله حسيت انك من اسكندريه انا كمان اسكندرانيه زيك
انتى منين فى اسكندريه؟؟؟؟؟؟

[حبيبة قلب امها]

منمن أشكرك لأتأيدك والله شكلى هيكون لى شعبية وأقدر أرشح نفسى لمجلس الشعب طماطم شكلها بتاكل رز مع المليكة
أه على فكرة أنا اللى سمتها طماطم حقوق الطبع محفوظة