هل تعاملى أم زوجك(حماتك ) مثل امك تعلى نشوف ,,,,,,,,,

[sefo2]

موضوع صعب فعلا حبيت اطرحة عليكو يمكن نتعلم من بعض كيفية التعامل مع الحما
انا عن نفسى كنت بعامل حماتى زى أمى لكنى وجدت ان حماتى مش بتعاملنى زى بنتها بالتالى غيرت معاملتى معاها فى حين انى بشوف أمى تعامل زوجة اخى احسن مننا احنا بناتها .
لكنى ويعلم ربى انى لا أحرض زوجى على أمة بل بالعكس دايما أخلية يرضيها
يلا تعالو احكولنا بتعملو اية مع ام زوجك (0حماتك ) وتعملى اية لو شفتى مامتك تعامل مرات اخوكى كويس وحماتك مش بتعاملك كويس

[همسات المطر]

انا اشوف ان الحماة اكيد لن نحبها مثل الام لكن نجاملها
فاامي احبها وام زوجي اجاملها

[sefo2]

انا اشوف ان الحماة اكيد لن نحبها مثل الام لكن نجاملها
فاامي احبها وام زوجي اجاملها

حبيبتى فعلا عندك حق بس انا مش بقول عن انك تحبيها بس هل بتراعى فى معاملتها انك تعامليه زى امك وطبعا المجاملة برضة من انواع المعاملة وهل بتجامليها عشان هى تستاهل وبتتعامل معاكى كدة ولا عشان جوزك ميزعلش
كل دى حاجات واسئلة لكل وحدة عندها حما ة

[yehia2007]

موضوع جميل جدا ومفيد علشان الكل يقدر يستفيد ازاى يتعامل مع حماته
بس للاسف انا معنديش تجربه شخصيه لان حماتى وحمايه متوفيين من قبل ما اتجوز
عموما لو كانت حماتى ست كويسه معاها حشيلها فى عينيا
اما لووووووووو حتعامل معاها بحرص وحتجنبها علشان المشاكل وحخصص يوم كل اسبوع او 10 ايام ازورها زياره عاديه مش لازم يوم كامل هما ساعتين وخلاص واعملها حاجه حلوه واخدها معايا وخلاص عشان اريح نفسى من وجع الدماغ لكن لو حرقت دمى فى الزياره هههههههههه وده اكيد وارد حغيب عليها فى الزيارات وحسال بالتليفون وخلاص كل كم يوم

[جمووون]

انا الحمدلله اعاملها مثل امي لانها هي كمان
تعاملني مثل بنتها ولو انه فيه اختلاف
بس الحمدلله اذا ماجاني منها شي
وادعي ربي ان يوفق بيننا
الله يعينا على الحق

[منتقبة سكندرية وافتخر]

اولا ازيك يا سيفو
ثانيا انا مش بعامل حماتي على انها زي أمي لأن الفرق كبير بينهم وحماتي بتعاملني على اني خطفت ابنها منها مع اني حاولت معاها كتير وقربت منها بس مفيش فايده واتضح ان ده في العيله كلها عندهم حتى اخت جوزي برضه مش بتسأل عليا ولا بتحاول تقرب مني لو انا اتصلت خير وبركة لو ما اتصلتش يبقى خلاص

[sefo2]

اهلا اميرة واللة امهات كتير بتعامل مرات الابن على انها اخدت منها ابنها واخت جوزك دايما تلاقيها معاكى ندية خاصة لو سنكو قريب دا مشكلة عندى لان اخوات جوزى واحدة اصغر منى بسنة وواحدة اكبر منى بسنة شوفتى
وحماتى دايما كانت تحنى ان كل حاجة بعملها عادية حتى هرى مع الولد وهو صغير كانت تقولى كلنا كدة ماشى انا معاها ان كل ام كدة بس تعالى لما بنتها حصل معاها كدة عمالة تقول ياعينى البنت مش بتنيمها ووراها شغل البيت وطلبات جوزها قلتلها ماكلنا كدة ههههههههه
طبعا اتغاظت منى اكتر هههههههه
يلا ربنا يهدينا ويهديهم بس نفسى اعرف هل انا غلط لما ارد لها كل حاجة بتعملها معايا بس انا بشر وياما قدمت السبت وملقتش ولا يوم من ايام الاسيوع ههههههه

[azmiralda000]

موضوع جميل جدا ومفيد علشان الكل يقدر يستفيد ازاى يتعامل مع حماته
بس للاسف انا معنديش تجربه شخصيه لان حماتى وحمايه متوفيين من قبل ما اتجوز
عموما لو كانت حماتى ست كويسه معاها حشيلها فى عينيا
اما لووووووووو حتعامل معاها بحرص وحتجنبها علشان المشاكل وحخصص يوم كل اسبوع او 10 ايام ازورها زياره عاديه مش لازم يوم كامل هما ساعتين وخلاص واعملها حاجه حلوه واخدها معايا وخلاص عشان اريح نفسى من وجع الدماغ لكن لو حرقت دمى فى الزياره هههههههههه وده اكيد وارد حغيب عليها فى الزيارات وحسال بالتليفون وخلاص كل كم يوم

اولا انتى يا فين يا سمسمة واحشانى مش لاقياكى بقالى كتير

ثانيا انتى بتقولى (حخصص يوم كل اسبوع او 10 ايام ازورها زياره عاديه مش لازم يوم كامل هما ساعتين وخلاص واعملها حاجه حلوه واخدها معايا وخلاص عشان اريح نفسى من وجع الدماغ لكن لو حرقت دمى فى الزياره هههههههههه وده اكيد وارد حغيب عليها فى الزيارات وحسال بالتليفون وخلاص كل كم يوم)
بتقولى كده لأن ماعندكيش تجربة شخصية و اللى ايده فى الميه مش زى اللى ايده فى النار
أنك كنتى هتلاقى جوزك بيجبرك انك تكلميها كل يوم و تزوريها 7 مرات فى الأسبوع و حتى لو غاظت و بهدلتك و جننتك يبقى مش من حقك انك تزعلى من أمه و لازم تستحملى اى حاجة و تاخدى كلام زى السم و تضحكى و تقولى كماااااااااان


سيفو شكرا على الموضوع حلو وبيخلى الواحد يفضفض
طبعا حماتى مش زى امى بس بعاملها و بجاملها و مش بقصر معاها و بشجع جوزى على حسن معاملتها مع انه مش محتاج تشجيع ماشاء الله
هى كمان بتعاملنى كويس بس الحما حما مهما كان
بس انا كنت عارفة من من الأول ان عمرها ما هتعاملنى زى بناتها فبالتالى مش بعاملها زى امى

[azmiralda000]

اقول لكم قصتين كده من التراث على الحموات يعنى اساطير خرافية

بيقولك مرة واحدة ما كانتش عايزة تبقى حما ف جوزت ابنها لبنتها
ف بتقول فى الوش بنتى و فى الضهر مراة ابنى

يعنى مافيش فايدة حتى لو بنتها اتجوزت ابنها برضو الحما حما

[azmiralda000]

القصة التانية


بيقولك الحما جمعت الصيف و الشتا فى وقت واحد
بتقول لمراة ابنها ابعدى عن ابنى الجو حر سيبيه
و بتقول لبنتها قومى يالا جنب جوزك دفيه

[a-b-c]

واعاملها زي امي ليه هي اللي خلفتني

على فكرة كنت اعاملها اكثر من امي

لكن بصراحة طلعت ماتستحق ده حتى مستكترة علي اللقمة اللي باكلها
والهدمة اللي بالبسها
وعلى بناتها مش عايزة جيزانهم يقصروا عليهم في حاجة
كانهم اخديني من الشارع ولا جية اشحت منهم

انا بعدت نفسي عنها وقلت خلاص كل واحد في حال سبيله اللبسة اللي البسها تبص لي فيها

خلاص ربنا ليها
هي عايزة ابنها تاخذه

يكفوني اطفالي .

[samouha]

ازيك يا سيفو حلو الموضوع ده
بصى حماتى كويسه بعاملها كويس وهى بتعاملنى كويس وبتحبنى يمكن اكتر واحدة فى مرتات اخواتى لانى بريحها ودايما حقانيه فى الحق واقولها فى وشها بس بالادب بس عمرها م هتحبنى زى بنتها الوحيدة المهم نعاملها كويس وخلاص بس عمر الحما ما هتحب مرات الابن زى بنتها ابدا دى حاجه انا متأكدة منها يمكن فى حموات غير كده بس قليل اوى

[ghada00]

الموضوع ده يا بنات مالوش حل لان فعلا عمر الحما ما حتبقى ام غير في حالات قلييييييييييييلة جدا

انا عايشة مع حماتى في نفس البيت بس طبعا التعامل من بعيد لبعيد انا اصلا بشتغل و معنديش وقت لكن الامر ما

يسلمش من الغمز واللمز لانها من النوع اللى بيرمى كلام زى الطوب و مش عارفة رايح فين او الله اعلم ممكن

تكون بتقصد بس انا برد بمنتهى الادب او اسكت خااااااااااااالص واقعد في حالى كام يوم و ده بيضايقها اكتر

و الحمد لله على كل حال و طبعا زوجى عمره ما بيغلط امه علشان كده بطلت اشتكى له خالص و جبر الخواطر على الله

[sefo2]

واللة يا بنات حستونى انى مش لوحدى فى الهم دا بالرغم انى لما اشوف ماما تعامل مرات اخويا استغرب هى مش دى حما لكن واللة عمرها ماقالت لها كلمة وحشة دى كمان ممكن تزعق لاخويا عشانها وانا الاقى العكس مع حماتى تروحى مش عاجب متروحيش وتقصرى الشر برضة مش عاجب بس انا فرصتى دلوقتى ان جوزى مسافر فانا بعمل اللى انا عايزاة وهى طبعا مش لاقياة تشتكيلة منى هههههههههههههههه احسن انا فرحانة

[yehia2007]

اولا انتى يا فين يا سمسمة واحشانى مش لاقياكى بقالى كتير

ثانيا انتى بتقولى (حخصص يوم كل اسبوع او 10 ايام ازورها زياره عاديه مش لازم يوم كامل هما ساعتين وخلاص واعملها حاجه حلوه واخدها معايا وخلاص عشان اريح نفسى من وجع الدماغ لكن لو حرقت دمى فى الزياره هههههههههه وده اكيد وارد حغيب عليها فى الزيارات وحسال بالتليفون وخلاص كل كم يوم)
بتقولى كده لأن ماعندكيش تجربة شخصية و اللى ايده فى الميه مش زى اللى ايده فى النار
أنك كنتى هتلاقى جوزك بيجبرك انك تكلميها كل يوم و تزوريها 7 مرات فى الأسبوع و حتى لو غاظت و بهدلتك و جننتك يبقى مش من حقك انك تزعلى من أمه و لازم تستحملى اى حاجة و تاخدى كلام زى السم و تضحكى و تقولى كماااااااااان


سيفو شكرا على الموضوع حلو وبيخلى الواحد يفضفض
طبعا حماتى مش زى امى بس بعاملها و بجاملها و مش بقصر معاها و بشجع جوزى على حسن معاملتها مع انه مش محتاج تشجيع ماشاء الله
هى كمان بتعاملنى كويس بس الحما حما مهما كان
بس انا كنت عارفة من من الأول ان عمرها ما هتعاملنى زى بناتها فبالتالى مش بعاملها زى امى

اهلا يا هند ازيك انتى كمان وحشانى اوى
ههههههههه ضحكتينى على حماتك انا ليا وحده صاحبتى حماتها مجنناها وجوزها اخييييييييرا لما خد باله اتفق معاها انهم ميروحوش كل اسبوع يغيبو بالاسبوعين ويروحو وهو لو عايز يروح لوحده يروح بس بيسألو عليها بالتليفون وده طبعا بسبب المشاكل اللى حماتها عاملاها والتفرقه بينها وبين بنتها
لانها بتعامل بنتها احسن ما بتعامل اخوها اللى هو جوز صاحبتى حتى بتفرق بين احفادها كمان وبتضرب ابن صاحبتى اللى هو ابن ابنها ههههههههه طبعا صاحبتى بقت بتزعل ومش بتقبل ان ابنها يتعامل المعامله دى وكمان صعبانه عليها ان حماتها تعامل بنتها وابنها كويس وهى لاء يعنى نفس القصه تقريبا
المهم هما ريحو دماغهم وقللو الزيارات خالص
ده طبعا غير انهم على طول طلبات من ابنهم اللى هو جوز صاحبتى ولازم كل ما ييجى يطلبو حاجات مع انهم مقتدرين ماديا كويس جدااااااا لكن لموضوع غلاسه وخلاص