الحب مش كل حاجة !!!!

[dananan]

[align=center]

امبارح الساعة 2 بالليل قمت مفزوعة على صوت عالى و دربكة
راجل و ست متجوزين نازلين فى بعض خناق و شتيمة و مفرجين علهم الشارع
وكانهم اتنين قاعدين على قهوة
المهم
انا سمعتهم اترعبت
قعدت افكر
ايه اللى يوصل اتنين بينهم حياة و عشرة انهم يعملوا فى بعض كده
قلت اكيد مكانش بينهم حب
لقيت ان فى ناس كتير كده و كانوا بيحبوا بعض قبل الجواز
و كل ما اتكلم مع حد متجوز يقولى الحب مش كل حاجة
قبل الجواز غير بعد الجواز
النهاردة خيال و حب و كلام حلو
بكرة عيال و مدارس و اكل و شرب و انسى لو سمعتى كلمة حلوة
ده كله كلام الشباب بياكل دماغكم بيه
طيب ان كان الموضوع بعيد عن الحب
فين العشرة بالمعروف و الادب و حسن الخلق
فين الاحترام اللى بين الراجل و الست مهماكانت الظروف
ده جزء من الكلام اللى بنسمعه فى حياتنا من معظم الناس و من اهالينا يعنى حتى اللى بيحب و عايش فى احلامه يقوم يتفزع على كابوس زى ده
طيب ده بعد الجواز
الغلابة اللى زى حلاتنا دلوقت بيبقوا عايزين حاجات صغيرة بتفرحهم
كلمة رقيقة
وردة حلوة



و حتى مش بس كلام وورد
الحب ده نعمة ورزق من عند ربنا
احيانا الجواز من غير حب بيستمر و بيبقى ناجح بس كمان لو كان مكمل له الحب اعتقد هتفرق كتير



تفتكروا الصح فين
[/align]

[موناليزا 2006]

أري ان هناك مشاعر اسمى و أبقى من الحب كالرحمة و المودة و الاحترام و هذا من شانه ان يعزز الميثاق العظيم الذى خصه قراننا بالذكر و الذى يجعل الزوج إذا أحب زوجته أكرمها و إذا لم يحبها لم يظلمها أتمنى للجيمع حياة ملؤها السكينة و الرحمة