انا عندى سؤال بس هوه مجرد فضفضه نفسى توصل لاخويا وقدوتى .انا بمر بفتره صعبه .كان فى شخص متقدم لى والمفروض انه متدين وكان طالب بنت متدينه وحصل قبول وتعارف وبعد فتره من الخطوبه سالنى ايه رايك فى الاختلاط ,قلت له انه مش رائى انا احنا متفقين ان اى اختلاف بينا نحكم فيه الكتاب والسنه ,فقال بس انا اهلى مينفعش معاهم كده وانه متعود على الاختلاط والهزار مع اقاربه سواء بنات او اولاد وتقريبا مختلفناش غير فى النقطه ديه ,المهم ان الموضوع وقف بسبب الاختلاط على الرغم من انه متدين .وكان مستغرب ان الستات بتقعد مع بعض والرجاله مع بعض .حسيت بقول الرسول صلى الله عليه وسلم (بدأ الاسلام غريبا وسيعود غريبا)وكان كل اسبابه لالغاء الارتباط زى ما قال واقسم بكده ان مستوى الدين عندى اعلى من مستواه كل ده بالرغم انه المفروض متدين .انا حسيت بظلم لان المفروض ان التدين يكون ميزه وليس عيب .لدرجه انه كان بيقول لشخص ما( ان بين الاسرتين مفيش تكافؤ دينى ده همه متدينين لدرجه ان مامتها مش بتبصلى وهيه بتتكلم معايا)بقينا فى زمن غض البصر فيه حرام . معرفش كانت صدمه بالنسبه لى جامده اوى لانها جت فى الدين يعنى والله لو كانت فى حاجه فيه سواء اسلوب او تفكير او اى حاجه تانيه كانت اهون كتير.انا حاسه انى فقدت الثقه حتى فى المتدينين ,مع ان نفس الشخص ده كان خاطب وخطيبته سابته فقال لى انه مش مدايئ من انها هيه اللى سابته لانها سابته علشان حاجه فى عقيدته لانه كان عاوز يعمل فرح اسلامى ومش عاوزها تحط ميك اب ولا تسلم على اقاربها.
معرفش دلوقتى الشباب الا من رحم ربىبياخدو من الدين اللى عاجبهم وعلى مزاجهم وعاوزين يكونوا متدينين وفى نفس الوقت مش عاوزين يستغنوا عن حاجات فى الدينا .
انا بكتب لانى مستغربة اول مره اتحط فى موقف كده .حسيت ان الدنيا غريبه .لدرجه انى مره كنت ماشيه فى الشارع بقول ياترى انا صح ولا غلط؟
معرفش دلوقتى الشباب الا من رحم ربىبياخدو من الدين اللى عاجبهم وعلى مزاجهم وعاوزين يكونوا متدينين وفى نفس الوقت مش عاوزين يستغنوا عن حاجات فى الدينا .
انا بكتب لانى مستغربة اول مره اتحط فى موقف كده .حسيت ان الدنيا غريبه .لدرجه انى مره كنت ماشيه فى الشارع بقول ياترى انا صح ولا غلط؟
تعليق