Oo لسعوديـــــــ فقط ــــــاتoO

[عروسة الأستاذ]

مرحبـــــــــــــــــــ أخواتي ـــــــــــــــــــــا

أحب أدخل في الموضوع على طول
بصراحه في مضوع خطير وهو زواج السعودية من الأجنبي
أحب أعرف أرائكم حول هذه النقطة
وما لها من سلبيات وإيجابيات
الموضوع مو جديد عليكم أكيد بس صدقوني منتشر كثير عندنا

وبصراحة أكثر في وحدة تعز عليا كثير وفي نفس الوقت قريبتي
خطبها واحد من جنسية باكستانية
وهي موافقة لأنها خايفة من العنوسة صحيح مو كبيرة
بس البنت ودها تفرح بنفسها وأنتوا عارفين قصدي

لاكن الأن نجي لأهلها
هم بصراحة رفضوا الموضوع بس ماجها نصيب
وأهل العريس ضلوا يكلمونا فترة ألين البنت أقتنعت وتعلقت فيه وحبته كمان
والكل عاذرها

عموما ياليت الكل يتحمس معايا على الموضوع
وأبي منكم أعطى أرائكم وأقتراحاتكم
وياليت كمان تخبروني عن الشروط الزواج من الأجنبي وخصوصاً
أنه مامعاه جنسية

ولكم تحياتي وشكراً

[عروسة الأستاذ]

ياخساره كنت أتمنى التفاعل
بس الظاهر محد مر عليه الموضوع

[الفراشة المضيئة]

ودي أعطيك رأي لاكن ماني سعودية لكن عايشة فيها

سامحيني والله ودي بس أخاف تزعلي

[عروسة الأستاذ]

ودي أعطيك رأي لاكن ماني سعودية لكن عايشة فيها

سامحيني والله ودي بس أخاف تزعلي

الله يسلمك أختي والحمد لله أنتي بين أهلك
وبعدين أنتي ماقصرتي كفاية ردك لي
تحياتـــــ( لك )ــــــي

[ل المثابرة]

بصراحة كقوانين ما اعرف
لكن رايي احسها صعبة
ليه ؟
الوحدة لما تتزوج من نفس البلد بس عايش في مدينة ثانية غير اللي اهلها فيها تحس بالموت لبعد المسافة
( هذا اللي صار معي)
فما بالك بجنسية غير
وفي النهاية هي واللي الله كاتبه لها ؟
لذا عليها بالاستخارة

[الفراشة المضيئة]

معليش حبيبتي اناملي لم تستطع
التوقف فأرجوك اقبلي عني هذا التدخل
الزواج من اجنبي
سؤاء أكان
شامي
امريكي
باكستاني
أفغاني
او خليجي
لابأس بالزواج به
والرسول صلى الله علية وسلم
قال:أذا اتاكم احداً من ترضو
دينة وخلقة فزوجوه)
وليس
جنسيته ونسبة

اتمنى انك تفهميني حبيبتي

فأنا لو جائني سعودي
لبناني
خليجي
فسوف أسالة عن دينة وخلقة
ثم أستخير
واذا كان خير اقبل لما لا

الله يسعدك على الموضوع الحلو زيك

[لوٍـوٍـوٍلــــي]

عادي مافيها شي بس مو باكستاني ولاهندي وينا فيه الا اذا كانت قريبه من جنسيته مثلا ان تكون فارسيه يعني ايرانيه ولا كازاخستانيه معليش ممكن في هذه الحاله تتزوج

اما رائيي لاباالله والف لا يااختي رجال لاهو من ثوبها ولا هي من ثوبه ولاتعرف طباعهم ولاهم من عاداتنا هم لون ونحن لون انا

اعترض وبشد ممكن في بداية الزواج تكون مرتاحه ومتطمنه بس اذا جاء الجد والعيال والحمل ذيك الساعه تتدهور الحاله ويطلع

على حقيقته ويمشيها على طبعه ويمكن ياخذها تعيش عنده في الباكستان وياحلولو ماراح تلقى من الاهل غير الشماته والرفض

لموضوع الطلاق ياغاليتي هالزواج والله له سلبيات كثيييييرة وانا ارفضه وبشدة ولاتنسين اسلوب معيشة باكستان فقر وحروب

ومشاكل والعيال راح يضيعون بين الام والاب من رائيي صديقتك تشوف لها خطابه تبحث لها عريس من بلدها افضل لها

مليووووون مره من الاجنبي ولاتزعلون من ردي وان تستخير الله وان شاء الله الله يرزقها بالرجل الصالح والذريه الصالحه والله

اعرف وحده خليجيه اصل وفصل تزوجت من سوري دون عن رضى اهلها وحملت واول ماولدت ماشافت وجه زوجها واللحين مرميه

عند اهلها حتى مادق يتطمن على ولده بحكم انها قالت ابنفس عند اهلي ومعروف عندنا يااهل الخليج الحرمه اول ماتولد تكون

نفاس ومحتاجه تكون بين اهلها في هالفتره الاربعين يوم يقومون بواجبها ويعطونها حوايج ويرمو عظمها على قول اخواننا

المصريين المهم جلست شهر على ماقامت بالسلامة وزعل يقول ليش جالسه طول هالفترة عند اهلك ومن هاك الحين ماكلمها ولاجاء

يشوف ولده ولاحتى سال عن نفقتها اذا هذا سوري وعربي مننا وفينا فما بالك باجنبي بيننا وبينه سبع بحور

وترى فيه جمعية اسمها جمعية اواصر تخدم هذه الحالات وتصرف لهم مرتبات شهريه وتوظفهم وتضمن الجنسيات للابناء اذا تاكدوا

من ان الاب تاركهم الله يساعدها ويعينها على بلواها وانتبهوا يابنات احسنوا الاختيار انا برائيي اعنس ولااتزوج اي احدوالسلام لابد

من حسن الاختيار لان هذا ارتباط وشراكه للعمر كله ادعوا الله لاخواتي الازواج الصالحين والذريات الصالحه وارجو ان لااحد يزعل من كلامي هذا رائ واختلاف الاراء لايفسد للود قضية

[عروسة الأستاذ]

ألف شكر لكم أخواتي
المثابرة
الفراشه
لووولي
بصراحة أسعدني مروركم

[االريم]

بصراحه أنا ماأيد زواج السعوديه من أجنبي لأنه من شروط الزواج الناجح هو التكافؤ الأجتماعي وأي تكافؤ بيكون بين سعوديه وباكستاني ؟؟؟؟؟؟؟؟

[الخنفشاريه]

انا من ناحيتي بختصرها لك واقولك زواج فاشل بمعنى الكلمه معليش حبيبتي خليجي مننا وفينا ايه لكن باكستاني مجرد التفكير بس ماافكروهذا ردي ولاتزعلين مني؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!! !!!!!!!!!!!!!!!

[** ورد طيبة **]

اختي الحبيبة ..
انا من اهل المدينة المنورة ..واعرف عاداتهم وتقاليدهم جيدا ..
اهل المدينة نوعان ..قبائل ..وغير قبائل ..
ان كانت صاحبة المشكلة من القبائل ..فلن يرضي اهلها بتزويجها إلا منهم ..يعني قبلي ..تموت ابنتهم ولا يزوجوها إلا لواحد مثلهم ..
وان كانت من الفئه الأخري ..فقد يوافقوا علي تزويجها ..والله اعلم ..
وانا برأي الفكرة مرفوضة وبشدة ,,لن ارضي لإبنتي ابدا ..بأن تتزوج من اي بلد ..

[عروسة الأستاذ]

أشكر لكم تفاعلكم
ومستحيل أزعل منكم
أنا أحترم رأيكم بشدة

[أحلى بيونة]

السلام عليكم
أنا مالي سعودية بس عايشة فيها
وأحب أن أعطيكم رأيي.....
بالحقيقة الأساس الدين والخلق لكن برأيي السعوديون للسعوديات والسعوديات للسعوديين ....هههههههه

[يطري على البال]

لالالالالالالالالالالالالالالالالالالالالالالالالا لالالالالالالالالالالا .تكفين لا لعدم وجود التوافق الثقافي ايضا لابد من وضع احتمال فشل العلاقة بوجودالاطفال مامصيرهم بغياب احد الابوين.فالنفكر بفلذات اكبادنا ونجنبهم حرمان الدفء الاسري

[أم وؤمة العسل]

أختي لتقولي باكستاني ولاغيره الأساس هو الدين وبعدين دوري وراه وشوفي مولود فين لأن هنا في السعودية في ناس كثير مولودين فيها ومالهم ولاء لغيرها وحتى لغاتهم مايعرفون يتكلمون بيها
أنا نيجيرية أبوية دخل السعودية وعمره 16 سنة والحين له أكثر من50 سنة يعني مولود ومتربية ولعلمك ما أعرف حتى أتكلم لغتي بالكاد أفهم يعني سعوديه بالعيشة ونجيرية بالجواز والله ماأعرف غير السعودية أدري أن الجنسية صعبة ولكن دايما أدعي ربي مايخرجني من مكة ولي زميلة باكستانية مثل حالتي ممكن هو حاول ياخذ سعودية عشان يعزز من انتمائه لهذي البلاد
أدري طولت ولكن حطيت يدك على الجرح يالغالية وتخيلي نفسك مكاني