الحقونى يا مغتربات مش هلحق اتهنى ببيتى ربنا يكرمكوا

[nancy kareem]

السلام عليكم و رخمة الله و بركاتة انا يا بنات ربنا كتب علية الغربة بعد 3 شهور من جوازى
همشى و اسيب بيتى و عفشى اللى تعبت فية انا و زوجى فى كل قشاية ربنا وحدة الى يعلم جت ازاى
و مشكلتى دلوقتى
ازاى احفظ عفشى العزيز من التراب و البهدلة و شقتى الصغنونة شقى العمر
افيدونى افادكم الله اعمل اية بالتفصيل

يعنى مثلا العفش اغطية ببلاستيك و لا قماش
اية رايئكوا فى البلاستيك بتاع تغليف الطعام
معلش افكارى مش مرتبة بس غصب عنى محتارة و خايفة اوى
ارجع الاقى البيت خراب دة انا ممكن اموت فيها
و لكم دعواتى من قلبى بظهر الغيب
ارجزكم كل واحدة سابت بيتها تقوللى اعمل اية ربنا يرجعكوا كلكوا لاهلكوا بالسلامة

[الحياة كلمات]

اختي الغالية نانسي كريم
في شركات متخصصة لتغليف الاثاث و هي تغلفه بطريقة سليمة و تترك مجال للتهوية فيه وايضا تضع بعض الادوية او ترش شيء لمنع وجود الحشرات و هذا الرش يتجدد من فترة لاخرى فترات متباعدة
لا انصحك بالنايلون
اعتقد لو تغطي الكنب بشيء مثل مفارش الاسرة قماش يكون افضل و ممكن تخلي خياطة تخيط لك كفر غطاء بمطاط على الجوانب تلبسيه للكنب بحيث اي غبرة ممكن تدخل تكون على الغطاء الخارجي
احيانا اطراف الشبابيك تكون غير محكمة الصقي نايلون حولها لمنع دخول الغبار من الخارج
اذا كان هناك مسافه بين قاع الباب و الارض تسمح بدخول اي شيء ضعي ممسحة قطعه قماش و اغلقي الباب و لا تخافي يا اختي الغالية و البرادي اذا قدرت تنزليهم نزليييهم عشان ما يتعبوا غبرة
و اقرأي قران بالبيت و ادعي قبل خروجك منه
و استودعيه الله الله تعالى لا تضيع ودائعه لا اله الا الله و الله تعالى خر الحافظين
اتمنى اكون افدتك اي استفسار انا مستعدة
و اتمنى لك حياة موفقة و سعيدة

[alaamedhat]

سلام عليكم
بصي ياستي انا برضه ربنا كتب علي الغربة بس بعد سنة ما قعدت في شقة العروسة
بصي اولا النجف ياستي لفيه بقماش وياريت لو يكون غامق(طبعا بعد تنضيفه) وفوق القماش حطي كيس اسمر كبير من بتاع القمامة يغطي النجفة كلها
ثانيا الاجهزة الكهربية كله نضفيها كويس جدا جدا جدا ولو عندك كراتين كل حاجة حطيها في كراتينها وهي في مكانها(يعني لبسيها الكرتونة في مكانها) وفي حاجات مثلا زي فرن البوتجاز حطي فيه فحم علشان ريحته متبقاش وحشة لما ترجعي بالسلامة
الثلاجة حطي علي الكاوتش بتاعها بودرة تلك 0علشان متنشفش) لحد ما ترجعي وحاولي تحطي فيها فحم برضه( جوه كيس طبعا) علشان يمص اي روايح فيها
ثالثا العفش زي الصالون او الانتريه
هاتي مشمع كبير من اللي بيتغطي بيه الغسيل في الشتا ولفي بيه كل القماش بتاع الفرش لحد ما يبانش منه اي حاجة وياريت لو كان عندك بياضات تغطي بيها كمان فوق المشمع ولفي المشمع ده بلزق عريض(من بتاع الكراتين)
والسراير ضوفي عندك كده ملايات قديمة غطي بيها السراير كلها (المراتب يعني )وتحت الملاية حطي صابون في كيسه علشان المراتب متعطنش
بالنسبة بقي للسجاد لفي السجاد بس قبل ما تلفيه هاتي فرشة بلاط وبليها بميه وشامبو سجاد وعدي علي كل السجادة علشان ترجع جديدة ونشري السجاد في الشمس لمدة 3 ايام لحد ما تحسي انه نشف
وبعدين لما تيجي تلفيه حطي فيه فلفل اسود حصي علشان ميعطنش ولفي اوله واخره بكيس كبير وحطي في الكيس نفتالين( شوية صغيرة) واربطيه كويس
وبالنسة بقي للشبابيك غطي الشبابيك بالاكياس ودبيسيها بدبابيس ضغط علشان متهربش تراب الا قليل قوي قوي
وبالنسة للدولاب والهدوم حاولي تلفي الفساتين والبدل والحاجة اللي تخافي عليها قوي كويس
وعلشان الهدوم تفضل كويسة ابقي حطي في كل ضلفة صابون بورقته علشان يفضل ريحته حلوة
والبالعات رشي حواليها بودية صراصير كتير والشبابيك وكل حاجة ممكن تدخل حشرات
علي فكرة اللي اناقلته لك انا علته فيث شقتي في مصر قبل ما اجي وديه من نصايح الشغالة وكل ما حد من اهلي بيروح الشقة بيقوولا الشقة زي ما تكوني لسه سايباه امبارح
لو عايزة حاجة تانية اساليني طبعا انا تحت امرك
متنسيش تبقي تسيبي مفتاح الشقة لحد علشان يشوفها كل شوية

[nancy kareem]

اختى الكريمة عبق الورود
اختى الكريمة alaamedhat ربنا يكرمكوا دنيا و اخرة يا رب و ينولكوا كل الللى فى بالكوا و يمتعكوا برؤية وجهة الكريم قادر على كل شىء بجد مش عارفة اشكركوا ازاى
كل ما املكة هو الدعاء لكم بكل الخير يا رب ربنا يبعد عنك كل الشر و يمتعكوا بالصحة و العافية و السعادة و الهنا طول العمر و لا تبعدوا ابدا عن احبابكوا و ناسكوا يا رب

انا سجلت كل اللى قلتولى علية و هنفذة بالحرف الواحد و ان شاء الله ربنا حافظ قبل كل شىء

[nancy kareem]

اخواتى نسيت اسالكوا بالنسبة للحاجات اللى فى النيش اللى مع السفرة افضى النيش و احط الحاجات فى كراتين يعنى الصينى و الكاسات و كدة و لا اغطى النيش باللى فية زى ما هوة كدة
و كمان حاجات المطبخ و الهدوم اشيلها و حطها فى شنط و كراتين و لا اسيبها فى الدواليب و اغطيها بالطريقة اللى قلتوا عليها

[alaamedhat]

لا بصي يانانسي جزاك الله خيرا عيل الدعاء
بالنسبة لحاجات الدواليب والنيش خليها زي ماهي لانها مش هتبوظ بس خدي بالك سدي منافذ النيش والدواليب بقطع قماش قديمة او بفلين علشان التراب
لانك لما تيجي جاية بالسلامة ان شاء الله تلاقي حاجتك زي ماهي
بس حاولي انك زيك ماقلت لك تحطي معطرات مع الهدوم في الدولاب وتلفي الهدوم الثمينة كويس جدا جدا واوعي تحطي نفتالين لان ريحته لما بتتركن بتبققي وحشة قوي قوي الصابون احسن منه ابقي افتحي الصابونة وخليا في كيسها وحطي في كل ضلفة
واما بالنسبة للنيش برضه سيبيه بس فيه معطر كده(جليد اكياس)حطيه فيه وحاولي انك تحطي ورق جرايد علي الزجاج بتاعه علشان يفضل بلمعته
اما حاجة المطبخ خليها زي ماهي بس الحلل الاستنلس لميها في كراتينها والخلاطات والكلام ده كله سيبيه في كراتبنه
وباقي احاجة زي ماهي
وبالمناسبة البطاطين والالحفة برضه صابون في كيسه وحطيهم في شنطة الحاف او البطانية بس خدي بالك هويه في الشمس الاول لمده 3 ايام كل يوم حووالي 5 ساعات علشان يشيل اي جراثيم فيهم
اوعي تنسي لو عندك حلة ضغط تبدري الكاوتش بتاعها ببودرة تلك الاطفال لحسن الكاوتش ينشف يبوظ
مهمة جدا الحتة ديه
لو عايزة اي حاجة تانية قلي انا تحت امرك

[نمارق النرجسية]

والله يأختي ما جربت الغربه وما أقدر أفيدك بشي وربي يكون معاك ويوفقك في حياتك

[نمارق النرجسية]

والله يأختي انا ما أقدر أعطيك رأيي لأني ما جربت الغربه وربي يكون معاك وين ما تروحي ويحرسك من كل شر .

[nancy kareem]

لا بصي يانانسي جزاك الله خيرا عيل الدعاء
بالنسبة لحاجات الدواليب والنيش خليها زي ماهي لانها مش هتبوظ بس خدي بالك سدي منافذ النيش والدواليب بقطع قماش قديمة او بفلين علشان التراب
لانك لما تيجي جاية بالسلامة ان شاء الله تلاقي حاجتك زي ماهي
بس حاولي انك زيك ماقلت لك تحطي معطرات مع الهدوم في الدولاب وتلفي الهدوم الثمينة كويس جدا جدا واوعي تحطي نفتالين لان ريحته لما بتتركن بتبققي وحشة قوي قوي الصابون احسن منه ابقي افتحي الصابونة وخليا في كيسها وحطي في كل ضلفة
واما بالنسبة للنيش برضه سيبيه بس فيه معطر كده(جليد اكياس)حطيه فيه وحاولي انك تحطي ورق جرايد علي الزجاج بتاعه علشان يفضل بلمعته
اما حاجة المطبخ خليها زي ماهي بس الحلل الاستنلس لميها في كراتينها والخلاطات والكلام ده كله سيبيه في كراتبنه
وباقي احاجة زي ماهي
وبالمناسبة البطاطين والالحفة برضه صابون في كيسه وحطيهم في شنطة الحاف او البطانية بس خدي بالك هويه في الشمس الاول لمده 3 ايام كل يوم حووالي 5 ساعات علشان يشيل اي جراثيم فيهم
اوعي تنسي لو عندك حلة ضغط تبدري الكاوتش بتاعها ببودرة تلك الاطفال لحسن الكاوتش ينشف يبوظ
مهمة جدا الحتة ديه
لو عايزة اي حاجة تانية قلي انا تحت امرك

و الله العظيم يا اختى الاء انت ما تتخيليش فدتينى اد اية دة انا كنت جايبة كيس نفتالين كبير و كنت ناوية املا الدنيا نفتالين
الحمد للة انك نبهتينى
ربنا يفك كربتك دنيا و اخرة يا رب زى ما ريحتينى تقبلى دعائى لك بظهر الغيب فى الفجر و قيام اليل

[nancy kareem]

والله يأختي انا ما أقدر أعطيك رأيي لأني ما جربت الغربه وربي يكون معاك وين ما تروحي ويحرسك من كل شر .

جزاك الله كل خير اختى على شعورك الجميل و لك مثل ما دعوتى و ربنا ما يكتب عليكى الغربة ابدا يا رب

[alaamedhat]

علي ايه احنا اخوات لو حتي مشفناش بعض
بصي خدي بالك ومتسمعيش كلام الناس الكبار اللي بيقولوا لك مفيش احسن من النفتالين ماهم كانوا بقولوا كده برضه
بس بعيد عنك لما بتحطي نفتالين وتيجي ترجعي بتحسي ان الشقة مكمكمة جدا جدا جدا جدا والريحة كمان بتعمل حساسية صدر وممكن الاس تفضل تكح يومين من الريحة
بس فيه دلوقت اختراع هو اما الصابون اللي قلت لك عليه
او فيه نفتالين عند بتوع الكيماويات(اللي بنشتري من عندهم الصابون السايل والكلور وكلور الالوان) عندهم نفتالين من غير يحة كويس قوي ممكن تبقي تجربيه
وبالمناسبة لما تغسلي التلاجة لو غسلتيها يعني اوعي تقفليها علي طول وهي لسة رطبة لحسن تعفن(انا تلاجتي عملت كده بس رجعنا غسلناها تاني) لازم تجيبي كراسي وتسنديها مفتوحة لمدة يوم علي الاقل لحد ما تنشف علشان ماتعفنش لاقدر الله
والمهم باكد عليكي تاني اوعي تنسي البودرة علي الكاوتش
واوعي تنسي بودرة الصراصير(من عند بتوع الكيماويات برضه) حطي تحت السرير تحت المراتب يعني تحت خشب السرير وفي كل الاركان برضه ضروروي
لو عايزة اي خدمات انا تحت لامرك اول ما افتح ارد عليكي من عنيه

[nancy kareem]

ربنا يجازيكى خير بكل حرف تعبتى نفسك و كتبتية لية و على النصائح الدقيقة اللى ممكن ما اخدش بالى منها و الحمد للة انى عندى لسة صابون كتير من اللى كان فى جهازى هستعملة زى ما قلتيلى بالظبط
و قلت لزجى على بودرة التلك و هيجبها النهاردة ان شاء الله
الاء هدى نسخة من المفتاح لماما لما اسافر كرمك تفتكرى تيجى كل اد اية
و اية المفروض يتعمل لما تيجى تتطمن على الشقة
و لو عندك حل لمنع الفيران انها تدخل الشقة ربنا يكرمك قليلى علية لحسن هتجنن خايفة تاكل العفش
بس حاجة غير السم لانى خايفة تموت و تتعفن فى الشقة انا قصدى حاجة تتطردها او تمنعها اصلا تدخل

[alaamedhat]

سلام عليكم معلش انا اسفة جدا علي التاخير في الرد لاني مفتحش النت قبل كده خالص
بصي بالنسبة للفيران عندك برضه عند بتوع الكيماويات او في الصيدليات لزق كده بتاع فيران والا له طعم والا لون والا ريحة والا اي حاجة خالص ابقي حطيه عند الشبابيك (من بره) وعند ابواب البلكونات لو علي مناور والا حاجة وفيه سم فيران برضه كويس قوي بيجيب سيولة في الدم للفيران علي طول ابقي حطيه في البلكونات
بس نصيحتي الاهم انك لو قفلتي الشقة كويس جدا جدا مش هتلاقي اي فيران تخشها ان شاء الله يعين مثلا البلكونات بتبقي بابين اقفليهم
وبالنسبة لماما لما تروح الشقة تبقي حريصة انها تعمل اي صوت في الشقة(لازم طبعا تشغل قران) وتحاول انها متحسسش حد من الجيران انها بتغيب عن الشقة خالص لان اغلب المشاكل لاقدر الله بتيجي ان الجيران بيعرفوا ان الشقة ديه معادش فيها رجل بتيجي وتروح
وتحاول انها مثلا لو فيه فوطة قديمة او اي قطعة هدوم قديمة تشطفها وتحطها علي حبل الغسيل مثلا علشان ميبانش ان مفيش حد في البيت يعني(قال ان فيه ناس وفيه غسيل وكده) وياريت لو تروح كل اسبوع وياريت لو يوم الجمعة
وتبقي تتطمن علي الشبابيك والابواب وكده
وياريت انك وانتي مسارة متاخديش معاكي اي مجوهرات خالص وسيبيها كلها عند ماما لانه خطر انك تاخديها معاكي طبعا
وياريت لو تشوفي حل في الكهربا والميه والتليفونات والغاز وكده يعني تتفقي مع حد انه يدفعهم لك علشان لما تيجي بالسلاة متلاقيش الحاجة ديه كلها قطعت وتقعدي تجري بالشهور علشان الكلام ده يرجع تاني يتوصل
وانيت بتقولي انك خايفة ان الفيران تموت في الشسقة فعندك اما انك تقفلي اشقة كويس جدا وده اكيد طبعا
والزق اللي بقولك عليه كويس جدا وتنشري علي الشبابيك من بره وارضية البلكونات السم لاللي بيعمل سيولة ده ده لانه بيموت في ظرف 5 دقايق فافار بيموت بره مبيلحقش يعمل حاجة ياحرام
هتلاقيه اما عند بتوع المبيدات الحشرية او في الصيدليات او في الصيدليات بتاعت الحاجات البيطرية
وربنا معاك يوانا هنا اهه لو عايزة اي حاجة انا تحت امرك
انتي منين ومسافرة فين؟

[nancy kareem]

عارفو يا الاء و الله العظيم انا مش لاقية اى كلام اعبرلك بية عن شكرى ليكى على تعبك معايا كل اللى هقدر اعملة دلوقتى انى ادعيلك بظهر الغيب و يا رب تكون مستجابة ان شاء الله

انا من مصر القاهرة و رايحة الامارات و انت

[alaamedhat]

سلام عليكم ازيك يانانسي
مفيش حاجة ده الواجب ربنا بس يجيبك بالسلامة
انا من مصر من طنطا ومسافرة الان في الصين بقالي اهه حوالي سنة
ربنا يرجعنا جميعا مصر بالسلامة ان شاء الله
لو عايز ةاي حاجة انا في الخدمة