اريد مساعدة من الحريم خاصة

[...نغم...]

هااااااااااااااي ياحلوات ..كيفكم؟؟..
أنا مقبلة على زواج ولازم اعرف كيف أكون اجتماعية
وكيف أتكلم بظروف معينة
وأنا ماعندي ذيك الخبرة أو الاسلوب بالرد على بعض المواقف اللي يتوجب علي أتكلم فيها
واتمنى مساعدتكم ...
مثلاً... وش أقول لو وحده من الحريم اسكنت بيتها الجديد بباركلها عالبيت..
أدري ..بس كيف اباركلها ؟؟ اقول مبروك عليكم البيت بس؟؟

وحده ولدها تعبان بكلمها بسأل عن صحة ولدها وش أقول؟

وحده ولدت أكلمها شقولها

وحده توها عروس اول مرة أزورها من بعد الزواج شقولها؟

لا تستغربون على اسئلتي واذا تبون تضحكون علي عادي بس علموني..
بصراحه ماعرف لاني ماطلع لبنات وماازور احد ولا أحد يزورني وامي ماتعلمني ومااحب اسألها ..أعرفها راح تضحك علي وتستهزأ فيني كبيرة وماتعرفين!!؟

علشان كذا لجأت لكم تكفون سااااااااااعدوني

[alaamedhat]

السلام عليكم اولا الف مبروك علي الزواج
ثانيا هحاول اقولك علي اهم ما في هذه المواقف
ممكن اولا واحدة تبارك لك عن طريق التليفون بعد الفرح او ممكن حد يجي يزورك في بيتك بس علي حسب كلامها بيتحدد الرد بس اهم حاجة انك تقولي لها حاجات زي
(الله يبارك فيكي- عقبال بناتك وحبايبك يارب- ربنا يخليك دايما من اصحاب الواجب-لازم تتفضلي تشرفيني في بيتي الجديد وان شاء الله ربنا يقدرني واحسن استقبالك)
لو حد بقي بيسالك علي الفرش والحاجات والتجهيزات جايباها منين ياريت لو عندك كروت لكل محلات اشتريتي منها حاجات علشان تديها للي يطلبها منك لان ده هيوفر عليكي وصف لاماكن الشراء
واما الاسعار فانصحك متقوليش اسعار حاجة انتي شرياها لان في اول الجواز بالذات الحاجة تبقي جديدة وشكلها حلو ما شاء الله فممكن لو قلتي سعر من فترة مثلا تلات شهور ممكن تكوني كنت شارية بيه الحاجة فلو حد سال عليها اليومين دول ممكن يلاقيها ارخص فيفهم انك بتقللي في السعر علشان الحسد
او لو قلتي سعر وطلع المنتج ده رخص ممكن يفكر انك بتزودي ف يالسعر علشان تبيني انك مكلفة جدا في جهازك
وانا تحت امرك لو عايزة اي حاجة قولي لي وربنا يتمم لك بخير ويجمع بينك وبين زوجك علي خير ان شا ءالله
بس اهم نصيحة متنسيش اهل زوجك واتعاملي معاهم انهم اهل تانين ليكي وياريت ل تعملي في جهازك جزء كهدايا لاهل زوجك واخواته وامه لان ده له وقع كبير قوي علي نفسهم

[نجود نجد]

السلام عليكم
ياحبيلك الف الف مبروك الزواج وليش نضحك عليك ترانا كلنا مثلك خخخخخخ تصدقين ذكرتيني
بنفسي اقول اذا انقردت وتزوجت وش اسوي مع اهله هههههههه
والله والله كنسلت الزيجه بسبه هل امور
ياحليلي اثرني مو لحالي مبتلشه خخخخ

شوفي حبيبتي تصرفي عاااااادي وخليك طبيعيه ولا تحطين بالك
انا مااعرف ارد ما اعرف اتكلم لالالالا خلك واثقه من نفسك وصدقيني تجي بل حالها وتشوفين
نفسك تتصرفين تلقائيا
بعدين الله يعافيه والله اخبرلك بنات مثل البقر واكثر وغبا الدنيا فيهم ما يعرفون يركبون كلمتين
على بعض وحده منهم تقربلي تزوجت واحد سنع وجابت البنت وانا لو يحلفولي ان قريبتي
ذي بتوصل هل مواصيل مااااااا صدقت والله ين البزر اسنع منها وهاذهي والله ماشيه
سلامي
لك حبوبه

[...نغم...]

طيب اذا وحده عطتني هدية بيوم زواجي وش اقولها

بس مشكورة؟؟

[*دموع الصمت*]

قولي لها: ليش الكلافه الله يرفع قدرك زيارتك تكفي

واثقه بسسسسسسسسسسسسسسس حبيت اشاركك

[غاده22]

الف مبروك مقدما واللة يوفقك في حياتك اول شي تقولين اللي ولدت الحمداللة على سلامتك مبروك ماجاكم واللي اسكنت في بيت جديد منزل مبارك عطاكم خيرة وكفاكم شرة وللي تزورك في بيتك اترحبين فيها ياهلا ويامسهلا ونور البيت مثل المنتدى ماهو منور بك وللهدية ليش الكلافة زيارتك تكفي اهم من الهدايا بس بقولك معلومة اتفيدك اهل زوجك اذا كانوا طيبين حطيهم فوق راسك وذا كان فيها علوم اللة يعينك بعد حطيهم على راسك بس عامليهم مثل مايعملونك طيبة طيبة خبث خبث

[شذى الأرواح]

نغم هههههههههههههههههههههه الأمور سهالات لاتفكري كثير أنا كنت كذا ماعرف شئ بس الحمدالله الحين تعلمت كثيرررررر يعني عادي لاتحط بالك
والف الف مبروك وعقبال كل البنات يااااااااااااااارب

[عمرى لزوجى]

نغم ........................
الف مبروك الزواج حبيبتى يا قمر .............
على فكره انا كنت زيك كده ويمكن اصعب حالا هههههههههههههههه
بس يوم بعد يوم بتعلم وواحده واحده لا تشيلى هم الموضوع ده..........

[عروب2007]

انتي خلي اذانك مفتحه واسمعي كل كلمه يقولونها الحريم الكبار وسجليها عندك..(في مخك طبعآ)

وركزي زيييييييييين..وصدقيني بتتعلمين بسرعه,,,والله يوفقك ويسعدك

[دعوه شخصيه]

هلا اختي...
الف مبروك الزواج اولا
وبتذكر المناسبات...
اذا وحده توها متزوجه وبتزورينها تقولين لها على البركه..
واذا وحده ولدها مريض تقولين لها مايشوف شر وسلامات
واذا وحده توها والده تقولين لها مبروك ويتربى بعزكم..
واذا وحده جايبتلك هديه.. تقولين لها الله يجزاك خير وليش متكلفه
شوفت تكفي ..
واذا بغيتي تقلطين على عشا تقولين يالله حيهم
حياكم الله على قل الكلافه..
واذا وعلى فكره العجز والحريم الكبار كثري معهم ياعمري وياقلبي
وبسم الله عليك اذا شفتيها مريضه وماتشوفين شر..
...........................
واذا رحتي لوحده حاطه عشا او شي قولي لها اساعدك بشي؟
...................................
المهم اذا بغيتي اي شي ثاني الله يحييك اسألي واكيد انا والبنات بنفيدك.

[noran5]

السلام عليكم ورحمة الله وبركاته

أهلا بك عزيزتي ...نغم...
أتمنى أن تقضي برفقتنا أوقاتا ممتعة


زواج مبارك و بالرفاء و البنين
أختي لقد كان لنا حديث في هذا الخصوص ( المجاملات )
في فعاليات الصيف الماضي بالنافذة الاجتماعية
اليك الرابط قد تفيديك أراء الأخوات

http://www.lakii.com/vb/showpost.php?p=2221912&postcount=479

http://www.lakii.com/vb/showthread.php?t=208513&page=49

يمكن تتعبي في البحث بين الصفحات حيث أن الفعاليات كان يتخللها
مسابقة و الكثيرمن الحوارات الجانبية
و لكن استمري في التقدم بالصفحات فنحن اثرنا العديد من المناسبات الاجتماعية
و ان شاء الله تجدي مبتغاك