يا مخطوبين تعااااااااااااااااالو

[mshmsha_88]

ربنا يقوم جدتك حبيبتي بالفف سلامه.
انا مخطوبه و قربت اكمل سنه ادعولي نتجوز الصيف ده يا رب .
احنا كمان اكييييييييييييييد عندنا مشاكل بس التفاهم اصل راحه البال و الدين طبعاااااا؟بس الفتره الاخيره دي المشاكل زادت لانه سافررررر ولسه هايجي اجازه الصيف ده ان شاء الله ادعوا نتجوز الصيف ده يا رب.
المهم حبيبتي انك تتبعي القران و السنه في علاقتك و تحاولي تهدي من عصبيتك شويه و غيرتك و انا عندي مشكله الغيره دي فظيييييييييييييييييييييييييييييعه بس مبعرفش اتغلب عليها بس بحاول و بتغط على نفسي و على اعصابي .
ربنا يتمملنا جميعا بخير يا رب و نتجوز و نيجي نعمل موضوع اتجوزنا ازاي نتجنب المناقشات الزوجيه . انا قلقانه منها مووووت بس كل شيء سايباه لوقته.
و ربا ييسرل للجميع كل امر عسير و ادعوا خطيبي يجيلي بالف سلامه

[فتاه تحب الله]

اختى mm msh
انا كمان مخطوبه بس اديمه اوى بألى 3سنين غير انى كمان كان فى اربع سنين ابلهم فى الجامعه .
يعنى انا بألى كتير اوى معاه بس انتى عارفه ايه اللى مريحنى معاه اننا عمرنا متخصمنا ولما بنتخانئ مع بعض لازم نتصالح فى نفس اليوم يعنى مينفعشى واحد مننا ينام وهو لسه زعلان ولو حصل مره اللى نام زعلان يصحا على تيليفون حبيبوا او خطيبوا بمعنى اصح وهو بيصلحوا
اللى انا عاوزه اؤله ليكى انك اوعى تزعلى منه وتشيلى جواكى عشان انتى لو شيلتى مره عمرك ما هترتاحى معاه كمان اوعى تعوديه انوا لما يزعل يبعد او انك انتى لما تزعلى تبعدى دايما خليكى معاه صاحبيه عارفه ايه اللى مخلينى انا وخطيبى مع بعض لحد انهارده ومش بنتخاصم 24ساعه متواصله ان انا بالنسبه له اختوا وممتوا وباباه وصديقتوا المقربه وصاحبوا وحببتوا وخطبتوا وكل حاجه ليه ذى ما هو كل حاجه ليه انا لما احب اشتكى منوا بشتكى منوا ليه بؤلوا تخيل خطيبى عمل معايا ايه انهارده .......واحكيلوا ويسمعنى انا مش نافسه ويشتم خطيبى اللى هو حبيبى بيشتم نفسه
عوديه يحكيلك كل حاجه عارفه لو عودتيه على كدا وافدتيه يعنى ساعديه تفاعلى معاه إديلوا نصايح لو حكالك مشكله عارفه لو مرة عمل بكلامك وطلع صح بعد كدا مش هياخد برأى حد غيرك يعنى انتى اللى هتترجيه انوا يروح يعد مع اصحابوا شويه وكمان عمره ما هيعمل حاجه إلا لما ياخد رأيك فيها خليكى ضهروا ديماّ فهمانى يعنى خليكى جنبوا سعديه خلى البك عليه فكرى فى مصلحتوا ابل مصلحة نفسك خليه نفسك عارفه بعد كل دا لو لأكى بس زعلانه اوصوتك متغير سدأينى مش هيجيلوا نوم من غير ما يعرف اللى جواكى عارفه انتى إذاي تخافى على ابنك خافى عليه واؤليله انت ابنى اللى مخلفتوش انت الاول فى حياتى
خليكى على طبعتك اوى لدرجة ان كل عيوبك يشوفها
انا اسفه انا كمان طولت عليكى لاكن يارب اكون افدتك انتى واى اخت من المخطوبين
ادعولى انا كمان اتجوز.
يارب كل بنت تتجوز ويارب كل مخطوبه يتعجل بجوازها يارب كلنا يارب

[فتاه تحب الله]

اسفه نسييت يارب جدتك تؤم بألف سلامه ويطمنكوا عليها يارب ويشفى كل مريض

[mm msh]

مشمشه شكرا على كلامك الجميل وربنا يوفقك وتتجوزى فى الصيف وعلى فكره انا فرحى فى الصيف يعنى هنكمل مع المتجوزين مواضيعهم قريبا ان شاء الله بس ادعيلى ربنا يهديلى خطيبى ...........بالله عليكى اوعى تنسى ههههه

[mm msh]

الى فتاه تحب الله جزاكى الله خيرا على نصايحك بس انا معجبه بيكى الله اكبر وما شاء الله باين عليكى عقلك كبيير اولا عمرك كام ثانيا حاولى تفسريلى ازاى بتتعاملى معاه كده ازاى بتعرفى تكسبيه ؟؟؟؟؟؟؟؟انا قولت ما شاء الله ..

[دينا عادل]

mm msh.....اولا موضوع رائع جداااااااااااا مع انى مش مخطوبة بس استفدت منه اوى

فعلا معظم او كلها تقريبا المواضيع هنا للمتزوجات

ثانيا..ممكن اسالك انتى اسمك ايه؟

وربنا يمملكل البنانيت المخطوبات على خير ...ربنا يشفى جدتك يارب

[فتاه تحب الله]

اولا مرسيه جداّ على هذا الإعجاب اخجلتم تواضعنا
وثانيا انا عندى 25سنه وانا كسبته لأننا كنا فى اول علاقتنا اصدقاء فى الجامعه واتعودنا نحكى لبعض على كل حاجه انا احكيلوا وهو كمان بيحكيلى بس انا ابتديت احكى الاول وهو من النوع المنطوى جدا فى حاجه تخصه ومش اى حد يحكيله بس لأ انى بأفيدوا هو نفسوا ألى كدا انا بحب اتكلم معاكى انتى لانك مش اى موضوع انا بتكلم فيه بتوفقينى او بمعنى اصح ليه رأئ وشخصيتى مش بمشى ورا كلامه وخلاص لاة بفيده وبستفيد منه عشان كدا هو مبيعملشى حاجه إلا لما يسألنى فيها وسدإنى بياخد برأى انا على طول جربى مرة تتدخلى فى مشاكل خطيبك وتحليها معاه وتدورى على حلول خليه هو ومشكلوا الشغل الشاغل ليكى وسدأينى هيبتدى يهتم انك اول واحده تعرف هو فيه ايه او بيعمل ايه.
ويارب اادر افيدك زى ما انتى متوقعه.

[mm msh]

انا اسمى رشا يا دينا وتسلمى على مرورك علينا هنا بس ان شاء الله تتخطبى قبل ما اتجوز ونتكلم عن الخطوبه شويه

[mm msh]

فتاه تحب الله ...........تسلمى على ردودك المفيده
وهستنى تعليقك بعد ما نبدأ فى الموضوع احنا بقينا كتير دلوقتى الحزب اشتغل يعنى .......
يلا بينا ....................

[mm msh]

بسم الله الرحمن الرحيم

بصوا انا الفتره دىبمر بمشكله فى خطوبتى يمكن ده اللى مخلينى مأجله الموضوع شويه بس اللى شجعنى انى لقيت نصايح كتير من الاخوات فى المنتدى خليتنى اتشجع ونبدأ فى موضوعنا واكتبهم لكم بس مش هكتب افكار دلوقتى خليها نصائح الاول

بسم الله الرحمن الرحيم
1- عامليه كانك بتعاملى طفل عمره 3سنوات والسبب لان العمر ده فى الاطفال بيبقى مسلى جدا وبنهتم بيه كتير (يعنى حسسيه باهتمامك).

2-انسى انك خطيبته لبعض الوقت وخليكى واحد صاحبه وبلاش تسحبى منه الكلام خليه هو اللى يجى يحكيلك (يعنى كونى قريبه من مشاكله وشغله).

3-الراجل بيحب ان تكون خطيبته قريبه من اهله حسسيه دايما انك بتموتى فيهم (يعنى اعتبرى نفسك عايشه معاهم من سنيـــــــــــن).

4-حاولى بين كل فتره والتانيه تعمليله تغير فى يومه وهتلاقى افكار للمخطوبين قريب ان شاء الله (حياه متجدده كل يوم).

5-مهما كنتى عايزاه يحس بغيره لو مش بيغير عليكى اوعى تتكلمى عن راجل كلام كويس قدامه حتى لو حد مشهور وكمان لوهو بيخليكى تغيرى عليه بالطريقه دى (وممكن الغيره تتعبك!).

6-بصى النقطه دى حساسه عند الرجاله ..لو مش عاجباكى طريقه لبسه او كلامه بلاش تجيبيها مباشره (هيعتبر انه مش مالى عينك او انه مش الانسان اللى بتتمنيه ).

7-ولو عجبك لبسه قوليله وبلاش البخل فى المشاعر. مش لازم تكون العبارات خارجه عشان تعجبه لا ممكن بكلمه رقيقه يفهم(واعرفى نقطه ضعفه).

8-حاولى تتكلموعن مستقبلكم مع بعض عشان تفتكرو الكلام ده بعد زواجكم ان شاء الله (يكون فيه واضيع مشتركه بينكم).

9-اوعى تفقدى ثقتك فى نفسك حتى لو كنتى معندكيش ثقه بس لازم يحس انك انسانه واثقه من نفسها كويس (الثقه غير قوه الشخصيه).

10-ده كان ل هيكون اول نقطه بس خليته للاخر عشان يكون اخر شى نختم بيه عيشوا من دلوقتى على القران والسنه هتعيشوا حياتكم فى سعاده (انتى بترضى الله ورسوله قبل خطيبك).

يا رب يعجبكم الموضوع وان شاء الله هجيب لكم افكار للمخطويبن قريب جدا

[دينا عادل]

نصايح رائعة يا روشا والله...كملى انا فى الانتظار

[لوليتا 85]

رشا بجد ماشاء الله عليكى موضوع يجنن حلو اوى تسلم ايدك يا قمر وربنا يفرج كربتك بقى ومش تزعلى خالص مرة تانية من خطيبك ويهديهولك يا قمر ولو انى فرحانة انك ان شاء الله هتتجوزى فى الصيف وهتاخدى لقب المدام لكن زعلانة انك هتسيبى ركن المخطوبين بقى بس طبعاان شاء الله تكونى سايباه وانتى مبسوطة مع جوزك حبيبك وتفتكرى انتى وهو ايام الخطوبة وتضحكوا عليها وعقبالى ان شاء الله لما خطيبى يرجعلى بالسلامة وانقل نفسى معاكم لركن المتزوجين يالله بقى يا قمر كملى بقيت الموضوع علشان يبقى كله فى ميزان حسناتك

[mm msh]

بجد والله بحبكم فى الله انتو خلاص حفظتو كلمه انى مليش اخوات بس الموقع ده عسل اوى او يمكن عشان هو الوحيد اللى انا اعرفه حسسنى انى مش لواحدى فى اى حاجه اى حاجه بلاقيكم معايا ............ربنا يجمعنا عند الرسول ان شاء الله وبعدين فى الفردوس قولوا امين يا بنات

[mm msh]

ربنا يرجعلك زوجك بالسلامه يا عليــــــــــــا وتتجوزى وهنسيب المخطوبين لمخطوبين جدد ويستفيدوا من اللى احنا بنكتبه وربنا يكرمك وانتى كمان كملى على موضوعى انا كمان عايزه استفيد منكم ..............انا دايما بطول عليكم معلش

[mm msh]

تسلمى يا روشا هنتظر النصايح الجميله..........