فضفضة

[إنجــــــــي]

اهلين حبيبتي فيوليتا
انا كنت كاتبالك رد طويل عريض وراح كله
والله كتير مقهورة
المهم حبيبتي بالنسبة لمشكلتك
فأنا بدي اسألك في رأيك مين وضع احسن
انت اللي عايشة مرتاحة مع زوجك مع ان ظروفكو المادية تواضعة
وللا اختك اللي خطيبها معو فلوس بس مستخسرها في اختك
يعني لا مقدر جمالها وللا اهلها ولا كلها كإنسانة
فشو فايدة فلوسه
اذا هو مابيجري على رضاها ولا حاسس انها بتستاهل في ايام الخطوبة كيف بعد الزواج
يعني حتى بالعكس تصرفاته تدل على عدم احترام الها ولا لأهلك
عالعموم الله يسعدها
وبعدين الجمال مسألة نسبية ماحدا بيقدريحددها
والمهم انت تزوجت وخلص ومرتاحة وزوجك شايفك احلى وحدة بالدنيا
وانا متأكدة انك حلوة وامورة ولزيزة
بالنسبة لأمك اتجاهلي كلامها وسكري معها اي حديث مشابه
واذا تحدثت عن زوجك بما لايرضيك اطلبي منها بلطف التوقف
وهدي امـك لازم تتحمليها
ربنا يسعدك ويوفقك آمين

[فيوليتا]

يسلموا انجل حبيبتي
والله انا عارفة هالكلام بس شو بدي اقول لهم والله اللي وضعه عادي اخلاقه وكرمه احسن من الغني ؟ ما باقدر خاصة انها اختي هاي بالذات طيبة كتير وخدومة كتير وحظها مسكينة اول مرة اتطلقت بطريقة بايخة ...ما استرجى خطيبها يجي يطلقها بعت ابوه من الكويت بوكالة وطلقها امام القاضي .....
ومكثت خمس شهور بحالة نفسية مش منيحة وبعدين انخطبت لهاد وبعد خطبتها بشهر مرضت مرض كبير وعملت عملية مش سهلة
الله يعين الجميع ما في حدا خالي من المشاكل

[ماما نبيلة]

اختي فيوليتا والله قلبي معك
وضع متعب وصعب خصوصا من اقرب واحن الناس
لكن ارجو ان لا تزعلي من كلامي احسست في بداية حديثك انه عليكم ديون من مشاريع زوجك وانا اقول لك ان تحاولي ان تبقي مشاكلك المالية ومشاكل زوجك بعيدا عن امك حاولي ان تخبريها كم انت سعيدة معه وكم يحاول اسعادك وما يعمل من اشياء لتكوني سعيدة وانه يحب والدتك ويقول عنها كلام جيد وعندما يسافر حولي اختيار هدية حلوة او وصيه ان يشتري شيئا يكون على ذوق والدتك واخبريها انه احضرها خصيصا لها واشياء بسيطة مثل هذة اقول لك لماذا لان البنت عندما تحكي لامها عن مشاكل زوجها مهما كانت بسيطة فان الوالدة لا تنساها وتبقى تفكر في نصيب بنتها وانها مش مرتاحة بينما تكوني انت مبسوطة وهي هاملة همك
بدي احكيلك انو انا في القدس والدتي في الزرقاء لما بحكي معها او ازورها بخليها تشعر اني مرتاحة اخر راحة وما ناقصني شيء وانا والله مرات بكون بامس الحاجة اني احكيلها عن حياتي ومتاعبي لكن ما بحكي لاني بحب انها تكون مطمئنة من ناحيتي
واللي اخوات حالتهم احسن من حالتي لكن ازواجهم ما بخلوهم يحكوا مع اهلي تلفون او يروحو عندهم اهلي بيتصلوا عليهم وبطمنوا عليهم لانهم بفكروهم انه حالتهم صعبة يعني انت بتخلي اهلك يحبوا زوجك ويقولوا عنه كلام كويس وانت بتخليهم
يقولوا العكس انت مبسوطة كتير معو ومع ولادك خلي امك تشعري بهذا الشي
واظن انك فهمتي علي هذا احساسي بعد قراْتي لما كتبت وانا وحدة عادية ومش مختصة بشي نفسي وبتمنى اني اكون على صواب وبتمنالك السعادة والهناء بين كل اهلك احبابك وانا حبيتك كتير في الله
وتسلمي حبيبتي وكبريها بتكبر وصغريها بتصغر وبتظل بالاول والاخير امك وتحمليها وطنشي الي ما بعجبك

[فيوليتا]

ماما نبيلة شكرا لدخولك ومشاركتك
انا بطبعي لا اتحدث عن مشاكل البيت لاي حدا خارجه بس كيف بيصير مثلا من يوم ما تزوجت ما اشتريت طقم سفرة او مثلا سجادة الجلوس بالاخر صارت حالتها صعبة لغيرناها فهي تقيس الامور من هذا المنظور ليش اختي جهزت بيتها من كل شي وانا متزوجة قبلها لسة مع اني بديش طقم سفرة لان ما حدش بيجي عندي اصلا غرفة الضيوف ما حد بيدخلها
بعدين اختي حماها هو الي جهز لهم البيت وانا زوجي رفض وقت الخطبة انو يتداين قرش
بعدين الحمدلله ما علينا ديون المشكلة انو حماي توفى قبل سنة وترك ورثة معقدة والبنات وامهم والشباب وام حماي ورثت وصاروا يطلعوا واحد واحد من الشغل عشان يضل للشباب فمن هيك الوضع متوقف حالياً
وشكرا لك يا ماما نبيلة

[جنة الطيور]

اختي فيوليتا
امانة عليكي تتنطنشي والله لان والله المصاري مو كلشي والمصاري مو سبب السعادة ابدا
وعم تحكي هيك عن زوج اختك وامك عاجبها ليش بس لان زنكيل ومعو مصاري
انتي لا تهتمي والله المهم انتي وزوجك مبسوطين والحمد لله وحالتكون الما دية كويسة وما شي تمام التمام
مشان هيك لا عاد تبكي ولا عاد تزعلي ابسطي زوجك وانت رضيانة فيه وخلص واكيد هو بحبك على قنا عتك بالي فيه الخير لقلكون مشان هيك حاولي انك تنسي كلام امك والله
وعيشي حياتكم مبسوطة وشو بدك بكل الدنيا
حتى لو رديت اسمعتي كلام طنشي والله المهم اختي زوجك وولادك
وان شاء الله الله بيصلح الامور وامك بتحس فيكي وبتصير تنتبه لكل كلمة عم تقولها معلي طولي بالك اختي والله يفرج همك والله معك المهم تكونوا سعداء انت وزوجك وبس
اختك جنة

[فيوليتا]

يسلموا يا جنة الطيور .........انت سورية صح ؟ الحمدلله انا بافكر بالموضوع الان وباقول الحمدلل اليي جاءت على هيك بس

[جنة الطيور]

صح بس شو عم بعرفكون كليا تكون انو انا سورية هههههههههههههههههه
هلا فيكي فيوليتا