خاص جدا جدا جدا للبنات وبس

[المعادله الصعبه]

سؤال مهم جدا لكل البنات اللي مش متجوزين طبعا
ايه احساسكم لما بتقروا وتسمعوا عن مشاكل المتزوجين
مش بتخافوا وتقلقوا
مش بتحسوا بالقهر والضعف
مش بتكونوا عايزين تهربوا من المصير المجهول
بتحسوا ان فرحتكم هتكون عمرها قصير وبعد مده تبتدي المشاكل
وتقولوا يا فرحه ماتمت
والا القصص ده بتديكوا قوه وبستفادوا منها عشان متقعوش في الخطأ زيهم
انا عن نفسي جوايا حاجات كتير قوي بحس بيها
عشان كده عايزه اعرف انتوا كمان بتحسوا بأيه
ونتشارك في المصير المجهول مع بعض

[إنجــــــــي]

حبيبتي رنوش انا متزوجة بس ممكن احكيلك عن شعور قبل ما اتزوج اذا سمحتيلي طبعا
انا لما كنت آنسة كنت أفكر بالحياة بعد الزواج وأخاف من المستقبل المجهول
بس الحقيقة الأكيدة ان كل زواج فيه كتير مشاكل
لكن نوعية هدي المشاكل والصعوبات هي اللي بتختلف من حالة لأخرى
وعلى أساسها يحدد الطرفين نجاح او فشل الزواج
والفرحة اللي بتكون في اول الزواج ثم تزول تدريجيا
ليس سببها نجاح او فشل الزواج او مشاكله
ولكن سببه هو الشعور بالفرح والاثارة الطبيعي الذي يكون في بداية اي شيء
ويضمحل عند التعود عليه وعندها يبدأ الانسان في اكتشاف المسؤوليات والجوانب الأخرى
التي تعطيه احساسا بأن سعادته انطفأت
يبقى الاساس في الزواج هو الاختيار الصحيح على اساس الدين والاخلاق
وهو الباقي بعد ازالة كل الرسميات والحواجز
وهناك اهم عامل في الزواج وهو الاستخارة
حيث عندما تقومين بأي عمل استخرت فيه يملؤك احساس بالاطمئنان
ان خيارك صحيح فما خاب من استخار
اتمنى اكون افدتك وآسفة على تطفلي على موضوعك
وان شاءالله نشوفك احلى واسعد عروسة وزوجة في الدنيا

[اميرة الاحساس11]

انا اشعر ان البنات لازم يستفيدوووووو من تجارب المتزوجااااااااااات
وتكوووووووووووون عبرة لهم

[كيرلي]

السلام عليكم ورحمة الله

عزيزتي لاتوجد حياة لاتخلو من المشاكل وخصوصا بين اي اثنين متزوجين كانوا ام مخطوبين..
الامر كله يتعمد على التفاهم والاحترام من بداية العلاقة..
وانظري حولك كم من زوجين سعيدين بما قسمه الله لهم واغنتهم قناعتهم وتفاهمهم وحبهم لبعضهم البعض الكثير من المشاكل ..
فلا تنظري الى نصف الكأس الفارغ بل انظري الى النصف الممتلئ
هذا رأي الشخصي

[المعادله الصعبه]

السلام عليكم
mahmouds_angel
شكرا لمشاركتك ومفيش تطفل انا كمان يهمني اعرف احساسك قبل الزواج وبعده
اميره الاحساس 11
عندك حق لازم نستفيد من خبراتهم

مستنيه ردود البنات ومشاركتهم

والمتزوجات شاركونا احساسكم قبل الزواج كان ايه
يا تري زي ما هو والا اتغير؟

[المعادله الصعبه]

السلام عليكم
اخت كيرلي شكرا لردك
فلا تنظري الى نصف الكأس الفارغ بل انظري الى النصف الممتلئ
انا لا انظر الي الكأس الفارغ مع العلم انه في بعض الاحيان الكأس بيكون كله فارغ او يكون كله ممتلئ بالهم
احنا مصيرنا في الاخر الزواج وهتعامل معاه حسب ظروف الزواج والعلاقه بيني وبين زوجي " المنتظر "
بس حابه اني اعبر عن احساسي بعد قراءه وسماع المشاكل اللي فعلا اصابتني بالاحباط والغم

[المعادله الصعبه]

معقوله محدش عنده اي مشاركات في الموضوع ده
مش مهم
المهم اني كنت عايزه اعبر عن حاجه جوايا واكيد بتشغل بنات كتير

[أم إياد 1428]

حبيتى رنوش الخلافات بين الزوجين بتكون مثل البهارات لآزم يكون في خلافات بين الزوجين لن إذا كانت الحياة كله حب ممله أيضاً مثل ما تكون كله خلافات

انا اعرف زوجات مبسوطين من الزواج بس في بعض الأحيان هم من نفسهم بيعملو مشاكل حتى يغيروا من الروتين الحب

وبعدين بعد كل خلاف بيكون الكلام الجميل والهدايا إذا كانوا نتعودين على كده

وعلى فكره انا قبل الزواج لما أسمع الخلافات بين المتزوجين كرة الزواج كله وكان هذا اهم الأسباب عندما يأتى أحد لخطبتى وعندما يأتى النصيب الكل يسكت حتى صحابه العلاقه

وأن شاء الله بتكونى أستفده

[Renaad]

الغاليه رنوووووش انا لسه بنت وبتهيالي كده اني اول بنت حترود في الموضوع بتاعك .
بصراحه هناك الكثير من القصص التي عندما تقرايها تصيبك بالاحباط والخوف الشديد من المستقبل وكيف ستكون حياتي وهل لدي القدره على تحمل مثل هذه المشاكل؟؟!!!!! تشغل بالي عدة افكار عند القراءه ولطن بعد قرائتي للردود مثل ردود اليازيه والمشرفات الاخريات وايضا بعض العضوات ما شاءالله عليهن يكتبن ويشرحن الحلول بطريقه رائعه وباسلوب محبب وباشياء رغم انها بسيطه الا اننا نجهلها ويجعلون بداخلي حماس وقوة تدفعني الى التفكير باسلوب حسن وتجعل عندي زياده برغية الزواج حتى اتصرف واتعامل مع الامور كما تعلمت هنا في هذا المنتدى. فعند قرائتي لموضوع العضوه ام بسمه وبعض اسرار الدكتورة ناعمه شعرت بان هناك امور كثيره اجهلها وباني لو لم اقرئها لكنت ساواجه مشاكل عديده ولكن صدقا استفدت جدا من المعلومات التي اخذتها من قرائتي للدكتورة ناعمه ومن ردود مشرفاتنا . واصبحت القصص التي اقرئها هنا تجعل عندي حافز قوي وتجعلني اريد ان اتزوج بسرعه حتى اطبق ما تعلمته هنا .
اللهم عجل زواجي ممن احب وبارك لي فيه وعجل زواج اختي رنوش وكل البنات اخواتي في الله في هذا المنتدى اللهم عاجلا عاجلا يا رب قولو امييييييييييييييييييييييين

[ghada ali]

السلام عليكم و رحمة الله
على فكرة يا بنات الموضوع ده مفيد جدا للبنات اللي لسه متجوزوش
انا حاليا متزوجة من اكتر من 8 سنين و لو اقولكو على الرعب اللي كنت فيه قبل ما اتزوج من الحكايات المفزعة عن الخناقات الزوجيه اللي كنت بشوفها امام عيني من زميلاتي من الشغل و بالرغم من اني كنت مخطوبة ايامها عن اقتناع كامل بالشخص اللي انا مخطوباله لكن الاكتئاب و الخوف قبل الجواز بشهور بسيطة كان فوق الوصف لكن صدقيني هاقولك اهم معلومة انتي دايما بتسمعي عن خناقات المتجوزين بتفاصيلها مش كده
عمر حد حكالك اتصالحوا ازاي او ايه هى تفاصيل الصلح او الحياه من غير خناق شكلها ايه
باختصار الناس بتحكي بس عن المشاكل لكن مش بتحكي عن الاوقات الحلوة اللي بتقضيها
ربنا يكرمكو يا بنات بازواج صالحين و استعينوا بالله في اختياركو و استخيروا وكل واحده هيكون نصيبها احسن ما يكون ان شاء الله و ابقوا افتكروني من صالح دعاءكم ساعتها
اختكم في الله غادة

[دينا عادل]

رنوش فعلا موضوع حلو...انا بنت لسه مش متجوزة

فعلا والله سعات بحس بالاحباط لكن لما قريت هنا مواضيع ازاى تعاملى الزوج والله خلى عندى تحدى ان يكون زواجى ان شاء الله زواج ناجح

ربنا يرزقك ويرزقنى ويرزق كل بنات المسلمين بالازواج الصالحين

[زوجة عاشقة]

انا عن نفسي متزوجة مش من كتير من 5 شهور بس...... بس الحمدلله انا من قبل الزواج و انا عارفة و مهيأة نفسي ان الجواز مش لعبة و مش فسح و خروجات و هدايا و دلع و بس...... انا كنت دائما بفكر نفسي ان الجواز مسئولية و بيت و زوج لازم اموت نفسي عشان اسعدة و يكون راضي عني...... المهم ان البنت لما تيجي تتجوز تكون قد المسئولية و الاهم الاختيار السليم من الاول و التفاهم و الرضا و مع الوقت هتتعلمي ازاي تتعاملي مع زوجك و ازاي تعرفي تكسبي حبه و قلبه و لو قدرتي تكسبي قلبة يبقى اعرفي انه هيسعدك على قد ما يقدر....... و لازم تعرفي ان الحياة الزوجية مش حرب و نشوف مين فينا اللي رأية هيمشي........ لازم تتعلموا ازاي تتناقشوا في امور حياتكم بهدوء علشان توصلوا لنقطة التفاهم...ده رأيي و اتمنى انكوا تستفادوا منه....

[noha noma]

سلام انا بالعكس تماما انا مو خايفا من الزواج ليش الخوف المكتوب مكتوب ليش نيخاف منو

[المعادله الصعبه]

السلام عليكم
شكرا لكل من شارك في الموضوع متزوجات وبنات
وانا معاكم ان المشاكل اللي بنسمع عنها بتدينا خبره وبتقوينا علي مواجهه الواقع
وبنتعلم ونستفيد منها
حتي لو اصبنا احباط بسببها
لازم نقاوم الاحساس ده وننتصر عليه
ونأمل ان غدا سيكون احسن باذن الله
وشكررررررررررا