ايه رأيكم.....!

[أمة الله..]

السلام عليكم ورحمة الله وبركاته

أنا كلمت زوجى امبارح وحبيت أعرفكم رده لأنه لم يعطينى اجابة شافية
حاقولكم قلتله ايه ورد بأيه..وانتوا قولولى رايكم فى رده وقولولى أعمل ايه بعد كده..

أنا من ساعة ماكتشفت موضوع الشات ده أول امبارح وأنا مش باكلمه ومتغيرة معاه وطبعا هو ماكنش فاهم فيه ايه لأنه متعود منى منذ فترة طويلة الصمت واللامبالاة رغم أنه كان يشعر بأنى متضايقة وغير راضية لكن كنت بتصرف معاه عادى ولا أتخذ أى موقف

أنا كنت مش قادرة أعامله عادى لأنه اللى عمله كان كتير وكان خلانى أحس أنه مش جوزى وان ده انسان غريب عنى زى اللى بيتفرج عليهم فى الشات.. كنت بتخيله واحد منهم..
وفى نفس الوقت كنت مش عايزة أكلمه لحد ماجمع أفكارى واخد رأيكم.

امبارح قررت انى اكلمه.. وقلتله
انت حاتفضل كده لحد امتى..أنا صبرت عليك كتير وانت مش بتتغير وأنا كمان قربت أبقى زيك
قالى أنا حر
قلتله لأ انت مش حر.. مفيش انسان حر .. وربنا فين!
قالى دى حاجة بينى وبينه مالكيش دعوة
قلتله لأ ليا دعوة.. لأن حياتى ومستقبلى أنا وأولادى مرتبطين بيك
لو بقيت كويس حانبقى كويسين والعكس صحيح
وانت المفروض انك تبقى قدوة لينا
قالى لأ ماتخدنيش قدوة ليكى
ولو أنا وحش خليكى أنتى كويسه
وأنا ربنا حايحاسبنى
قلتله وحايحاسبك عليا أنا كمان
كل تصرف أو خطا أنا باعمله ربنا حايسالك عليه وده دليل أن كونى كويسة أو لأ ده شئ يعتمد عليك
لازم تبقى كويس عشان أبقى كويسة وبالتالى أولادنا يبقوا كويسين
قالى أنا مش حاتغير وحافضل زى ما أنا.. شوفى انتى عايزة ايه
قلتله كل واحد يروح لحاله
قالى خلاص قومى لمى هدومى.. لأنه زى مانتم عارفين احنا قاعدين فى بيتى
قلتله طب ليه ماتديش لنفسك فرصة
أنا ممكن استنى معاك شوية على الاقل لحد ماأولد
قالى أنا باقولك من دلوقتى أنا مش حاتغير
قلتله ليه؟ مش خايف من ربنا مش خايف من النار
قالى مالكيش دعوة انتى خايفة عليا ولا على عيالك
قلتله خايفة عليكم انتو الاتنين
انت كمان تهمنى لانك أبو عيالى
قالى وانا قلتلك أخر كلام عندى أنا مش حاتغير.. شوفى أنتى عايزة ايه؟
وسابنى ودخل ينام


أنا نمت بعيد عنه وبنتنا بيننا زى اليومين اللى فاتو
لكن الصبح وأنا لسه فى السرير قعدت أفكر وقلت هو مش بيحب العند
أصالحه واكلمه كويس واكلمه تانى اشوف حايقول ايه

قربت منه ونمت جنبه وحسسته انى رجعت عادية زى الاول
واتصالحنا

وقمت كويتل هدومه وحضرت الفطار وفطرنا مع بعض وكنت باتعمد انى اكلمه كويس وأهزر معاه عادى..
ولما خلص أكل فاتحته تانى..
وقلتله انت لسه عند رايك اللى قلته امبارح
الموضوع مش هزار
انت لازم تتغير عشانى وعشان أولادنا
لازم تصلى كل الصلوات جماعة فى المسجد
لازم تغض بصرك
لازم تبطل كذب
ولازم ولازم....الخ
ماردش عليا خالص وقالى السلام عليكم ونزل


ها.. قولولى بقى أنا اللى عملته ده صح؟
ولا كان لازم أخد موقف اقوى من كده
أنا حاسه انى اتساهلت معاه شوية رغم ان الموضوع كبير ويتعلق بالله سبحانه وتعالى

حسيتوا بأيه من رده؟

المفروض أعمل ايه دلوقتى
أكلمه تانى واخد منه رد نهائى
ولا اسيبه شوية يفكر مع نفسه

واستنى لحد امتى؟

مستنية ردودكم.........

[فرح1983]

بصي يا أختي، نصيحتي ليكي وأمانة عليك تعمليها، كفاية كدة عليه، ما تخليهوش يعند وتبقي انت السبب وتاخدي ذنبه، بالله عليك، انت قولتيله خلاص ونصيحتيه، وتأكدي انه هيدور الكلام في دماغه تاني والله، بس انت اديله الفرصة واصبري ان الله مع الصابرين واحتسبي عند رب العالمين، انا حاسة بيك وعارفة ان دة شيء صعب، ادعيله انت كتييييييييييييييير قوي من قلبك، وما تجبيش سيرة على اي حاجة، هو كان بيقوللك كدة بس من باب العن والدليل على كدة انه ماردش عليك الصبح، عليك انت بقى تبقي ذكية وتقوليله ايه رأيك تصلي بية جماعة؟ ما تسيبهوش لوحده على الكمبيوتر، ما تسيبهوش لنفسه وللشيطان، من غير ما تحسسيه انك بتراقبيه، اعمليله مثلا حاجة سخنة، وكأنه وحشك وجاية تقعدي معاه، قولييله وجيبي التقصير على نفسك، انا حاسة اني مقصرة ناحية ربنا، خد بإيدي وساعدني ابقى احسن، ساعدني ان احنا نربي بنتنا كويس، وبصي في عينه وامسكي ايده بايديكي الاتنين، وقوليله انا بحبك، ونفسي زي ما ربنا جمعنا في الدنيا ، يجمعنا في الجنة ان شاء الله احنا وولادنا، وادعي ربنا بصوت عالي وانت ماسكة ايده، يارب اهدينا ، يارب ارزقنا حبك وحب من احبك، وحب كل عمل يقربنا الى حبك، يارب بارك لي في زوجك، وفي اطفالي، وغيره من الدعوات الجميلة ليه وليكوا كلكم، وبصي في عينه وابكي بهدوء، خديه في حضنك، وقربي منه قوي لأنه محتاجك قوي، وافتكري ان ربنا سبحانه وتعالى خلى جزاء كل حاجة معروف ومحسوب الا الصابرين لان دة جهادك في الدنيا، قال الله تعالى(انما يوفى الصابرون أجرهم بغير حساب)صدق الله العظيم، وربنا يهدي زوجك ويهدينا وكل المسلمين يارب العالمين. وياريت لو موجودة دلوقتي مستنية ردك.

[العصامية999]

الله يعينك ويفتح على قلبه ....

عــليك الدعاء الدعــاء وحاولي تشغــلينه يمكن عــنده وقت فراغ ....

كمان خــليه يشوفك وانت تقرأين قران وأنت بسجادتــك تصلين ....

وكل ماجلس على النت روووحي وافرشي سجادتــك وادعي أن الله يصرف قلبه عن المعاصي كما صرف الفيل عن الكعــبة ونحن بندعي لك ...
أعطيه مهلة اسبوع إذا فيه تحسن كان بها والتحسن بالتدريج أهم شيء يصلي وإذا صلى الصلاة ستنهاه عن المنكر ....
أسأل الله الهداية للجميع....

[noran5]

و عليكم السلام و رحمة الله و بركاته

حبيبتي ...امة الله

سعيدة جدا بما سمعته
و سعيدة أكثر بك انت شخصيا
كل ما فعلتيه حتى الآن جيد و ردة الفعل المبدأية هذه متوفعة
لا تنسي أنك تنتقيدينه و توجهي له اللوم على ما انتم عليه الآن
و أي رجل لا يحب من يقيم تصرفاته
وخاصة اذا كان هذا الشخص زوجته

جيد انك تراجعت عن موقفك في الصباح وحاولتي اصلاح الأمر بينكما
أما أنك كنت متساهله
فلا طبعا..نحن نعلم انه يرتكب المعاصي
و لكن ديننا يأمرنا بأن نوجه الناس بالحسنى
و أن نبتعد عن التعصيب و الفظاظة

أعطيه فرصة كافيه كي يتراجع و خلال هذه الفترة
كوني طبيعية في بيتك ولكن لا تتبادلي معه اي حوار
و كأنك تنتظرين قراره
حتى تعلمي هل ستستمر العلاقة أم لا

عندي استفسارات و أريد منك اجابات صادقة

عندما قرر زوجك ان يترك لك البيت
و قال لك ان هذا آخر كلام عنده
كيف كان شعورك؟؟
كيف كانت نظرتك لما هو آت بعد ذلك ؟؟ هل تمكنت من تكوين صورة واضحة ؟؟

أسئلتي هذه لأعلم مدى وعيك لفكرة الطلاق ..لا سمح الله
و هل عندما اصبحت على ابوابها أفزعتك ؟؟؟

أسأل الله ان يوفقك و أن ييسر لك امرك
و يصلح لك زوجك ....اميـــــــــــن

[بنت رقيه]

والله يا اختي انى حاسه فيك امكن لانه فى شئ من زوجي وما عليكِ الا الدعاء وانك تكلميه بهداوه كل فتره ولا تقسي عليه...

[أمة الله..]

أختى فاطمة.. فعلا زوجى عنيد جدا وهو يعترف بده
عشان كدة راجعت نفسى الصبح وغيرت طريقتى.. وعشان كدة بقالى كتيييير ساكتة ومتجاهلة اللى بيعمله عشان مايعندش لكن مافيش فايدة
كل اللى يخطر فى باللك عملته والله على ماأقول شهيد
-كلمته بهدوء
-اتخانقت معاه
-خاصمته وهجرته
-صليت وقرات قران وحضرت دروس علم وأظهرت له ذلك لعله يستحى
-أوهمته أنى أشاركه فيما يفعله لعله يخاف عليا أو حت يمل ويشعر انه أمر عادى0لأن الممنوع مرغوب)
-كلمت شيوخ وكلموه
سكت بقالى كتيير ولا كأنى شايفة حاجة

ولكن.. انتى شايفة

أختى العصامية.. بادعيله والله
وأخر حاجة تفكرى فيها انه يكون عنده وقت فراغ
لأنه لديه مايكفيه من قضايا ومحاضر من زوجته الاولى.. وديون .. ومشاكل فى الشغل
والله حياته متلغبطة خالص ويمكن ده من غضب ربنا
وده اللى مخلينى صابرة للان وأشفق عليه ومش عايزة أزود همومى
لكن أنا خايفة على دينى أنا وأولادى
وصدقينى اللى قلتيه برضه عملته لدرجة انى كنت أخلى ماما تفصل الكهربا وهو قاعد كذا مرة كأن النور قطع.. لكن أنا نفسى يسيب الحاجات دى برغبته
أنا أقدر أمنعه مايشغلش الحاجات دى فى البيت خالص لان ده من حقى
لكن عايزاه هو يبقى كويس
لو منعته من الحاجات دى حاخليه يصلى بالعافيه او يقرا قران او يبطل يكذب أو يغض بصره أو أو ....

نوران حبيبتى.. بتعجبنى ردودك أوى
أسلوبك جميل ومريح
بصدق اختى .. عندما قرر زوجى يسيب البيت حسيت براحة ولكن أشفقت عليه هو
صدقينى راحتى وسعادتى فى البعد عنه
ليس دينيا فقط
لأن المشكلة فى زوجى أن اخلاقه أصلا مش كويسه
ليس لديه مروءة او رجولة للاسف عمرى ماشفته مهتم بأمور المسلمين
عندى صديقة صالحة وملتزمة لكن للاسف عانس .. دايما أطلب منه يجيبلها عريس
ألاقيه يشوح بايديه ويقولى أنا مالى
الحركة دى لوحدها كفيلة انها تنزله من نظرى
أقسملك بالله يانوران أنا لو أنانية وبفكر فى سعادتى لوحدى كان زمانى اتطلقت من زمان
كل مافكر فى حياتى بعد الطلاق وانا قاعدة متفرغة لعبادة الله وتربية أولادى فى بيت خالى من المعاصى أشعر براحة وسعادة
ولكن عندما أفتكره قلبى يوجعنى وأشفق عليه للاسباب الاتيه:
1_مستوانا الاجتماعى أفضل منه بكثير وهو تعود عليه ولما بيسيب البيت ويرجع بيت أهله بيتعب جدا
2_انى اتمسكت بيه ووعدته انى اصبر معاه وكنت سبب فى مشاكله.. فكونى اسيبه دلوقتى فده بيحسسنى بتأنيب الضمير وانى قليلة الاصل
3_هو بيحب بنتنا أوى ومتعلق بيها خصوصا أنها بتعوضه عن بعد بنته التانية عنه

لكن..
دينى.. هو ما أخشى عليه
المرة اللى فاتت لما كتبتلكم كنت بافكر فى الطلاق لحرمانى من الحب والرومانسية.. عشان كده أقتنعت بكلامكم وصبرت

لكن المرة دى الموضوع أكبر لأن مافعله معصية كبيييييييييييييرة لا أتحملها
الاسم اللى كان كاتبه فى الشات أقشعر له بدنى .. اسم بشع
وكمان موضوع الكاميرا
مش قادرة أتخيل شكله وهو...........!

أختى أم رقية
شكرا لأحساسك بيا.. ربنا يصبرك ويصبرنى

بجد انا سعيدة أوى بأرائكم مع أنى محرجة جدا وحاسه انى اخدت كتير من وقتكم.. جزاكم الله كل خير وجعله فى ميزان حسناتكم

[لحن القول]

سبحان الله
اعرف واحد نفسه القصه
ضربهااا ورجعوا تصالحوا بس هوه كتير بيعاند

[فرح1983]

أختي أمة الله والله أبكيتني يمكن لأني لاقية فيكي نفسي، الحل الوحيد ليكي هو الدعاء له، الدعاء يغير القدر ربنا يهديه ويهدينا ويجعل صبرك عليه في ميزان حسناتك اللهم امين.

[* اليازية *]

وعليكم السلام ورحمه الله وبركاته

هلا ومرحبا غاليتي أمة الله ...

غاليتي أمة الله ...
مصارحتة زوجك بما كان يجول في فكرك
أمر جيد جداً فليس هناك أفضل من الوضوح
والصراحة في العلاقة الزوجية ليكون كل منكم
على بينة من أمرة ...

ولكن غاليتي أنتِ أستخدمتي أسلوب خاطئ في مواجهته زوجك
بقرارك النهائي ...
التحاور مع الرجل للوصول معة إلى نتيجة إيجابية لابد
من إستخدام إسلوب اللين و الرفق و إختيار الوقت المناسب
والمكان المناسب للتواصل ...
أنتِ يالغالية المفروض أنك تبدى كلامك مع زوجك
بمدح أفضالة و صفاتة الحسنة ومأثرة حتي تهيئية نفسياً
لينصت لكلامك و يستمع لبقية حديثك معة ...
بعدها يالغالية أذكرى ما لا تحبين من تصرفاته
وعقبي عليها بكلمة نحن بصيغة الجمع بمعني أنكم جميعاً
سوف تنضرون من تصرفاته و أبداً لا تحصرين
الضرر في كلمة أنا و إبنتي بل استبدليها بكلمة نحن
و أولادنا ...

النقطة الثانية غاليتي أمة الله ...
أنتِ في حوارك الثاني إستخدمتي كلمة لازم
لتلزمية بالتغير وهذا الأسلوب يالغالية في الحوار مع
الرجل يدفعة للعناد و المكابرة والثبات على الخطأ
حتي لو كان يعلم أنه على خطأ...
و كان الأحرى بك غاليتي أن تستخدمي كلمة
يا حبذا أو ياريت حبيبي تصلي علشان الله يبارك
لنا في حياتنا و أولادنا وعلى هذا المنوال ...

غاليتي أمة الله ...
الأن أنتِ يالغالية ليس أمامك سوى أن تتركي الموضوع
يهدأ كم يوم تقريباً ثلاث أربع أيام يكون زوجك على الأقل فكر
في الكلام إلي دار بينك وبينه ...

وبعد الثلاث أيام إذا كنتِ لازلتِ على موقفك وراغبة في
تحديد مصيرك مع زوجك فلابد من وقفة جادة وصارمة ...

تجلسين معة وتختارين وقت مناسب يكون فية زوجك
رايق و هادي و تفاتحية في الموضوع و يكون كلامك فية
رقة و لين وتقولين له يا ابو فلان انا بحبك و الله يشهد
على حبي لك و انت زوجي و ابو أولادى وما حابة أني أخسرك
وتعددين مأثرة و فضائلة و بعدها قولين له تصرفاتك
لا يرضاها الله ولا رسوله و انا خايفة عليك أكثر من خوفي
على نفسي و حابة أنك تكون زوجي ورفيقي في الجنة
كما انك زوجي وحبيبي ورفيقي في الدنيا ...
فإذا كنت على أستعداد أنك تحاول أنك تصلي و تتغلب
على هوى نفسك و الشيطان فأنا راح أكون لك نعم الزوجة
ونعم الأم لأولادك أما إذا ما عندك إستعداد للتغير فانا سوف اختار
رضي ربي ورسولة علي ...
فأنت من طريق و أنا من طريق و كما دخلنا بالمعروف
نخرج بالمعروف ...
و حددي له مهلة لتفكير في الموضوع على الأقل ثلاث أيام ...
خلال هالثلاث الايام لا تكلمينة أبداً و لا تقتربي منه حتي يعطيكِ
قرارة النهائي ...

هذا الأمر في حاله إذا ما كنتِ غاليتي
قد قررتي فعلاً بينك وبين نفسك أن الأنفصال
هو الحل الأمثل لحياتك الزوجية ...

مع أني يالغالية شايفة من خلال حوارك السابق
مع زوجك أنك مترددة وخايفة من العواقب ...
فلابد انك تكوني واثقة ومتأكدة من صحة قرارك ودارسة نتائجة
من جميع الجوانب قبل ان تفاتحي زوجك بالموضوع
للمرة الثانية ...

فمن المحتمل جداً ان زوجك يختار الإنفصال ...
فلابد أن تهيئي نفسك لتقبل هذا الأمر ...

أسأل الله تعالى أن يكتب لك الخير حيث كان ...

[أمة الله..]

عاشقة الجنة..
أنا جوزى بقى مابيضربش ولا بيشتم
لكن أفعاله هى اللى تحرق الدم
ربنا يهديهم ويهدينا


فاطمة..
كتير للاسف مشكلتهم شبه مشكلتى
بس أنا ماحبش أكون سلبية
أنا صبرت كتير.. وكدة كفاية


أختى اليازية..
كنت مستنية ردك.. لأن تفكيرك بيعجبنى
ربنا يبارك فيك
انا معاكى ان اسلوبى كان قوى بالأول بس ماتنسيش انى ساكتة بقالى كتير
وحاولت معاه قبل كدة بهدوء وصبر .. لكن لحد امتى!
هو يا أختى مايفهمش الأسلوب الراقى اللى انتى بتنصحينى به
لما أكلمه بالطريقة دى مش بيصدقنى
لما كنت دايما أنصحه انه يعامل زوجته الاولى كويس ولما طردها وهى حامل وكنت اطلب منه يبعتلها فلوس.. كنت بكلمه بطريقتك دى
كان بيصدنى
ولما أشتكيت لأخته.. قالتلى انتى لما بتكلميه كده مش بيصدقك.. مفيش ضرة تقول لجوزها كده
جوزى وأهله للأسف تفكيرهم غير
صدقينى.. أنا مش مترددة أبدا ونفسى اتطلق النهاردة قبل بكرة
أنا بس خايفة عليه
مهما كان هو أبو أولادى وبيننا عشرة
وطلاقى منه حايشتته ويزود همومه
انا باشفق عليه من نفسه.. أشعر وكأنه طفل صغير لا يعرف مصلحته
لكن انا تعبت.. نفسى أعيش حياتى بسهولة ويسر
صدقينى انا دلوقتى محتاجة اللى ياخد بايدى ويغيرنى ويقربنى من ربنا لأنه غيرنى كتير وبقى عندى شوية فتور
بس الفرق بينى وبينه انى عايزة ارجع لربنا وبحاول.. لكن هو مستسلم للمعاصى والشهوات
خايفة مع الوقت أبقى زيه
ممكن لو استمريت معاه ماقدرش اخد بايدى وهو اللى يرجعنى لورا أكتر

مشكلتى صعبة جدا
عشان كدة أنا بصلى استخارة وبدعى ربنا كتير
وانتم كمان ادعولى

[* اليازية *]

السلام عليكم ورحمه الله وبركاته

هلا ومرحبا فيكِ غاليتي أمة الله ...

غاليتي أمه الله ...
من الواضح من كلامك يالغالية أن زوجك
غير ناضج بالشكل الكافي و ليس عندة إحساس بالمسؤولية ...
وغير مدرك لخطورة الوضع إلي هو فيه ...

غاليتي أمه الله ...
زوجك لكي يستفيق من غفلتة ويدرك ان كلامك جاد
وليس بهزار او مجرد تخويف و السلام ...
لابد ان تقرني القول بالفعل ...
بمعني أنك لو صارحتية مرة ثانية فمن الأفضل
أن يبتعد كل منكم عن الأخر بضعة أيام ...

ليذهب هو إلى بيت أهلة أو لتذهبي أنتِ بيت أهلك ...
وتتركِ له فرصة ليفكر بعمق وهدوء في قرارك وهو بعيد عنك ...
قولي له بعد الثلاث أيام أو حسب المهلة التي ستعطينها له
سأتصل بك لأعرف قرارك النهائي ...

غاليتي أمه الله ...
أنتِ يالغالية إستنفذتي كل وسائل الإصلاح من أجل أصلاح زوجك
وتغيرة و لكن كل الطرق لم تجذى نفعاً معة ...
فطباع الإنسان من الصعب تغيرها إلا إذا كان الإنسان
نفسة عندة إستعداد و رغبة في التغير ...

أنتِ يالغالية خايفة على مصلحتة في حين أنه
هو نفسة لم يخف على مصلحت نفسة و بيته و أهله ...

زوجك في حاجة ان يستفيق من غفلته و يدرك
انه إذا إستمر في المشي في الطريق الخاطيء إلى هو ماشي
فيه سيفقدة زوجتة و أولادة وبيته الأمن ...
ولن يدرك هذا الأمر إلا إذا فعلاً بينتي له انك جادة في قرارك ...
ويتلمس حقيقتاً هذا الأمر من خلال
تنفيذ أول خطوات الإنفصال التي تتمثل في المصارحة الجادة ,
أعطاء مهلة للتفكير ، البعد للتفكير بعمق ومن ثم الإتصال
لأخذ القرار النهائي ...

ولا تخافين علي زوجك يالغالية من الإنهيار أو الضياع
إذا ما نفصلتوا ...
فالرجل ليس هشاً كالمرأة بل يمكنة الصمود و التغلب على مشكلته
ويمكنة بسهوله ان يستبدل زوجتة بزوجة ثانية
كما وسبق و ستبدل زوجتة الاولى بك ...

أسأل الله تعالى يسر أمرك ويفرج همك ...

[العربية المسلمة]

السلام عليكم ورحمة الله وبركاته
اختي أمة الله بصراحة مشكلتك صعبة جداً ومش كل وحدة تقدر تتحمل اللي انتي متحملاه ولا اي وحده عندها صبرك وحكمتك وحبك لن أقول لزوجك فقط وانما لبنتك ولدينك وحتى لذرتك وهذا يعكس قلب مفعم بالطيبة والانسانية التي باتت اليوم مفقودة ، لن اقول أكثر من اللي قالوه الاخوات واعجبني رد اختي اليازيه لانه يحمل اسلوب علمي سليم في المحاورة وبما انك جربتي مع زوجك كل الطرق ولم تصلي معه الا للرفض إضافة انك مهيئة نفسك للطلاق ولا تجدي مشكلة وهذا يعكس برضة شخصيتك الحكيمة بحيث لم تختاري الاندفاع بعواطفك واتخاذ قرار الا بعد ان طرقتي كل الابواب وصدقيني هذا لن يجعلك تندمي ابداً لان ضميرك سيكون مرتاح لو حصل وتطلقتي ربنا ان شاء الله لن يخذلك لان من ترك شيئاً لله عوضه عنه خير وانتي ستتركي زوجك من اجل رضى الله فلا تقلقي واستمري في الدعاء فلا يوجد امامك الان غيره وانتي انسانة حكيمة فأعتقد انتي اقدر مننا في انتقاء وقت اخير لتصارحي زوجك بقرارك واعطاءه اخر فرصة بمنتهى الصدق والجديه وعلى ضوءها قرري ، أسأل الله ان يرزقك الخير حيثما كان وان يثبتك على دينك وان يفرح قلبك ببنتك ويعينك على تربيتها ويهدي زوجك للصواب يارب .

[rowida_ashraf]

الاطفال قبل التفكير فى اى شىء

بسم الله الرحمن االرحيم ............اختى الحبيبة امة الله ان الصبر هوميزة الصابرين اخواتى الحبيبات ما قصروا فى النصائح ولكن لاتنسى اطفالك عليك الصبر لاصلاحه و لمصلحة اطفالك والله سوف يجازيك خيرا عن ما تفعلينه لمساعدته وارشاده الى طريق الخير صدقينى لى صديقة ز وجها كان يخونها فعلا وكان لايعرف شىء عن دينه ولكنها كان لديها مثابرة وحب التحدى على اى احد يشاركها زوجها وحاولت كسبه بشتى الطرق اولا... الصلاة والدعاء والصبر والاحتساب وايضا البحث عن الطرق لجذبه اليها والحمد لله اليوم زوجها ليس له غير ها واولادو والصلاة فى اوقاتها وقراءة المصحف الذى كان لايهتم بمعرفة مكانة ..... الرجال دائما لايحبون الكلام الكثير الذى فيه تاْنيب وحاولى ملازمتة وتغيير طريقة الكلام معه والنصح يكون على فترات متقطعة حتى لا يمل منك انا اعرف ان المو ضوع شاق عليك ولكن صدقينى الله سوف يكون بجانبك وصدقينى صفة التكبر لايدوم من غيرك سيكون بجانبه فى اى شىء يصيبه من مرض او ياْس فى عملة لا قدر الله سوف يعلم انك الاصل ليس غيرك قلوبنا معك جميعا وابتسمى دائما واجعلى ذكائك يعمل قبل قلبك وطبعا ردى على انا انتظرك اختك ام رويدا

[أمة الله..]

أختى اليازية.. فعلا زوجى غير ناضج للأسف مع أنه يعمل من صغره ويتحمل المسئولية
فهو مجتهد فى أمور الدنيا أما الاخرة فلا
ولكن يا أختى انا تعبت واديته فرص ياما وكده كفاية
هو بدأ يتغير قليلا
لم يعد يدخل المواقع الاباحية (على الأقل فى البيت )
ولكنه مازال لا يصلى ومازال يكذب
المهم انه بدأ يتغير
سأنتظر حتى أولد فانا لم يبقى لى الا أيام وان لم يتغير خلالها سأتركه فورا دون نقاش او فرص
ناقشته بما يكفى وهو يعلم ما أريده

أختى العربية المسلمة.. أعلم والله أن الله سيقف بجانبى ولن يخذلنى
وأعلم أن حالى بعد الطلاق سيكون أفضل وأقرب الى الله.... باذن الله
جزاكى الله خيرا على شعورك الطيب

اختى أم رويدا..من مصلحة أطفالى ان يعيشوا بعيدا عنه ان استمر فيما هو عليه
فهو كان يعلم ابنتى الرقص من كام يوم
ولا أدرى كيف سأقنع ابنى القادم بان ينزل المسجد وخصوصا فى الفجر وأبوه نايم
اسأل الله أن يصلحه والا أضطر للطلاق


جزاكم الله خيرا جميعا

[إنجــــــــي]

اختي الحبيبة أمة الله
انا شفت من البداية موضوعك لكني بعد كل الذي قلتيه لم اجد ما اقوله
كل مافكرت فيه هو انت ومشاعرك
عشان هيك انا نفسي تحصل شبه معجزة وتنزل الهداية على زوجك ويرجعلك زي السمن عالعسل ويسعدك سعادة كبيرة تشاركينا فيها
هو هدا اللي قدرت اكتبه واللي نفسي فيه
وسامحيني على تقصيري وصدقيني كل ما اشوف اسمك بادعيلك