عايزة أواجه زوجى بشئ بس متردة ... ساعدونى الله يكرمكم

[العربية المسلمة]

جربي حلول الاخوات هنلي واصايل وان شاء الله شكك ينتهي ، بس اهم حاجة انتي على ايش ناويه بعد ماتعرفي شئ ، يعني بإختصار لا انصحك ابداً ان تعملي من هذه الحكاية مشكلة لانه ان حدث فعلاً وزوجك كان يكلم بنات فلا تعمليها مشكلة تخرب بيتك حاولي تحليها بهدوء وحكمة لانه من كلامك زوجك ملتزم وعاقل فلو بالفعل هو عمل كده اكيد بتكون نزوة ووسوسة شيطان لان الشات مكان تكثر فيه الوساخة فحتى لو كان الشخص نضيف ممكن الشيطان يلعب بعقلة فهنا يجي دورك وتصحي فيه الوازع الديني ومااظن انه بيكون صعب عليك لانه من الاساس هو متدين فكلامك بيأثر فيه وعاتبيه بهدوء واسأليه ان كنتي مقصرة معه بشئ ، وصدقيني الصراحة والحوار الهادئ البعيد عن الصراخ بين الازواج حل لكل المشاكل وهذا من تجربة وزواج عمره ثمان سنوات والحمدلله ناجح .

[**هاجر**]

انا رايي انك تحطي كرسي وتقعدي معاه طول الفتره اللي هو قاعدها على النت وتاجلي شغل البيت في الفتره اللي هو بيشتغل فيها والله يهديه والمسلمين اجمعين

[عنتره]

السلام عليكم

نصيحه للاخت في الله
حاولي ان تشغليه بامور محببه الى نفسه ومع الوقت سينسى موضوع الشات وادعي له بظهر الغيب ان يبعد عنه الشرور والاثام000والله يوفقك
وابتعدي عن التجسس لما فيه من الاضرار الكثيره التي لاتحمد عقباها000

[أختكم فى الله]

السلام عليكم ورحمة الله وبركاته
جزاكم الله كل خير على التعاون معايا والله انتم فوقتم توقعاتى إنتوا فعلا أخواتى فى الله وإخوانى
جعل الله كل مشاركتكم فى ميزان حسناتكم

أقولكم بقى على إللى أنا عملته
أولا
قررت إنى أنزل برنامج التجسس إللى الأخ العضو قالى عليه .. علشان أتصرف وأنا واثقة من إللى أنا قوله
المهم نزلته وحاولت أستبه بس برنامج الأنتى فيروس إلى على الجهاز أعاق عملية التستيب دى
وبقيت حيرانه .. فلغيت فكرة التجسس دى
وبعدين حصل كدة قدرا إن فى ضيوف جم لزوجى وهو كان فاتح الشات وأنا كنت فى المطبخ فراح يفتح الباب وقعد مع الضيوف وأنا دخلت غرفة الكمبيوتر ولاقيت الشات مفتوح بس كانت الصفحة العامة مفيش صفحات خاصة وعرفت هو بيدخل على أى غرفة وعرفت إسمه على الغرفة
كل ده كنت بعمله وأنا حاسة إنى جيمس بوند فى زمانه ناقص إنى ألبس نظارة شمس وبلطوا إسود
المهم
قولت إنى لما زوجى يخرج هدخل بإسمه وهشوف مين إللى هيكلمنى أو هيقولى إيه يمكن أعرف أصدقاءه على الشات رجال ولا نساء
المهم عملت الحكاية دى حوالى ربع ساعة بس محدش وجهلى كلام خالص
فزهقت وطفيت الجهاز
ومبطلتش تفكير
قولت مفيش غير إنى أنده عليه وهو بيتكلم على الشات وبعدين هو يخرجلى وبعدين أنا أجرى أقعد على الكمبيوتر وأقعد عليه على أساس إنى بهزر وعايزة الجهاز بس مكونتش عارفة أقومه
والمهم عملتها بس لاقيته قفل الشات قبل ما يخرج يرد عليا

فآخر ما زهقت عملت إيه بقى ......... هقولكم فى الرد الجاى إن شاءالله

[أختكم فى الله]

نكمل الحكاية
كنت قاعدة بره فى الصالة وهو كان قاعد على الكمبيوتر وسمعاه عمال يكتب على الكاى بورد وحاسة إن كل ضغطة على الكاى بورد كأنها بتقطع فيا وكنت خلاص أرهقت من كتر التفكير وتعبت حتى حسيت إنى بدأت أتعب عضويا فعلا

فندهت عليه براحة كدة وبعدين جه
فقولتله بهدوء تعالى أقعد عيزاك فى حاجة
فجه وأقعد جمبى وقالى خير
قولتله قول والله العظيم أقول الحق
فقالى وبدون تردد والله العظيم أقول الحق
قولتله إنت بتكلم مين على الشات
فقالى بكلم ناس عاديين رجالة مش بنات وحلف إن كلامه صح
فقولتله طيب ليه بتقفل الشات لما بدخل الأوضة والموضوع ده إتكرر كتير
هو بصراحة قالى إنه يعنى ده مكنش متعمد هى جات كدة يعنى ..
بس أنا بصراحة عديتها بمزاجى علشان الحوار يفضل هادى .. وحسيت كدة بيقول أى حجج
بس قالى خلاص لو دخولى على الشات بيضيقك مش هدخل عليه تانى خالص
وقعد يقولى إنه فعلا مش بيكلم بنات .. فأنا قلتله حتى لو بتكلم رجال فأنا أولى بالوقت ده حتى لو كان خمس دقايق
وسألته إنت مقدر فعلا إنى كان من حقى أشك فيك
فقالى فعلا كان عندك حق
وقولتله لو كنت مكانى وكل لما تدخل عليا الأوضة أقفل الصفحة إللى أنا فتحاها مش كنت هتشك فيا
فقالى أكيد طبعا وقالى أنا آسف ومعدش هعمل شات تانى خالص مع حتى الرجال
هو طبعا كان مطاوع وهادى كدة ومعترف بغلطه علشان كان موقفه ضعيف

فالكلام خد بعضه بقى
وأعدت أحكيله إنى شكيت إنه متعلق بوحدة معينة وإنى عملت موضوع على المنتدى أستشير الناس وإنى حاولت أنزل برنامج للتجسس بس معرفتش وفضل يضحك جداااااا عليا على موضوع التجسس ده
قولتله علشان أمسكك متلبس
والمهم قولتله على جميع الخطط إللى عملتها وإللى كنت ناوية اعملها وإللى منفذتش منها حاجة خالص
المهم قعد يضحك عليا وأنا إستريحت الحمد لله لما حكيتله الحكاية دى كلها


وبينى وبينكم هى حججه كانت ضعيفة والتهمة لبساه بس أنا حسيت إن الموضوع كان مجرد لعبة شيطان وإن شاء الله مش هيعملها تانى
والمسامح كريم بقى
وكله يهون علشان خاطر علاقتنا متتهزش



أما إنتوا أنا عارفة إنى طولت عليكم جداااااااااااااااااا
بس زى ما ساعدتونى كدة بإخلاص
أنا حبيت إنى أحكيلكم على كل حاجة حصلت بالتفصيل
وجزاكم الله كل خير

[mellow heart]

السلام عليكم
الاخت الكريمه
الحمد لله أنه انحلت مشكلتكي بكل سهوله ويسر
ويعلم الله انا فرحنا لذلك
ها انت عرفتي الطريق السهل والمختصر للتعامل مع زوجتك
في المره القادمه واسأل الله ألا تكون مره قادمه
عاملي زوجك بنفس الطريقه افتحي له قلبك واحكي له ما يجول في خاطرك
هذه اسلم الطرق
وفقك الله وسدد خطاك
دمتي سالمه
والسلام عليكم

[أصايل 999]

الحمد لله الله يبشرك بالخير

خلاص أنت هالحين عرفتي طبيعة زوجك فأي شي يضايقك قوليله عنه بصراحة وبكل هدوء عشان الشيطان مايدخل بينكم

الله يوفقك وزوجك ويرزقكم الذرية الصالحة

[حلـــ انثى ـــم]

راي من راي الاخت اصايل 999 بانه عند صديقتك مشكله وتحكيله
او تحاولي تجلسي جنبه وانكم بتتونسو سوى لو انزعج وقومك اساليه ليه وان تعامل معاكي طبيعي يعني اللي ببالك مجرد اوهام والمساله كلها تعتمد على الاسلوب وانتقاء الكلمات المناسبه
والله يعينك ويوفقك

[حناشة]

الحمدلله ان مشكلتك انحلت من دون مشاكل حبيبتي الله يوفقك انتي وزوجك يارب

[دنيا الاحلام]

بصى يا حبيبتى انا هقولك خبرتى مع النت

بصراحه انتى لو واجهتيه هتكونى انتى اللى غلطانة وفعلا علاقتك هتسوء جدااا

انتى بتقولى انه ملتزم وعلى خلق وييحبك وعلاقتكم ماشاء الله كويسه

ربما فى موضوع محرج بالنسبه له مش عايز يحكيلك عليه

فلو قدرتى تقعدى معاه وتعرفى منه هو يكون افضل من انك تجسسى عليه وتعرفى بيعمل ايه

صدقينى لو اتجسستى عليه هتنهارى نفسيااا وهتندمى انك اتجسستى فى الاساس لانك ممكن ترى شىء صعب

تحمله

وفى ايه كريمه تقول يا ايها الناس لا تسئلوا عن اشياء تبدو لكم تسئكم صدق الله العظيم

ربنا ييسرلك حالك وابقى طمنينا عليكى حبيبتى

[(( السكب ))]

اقول

أنا زي طبع زوجك سابقا

في أول بدايتي في الكمبيوتر

وبالعكس أنا زوجتي كذا بدأت بالتشكك...والمشكله اني ما أدخل غرف

في منتديات ..معروفه اسلاميـه وعربيه يعني ما فيهاش صور ولاغيرها

والحمد لله بالعكس صارحيــه...بوقت الرومانسيــه ..

وأعتقد أن أكثر 90 بالمائة من مستخدمين النت يفضلون لحالهم

[هنلي]

الحمد لله الله يبسطك ويهنيكي اختي كمان وكمان انتي وزوجك مافي احلى من الصراحه
وبين فتره والثانيه وديله من ايميلك انتي رساله حلوه الى زوجي العزيز مع بطاقه النت مليان حاجات حلوه وهو رح ينبسط فيها
مشكلتك بسيطه اختي بس عايزه انتباه يعني انتي من اولها حكتيله هيك ميلح وخليه يضله منتبه دايما انه في حدا مراقبه ومره على مره رح يبطل شات
بعدين مبين من كلامك انك عروسه جديده يعني لسه مافي اطفال او حامل بس بكره ان شاء الله ربنا يعطيكم احلى اطفال رح ينسى كل النت وكل الشات ويموت في النونو ويصير النت بالنسببه له بس يدخل يوخد معلومه واو اشي مهم ويخرج
وربنا يرضى عليكي انتي وزوجك ويخلي ايامكم كلها محبه في محبه

[rINO]

سلام
أنا كمان مع الأخت هنلي
مافي احلى من الصراحه

[ملك الابتسامة]

الصراحة راااااااااااحة....
تخيري وقت مناسب واطلبي منه انه ياخد منك الكلام بصدر رحب....واستخدمي اعسل اسلوب حتى في مناقشة مثل هذا الموضوع
واكيد على اسوا الظروف لو انه فعلا في شيء غلط موجود بحياته
هيفكر وهيراجع نفسه بعدها

[القمــــــــر]

تأكدي

يقول الله عز وجل
يا أيها اللذين آمنو أذا جاءكم فاسقن بنبأ فتبينوا أن تصيبوا قوماً بجهالة فتصبحوا على ما فعلتم نادمون
أو كما قال جل وعلا