تويت
فين نجلس؟ شوروا علي
السلام عليكم
كيفكم عزيزاتي
رمضان مبارك علينا وعليكم ان شاء الله
المهم...
حبيت أستشيركم في موضوع محيرني من يومين
الموضوع وما فيه اننا عايشين في ماليزيا بعيد عن اهل واهل زوجي من تقريبا3 سنين
يعني من يوم ما اتزوجنا وانا كنت عايشة هنا اصلا لدراسة وووووو طيب الين هنا ما في اشكال
المشكلة اننا الآن راح ننتقل للسعودية ونعيش هناك
هو حلو انك تعيشي مع أهلك واهل زوجك عشان أولادك يكون
قريبين من أولاد أعمامهم وأولاد أخواني وهذا اللي كنت أبغاه
لكن في نفس الوقت أخاف لا تصير مشاكل >>> متعقدة من حكاوي الناس وحماواتهم
يعني على الأقل نحن بعيدين عن بعض والمشاكل
فيه بس على خفيف فكيف لو كنا قريبين من بعض!!
وهذا اللي بعانيه في حياتي وإن كان بشكل غير مباشر المشاكل يعني..
النقطة الثانية مسألة السكن
زوجي كانت فكرته انه يكون مع أصحابه في جدة أول كم شهر
لحد ما ناخد لنا شقة في أي مكان وهذا بحيث اني اكون عند أهلي
المشكلة انه امي متزوجة وأخوي اللي أكبر مني ساكن معاها في
نفس البيت ويمكن كمان بعد شهر بيجيب حرمته على السعودية من ماليزيا
وهو عنده 3 أطفال وفيه كمان أخوي اللي أصغر مني وعمره 20 سنة
والبيت مو ذاك الكبر فأخاف لو رحت انا كمان جلست هناك طبعاً يبغالي
غرفة >>> أرجع غرفتي ايام العزابية يعني ومعايا أولادي الـ2
يعني البيت راح يكون فيه 5 أطفال وهذا بالنسبة لأمي إزعاااااااااااااااااااااااج
خاصة انها ما تحب إزعاج الأطفال خاصة في الليل وهي بعذرها والله
مسكينة ربتنا وكبرتنا وكمان أزلادنا يزعجوها ما صارت
نروح لبيت اهل زوجي
أخوات زوجي كلهم متزوجات وما بقي إلا الأولاد واحد عمره 21 سنة
والثني اعتقد 17 وواحد كبير في الثلاثينات يعني البيت كللللللللللللله رجال
وانا راح اكون محبوسة في غرفتي طول الوقت ولو طلعت منها لازم اكون
بطرحتي وطبعاً مستحيل لو أبغى أخرج أو مثلا لو أحد من أولادي تعبوا لا سمح الله
أقول لهم ويستجيبوا لي بسرعة اساساً الأولاد طول الوقت في الشارع
وما يجوهم الا لما يتصلوا عليهم
أوقات أقول أهلي أرحم بكثير من أهل زوجي لكن في نفس الوقت
أخاف أثقل على أمي خاصة انه أولادي ماشاء الله حركيين :42:
نقطة أخيرة..
الكثير منكم أكيد عاشوا بعيدين عن اوطانهم واتكيفوا بمعيشة البلد الجديد
هل تقدروا ترجعوا تعيشوا مرة تانية في البلد اللي كنتوا فيها من قبل؟
يعني انا هنا أقدر أخرج بكيفي سواء تاكي والا مع صاحباتي أهم شي
زوجي عارف فين رايحة طبعاً.. هنا أدري انه مستحييييييييييييييل
اخرج لحالي يا مع امي يا مع اخوي لو كان زوجي مش موجود
مدري هنا اتعود على الخروج براحتي هناك راح اكون مقيدة مرة
شي تاني اللي هي تربية اولادي
هنا انا مرتاحة محد يتدخل واقدر اشكل اولادي على راحتي
لكن هناك اكيد راح تكون اعتراضات سواء على كيفية تعليم اولادي
او حتى تصرفاتهم ووووووووووو
في نفس الوقت اخاف أولادي ياخدوا أشياء كثيرة غلط موجودة
في المجتمع هناك يعني فيه ناس عندهم ضروووووووووري الولد ما يجلس في البيت
كله بالشارع وبكرة النهار يقولوا أولادنا عاملين لنا مشاكل!!
انا لي أسلوبي الخاص في تربية أولادي وأخاف لو عشت مع أهلي أو أهل
زوجي ألاقي تدخلات في التربية >>> حركات الجدات يعني
وعلى قد فرحتي برجوعي عند أهلي وناسي والمكان اللي اتربيت فيه
على قد ما أنا زعلانة على البلد الحلوة هدي اللي عشت فيها أحلى أيامي
خخخخخخخ
تعليق