" يوميات مغتربة "

[um bader]

أخواتى الحبيبات عضوات وزائرات النافذة الإجتماعية
أسعد الله صباحكن بالخير و المسرة

فهذه أم بدر تحييكن و توافيكن بآخر أخبارها فى الغربة
ولكن المشكلة أنها الآن وصلت إلى مرحلة غاية فى التعقيد
حيث أن الحالة النفسية و المزاجية أصبحت فى منحنى كثير التعرج

الحبيبة ماما حميدة سألتنى عن أخبار سعدية و حمدية
والكثير شجعونى على الكتابة و الإستمرارية

ولكثر أشغالى الدراسية
والأمور المنزلية
بالإضافة إلى إنتصافى فترتى الحملية

أصبحت ام بدر النقاقية
مابعرف شو بتقلوا عليها باللهجة الخليجية
زنانية لحاحية
اللى هية باللهجة المصرية

قامت إختكن ام بدر من النوم وفتحت الشباك و إذ بالشمس الساطعة و الجو الجميل البديع
ولأن زوجها طيب وقال لحاله خلينى آخذ يوم إجازة أقضيه مع الولاد
قامت أم بدر ما سمت بالرحمن
فتحت إذاعتها

وبدل ما تقول صباح الخير لأبو الشباب بلشت إذاعتها المحلية
نحنا نايمين و الجو حلو... كل يوم مثل الثانى
إمبارح مثل بكرة مثل اليوم
أنا ضاق خلقى
أمى سافرت ومبسوطة بسوريا
وأهلى بالكويت مبسوطين و متجمعين
وأنا يا حسرتى علية
وبدت الندب ولطم على حظى...
انا مليت بدى إرجع على بلادى بدى عيش مثل مانن عايشين الناس

قام أبو بدر قال أصبحنا و اصبح الملك لله...

قلتله إنتى هذا الشاطر فيه
إحكى كلمة مثل العالم فشلى قلبى... لك تقاتل معى منشان الله

مازال الأخ محافظ على أعصابه
لك إنتو الرجال كلكن هيك بتسمعوا اللى بدكن إياه و بطنشوا اللى ما بدكن إياه

إسمع يا إبن الناس معك من هون لشهر 5 الجاى بولد إن شاء الله وباخد البيبى و بروح فيه على أهلى 3 أشهر و إنت و الأشبال الثلاثة هون خليك هون إشبع من كندا..

قام بدر قال أنا بدى روح معك ما بدى كندا... نط عمر قال نفس الشى... قام ناصر وقال انا كمان
قلتله إسمع خود أولادك ودبر حالك... أنا ضاق خلقى بدى شوف عمرى يا ناس,,,

طبعا هذه الإسطوانة تتكرر من فترة لفترة بس هالإيام عم تتكرر كثير مابعرف شو صاير عندى...

المهم, قال وبكل برود الله معك
راح أحجزلك خط واحد روحى إشبعى من إمك و كل أهلك

إنقهرت انا كثير هون..
قلتله لاء يا حبيبى بدى خطين رايح جاى... شو لكان

قال ليش مو بدك تروحى تشوفى عمرك و أنا كمان...

قلتله... شو يا عمرى... شو ناوى تعمل

قال إنت بتروحى و أنا بشوف بنت الحلال وبقعد وبنبسط وبنفس الوقت بدير بالها على الولاد. وإنت كمان بتشوفى أهلك وبتنبسطى

حنون بسم الله على قلبه كثير عم بفكر بالولاد

قلكن الصدق: أنا كنت لما يقلى هيك ماكانت تفرق معى ولكن بعد ما عم بسمع من أخبار الرجال و قصصهم و إنحرافاتهم و إنن كل شى ممكن يعملوه

قلتله نعم
إن شاء الله بقبر اللى بتقرب عليك ويمكن تحصلها وراها منشان ما تشتاق لفراقها...حاكم العرسان ما فيهم يفارقوا بعض ابنوب ابنوب .

وبعدين قمت أعمل فطور و إنتهت النوبة على خير ولكن الخوف أن تعود هذه النوبة بعد فترة قصيرة... لأنى بعرف الرجال بيملوا من كثر النق و السق وحتى انا مالى خلق على الإعادة والتكرار بس عن جد شى بديق الخلق خصوصا بالصيف بهالبلاد أماكن محدودة لنا نحن المسلمين وبقية الأماكن كلها عري وتفسخ و الأولاد عم بيكبروا والله يعين..

هذه بعض يومايتى الساخرة الحقيقة....
أحببت أن تشاركونى فيها وكما تعلمون أنى أضفت بعض المنكهات كى نضحك سويا ونفش خلقنا بطريقة مرحة بعض الشىء.

مابعرف إنتوا يا مغتربات كمان مثلى لما بس أنا؟؟؟؟

[لينا الأمورة]

مو بس المغتربات كمان في السعودية نفس الشي
صدق ان الرجال ماينعطون وجه

[سهام حب قاتل]

روعة

موتيني من الضحك

[um bader]

أهلين لينا الأمورة

كمان عندكن بالسعودية نق و سق

مانى عرفانى هالرجال ليش مشكلجية...
الله يهديهن بس... عاملين مسالمين وهنى السبب بكل تأزماتنا النفسية و العاطفية...

بس كمان حبابين وبيظلوا مطلوبين فى الحياة... ولا مناك معى بهالنقطة...

-----------------------

سهام حب قاتل
منورة حبيبة قلبى
الله يرضى عليك أنا بريئة مو قصدى أموتك... مو ناقصنى تهم" بنوب بنوب"..
بحبها لها الكلمة كثير وبتذكرنى بمسلسلاتنا السورية
ترى اللى فينا مكفينا كمان ننطرق حكم بالإعدام الله يرضى عليك أقعدى واسكتى...

[أم ألوفي]

ههههههههههههههههههه
الله يسعدك ياأم بدر ويهون عليك
بصراحه كلامك عسسسسسسسسسسسسسسسسسل
لا تحرمينا يومياتك بالسجع!!!!!!
إسلوبك حلو

[عاشقة الحلويات]

الله يعين يا أم بدر

كلنا بالهوا سوا صدقيني

أنا كل يوم والثاني بطلع اسطوانتي مثلك على زينة الشباب زوجي

بس هو يرفض رفضاً قاطعاً

قال شو: ما بيعرف يعيش عزابي مرة ثانية

مرة جرب أنه يعيش لوحده ونحن بإجازة

فضاج وهاج وصار يشتاق لنا كثير وما يدخل للبيت غير للنوم

وصار شغله ماشي شهرين للأمام (سابق مواقيت عمله )

يعني صار يتفشش بشغله ويخلص أسرع من المخطط له والمطلوب

هون شي بيطقق بالفعل

فيه مثلاً معرض بنفس المدينة التي نحن بها

دخلنا لنشوف لقينا المعرض كله فساد بفساد

شباب عم يتفتلوا وبيديهم الجوالات ويرمون أرقام جوالاتهم للبنات

رحنا لحديقة معروفة فقط للسوريين لقيناها خربانة ومقلوبة رأس على عقب لأنه كل السوريين بإجازة

بدنا نروح على البحر ما فينا لأنه البحر حر بالنهار جداً فلازم نروح بالليل

رحنا لمنطقة هون مرتفعة كتيرفيها غابات بتنزل علينا المطر كلما شوينا لحمة

كل الناس من حولنا نزلوا إجازة وما بقينا غير نحن وكم عيلة

والله شي بيطقق وبالذات للأطفال

يعني لا خالة ولا عمة ولا جد ولا ست يدللوا الأطفال

ولا حتى أولاد بيفهموا وحناين حتى يأمن الواحد أنه طفله يلعب معهم




عزيزتي أم بدر الظاهر أنك مصابة بإكتئاب الحمل

وأفضل علاج له تطلعي من البيت أول ما تحسي أنه ضاق خلقك

إن شاء الله حتى لو يفتلك زوجك بالسيارة من دون ما تنزلي

المهم أنك تغيري جو البيت بسرعة وحتشوفي شلون حتتحسن أمورك

الله يخلصنا من غربتنا على خير وبركة ويجعل صبرنا فيها بميزان حسناتنا

[um bader]

أهلين فيك أختى أم ألوفى,,,
مرورك الأحلى و الأجمل عزيزتى,,,

أكيد راح وافيكن بكل نشراتى الإخبارية وخاصة منها الصيفية
حيث ان النهار طويييييييل
والشمس بتغيب عنا الساعة 9:30 ليلا وأما العشاء فالساعة 11منتصف الليل

فعندى يوميات طويلة و طويلة جدا
تحياتى,,,

--------------------------------------------------
هلا فيك عشوقة,,,
الله يعينك كمان إنت فى غربة
بس والله يا إختى غربة عن غربة بتفرق...

والفساد الموجود هون بيظل أكبر و أفظع .....
الناس عنا من غير هدوم.. أو بيمشوا بقطعتين فقط...
على قولة ناصر بكينى و بيضحك..

هديك المرة قلتله أنا بدى إشترى بكينى مع الحمل بدى إطلع غير موديل...
حابة خوف العالم و خليهن يكرهوا يلبسوه. يقصف عمر اليهود يا حق...

[ام كفاية]

هلا عزيزتى اللة يعيننى ويعينك على الغربة وبلويها انا انصحك بعدم ترك زوجك الابرضاء منة مش بعيد ترجعى وقدوة مزوج عليك بعيد اشر اعتقد ضيق عشان انتى حامل انشاء اللة لما تولدى كل شى بيكون تمام اذا انتى مصرة ترجعى اعملى اطلس يعنى ياقلبى يازوجى ايش رايك اروح اشوف اهلى ورد لحبيبى على ينفع اللة يسعدك ويسهل لكى ولادتتكى انشاء اللة قولوا امين

[* اليازية *]

السلام عليكم ورحمه الله وبركاته

يسعد الله مساكِ حبيبتي أم بدر بالأنوار و المسرات ...

والله يالغالية ما كنا نعرف أن مطالبتنا إياكِ بعمل روووريات
جديدة راح تجيب نتيجة و تخلي الوحي ينزل عليكِ
و تتحفينا بهاليومياااااااات إلي دمها مثل العسل ...
كنا قدمنا لك هالطلب من زماااااااااان ...
أضحك الله سنك يالغالية فشر البلية ما يضحك ...
كان الله فعونك وعون أبو الشباب زين منه مستحمل
منك هالنشرة المحلية ...
والله ما حد كاسر خاطري غير الأشبال الثلاثة بدك
تسبيهم و تسافري يا أم بدر مش حراااام ...
سمي بالرحمن يالغالية و طولي بالك ولي بدك إياة
راح إن شاء بصير بالتفاهم و الهداوة ...
ومثل حالتك ياعمري كثار فلا تضايقين روحك وانتِ
حامل بعدين يطلع البيبي عصبي وخبير في النق و السق ...
وربنا يالغالية يسر أمرك ويفرج همك ويسهل عليكِ
ولا دتك ويرجعكم لبلادكم سالمين غانمين ...

[إيمان علي]

ما في أمتع من قراءة كلماتك وسماعها كمان يا أم بدر
يا بنت الحلال كل واحدة بهذه الفترة من الحمل بتصير بتفكر كثير بأمها وأنت خاصة تسهلت أمك جديد على البلاد ولهذا تغير عليك الحال
بس حاولت تخففي النق والزن، وبدل ما تقولي خذ الولاد وأنا بروح أشوف عمري، بتقولي: بس أولد بشهرين إن شاء الله بدي آخذ هالولاد وأروح أشوف أهلي وما بدي أتأخر عليك كثير، يا دوب 9 أشهر متى نحجز؟

أقولك الصراحة أم بدر.. أنا ما بعرف شو يعني غربة .. وين ما أقعد بعتبر نفسي قاعدة ببلدي، وخلص، بريح راسي

[ماماحميدة]

يسعدلي مساك ياحلى ام بدر

ضحك الله سنك تئبشي البي دمك عسل وانتي معصبه بس خفيها شوي
على ابو بدر اوعى تنقي وتزني كتير بيصير يدير دينة الطرشى
الرجال بيسمعوا الي بدهم ياه ,,الله يعينها على الصيف والشوب ,,بصراحه الضهرة بالصيف
محراء وابالشتا مغراء وتلج وقرف ونفسي روح غير جو ,,وبو محمد مافارقه معه
تعود على كندا وبيحبها العترى عليه وشي بزن عليه وبسئله وين بدنا نسافر الحمد لله سمحوا
له بالسفر بيقول بعد بكير ,,شكله مامطمن بعد وانا فكري هوييغير جو ويتنشط ومناخ لبنان
انشط وخاصة بالجبل برود طبيعي مامتل المكيف بيضيق الصدر,,هي الغربة يا ام بدر بدها طولت بالك
وياريتك قريبه صحيح بكندا بس ناس بالشرق وناس بالغرب ,,,يالله ياحلوة سمعينى اخر الطق والنق
وترك ابو الشباب احلى مايطفش وتقولي ياريت الي جرا ما كان ويارب تقومي بالسلامه
وتقضي اوقات حلوة مع الاهل بس اوعي تترك زوجيك هون مابتضمني بنووووووب
يامامن للرجال يامامن المي بالغربال ,,حطي خبزتك على جبنته وخدوا هالولاد
ويابتروحوا سوا او بتبقوا سوا ويارب يهون عليك وتولدي وتقومي بالسلامة ومجبورة الخاطر
وماتنسي بتبعتيلي مغلي ومهلبيه ,,او اشطلييه او احلى مابعتلك سعديه تطل عليك عبكرا والضهر
ومرات منعشيه طالما الحكايه فيها عفويه وامليه وتئبشينى حبوبه بيتي بيتك وشي
بتضهر من عندك مابتقلك جارتنا تعالي عملي الصبحيه وهي انغاب راسها
بيطلوا اجريها وبتخاف تتاخر تروح عليها خبريه او اكلة فول وطعميه
ام بدور سرتني تجاوبك وبانتظار مايجود به قلمك ياحلوة

[#جاردينيا#]

والله روعة ام بدر ضحتيني

[عبير القدس]

ام بدر

بدي احكيلك شغلات كتيييييييييير بس بدون زعل

اوكي

اول شي اسلوبك في الكتابة مو حلو




























مو حلو بنووووووووووووب

اسلوبك بيجنن
بيطير العقل
كيف هالسناريو صدمة بعدين مفاجئة

بس عنجد دمك عسل



تاني شي
الله يخليلك ولادك يا رب
و ان شا الله بتقومي بالسلامة انتي و البيبي
و يخليلك ابو العيااااااااااااااااااااااااااااااااااااااال
احكي اميييييييييييييييييييييييييييييييييييييين





تالت شي و هو الاهم
الحق عليكي
انتي اللي بلشتي بيومياتك
و لاحظي سميتيها يوميات
يعني بدنا ياها كل يووووووووووووووووووووم
خلااااااااااااص تعودنا(شايفة من اول يوم)



و لا شو رايك

[um bader]

حياك الله أم كفاية,,
كمان إنتى بالغربة الله يعينك يارب...
ولا يهمك محسوبتك تبعت حركات و بس...
وإن جيتى للجد فأنا قد الحمل و الغربة و إلا ما بقعد لأبو الشباب سبع سنوات منتظرة الفرج معه...

ربى يسعد قلبك ويرجعك لأهلك بخير وسلامة يارب.
-----------------------------

وعليكم السلام و رحمة الله وبركاته ألوزة
يسعدلى هالصباح يا حق,,,

من غير ما تطلبى روايات ولا غيرا من طق الحنك معك إمبارح إنفتحت نفسى و قريحتى على الكتابة..
وبعد ما رديت على رسالتك قمت طرقت هالموضوع
وقلت خلينى فش خلقى لحبيبات قلبى بالمنتدى..

وما بتتخيلى سعادتى بردودكن اللى فعلا بتهون علية الكثير...

ولا يهمك ماراح نق كل يوم...
يوم بخليه للنق
واليوم التانى بقعد بغنى بكرة النق وبكرة السق...

منشان الرجال ما يزهق اخطي ماله حدا يفش خلقه....

[um bader]

يا ميت أهلين و سهلين بأم بلال,,,
مرورك الأحلى و الأجمل

بس حاولت تخففي النق والزن، وبدل ما تقولي خذ الولاد وأنا بروح أشوف عمري، بتقولي: بس أولد بشهرين إن شاء الله بدي آخذ هالولاد وأروح أشوف أهلي وما بدي أتأخر عليك كثير، يا دوب 9 أشهر متى نحجز؟

يا خطيرة إنت,, , يعنى أروح 9 أشهر مع الولاد و أخليه لوحده ...
حرام عليك وين القلب الحنون أترك أبو الشباب فى هذه البلد يسيد و يميد ..
إلا رجلى على رجله ومثل ما جينا سوى منطلع سوى..
ما عم تقرئى قصص الرجال وعمايلن...

ترى أنا عم بمزح والله. وبالنسبة لصبرى لم ينفد بعد وأبو بدر حبيب و طيب ومافينى على فراقه بنوب بنوب...

بالله إذا سافرت ورحت لمين بدى نق ومين بده يسمعلى...
الله يخليكى بتحمل الغربة بس كرمال النق مو شى تانى...