ساعدوني---للمتزوجات فقط!

[البراقه]

السلام عليكم ورحمةالله وبركاته
ارجوا منكم يااخواتي اللي عندها خلفيه وخبره عن حل مشكلة البرودالجنسي تفيدني ضروري

[سوسو1983]

مرحبا اختي
حضرتك تقصدي برود جنسي في زوجك ولا فيكي انتي؟؟؟؟؟؟
الله يسعدك يارب ويوفقك
مع حبي

[البراقه]

مشكوره حبيبتي سوسوانك تفاعلتي معي

البرود فيني انا زوجي عنده طاقه كبيره ماشاء الله طبعا ماكنت كذا بداية الزواج انا لي اربع سنوات متزوجه تقريبا

يمكن اقول الحاله النفسيه لها دوركوني الزوجه الثانيه وهو يحبني لكن طلق زوجته الاولى لانها راعية مشاكل وضع اولادها عندي وهم عندي من 5اشهر بس ماني قادره اتحملهم وفاتحت زوجي بالموضوع وقال اذا مانتي متحملتهم اطلعك في بيت واتزوج اخرى تكون مسؤله عنهم ولك كامل حقوقك وانا والله اخاف الله فيهم بس مسؤوليتهم كبيره
اسفه اني طولت عليك ياقمر ودخلتك بموضوع ثاني

[جنوبيه mooon]

هلا يالبراقه خليك شاطره واهتمي في عياله لانهم الحين عيالك ربيهم على كيفك تربيه سليمه تختلف عن تربيه امهم خليهم يلتهون بحفظ القران اذاهم كبار واعطيهم جوائز واذا هم صغار مايعرفون هيئ لهم جو لعب ومرح تفرحينهم وتوخرين اذاهم عنك وعن زوجك ويحس باهمتمامك فيه هو وعياله ومااخذك زوجه ثانيه عشان يجيب عليك وحده ثالثه خلك ذكيه وشاطره وياليت تشرحي لي وضعك كيف بالتفصيل عشان افهمك من الاول
ومشكله البرود هذي مالها حل في كتاب فيافي تقول وحده تبغى شي يخلي المنطقه حاره عشان زوجها قالت لها فيافي كلي فلفل اسود كثير مع الاكل واذا ماتحبينه خليك مثل وحده اعرفها تقول الله خلقني كذا ماحس وهو يبغاني شعله وهي الحين تمثل عليه بكل شطاره انها بتتجنن عليه هو وجنسه وانه رهيب 0000الخ
فانتي مثلي والله الله في الصوت والدلع يموتون فيها الرجال واحذري تخلينه يحس انك بارده ترى لازم تمثلين انك متفاعله معه مررررره
بس انتبهي تضحكين ترى بيكشفك خليك شاطره سمعتي علميني من بكره وش صار واذا مافهمتي ردي علي وافهمك اكثر
وليله سعيده حافله

[noran5]

بسم الله الرحمن الرحيم

غاليتي البراقه

سعدنا بانضمامك لنا ..... نتمنى أن تقضى معنا اوقاتا مفيدة

أختي الحبيبة كان الله في عونك
فتحمل مسؤولية الآطفال ليست بالامر الهين و تحتاج الى جهد نفسي و جسدي كبير
من الام ...و في حالتك الجهد يكون مضاعف لآنك زوجة الاب
فعليك أن تقفي مع نفسك وقفة جادة و تحددي

هل بامكانك أن تستمري في العطاء لهؤلاء الاطفال بحيث أن لا تظلميهم و تكوني أم بديلة لامهم
أم ان امكانياتك الجسدية و النفسية تخونك
و اعتقد انك اذا توصلت مع نفسك لقرار واضح و اكيد ....سترتاحين كثيرا

و يا اختي الحبيبة ...رغم اني اعلم جيدا ان الآمومة غريزة فطرية يصعب أن تستحدث لغير الابناء احيانا
الا أني أوصيك باحتساب الاجر عند الله ...و انظري لهؤلاء الاطفال على انهم ايتام
و استمري في رعايتهم ...علك تكوني جارة الرسول الحبيب في الجنة

أما اذا كنت غير قادرة ...فلماذا لا يجلس الابناء عند جدتهم ( أم زوجك )
لماذا الحل البديل هو ان يتزوج بأخرى ؟؟؟؟؟؟؟؟


و بالنسبة للبرود الجنسي الراجع لعدم الراحة النفسية له علاج طبي
فعليك مراجعة طبيبة مختصة

[اخت الشهيد 2006]

اختى البراقه

انا ارى ان الامر كله بيد زوجك فمن الواضح ان ما تعانين منه

هو بسبب الضغط النفسى

والحل انك تواجهى زوجك وتخبريه بمتاعبك وان ذلك سيؤثر على علاقتك به

بشرط ان تختارى الوقت المناسب ويجب ان تجدو حلا لمشكلة اولاده

عندها فقط ستعودين الى طبيعتك فالانسان كتله من المشاعر وليس حجرا

[* اليازية *]

وعليكم السلام ورحمه الله وبركاته
هلا ومرحبا فيكِ أختي البراقة ...

غاليتي من الواضح إن سبب ما تعانينة ( البرود الجنسي )
هو ناتج عن الضغوط النفسية من جهة ومن جهة أخرى هو ناتج عن
التشتت الذهني النابع من كثرةالتفكير في المشكله التي تعانين منها ...
وكل هذا أختي الغالية له تأثير سلبي على حالتك النفسية والجسيدة ...
فحتي تنحل مشكله البرود الجنسي التي تعانين منها لابد من
حل مشكله الضغوط النفسية الناتج عن وجود الأولاد عندك ...
فيالغاليه أنتِ عندك خيارين أما أن تصبري و تكيفي نفسك مع الجو
إلى أنتِ عايشة فيه و تحاولى أن تستعيني بالله وتحسني تربية هؤلاء
الاطفال وكسب ودهم من خلال إغداق الحب والحنان عليهم
ومعاملتهم بالمعروف وبالتي هي أحسن ...
أو أنك إذا ما كنتِ قادرة أو غير مستطيعة على تحمل هذا العبء
و أن هذة الضغوطات سوف تؤثر سلباً على حالتك النفسية والصحية
فلا يكلف الله نفساً إلا و سعها ...
فعندها أقبلي بقتراح زوجك وخليه يتزوجة إمرأة أخري
تكون قادرة على تحمل مسؤولية أولادة ...
ولكن قبل ان تتخذي هذا القرار من الأفضل أن
تعرضي نفسك يالغالية على دكتورة متخصصة في هذا المجال
لتصف لكِ من الدواء ما يعالج حالتك ...
فإذا لم يأتي العلاج نتيجة فيمكنك غاليتي بعدها أن تستخيري
وتستشيري أهلك و أهل الحكمة و الخبرة في الموضوع
حتي لا تندمي بعدها على إتخاذك لهذا القرار ...
وأسأل الله لكِ التوفيق ...

[آمال غير]

حاولي كما قالت اختك جنوبية مثلي عليه وحاولي

تحسسيه انك متفاعلة معه تماما وسويله شوي حركات من الاهات والدلع ترى يذوب الرجل فيها

صح التمثيل صعب وممارسة الجنس دون رغبة شى يطفش بس خلاص لاني انا مثل مشكلتك وحاولت اتذوق شوي

شوي وبعد 7 سنوات من الممارسة بديت احس شوي والحمد لله

لكن انا الى الان اعاني من مشكلة وزني الزائد واستحي من زوجي وايد خصوصا انه رشيييق وانا وززني 75

وهو العائق الاساسي في اندماجي معه

دعواتكم لي بان يعافيني الله من داء السمنة

[الجنه منايا]

اختي الحبيبه اولا اتقي الله في اولاد زوجك واضنك كذلك ان شاء الله ولا ازيد على ماقالته الاخوات فقد وفو
وكفو
بالنسبه للبرود سمعت ان العسل مفيد لذلك سمي اول اشهر الزواج شهر عسل
ايضا المكسرات مفيد خصوصا الكاجو كلي بكثره
والجمبري والاستاكوزا مفيد جدا
والله يوفقك ويوفقنا

[البراقه]

جنوبيه--noran5--اخت الشهيد--alezea--امال--العفر
شاكره لكم تفاعلكم معي والله انكم حسستوني بانكم اكثر من خوات مشكلتي طرحتها قبل بس للاسف مارد علي الا اثنتين ومستعده اعيد قصتي من جديد والله يعينكم تحملوني
اناكنت متزوجه قبل زوجي هذاوعندي بنت مصابه بنوع خفيف من التوحد,طبعاماتزوجت من الثاني الابعدموافقة زوجته الاولى هومومرتاح معاهالكثرةالمشاكل طبعاعلى كلامه مايحبها بس يقدرها علشان العيال والعشره اكبر اولادها 11سنه واصغرهم سنه وهم اربع اقوله دايما والومه اذاكنت منت مرتاح معاها ليش تخليها تحمل طبعا هي تحاول تكثر الاولاد علشان تربطه المهم كذا مره يطلقها ويرجعها علشان الاولاد وشروطها مجابه قبل مايطلقها الطلقه الاخيره ربي رزقني بطفل وللعلم انالسى صغيره هو يكبري ب10سنوات وكان خطبني قبل زوجته هذي بس كنت ادرس وصغيره وانا كنت احبه المهم طلقها الطلقه الاخيره وخبرني وانا لسى بالنفاس وكان يقولي راح ترضين بالاولاد ولااتزوج اخرى طبعا كان خبر طلاقها كالصاعقه وجا بوقت حالتي تعبانه من الولاده بعمليه وكنت دائما انا اللي اخليه يرجعها لاولادها واتحمل مايجيني منها طلعت من النفاس وعلى بيتي اجهز شناطي علشان اروح عندهم بدل مااسافر معه ولاهديه بعد النفاس المهم نقلنا طبعا اخاف الله فيهم ولااحاول اقيدهم حتى مايحسبوني دخيله عليم مخليتهم على راحتهم ومعهم شغالتهم الي شايفه نفسها الولي عليهم لان امهم مسلمتها كل شي في البيت طبعا كانت حاقده علي في البدايه تخاف اغير الوضع الي هي عليه طبعا ماتعرضتها ومخليتها على راحتها للاولاد فقط لانهم يحبونها وانا عندي شغالتي ادفع لها راتبها من جيبي الخاص كوني موظفه وللعلم هم يسمونني ماما---وتعالواشوفو لبس الشغاله بجامات مو عندالنوم فقط بكل وقت وهذا اللي ماني طايقته لاني مااتحمل الشغاله بهذا الشكل والجراه ولااقدر اقوله شي لانها تروح كل اربعاء وخميس مع الاولاد لامهم وهذيك حاقده لي وتعرفون الشغاله من الدوله اللي تتعامل بالسحر طبعا عرفتوهااقترحت على زوجي انها ماتروح مع الاولاد هاليومين طبعا اخاف تاخذشي من البيت يخصني وانا مادري بس رفض لانها هي الي تعرف لعياله تخيلوا وين راحت الام-؟!احس اني ماني مرتاحه على هالوضع هذا غير الدلع للاولاد حتى جلستي معه متحضن اولاده يوميا الله يرحم زمان ا ول حاولت انظم قعدتهم والفت انتباهه لكن مع اولاده لايمكن هذا غير بنتي اللي اذا جت عندي ماتبغى تروح لابوها ليش هم عندك وانا لا وحالتها النفسيه صارت زفت حتى الشيب طلع بشعرها لمى اخذها ابوهامع العلم انه مايعرفها الا يوم تزوجت اخذها وانا والله ماكنت عارفه انه بياخذها لانها عاشت معي شهرين بعد زواجي معي في بيتي لاني شارطتها عليه واخذها ابوها نكاية فيني احس اني طولت عليكم وانت الحكم يالجنوبيه لانك قلتي ابي اعرف قصتك ولايبخلون علينا الباقين
انتظر ردكم ياحلوات

[البراقه]

جنوبيه--noran5--اخت الشهيد--alezea--امال--العفر
شاكره لكم تفاعلكم معي والله انكم حسستوني بانكم اكثر من خوات مشكلتي طرحتها قبل بس للاسف مارد علي الا اثنتين ومستعده اعيد قصتي من جديد والله يعينكم تحملوني
اناكنت متزوجه قبل زوجي هذاوعندي بنت مصابه بنوع خفيف من التوحد,طبعاماتزوجت من الثاني الابعدموافقة زوجته الاولى هومومرتاح معاهالكثرةالمشاكل طبعاعلى كلامه مايحبها بس يقدرها علشان العيال والعشره اكبر اولادها 11سنه واصغرهم سنه وهم اربع اقوله دايما والومه اذاكنت منت مرتاح معاها ليش تخليها تحمل طبعا هي تحاول تكثر الاولاد علشان تربطه المهم كذا مره يطلقها ويرجعها علشان الاولاد وشروطها مجابه قبل مايطلقها الطلقه الاخيره ربي رزقني بطفل وللعلم انالسى صغيره هو يكبري ب10سنوات وكان خطبني قبل زوجته هذي بس كنت ادرس وصغيره وانا كنت احبه المهم طلقها الطلقه الاخيره وخبرني وانا لسى بالنفاس وكان يقولي راح ترضين بالاولاد ولااتزوج اخرى طبعا كان خبر طلاقها كالصاعقه وجا بوقت حالتي تعبانه من الولاده بعمليه وكنت دائما انا اللي اخليه يرجعها لاولادها واتحمل مايجيني منها طلعت من النفاس وعلى بيتي اجهز شناطي علشان اروح عندهم بدل مااسافر معه ولاهديه بعد النفاس المهم نقلنا طبعا اخاف الله فيهم ولااحاول اقيدهم حتى مايحسبوني دخيله عليم مخليتهم على راحتهم ومعهم شغالتهم الي شايفه نفسها الولي عليهم لان امهم مسلمتها كل شي في البيت طبعا كانت حاقده علي في البدايه تخاف اغير الوضع الي هي عليه طبعا ماتعرضتها ومخليتها على راحتها للاولاد فقط لانهم يحبونها وانا عندي شغالتي ادفع لها راتبها من جيبي الخاص كوني موظفه وللعلم هم يسمونني ماما---وتعالواشوفو لبس الشغاله بجامات مو عندالنوم فقط بكل وقت وهذا اللي ماني طايقته لاني مااتحمل الشغاله بهذا الشكل والجراه ولااقدر اقوله شي لانها تروح كل اربعاء وخميس مع الاولاد لامهم وهذيك حاقده لي وتعرفون الشغاله من الدوله اللي تتعامل بالسحر طبعا عرفتوهااقترحت على زوجي انها ماتروح مع الاولاد هاليومين طبعا اخاف تاخذشي من البيت يخصني وانا مادري بس رفض لانها هي الي تعرف لعياله تخيلوا وين راحت الام-؟!احس اني ماني مرتاحه على هالوضع هذا غير الدلع للاولاد حتى جلستي معه متحضن اولاده يوميا الله يرحم زمان ا ول حاولت انظم قعدتهم والفت انتباهه لكن مع اولاده لايمكن هذا غير بنتي اللي اذا جت عندي ماتبغى تروح لابوها ليش هم عندك وانا لا وحالتها النفسيه صارت زفت حتى الشيب طلع بشعرها لمى اخذها ابوهامع العلم انه مايعرفها الا يوم تزوجت اخذها وانا والله ماكنت عارفه انه بياخذها لانها عاشت معي شهرين بعد زواجي معي في بيتي لاني شارطتها عليه واخذها ابوها نكاية فيني احس اني طولت عليكم وانت الحكم يالجنوبيه لانك قلتي ابي اعرف قصتك ولايبخلون علينا الباقين
انتظر ردكم ياحلوات

[noran5]

بسم الله الرحمن الرحيم

حبيبتي البراقه


بعد قراءتي لقصتك ...اتضحت الصورة و هي افضل بكثير من قبل
لانك غير مسؤولة عن الآولاد من حيث تنظيفهم و لبسهم و اطعامهم ...الخ
فشغالتهم هي المسؤولة عن كل هذه الاشياء

نصيحتي لك يا أختي الحبيبة .. أن تدعي الغيرة جانبا
و لا تحطمي حياتك بيدك ..فليذهبوا الاولاد الى امهم و لتقوم الشغالة
بما يحلو لها ...اجعلي كل توكلك على الله
و اخرجيهم من راسك سواء الشغالة او ام الابناء
لآنك بملاحقتك لهم ..ماذا فعلوا ؟؟؟ و ماذا سيفعلون ؟؟؟
و خيالاتك بأنهم قد يسحرو لك ...سوف تدمرين حياتك بيدك

عيبشي مع زوجك و استمتعي بكل لحظة بجانبه ...و اعملي كل الوسائل اللازمة
من اجل الاندماج معه في الفراش..... من مكياج و عطور و ملابس مغرية
و سم بالله

حافظي على بيتك و زوجك ... ..و اكثري من قراءة سورة البقرة و المعوذتين و أكثري من الدعاء

حتى تطردي الهواجس من راسك .. و تعيشي حياة هادئة

أدعو الله ان يهدي بالك و يريح اعصابك

و يكتب لك السعادة مع زوجك

و الله يوفقك لما فيه الخير

[جنوبيه mooon]

بسم الله الرحمن الرحيم
هلا وغلا بالبراقه
حبيبتي انا دايم احب اقرا كثير في كتب الطب النفسي والحالات الاجتماعيه صرت احل المواضيع بخفه ظل غير المواضيع الجاده المواضيع اللي تحتاج خفه ظل اولها العلاقات الزوجيه لازم العلاقات الزوجيه تتخللها روح المرح والفكاهه عشان نقدر نعيش ومانتنكد
اولا:الاولاد دام لهم شغاله احسن حاجه تسوينها تبتعدين عنها وعن الاولاد نهائيا هذي المواضيع على طول تحليها انتي وزوجك بس وفي الغرفه عشلن الاولاد مايتعقدو والشغاله اللي بتكون اذنها زي صحن الدش وهي تتصنت عليكم غير العيون اللي بتطلع وانتي قاعده مع زوجك المهم قولي له ان الاولاد عليهم وصايه من امهم والشغاله ملتبغاني امسكهم وان الشغاله مامفروض تلبس بيجامات قدامنا اولا لازم يكون لك هيبه عشان تحترم اهل البيت
وتحترم نفسها وماتحط راسها براسي وتقلدني في كل شي هذا غير انها مسؤله عن ولد عمره11يعني موصغير وراح يدقق على لبسها ويشوف مفاتنها لاسيما الاغرات كثيره حتى في افلام الكرتون
وبنتك الله يصبرك على بعادها حتى لو جلست عندك مصير يوم من الايام تروح لابوها لالنه الوصي عليها وراح يسمح القاضي بزيارتها بعد سن التتمييز اللي هو سبع سنوات بانها تزورك ربوع وخميس وجمعه والولد يختار ان يعيش مع امه والاابوه هذا حكم الشرع عندنا ومافي مشكله طيب ايش رايك احد من اخوانك يكلم ابوها بل ماتجلس كم يوم تجلس اسبوع خاصه وانها صغيره وحالتها النفسيه صعبه وليش تعقدين الامور انتي بنفسك كلمي عماتها وجدتها اذا انهم كويسين وماراح يسوون لك مشاكل طبعا بعد اذن زوجك يصير هذا كله من ناحيتك
وانتي دايم ارسلي لها الالعاب والملابس وكل اللي يلهيها عنك عشان ماتتعقد حاولي تحببيها في اهلها عشان اذاكبرت شوي تتاقلم والله العظيم اني حاسه فيك مررررره وتخيلي وحده قريبه لي مررررره مررررره تطلقت وعنده ولد وبنتين وصارو عيالها يزورونها كل اربعا وخميس وجمعه بحكم القاضي طبعا
والحين مرت السنين لها يمكن 18 سنه وهي بس هذي الثلاث الايام تشوف عيالها والحين بنتها تزوجت العام وجابت بنت والثانيه بتتزوج هذي السنه والولد موضف الولد هواللي في الوسط وهم ضغار بس بالصبر الله فكهم من عمتهم الشريره اللي كله تطقهم وتتبلا عليهم وامهم متزوجه من 6سنوات وبعد زواجها صارت تشوفهم في الصيفيه بس لانها بعيده عنهم
والله يصبر قلبك ولكن احذري من الشغاله وعليك بالذكر وسوره البقره خليها شغاله في البيت واهتمي في زوجك كثيييير لاتخسرين حبه دام بينكم قصه حب توجيها بالعقل وخليها اسطوره واكسبيه ترى الرجال مايفكر بالزواج الااذا مل من حياته زي ماوصيتك اهتمي بنفسك خلك ملكه عشان الهم مايذبحك ويذبلك وانتي صغيره تراني
عمري 23سنه وام لطفل واحد والحياه ياما فيها مشاكل بس نصبر وفرج الله قريب
اكيد طليقته مقهوره منك عشان انه يحبك ويمكن كانت تدري انه يحبك يوم كانت زوجته قبل مايتزوجك وعشان كذا المشاكل زادت بينهم وطلقها واختار اللي تريح قلبه وتكسبه لاتثيرين المشاكل ولالتجيبي سيره اولاده لالبكل خير حاوي تظهري اهتمامك لهم قدام ابوهم بالذات اذا كان موجود
وخليه يتخذ اجراء في لبس الشغاله لاتقولين انا اغار عليك قولي له الولد بدا يفهم ومايصلح تلبس هذا اللبس قدامه بتثير غرائزه وتهدم اخلاقه0000الخ
وبتك لاتجيبي سيرتها وسيره ابوها قدمه انتبهي خليها بعيده وخذي كم حل من اخوانك اوا قرب الناس لك عشان يكلمون ابوها
والله يسهل امورك ياقلبي ولاتنسين الزينه والصبغات والقصات والحركات الرومنسيه والدلع والكلام الناعم والصوت الهادي مع زوجك خلك شاطره والفتي انتباهه لك اكيد شافك مهمله قال بهتم باولادي ابرك اهتمي بنفسك في كل شي عشان تلفتين نظره وخلك ملكه في مملكتك ولك خالص حبي وقلبي معك طمنيني اساعدك ترى من كثر مااحل مشاكل اخواني يقولون هلوستي هههههههههه هههههههههه
طمنيني عليك واي استفسار انا حاضره ولاتخافين لي اخ اختصاصه علم نفس واجتماع اقدر اساعدك عن طريقه بس عطيني اي شي يضايقك انا احب استفيد منه وازيد شويت حركات وامشي حياتي لانه هو شخصيه مستقيمه وحلوله صارمه يعني لو يدري اني اقولك مثلي على زوجك كان يفتح لي محاضره ماتنتهي بس عمر الرجال مايفهمون لغه الحب عند المراه الامن زاويه واحده والله يسهل معليش كثرت هذرتي بس ابغى اسليك والله
تقبلي خالص حبي وتقديري

[البراقه]

مشكوره حبيبتي نوران والجنوبيه وابي باقي الاخوات يتفاعلون معاي الله يعطيكم العافيه
اللي فهمته من كلامك يانوران اخلي الاولاد يذهبون لامهم هذا حل مرفوض سبق وتكلمت مع زوجي على اساس انه يضع لهم بيت وشغاله ومصروف وتجلس الام معهم واللي سمعته من اخت زوجي انها موافقه تعيش معهم بس يضع لها بيت عند اهلها اللي يبعد عن بيت زوجي نصف ساعه وهذاموبعيد بس هو معقدها يبي الاولاد تحت نظره مع انه مايجلس في البيت كثير فهو يخرج من 3عصرا وحتى 11ليلا او في العمل يوم كامل وكل الوقت اللي يجلسه في البيت لاولاده وانا طفشت صراحه لانه مدلعهم بزياده ,الله على زمان اول اول مايدخل البيت يضمني الحين نساني مع العيال وحاولت الفت انتباهه كم مره لكن مافيه فايده حاولت انظم جلوسهم معنا اعطيهم الغداء قبل حضور زوجي علشان نجلس براحتنا واحاول انهم ماينامو الظهر علشان ينامو بدري واتفرغ لزوجي بس عارفين وش اللي صار اذا وضعت الغداء لي اناوزوجي جلسوا معناويرغمهم على الاكل واقول له لسى اكلين يبغاهم حوله لومااكلوا يسولفون عليه وش صار بالمدرسه (ياناس على الغداء)افتح لهم افلام الكرتون علشان يجلسون عندها يقوم يسكر التلفاز يقول خليهم يسولفون لدرجه تنسد نفسي عن الاكل والكلام وبالنسبه للشغاله قلت له عن لبسها ومفاتنها قال انا ماالقيها اي جانب ولاتهمني وان بغيتي اسفرها سفرتها لاكن الاولاد متعلقين فيها وهي تحبهم ومن سنين عندهم والام هي اللي معطتها الصلاحيه في اللبس هذي بعض الاسباب اللي تخليني اخليه يتزوج باخرى لاني افكر اشتري بيت واقنع اهل بنتي تعيش معي فهي اولى--وش رايكم؟انا استخير بس ابي رايكم مع انه يقول لي ليش تبي تطلعين ببيت لحالك واتزوج عليك وانتي وجودك زي عدمه في البيت مرتاحه لان الشغاله هي اللي قايمه فيهم واقوله لان وجودي زي عدمه بنظرك مايضر ان طلعت ماني حارس لهم في البيت واي حاجه تصير لهم انتي المسؤوله

[البراقه]

وينكم يااخواتي منتظره مروركم**