وش رايكم شلون اتعامل معها من غير مااجرحها .. وبصراحة ودي انصحها!!

[شمووخ همّه]

السلام عليكم ورحمة الله

شموخ نزلت عندكم مره ثانيه بس هالمره ودها بمشورتكم !!

في هالدنيا تصادفين ناس غريبين عجيبين
اشكال والوان
أحيان يسهل عليك اكتسابهم والتعامل معهم

واحيان تكسبينهم لكن يصعب عليك التعامل معهم

واحيان ماتكسبينهم لكن برضه صعب عليك التعامل معهم

صادفت في هالترم مجموعة بنات
في منهم من استطعت اعرف شخصياتهم وسهل علي التعامل معهم وعلى قلبي زي العسل
وفهمتهم وتغيرت نظرتي لهم بعد ماحكمت عليهم بمواقف سطحيه حدثت في قاعة المحاضرة

ولكن هناك اخت من الاخوات متزوجه
في نفس سننا تقريبا

حين كانت معرفتي بها سطحيه كانت بالنسبة لي ذات اخلاق
ومن جد كانت تعجبني اخلاقها كنت احسها انسانة محترمه نفسها
حبوبه عاقله واعيه

حتى كنت امدح اخلاقها لصديقاتي

ولكن يوم تقربت منها شوي

مااقول انصدمت لاني تعودت على البنات واختلافهم

لكن ماتقبلت الوضع وتضايقت

هالانسانه أحسها مبالغه في كلامها بعض الشئ

يعني تكذب .....

تبالغ في وصفها للشئ ... وكل شئ عندها روعة وايجابي ونادرا مااحسها تتكلم عن سلبيات شئ معيّن

اوقات تسولف لي انا ومجموعة من البنات احس كلامها فيه مبالغه

في وصفها مبالغه

كل شئ يجنن وروعة ويهبل وانا وانا

اشتريت كذا ... لدرجة اني اليوم سألتها عن غرض معها عجبني انا وزميلتي اشترينا مثله تقريبا
وكان سعره عادي لان هذا السعر المتوقع فيه
ان زاد عن السعر اللي اشتريناه فيه فراح تكون الزيادة قليله جدا ماتوصل للحد اللي ذكرته هي

لما سألتها عن غرضها زادت على السعر اللي احنا اشتريناه فيه الضعفين

هالشئ مايستاهل والله مايستاهل كل هالسعر

لكن سبحان الله كان مع وحده من البنات نفس الغرض اللي معها اللي معها بالضبط مع وجود اختلاف بسيييييييط يمكن في اللون وشئ زي كذا

لما سألتها عن سعره بس ودي اعرف حقيقة كلام هالانسانه
قالت لي البنت انه على مااظن بالسعر الفلاني ... طلع السعر مماثل للسعر اللي انا وزميلتي اشترينا فيه

سبحان الله ومو في هالشئ بس

لا في اشياء كثيييييره احسها تبالغ

احيان اتضايق

وبصراحة ماودي اجرحها

ولا ودي احسسها بتضايقي من كلامها

تبغون الجد كلامها صار يضايقني وصرت اشك هي صادقه فيه والا كذابه ؟؟!!


ليش هالمبالغه ... اكثر المبالغه في المبالغ الماديه

وفي وصف فلانه وفلانه وكلامها عن اغرضها ومواقفها فيها شئ كبير من المبالغه

الكلام الصادق والصحيح يطلع من القلب ويدخل للقلب

لكن الكلام اللي فيه تلفيق تحسين انتي انك ماتتقبلينه

احترت معها ولا ودي اجيب طاريها عند البنات ابد


لكن انتم افيدوني شلون اتعامل معها

ودي افهمها بلاااش كذب ودي اقول لها يافلانه احسك تبالغين

ماعاد صرت احب اجلس معها

كلامها ودي اصدقه بس احسه مايدخل قلبي

مدري من جد تحتارين في التعامل مع هالناس

فوش رايكم انتم

اللي مجربه تفيدني وهم بعد اللي مي مجربه ودي بوجهة نظركم

ودمتن بهناء

[ماماحميدة]

وعليكم السلام ورحمة الله وبركاته

اهلا غاليتى شموخ همه

يسرنى تواجدك بيننا ونحنوا على استعداد ان نفيدك ان شاء الله نصيحتىاليك وعن خبرة
لونصحتها لن تتقبل النصيحة فالطبع غلب التطبع ومن شب على شي شاب عليه
حاولي انت وصديقاتك ان تبدين استغرابكم لكلامها لربما انتبهت وتدراكت لوحدها خير وبركه
وان لم تخجل من نفسها واستمرت بمبالغتها وادعائتها فتجنبوا الحديث معها وتجاهلوها
لعل تجاهلكن يكون درسا ولوسئلتكن واصرت ان تعلم السبب لعدم صحبتها عاتبوها برفق
ااو بطريقة المزاح لربما تخجل من طريقتها وهواضعف الايمان ,,لو بدائتى بعتبابها
ستغضب وتثور وبيكون الحق معك بتصبحي المحقوقه ,سارعوا بان لا تعطوهااهتمام ويكفي
ان تتعلم درس انها انسانه تافه وغير مرغوب فيها ,,وان اصرت علىاسلوبها
صدوها فان لم ينفع التلميح لا بد من مواجهتها ولولقتها فرج ,,اتمنىان اكون افدتك
ودمتى ابنه محبه في الله

[شمووخ همّه]

حياك الله يالغاليه

الله يسعدك ويجزاك خير على نصيحتك

الاحظ وحده من البنات احيان تسألها عن الموقف وكيف صار وزي كذا

لكن باذن الله احاول اسوّي معها اللي قلتي لي عليه

لانها تقهرني انها تحلف !!

لكن الله يهديها وبس

الله يجزاك الجنه ياماما حميده ويسعدك دنيا وآخره يارب

[MaLaK]

وعليكم السلام ورحمة الله وبركاته

اختي شموخ همه

اللي يعينك عليها..

بجد انا قد التقيت بوحده نفس حالة اللي عندك

البنت تجنن وسواالفها حلووه..بس اغلبيت سوالفه كذب..اعوذ بالله

وتباااالغ بكثييير ولما تقوول لناا قصه تحط فيهاا اثااره واكشن..على بالها اننا مصدقينها

عاد انا وش سويت طنشتها ولا عاد صرت اسولف معاها..صحيح دايم تجي وتجلس بجنبي

بس مااعطيها اي اهتمام ولا اعيرها اي انتباه..

انا وحده صريييييييييييييحه كثييير واخاف اذا جلست بجنبها وسمعت سوالفهاا اصارحها واجرحها

وانا ماابي اجرح احد او احد يتضايق مني على اخر سنه لي..فعلشان اريح نفسي اطنشها احسن حل

ولكن اذاا كثييييييير تحبينهاا وماتبين تخسرينهاا سووي اللي قالته ماما حميده

واذا ماانتبهت ..امسكيها على جنب وصارحيها بصراحه وديه تكسبين قلبها وماتزعلينها

والله يعينك

مودتي لكِ

[شذى القرنفل]

مرحبا شموخ بصراحه كثير من هذه البنت
موجودون في مجتمعنا لكن تجاهلهم هو الحل
لانهم مايحبو احديتجاهلهم لان هذه يسما غرور لانها تعتقد انها لوتكذب ان البنات راح ينجذبو لها
يعني تثبت وجودها بطريقه خاطئه
ودمتي

[شمووخ همّه]

ملاك
تسلمين يالغلا والله صادقه ماودي اجرحها واضيق صدرها
راح احاول ااطنش او اتجنب الكلام معها
يكون بيني وبينها سلام وبس
تسلمي لي ملووكه




aemoon
حياك الله
صدقتي يالغاليه
الله يجزاك خير يارب