يومياااات

[السيدة وقار]

لاني البس عبايه على الراااس والشيله الطرزه اضطريت البسها وتطريزتها صغيره مره وماهي واضحه لان العبايه والغطوه فوقها
لكن هو ماله خلق ينزل وقال مالي الا انكد عليها

الرجال دول عليهم تصانيف
المهم الحمدلله على انزياح الغمة
وياله ورينا همتك والله الله باول يوم العيد

ومن ناحية الخاله فوزيه
ايه امي الله يحفظها ويطول لنا بعمرها قعدت وراها الين سجلت وش رااايك فيني ................

الله يحفظها ويخليها ،، وصراحة انتي خطيرة

[الخاله فوزيه]

صباح العيـــد

اهليييييييييييين بأخواتي العزيزات
طبعن انا متغيبه كم يوم عن المنتدى لاني كنت طالعه لاستراحه مع اختي والعيااال نغير جو يعني وهذاااني رجعت لكم بيوم العيد احكي لكم وشلون كان عييييدي
طبعن اول شئ قالي زوجي اليوم اللي قبله ان شريكني ((مرته الثانيه)) بتيجي بكره الصباح عشااان تعيد علي بحكم انو انا رحت لها في عيد الفطر طبعن رحبت بالموضوع وقلت بصدر رحب حياها الله
طبعن هو فرصه انو نتعاون على الذبايح مع بعض ونتنهي احسن مايبقى كل شئ براسي زي اغلب المرااات
وماجات بعد الفجر الا وانا قاعده وارتب واجهز لان شغالتي في الحج واروح اقوم العيااال واسوي لهم فطور ويروحون يصلون ويرجعون من الصلاه وعلى طول شغل حامي بدى زوجي وولدي الكبير بالذبح وقلبناها مجزره وجت شريكتي واستقبلتها ودخلنا سوا المطبخ وبيدينا بتقطيع اللحمه وتوزيعها وجهزنا الفطووور

طبعن فطور عيد الاضحى دائمن الكبــــــــده
والله وافطرنا ولقينا من الله خير ونظفت المطبخ انا ويااها وخلصنا ورجعنا نجلس مع زوجنـــــا في الصاله وجلسنا نحكي ونسووولف ووضع زين بالمره وعزمتني عالعشاء عندها وهذاااني بروح لها عقب صلاة العشاااء نتعشى ويجلسون العيال مع بعضهم ونخزي الشيطااان ونسعى في راحة زوجنا وطاعة ربنا والله لايحرمنا الاجر

بس تمنو لي سهره طيبه معها بعيده عن النكد والهم والدقــــــــــــــــات

[الخاله فوزيه]

بعد السهره

مساء الخير

ابشركم رجعت من السهره وعدت بسلام
وكان لابد من التحسس ولكن وش اصلح تغاظيت ومشيتها ومشيت الموضوع


وش اسوي نبغى نعيش بدون نكـــــــــــــد


وهذاني الساعه 12 ونص باسهر مع بناتي شوي واروح اناااااااااااام اتمنى لكم ايام كلها سعـــاده


تصبحون على خير

[أم سلومي]

عيييييييييييييدك مباااااااااااارك

السلام عليكم ورحمة الله تعالى وبركاته
كيفك يا خالة فوزية وعيييييييييييييييدك مبارك سعيد
حبيت أهنيك على قلبك وصدرك الواسع اللي مرحب بشريكتك بهذا الحب وعلى ايمانك القوي بقبولك بشريكة وأتمنى تبقون على هذا الوضع والله يسعدك ويخلي لك عيالك آميييييييييييييييييين يا رب

حبيت أقول لك أنه أنا زوجة ثانية وأنا هذا العيد عيدت وحدي لآنه شريكتي رافضتني ما أدري ليش
أول ما تزوجته هي تدري وموافقة لأنه كانت مريضة والأطباء كانوا ما نعينها تعاشر زوجها وتعرفين الرجال ما يتحمل صح أنه يحبها لكن الله محلل له أنه يتزوج مرة ثانية وهي وافقت بس شرط أنه كل وحدة فينا في بيتها
وفعلا كل وحدة في بيتها وما بيني وبينها أي مشاكل ووالله يا خالة فوزية من كثر ما زوجي بيحكي لي عنها حبيتها هي وعيالها من كل قلبي والله شاهد على كلامي ...لكن قبل رمضان الكريم كان صار بينها وبين زوجها مشكل
تطوعت في سبيل الله واتصلت عليها وحاولت أقنعها أنها تتصالح وياه وفعلا الله ساعدني وتصالحت معاه وبأول أيام رمضان اقترحت على زوجي أني أزورها وقال لها ووافقت وسافرنا عندها لأنها تسكن بمدينة شوية بعيدة عنا وجلست عندها 5 أيام وبصراحة قضينا أيام حلوة وحبيتها أكثر هي وعيالها ولما رجعت بقيت مرة مرة أتصل عليها أتطمن عليها وبناتها كانو يتصلون علي ويبعثون لي مسجات ولما جاء عيد رمضان سافرت عندها وطبعا زوجي كل أسبوع بيسافر لهم المهم لما رحت معاه بالعيد قضينا أسبوع أحلى من الأيام الأولى ورجعت أنا وزوجي وفجأة بعد أسبوع من الرجوع اتصلت على زوجها وبشرته بالخبر أنه الأطباء قالو لها أنه زوجها يقدر يعاشرها وقالت له الحين تختار ما بيني وبينها وزوجي جاوبها الله يهديك فقط ...وزوجي قال لي أنه الحين أقدر أعاشرها فرحت من كل قلبي لكن ما قال لي أنه خيرته بيني وبينها وبقيت أتصل عليها ما تجوبني أبعث لها مسجات ما تجاوبني ولما أتصلت على بنتها الكبرى قالت لي الله يخليك أخرجي من حياتنا ووالله انصدمت وانهاريت لأني والله والله حبيتهم من كل قلبي ومرضت تقريبا أسبوع من الصدمة ووراها تصالحت مع زوجها وشرطت عليه أنها ما تريد تشوفني ولا تريدني أتصل بالأولاد ...لذلك أنا هذا العيد قضيته وحدي لأني مغتربة وما في أحد من أهلي جنبي

آسفة لاني طولت عليك لكن بعد عندي أمل أريد علاقتي معاها تكون كصديقات وأولادها كأولادي فياريت ياخالة فوزية اذا عندك فكرة كيف أوصل لقلبها ياريت تقولي لي مع العلم أنها امرأة متعمقة بالدين لأقصى درجة تقوم الليل ديما وتصوم ديما الأتنين والخميس وتزكي وتدعي النسوان للدين .واللي ألمني أكثر أنه ليلة العيد بعتث لها مسج أعايدها بيه ما جاوبتني وبناتها أيضا عايدتهم ما جاوبوني الا بنتها الوسطى هي وحدها اللي جاوبتني

نسيت أقولك أنه صار لي سنتين زواج ولسة ماعندي عيال .

وآسفة مرة أخرى لأني طولت عليكي.

[الخاله فوزيه]

0000

تحياتي واشواقي الحــــــــــــــــــــــــــــاره لكي عزيزتي ضحية تعداد 000عزيزتي كما تعلمين ضعفنا معشر النساء في اي امر يتعلق بعواطفنا وعليك محاولة التغاضي عن اي اساءه فاالزوجه الاولى يكون عندها احساس انها هي التي بدات الحياه مع هذا الزوج وتعلمين في الغالب ان هناك صعوبات في بداية حياة الزواج الاول من صعوبات ماديه وفي الغالب وجود اهل الزوج ومعانتهم فيكون عندها احساس ان هذي الاخرى جاءت وكل شي جاهز بدون عناء ولا مشقه ولكن كل شي بقدر واللازم على انسانه ترجو الاخره ان تتقي الله في كل امورها وان تعلم انه لايصيبها الا امر قد كتبه الله عليها فاياليتني استطيع اقناع شريكتك ان هذا امر الله يجب عليها تقبله فاذا كان الرجل عادل يراقب الله فوالله ان الامر هين والله لم يكتب هذا الامر ليعذب به النساء تعالى ربى عن الظلم ولكن الشيطان حريص على خراب البيوت اخزاه الله انا الزوجه الاولى منحت زوجى كل الحب والرعايه على حساب راحتي ورغم ذلك كانت عنده فكرة الزواج من ثانيه لابسبب قصور في او في جمالي او اسباب مرضيه او نقص في الذريه لاوالله ولكن يريد ان يمارس حق احله رب السموات له فماعلينا الا القبول فوالله لو ان الله احل لنا امر كهذا لراينا عجبا فنصيحتي لكي اختي ان تجعلين همك ارضاء زوجك بكل ماتستطعين وان تحاولين تعشين في الوقت الذي يكون عندك كانه لكي وحدك مافي داعي تجيبين سيرة الزوجه لان الرجل يتضايق من كثرة الشكاوي والعتاب وبذلك تحصلي على حبه لانه يجد الراحه عندكارجو من الله ان اكون قد اصبت واسال الله العلى العظيم ان يشغلني واياك في مايحب ويرضى انه ولي ذلك والقادر عليه 0000988واسفه على الاطاله تحياتي

[أم سلومي]

بارك الله فيك يا خالة

السلام عليكم ورحمة الله وبركاته
كيفك يا خالة فوزية وكيف العيال انشاءالله بخير
أفاااااااااااااااااااه عليك كيف تقولين آسفة عن الأطالة ...أنا اللي آسفة على ازعاجك بمشكلتي
جزاك الله ألف خير على نصيحتك التي خففت عني همي وجعلها الله لك في ميزان حسناتك آميييييييييييييييين يارب

وفعلا الكلام اللي قلتيه كله صح بس مو بايدي أنه أخلي همي بزوجي فقط لأني مثل ما قلت لك لما رحت عندها وتعرفت عليها كثيييييييييييير حبيتها وخصوصا الأولاد والحين من عيد رمضان ما شفتهم ولا سمعت صوتهم فأحس باشتياق لهم كأنهم جزء مني وحاولت أنساهم لكن ما قدرت طول الوقت أفكر كيف أرجع الوصل معاهم لكن مو بعارفة sid .....والله محتارة أنا متؤكدة لو وحدة غيري بالعكس كانت حتكرهها وهي اللي تقطع الوصل معاها لأنه بصراحة من تصرفها أكد لي أنها وحدة أنانية أستغفر الله لأنه قبل سنتين لما قالو لها الأطباء انت حالتك حرجة وممنوع زوجك يقترب منك وما في أمل بعلاجك ....وقتها وافقت أنه زوجها يتزوج عليها ولما الله سبحانه وتعالى شفاها بعد سنتين على طول طلبت من زوجها أنه يطلقني sid لكن الحمد لله الله عطاني قلب ما بعرف أكره أو أحقد بيه ....المهم أرجع وأقول لك اذا عندك أي اقتراح ممكن يساعدني على ربط الوصل بيني وبينها ياريت تقولي لي وسامحيني سامحيني على ازعاجك بمشاكلي واللي شجعني حسيت أنه ارتاحيت لك لذلك فتحت قلبي لك
وآسفة مرة أخرى على الأطالة.

[اسهار]

سلام وعليكم
عجبني الموضوع جدا جدا وغدا ان شاء الله اشارك فيه
تصبحون على خير

[ماماحميدة]

السلام عليكم ورحمه الله وبركاته

اهلا وسهلا بالخاله فوزية

نوورت المنتدى ,,واخترتي فاحسنتي بموضوعك يوميات,,وقبل ما خبر عن يومياتي
لفت نظري مشكله ضحية تعدد ,لاوجه لها كلمةمن القلب
غاليتى ,ولمست طيبة قلبك وبودك التقرب من شريكتك ,,ولكنها حاليا رافضة الفكرة
دعي الوقت يحل الامور وبتقربك من زوجك ,وتغاضيك عن الحديث عن زوجته الاولى
كم ذكرت الاخت الفاضله الخاله فوزيه ,
سيجعلك تكبرين في عيونه وحاولي اسعاده ,واكدي له انك تطمعي بحبه وحب عائلته
وكوني اكيد سيحبك اكتر ويودك
وعلى زوجك اقناع زوجته بان ترجع المياه لمجاريها بينكم انتي وشريكتك وبناتها
فالوقت كفيل بتهدئت النفوس ولو اصرت على موقفها
فهناك متل بيقول ( يا خالي انتي بحالك وانا بحالي ) والله لان يتخلى عنك وسيقرب زوجك منك اكيده
وبالمقابل لو بقيت زوجته تطلب الخيار بينكم فكوني اكيده ان باقي علىحبك ما بيطاوعها وخاصة لانك
محبه وقلبك طيب والزوج هيدا اهم شي عنده سعادته وراحته
بتائمل كون طمنتك والله يبعد عنك كل سؤ ويحبب شريكتك فيك باذن الله

غاليتى خاله فوزيه
اهلا بك مجددا ,,اليوم لشفت موضوعك وفكرته كتير حلوة,,من جهتي هالايام مقضايتها نوم
وراحة اجباريه لاني زحطت وعورت رجلي والاصابه عملت تطورات نشكر الله علىكل حال
قدرولطف ومافي كسور ,,بادئالامر قلي الطبيب امشي عليها
من يومن قاللا ء ريحيه لان الرضه جامدة وعملت التهاب ,,لا حولولا قوة الابالله وعطاني دواء مضاد
يعني الالم خف شوي صباح اليوم ,,قمت من النوم صليت الصبح وسبحت الله و حضرت القهوة ودخلت النت
لاتصفح كان المنتدى في صيانه قمت حضرت الفطار لزوجي واجت بنت وابنها البيبي وقضوا وقت معي
وطلبت مني يبقى ابنها عندناوتروح طيب الاسنان والولد الله يهنيه مابيغلب
اتسليت فييه بغيابها ,وبعض الضهر ,,بترجع حفيدتى من المدرسة لعندى ومفروض انزل جيبها من المدخل
لان عنا مافي امان تطلع بالمصعد لوحدها هالبلد حاويه ماهب ودب
وخاصة الي بيلبسوا حلق شباب صايعين شكلهم مابيطمن ,,نزلنا وجبناها وهي بعد ماتغدت استلمت عني
ابن خالتها ولعبته وشي بلش يبكي عملته قنينه الحليب ونيمته
ورجعت بنتي واخدت ابنها وبتعرفي دكتورا لاسنان ماقدرت عملت شي قمت ضبيت البيت غصب عني وناطرة الان جايين عندي ضيوف يطمنواعني وعن زوجي لانه بعافيه شوي
وهلق بترككم وبستقبلهم وان تقلقت بالليل بسهر قرب النت وتصبحي علىخير يا احلى خاله فوزيه
تشرفت بمعرفتك والى يوميات الاعضاء ننتظرهم بكل شوق

[اسهار]

خاله فوزيه
انا رجعت مثل ما قلت لك وفيت بوعدي
كان يومي عادي امس الصباح راحوا الاولاد المدرسه وان جلست في البيت اكلت الصغيره وبصعوبه اكلت الصبوح ورجعت رتيب البيت وعملت لي صبوح وبعدها حممت الصغيره وحطيتها تنام وانا عملت لي نسكافيه وعلي النت الي ان ياتي الاولاد من المردسه بعدها اقوم احضر لهم الغداء تكون الصغيره قامت من النوم اغديها مع اخوانها
ورحت البقاله اتصرف وما كانش عندي فلوس كاش يعني لازم اسحب اولا من البنك روحت للمكينه الي في البريد وهي قريبه مني وان صوره الشاشه تغيرت وانا لا افهم لغه الماني المهم حطيت الكرت والرقم السري ما رضي يطلع فلوس وخرج الكرت قلت في نفسي خلاص بروح البيت وباتصل بزوجي يجيب اي حاجه معه ..وبالصدفه لقيت واحده صاحبتي جديده كلمتها اذا هي تعرف تحل لي المشكله قالت ان الماكينه حق البنك قريبه واحسن اصرف منها روحت للمكينه وصرفت الحمد لله ودخلت البقاله واتصرفت مصروف ليومين تقريبا وروحت البيت طوالي عملت الغداء جاء زوجي بيسال ايش عملت قلت له طبعا اكله من المنتدي العزيز واتغدينا وبعد الغداء جلسنا وبعد صلاه المغرب رحت زياره الي عند جارتي وروحت الساعه 7 نيمنت الصغيره وعشيت الاولاد ودخلوا نامو وبعدها اجلس علي النت والمنتدي واذا اي حد من ا خواتي موجودات في الماسنجر اتكلم معاهم وناكل فاكهه وندخل انا وزوجي ننام لانه بيقوم من النوم الصباح بدري وانتهي يومي ومذكراتي

[الخاله فوزيه]

<<<<

اهليــــــــــــــــــــــــــين ماما حميده والف الحمد على السلامه المهم انك تواصلين معناعلى النت وماتعطلتي الله يعطيك العافيه وبالنسبه للاخت ضحيه تعداد اود ان اقترح عليها تغير كنيتها واختيار كنيه كلها تفاؤل لان الاسم له تاثير على حياة الانسان من سعادة اوشقاء وبالنسبه لموضوع شريكتك ورغبتكى الشديده في تقوية العلاقه معها ومع بناتها فمن رايى ان ترسلى عليها انسانه تثقين بصدقها تحاول ان تقنعها بان هذا الامر قدرك وقدرها وبدل من ان تتخذك عدوة لها وهما على قلبها تتخذك اخنا لها وخصوصا انها كما ذكرتي صاحبة دين واستقامه فان كانت كذلك فباي حق تضيق على زوجكم بان يختار بينك وبينها اما تعلم ان في هذا وعيد شديد ووووووووووووووواسال الله العلى العظيم ان يصلح امركم وان يخزي شيطانكم ويسخر زوجكم لكم ويعينه على اسعادكم انه ولي ذلك والقادر عليه تحيييييييييييييياتي لكن

[أم سلومي]

كيفك يا خالة فوزية

بارك الله فيكي يا ماما حميدة على نصيحتك لي ووضعها الله في ميزان حسناتك آمييييييييين يارب

وجزاك الله ألف خير يا خالة فوزية على نصيحتك وعلى دعواتك لي ...

الحين بحكي لك عن يومياتي : تقريبا أنا أيام الأسبوع عندي كلها مشابهة غير الخميس والجمعة
يميوميا بستيقظ الساعة 5 الصبح علشان أجهز الفطور لزوجي وملابسه اللي حيروح بيها لدوامه وبكعد زوجي بيقوم مع أذان الفجر بيصلي ويفطر ويلبس ويطلع وورا ما يطلع برجع أصلي وأنام لغاية 9 ونص
ولما بقعد بغسل وعلى طول بفتح الأنترنت على سوق الأسهم براقب السوق ومرات بشتري او أبيع يعني على حسب تداول السوق لغاية الساعة وحدة ...وراها بقوم لشغل البيت يعني من تحضير الغذاء وتنظيف الى آخره
ولما بخلص تقريبا ب 14 ونص بكن مخلصة بدخل أسبح وأتجهز لأستقبال زوجي ...زوجي بييجي بالساعة 3 ونص لما بيوصل بيرتاح ويدخل هو يسبح أنا في وقتها بصلي العصر وأدخل للمطبخ أحضر الغذاء وبعدين بنتغدى ونبقى قاعدين نسولف لغاية ما يأذن المغرب بنصلي ونسوي وراها قيلولة شوية ولما بنقعد هو بيقعد مرات على الأنترنت وانا على التليفزيون ولما ييجي وقت العشاء بنتعشى ونبقى قاعدين لغاية الساعة 23 ونص ونقوم ننام ....
وهذا تقريبا كل أيامي ما عدا مرات بدل ما نتعشى بالبيت بنطلع نتعشى برى ...
وما عدا الأربعاء لما بيجي من الدوام بنطلع نتغدى برى ونتفسح ونتسوق للبيت ونتعشى ونرجع
أما يوم الخميس والجمعة زوجي بيسافر لأولاده وبيرجع السبت الصبح على طول ادوامه ...

وهذه هي يومياتيييييييييييييييييييييييييييييييييييييييييييي يييييييييييييييييييييييييييييييييييييييييييييييييي يييييييي

[ام بانا]

اشكرك شكراً جزيلاً على الموضوع
والله ابسطني مع اني كنت متضايقه

[*راجية الغفران*]

السلاااااااااام عليكم
كيفكم
ابي اقول لكم ان امي العزيزه اللي هي الخاله فوزيه سااااااافرت امس الى المنطقه الشرقيه والدنيا ماتسوى بدونها
....
راحت تملك لاخوي الكبير اول فرحتنا الله يوفقه يارب ويسعده ويتمم لهم بخير وسعاده
ويرد اهلي بالسلاااااااااااااامه
تخيلوا القهر زوجي ما رضي احضر ملكت اخوي يقووووووول مالنا داعي ...

[بحور الامل]

ان شاء الله الخالة فوزية تروح وترجع بالسلامة
والف الف مبروك لاخوك
اخت ام القمر

[*راجية الغفران*]

يسلموا حبيبتي
........