تويت
السلام عليكم ورحمة الله وبركاته
خواتي في امور كنت اسمع عنها من قبل و ما كنت اصدقها.....الين جاني يوم و قمن اشوف هالامور بنفسي
من دخلت الجامعه و قمت اشوف امور انشيب شعر الراس....
بقولكم بعض اللي شفته
مره كان عندي وقت فراغ و كنت يالسه ويا صديقتي (فالكفتيريا)عشان نتغدى قبل لا تبدى المحاظره....المهم فجأه سمعنا صوت وحده معصبه و اتصارخ....طبعا رحنا انشوف شو صاير لانه مثل ما اتعرفون نحن يالبنات لو ما عرفنا شو صاير الفضول بيذبحنا.......يوم وصلنا عند اللي كانت اتصارخ طبعا الكل كان يسألها شو اللي صاير و ليش اتصارخين ع ربيعتج....و قالت (((((تعالو شوفو هذي اللي اتقولون عنها اربيعتي شو سوت....اكتر من مره طلبت مني تلفوني عشان تتصل بألها و انا لاني مأمنه فيها عطيتها بدون ما اهتم.....لكن اتعرفون شو سوت؟؟؟؟اخذت رقم زوجي من التلفون و تتصل فيه من وراي)))))
ا
لحين هالبنت ما عجبها في رجال الدنيا كلها غير زوج صديقتها؟؟؟؟؟ والله دنيا
و مره في بنت شفناها يالسه فالمحاظره و ساكته و مهمومه وايد....و قبلها كانت غايبه 3 محاظرات....عقب ما خلصت المحاظره حاولت اني اكلمها و اعرف منها شو صاير......المهم و انا اكلمها و اسألها شو صاير معاج قامت اتصيح انا اتلومت و حاولت اسكر السالفه عشان البنات ما ينتبهون......و يوم رديت البيت اتصلت فيني و قالتلي شو صاير....اتخيلو صديقتها شو سوت فيها؟؟؟؟
صديقتها من زمان اتغار منها لان اهلها واثقين فيها و مأمنين فيها...و حال صديقتها مع اهلها العكس فهم دايما يشكون فيها و يحاسبونها ع كل خطوه......المهم و بدون اي سبب صديقتها طرشت واحد يتصل ع بيتهم و يطلبها بإسمها اكثر من مره ....و اول مره كان اخوها هو اللي رد عليه!!!!! اكيد هالشي سببلها مشاكل عند اهلها و ما خلوها اتسير فاليوم الثاني للجامعه....صديقتها طرشت هالشخص فاليوم الثاني و يوم ردو عليه قال (((سلمو ع فلانه و قولولها ليش متا راحت الجامعه اليوم و هو يضحك))))
صدق في ناس نفوسهم مريضه و ما يحبون يشوفون حد عايش احسن منهم و اتضيق عينهم ع اللي عند غيرهم
و هذا كله طبعا نقطه من بحر الامور اللي اتصير في هالأيام
الله يبعدهم عنا و عنكم انشالله قولوا آآآآآآآآآآآآآآآآآآآآآآآآآآآآآمين
تعليق