بادعي للي تساعدني ...

[مسامرة النجوم]

السلام عليكم ورحمة الله وبركاته ..
عزيزاتي في منتدى لك ..لدي طلب بسيط ..
ستقيم دارنا {تحفيظ القرآن } برنامج عن عيد الفطر..أدري بتقولون تو الناس تونا خير بس تخبرون يبيله وقت وتجميع الأفكار بعد يأخذ وقت ...
أدري إن المنتدى ماشاء الله جمع أخوات في الله من مختلف أنحاء العالم الإسلامي {عسى ربي يجمعنا في جنته}
لذلك أبي من كل واحدة تقول لي وش يسون في عبد الفطر
لأنا بنحط فقرة عن العيد في أنحاء العالم ...فياليت ماتبخلون علي ورجائي فيكم كبير ..
واللي عندها بعد فكرة ياليت ماتتردد ..
والله يوفق اللي تساعدني واللي ماتساعدني ..

[مسامرة النجوم]

الله يسامحكن ...
توقعت أول ما أدخل المنتدى باشوف الفزعة ...
خصوصا إني أبيه قبل رمضان ...

[دغلوسه]

اختي مسامرة النجوم تري مافهمت ايش تبقين عن العيد
باالضبط

[أمنيه]

حبيبتي انا وانت من السعودية ..يعني مايحتاج اقولك وش نسوي في العيد


تمنيت والله اساعدك ...

[مسامرة النجوم]

الله يعافيكم أخت دغلوسة وأمنية ...
أبي مثلا الأكلات ...الحفلات ...اللباس ...وما إلى ذلك ...
شاكرة لكم تعاونكم ...

[بحور الامل]

السلام عليكم
كيفكم بنات

انا من مصر اخت مسامرة النجوم
عندنا طبعا نعمل كحك العيد والغريبة واكيد انتو عارفين

واول يوم نروح نصلي العيد بعدين نعيد على الاقارب ونزورهم
و دايما الناس يحبو يخرجو في الهواء الطلق ويروحو الحدائق وطبعل لازم لبس جديد
ودايما الاطفال يجيبو صواريخ ويفرقعوها احتفالا بالعيد
وفي عادة عندنا بالذات شفتها في عائلتي
دايما اول يوم في العيد نحب ناكل على الغدا رنجة واسماك

وانا حضرت عيد الفطر في السعودية قبل كده كتير وبصراحة مافي فرق كبير في العادات
كان الاطفال يجو يخبطو على البيت ويقولو من العايدين كانت اعياد والله حلوة

ارجو اني اكون ساعدتك وما طولت عليكي
وسلام

[وهج الظلام]

اختي العزيزة مسامرة النجوم ...
راح اقلك علينا احنا اهل جدة.....
عندنا في جدة اكلة مشهورة عند الاغلبية واسمها (( الدبيازة )) ودايما نسويها عشان تكون الطبق الرئيسي على الفطور اول ايام العيد ...
وكمان احنا اول يوم العيد لازم نتجمع عند كبير العائلة بعد ما نكون رحنا لصلاة العيد في مكان يسمى (( الابطح))
المهم وبعدين نتجمع وبعدين نفرق العيديات على الاطفال وهذا كله في اول يوم اما باقي الايام اقصد ايام العيد نبدأها بالزيارات وبعدين نروح للملاهي والباقي معروف...
اتمنى اكون افدتك.......

[* اليازية *]

السلام عليكم ورحمة الله وبركاته
مرحبا اختي مسامرة النجوم ...

الله يسامحكن ...
توقعت أول ما أدخل المنتدى باشوف الفزعة ...
خصوصا إني أبيه قبل رمضان ...

وما يصير خاطرك إلا طيب يالغالية ...
وهذا تقرير عن كيف يقضي الإماتيون عيد الفطر السعيد ...
شوفي يالغالية قبل صبيحة يوم العيد تبدأ الامهات في الاعداد
لوجبة الفطور ولي هي عبارة عن الخبيص والبلاليط ( الشعرية )
ومنهم من يعد الهريس و البعض الاخر يعد الحلويات من كيك وبسكويت
وفي صبيحة يوم العيد يذهب رب الاسرة مع اسرتة الي المصلي لأداء صلاة العيد
ويكون الكل قد لبس الجديد الرجال عادة يلبسون الكندورة والقترة والعقال والبنات
تلبس الفساتين او ما يعرف عندنا بالمخور وهو لبس شعبي والبعض يلبس الملابس
الحديثة ... وبعد العودة من الصلاة تلتم العائلة لتناول وجبة الفطور ويتم قضاء اليوم الاول
من العيد في تبادل الزيارات بين الأهل والاقارب والاصدقاء والجيران للمعايدة والتهنئة بهذة المناسبة
اما اليوم الثاني فإن أغلبية الأسر تقضي هذا اليوم في الخروج والتنزة في الحدائق والمتنزهات
المنتشرة في مختلف إمارات الدوله ...
أما بقية الايام فإن اغلب لأسر تبدأ في صيام الست أيام من شوال ...

[um bader]

ولا تزعلى و لا يكون خاطرك إلا طيب يا مسامرة...


خلينى روح نام وإشبع نوم منشان لما أكتبلك مخمخ وطلع كل العادات العيدية عندنا,,,

تصبحى على خير

[مسامرة النجوم]

أشكرك على عزيزاتي اللاتي تجاوبن معي ...
والله يعافيكن ويساعدكن زي ماساعدتوني ..

[** لـــــين **]

شوفي حبيبتي ,,, العيد عنا باميركا بيبدأ من الساعة 8 الصبح,,, بتتجمع الجاليه العربية بمنطقتنا اما بالمسجد او بمكان بيستأجره المسؤولين بالمسجد لحتى تكون صلاة العيد و العيدية فيه

بعد ما نصلي صلاة العيد طبعا بتبدا الناس تعيد على بعض ,,وبعدها بتتجمع النساء بقاعة و الرجال بقاعة و اوقات بقاعة وحدة لكن النساء بجهة و الرجال بجهة اخرى ,,

بيكون المسجد محضر عيدية للاطفال و بيوزعها عليهم و هي عبارة عن كيس حجم صغير بداخله حلوى للاطفال و لعبة صغيرة و عيدية ( 1 دولار فقط لا غير ).

اما نحنا الكبار فبيكونوا محضرينلنا حلويات العيد من (بقلاوة و كعك العيد و دونات و قهوة و عصير) على كاونتر المطبخ اللي بالقاعة او السمجد

بتتكفل عائلة بتقديم هالحلويات ,,,وبنقعد لحد الساعة 12 او 1 الظهر و بعديها بنرجع لبيوتنا و بتبدأ الزيارات العائلية و زيارة الاصدقاء و سلامة تسلمكم خلص العيد ,,

بالنسبة لعيد الاضحى نفس الشي لكن اضافة لذلك بيعملولنا حفلة عشاء بعد العيد باسبوع او اسبوعين بتتجمع الجالية العربية بقاعة كبيرة بالجامعة ,,و بيكون برنامج الحفل عبارة عن (مسرحيات و اناشيد ودبكة للرجال ) ,,و بيقدموا ما لذ و طااااب من المأكولات و الحلويات الشرقية .

طولت عليكي لكن ان شاء الله اكون افدتك .

[صوت الأقصى]

فيه لعبة أطفال رهيييييييييييبة...
تقصصين أوراق كثيرة...
وتكتبين على كل ورقة أمرة....
وتدخلين كل ورقة في بلووونة وتنفخينها..


...
وفي يوم العيد..
كل واحد يفقع بلوونة وينفذ الأمر إللي فيها..

هاه وش رايك؟؟

.......................................

[مسامرة النجوم]

بارك الله فيك أخت لين ..أخت كرتون مناديل ...
مشكووووورين على مشاركاتكم ...
الله يبارك فيكن ...

[مسامرة النجوم]

ياالله وين الباقيات ...أهل سوريا وأهل الأردن ولبنان واليمن والسودان وغيرهم ...
أنا بانتطاركن على أحر من الجمر ...

[مسامرة النجوم]

يالله عزيزاتي ...
وينكن ... تراني لين الحين أنتظركن ..