خدامتي الندونيسية مجمعة كومة شعر في غرفتها

[cinabon]

السلام عليكم ورحمة الله وبركاته

زادت مشاكل خدامتي وطولة ألسانها وقررت أني أسفرها ديرتها

أمس فتشت غرفتها حصلت فيها كرتون حذاء متروس شعر كمية عودة مب بسيطة

والشعر باين علية مجمعتة من زمان كان وايد جاف ومعاه وصخ

أنا خفت وأتصلت بأمي أخبرها بالموضوع قالت لي خلي الكرتون مكانة بس أخذي الشعر منة علشان نحرقة

وخذيت الشعر حق أمي وعطته أمي حق أخوي يحرقة

أنا ما كانت عندي فكرة شنو أسوي في الشعر كنت وايد خايفة

ثاني يوم أمي خبرت وحدة بالقصة وقالت المرة حق أمي كان المفروض تقطون الشعر في البحر مب تحرقونة

أشرايكم في الموضوع أنا وايد خايفة

[القنيطرية]

بسم الله الرحمن الرحيم
والله يا اختي الاندونسيا ت ساحرات وتحدري من الصور بعد تراهم يشلونهم ويعملو فيهم بلاوي الله يستر

[*دوري*]

أولا ما فيه شئ أسمه أبطال السحر بحرقه ولا برميه بالبحر!!!!!!!!!!!!!!!!!!!!
لا يفك السحر ويبطله إلا كلام الله .....إلا كلام الله يا أخوااات .........

...........
ثانيا :أنت ما وصفتي اللي لقيتيه بدقه !!؟......لأن فيه أندونيسيات يحبون يجمعون شعرهم ولا يقطونه أبد .........
فممكن يكون شعرها من أول ما جتك .......

هذا إحتمال .......

الإحتمال الثاني أن يكون سحر ....ولأنك ما وصفتي اللي لفيتيه ...فخليني أقولك .......هل هو ملفوف بقصدير أو قماش بعنايه ...

هل هو معقود أو يحتوي على عقد ؟؟؟هل يحتوي أشياء أخرى غير الشعر ؟؟؟؟؟؟؟؟؟

بمعنى لو شكيتي لو1% .........وديه لشيخ ...وأقول شيخ ......يعني يعالج بكلام الله فقط .......
وهو أولا سيقول لك إذا كان سحر ..........وإذا طلع فعلا عمل إن شاء الله يقرأ عليه ويفكه وإذن الله لن يضرك .
والخادمه إذا ثبت أنه سحر تستطيعين تقديمها للشرطه
....
ويا أختي عليك .....بالأذكار اليوميه والمعوذات وآية الكرسي ......ولن يضرك شئ........
وعليك بسورة البقره فالرسول صلى الله عليه وسلم يقول (البقرة لا تستطيعها البطلة )..............أي السحرة

لو حصن الأنسان نفسه وأبتعد عن ما يغضب ربه فبإذن الله لن يضره شئ ......والسحر لا يعمل إلا على من أبتعد عن الله ...
وكان بيته موحشا يخلو من ذكر الله والقرآن

والله يكفيك شرها ويحفظك



أختكم ............دوري........

[Om Joory]

شكلها والله أعلم ناوية السحر .... يعني لسا ما سحرت

احتمال اذا رجعت لديرتها تسحر كفانا الله واياكم كل شر وبلية ..

ويقولون نبغى باب الاندونيسيات يفتح ؟؟؟؟؟

ياجعل ربي يمحي اثرهن من عندنا قولوا آميـــــــــــــــــــــــــــــــن.

[*دوري*]

نسيت ....نقطه مهمه ......
في كلا الاحتمالين خذي منها الشعر بالكامل ولكِ الحق في ذلك ........

[* اليازية *]

و عليكم ورحمة الله وبركاتة
اختي الكريمة كان من الأفضل انكم تسألوا شيخ
قبل التصرف في الشعر كان هو دلكم علي الطريقة الصحيحة
ومادام انتم الان تصرفتو فية
فمايفيد الندم احسن شئ تتوكلي علي الله وتكثري من اذكار الصباح والمساء
وقراءة القرآن وبخاصة سورة البقرة
وبإذن الله ما يمسكم ضرر
والله هو الحافظ

[SHAMS]

طيب وليش ما تواجهين الخادمة نفسها وتسأليها
شوفي ردها بالاول وبعدين احكمي
ولو انتي تصرفتي بس كان لازم تفتهمين منها شنو قصة هالشعر

[ام ريتال]

الحقيقه كل الخدامات يسوون نفس الطريقه
لتجميع الشعر...وجميع الجنسيات
انا مره سالت خدامتي الاندونيسيه بعد مالقيتها
مجمعه شعر بكيس ومخليته فوق طاولتها
قلت لها ليش الشعر هنا ؟
قالت طبعنا كذا مانحب نرمي اي حاجه مثل الاظافر اوالشعر
لاننا لما نروح بلدنا ونموت يدفنونه معانا
بعدها اقتنعت لاني كذا خدامه قالت نفس الحكايه
وفعلا لها الان اربع سنوات من راحت من عندي والحمد لله ما حسينا
باي تغير بعائلتي
والله المستعان

[cinabon]

أختي القنيطرية

مشكورة على ردك حبيبتي
أنا اللي أعرفة عندها صورتين حق بنتي العودة وصورة حق بنتي الصغيرة
لكن شفت عندها صور في اللبومها هى مع بنتي العودة هذي الصور مصورتها في بيت أهل زوجي
ما أدري متى صورت هذي الصور لا وبعد لابسه من ملابس الخدم اللي في بيت أهل زوجي-حسبي الله عليها متى بدلت ثيابها والغرفة اللي يقعدون فيها الخدم مفتوحة وأنا أقدر أشوفها إذا طلعت من الغرفة.
شكلها بدلت ثيابها في الغرفة وصورة ورجعت لبست ثيابها وأنا مادري عنها.
يعني عندها صور وايد
بس أنا ناويه أحرق كل الصور اللي عندها ولا صورة بتطلع من البيت لما أسفرها.
بس أللي خايفة منه إذا عندها صور لنا في ديرتها لأني مرجعتة مرة ثانية بعد ما كملت مدتها.

[cinabon]

أختي دوري

الشعر اللي عندها مثل ما قلت كومة عودة وقديم بس شفت فيه لفات غريبة
كان فيه كمية من الشعر ملفوفه وبعدين معموله على شكل دائرة وتحتوي الدائرة على وصخ -كرمكم الله مخموم من الأرض
دائرة عودة ودائرة صغيرة بنفس الطريقة.

[cinabon]

أختي om Joory
مشكروة على الدعوة الحلوة

حبيبتي alezea
أنا أكتشفت الشعر عندها في وقت متأخر من الليل وكنت خايفة مب عارفة أشلون أتصرف
المهم حبيبتي مشكورة على النصيحة

حبيبتي Shams
ما أبي أواجها لأني ما أبيها أتحس أني فتشت غرفتها
أهية مطمنة أني ما أدخل غرفتها (عارفة أشلون أوقاتي) ما عندي وقت حق التفتتيش من جذي أهية ماخذة راحتها.
أنا عندي مشاكل وياها ومهددتها إذا ما أعتدلت بسفرها ومن معاشها ( لأن ما خلصت السنتين ) وهي حسب ردها على (بس حق اللنحاس) موافقة على هذي الشئ بس وفي نفس الوقت خايفة على فلوسها اللي في الغرفة
عندها معاش 4 شهور وشكلها خايفة أخذ منها فلوس التذكرة.

للعلم أنا مهددتها بالفلوس بس علشان أخوفها لكن مافي فايدة حتى قلت لها تذكرة الخدامة الجديدة بعد من معاشها
ما يفيد معاها أي تهديد أهية من النوع النحيس، وبعد في نفس الوقت عارقة أني أقول لها باخذ فلوس الأشياء اللي كسرتها لي في البيت وما أخذ من عندها من هذي السبب أهية مطمنة من ناحية الفلوس.
أنا شان خذيت من عندها الفلوس (لو مرة وحدة) وحسستها أني صاجة شان ما تمادت بس أقول حرام أخذ من عندها الفلوس.

[cinabon]

أم ريتال

خدامتي مو من النوع الملتزم يعني تبي تدفن شعرها وياها. وهي صغيرة في السن 21 سنة
أهية وايد شيطانة وأحس فيها جنسية من حركاتها فاهمة قصدي وأنا شايفة صورها ويا حبيبها في وضع وصخ.
غير الصور واللقطات اللي مصورتها وموزعنها على خدم أهل زوجي.

تصوري مصورة بقميص نوم وفي بيتي السابق وماعطة الصورة حق وحدة من الخدم.

أنا لو ما ضاغطة عليها في ذي الشئ شان من زمان فلتت
ما تبي تلبس جلابيات دايما تبي سترشات وبديات قصيرة ما تبي تخلي الحجاب على راسة وغيرها من السوالف.

[الآنسة هدهد]

حبيبتي Cinnabon...حبيت أشاركك في مشكلتك ويا الخادمة وشعرها والوصخ الله يكرمكم
لكن كلام أم ريتال صحيح.. أنا قرأت في مجلة إنه عندهم في آسيا (سواء متدينين أو غير متدينين) إنهم يخبون شعرهم أو أظافرهم أي أي شئ من جسمهم (أكرمك الله) ويأخذونه ويدفنونه عندهم في بلادهم, في تفكيرهم إنه لما يموتون هذه الأجزاء من جسمهم راح تبعث معاهم يوم القيامة.. هذا ماقرأته في المجلة والله أعلم..