ياريت نساعد العروس مع بعض كيف تجهز نفسها

[سمسومه]

انا طلبت المساعدة لان قريبتي ستتزوج ومهرها 40000ومش عارفه كيف تجهز كم تحط حق الذهب والمكياج وقمصان النوم وغيررررررررره ياريت المساعده كم يكفي تخلي حق الذهب طبعا هي تبغي تشتري اطقم صغيره مثل خاتم وحلق
يعني اشيا تقدر تلبسها
بس مش عارفه كيف ترتب الميزانيه

[TASHA]

بسم الله الرحمن الرحيم
عزيزتي اهلا بك :
فعلا موضوع مهم لانوا كثير من الي رح يتزوجوا ما بعرفوا شو يجيبوا...بس لو كل وحدة متزوجة اعطتنى خبرتها رح تفيد كثير>>انا اول من ابدا وان شاؤ الله افيدك>>
عزيزتي احكي لصاحبتك انها ما تكثر قمصان النوم يعني 3 بكفوا (2 طوال وواحد قصير )
وبالنسبة للغيارات معلش تكثر شوي ( شي 12).
ويلزمها كم طقم إلي تلبسهم اول اسبوعين بس مش كثير لانوا :
1= بعد الزواج رح يتغير قياسها.
2= اذا راحت واجت مع زوجها رح تحب تشتري وهي معاه.
على كم اشارب وشنته وحذاء..والبــــــــــــــــــــاقي ما تقصر في بالذهب ....نصيحة
والف مبـــــــــارك

[الاميره الصاعده]

الـــــــــــــــف مــــــــــــــبروك
حبيبتى اتمنى انى افيدك
بالنسبة للملابس والمكياج لاتشتري شى واجد 000وبالنسبة لقمصان النوم اشترى على قد ماتقدرين لان الرجال يملون بسرعة ولاتكثرين من الطويلة يعنى بمعنى اصح دورى على اللى تحسي فيها0000عاد افهميها انت وبالنسبة لذهب اشترى اطقم ثقيلة من الذهب الخالص وخليها لزمن محد يضمن الظروف000
وانشاء اللة اذا تذكرت شى رجعت لكم 0000

[سمسومه]

اخواتي هي عندها اربعين الف كم تخلي حق الذهب
وكم تخلي حق قمصان النوم وياريت تذكرون الاشياء اللي راح تلزمها كيف توزع الميزانيه ويعطيكم الف عافيه

[قرطاسة]

الله يعينها على المقاضي..
قمصان النوم اخذي اشياء كثيره بحيث انه كل ليلة وانتو مسافرين قميص غير ولاتحرصين على القمصان اللي مررررهK)): يعني حتى لو شريتيها لاتاخذينها بسفرك لانه ذيك الفترة كل شي بيعجبه لكن بعد فترة شهر العسل يجي دور القمصان اللي على مستوى
لكن نصيحه لاتروحين للمحلات الغاليه ترى بتلقى اشياء رخيصه وحلوه <<< هذي غلطتي انا اشتريت من المحلات اللي كلها سعر القميص يكون فيها400 او 300 او 250 وحتى 150 كثييييروالله اول ليله شريته بـ 900 ما ادري وين كان عقلي هو صحيح انها جلست معاي سنين والى الآن كأنها جديده لكن مهما كان قمصان النوم يبي لها تغيير بين فترات ..
بقولك ..
2 فساتين حق عزومتها عند حمولتها واهلها <<يعني اذا ماراح تنعزم فما له داعي تفصل فساتين ..
3 تيورات واحد فخم لاي عزومه كبيره لها تكون طارئه وتيورين عاديات يعني يناسبون مناسبه صغيره ..
3 بناطيل مع بدلتين عاديات هذي للبيت<<يعني من القماش اللي سعره رخيص لان الرجال مايعرف الغالي من الرخيص اهم شي الشكل العام ..
اييييييه ولاتنسين تفصلين كم بلوزه من قماش الاورجنزا والتل والشيفون وتكون هذي البلايز للبيت او وقت تكونون لوحدكم يعني مو حق مناسبات وحلوه على اللبس وماتكلف ..
المكياج لاتاخذين كثير ترى بتتورطين به مثلي ..
العطورات مثلها لانه احتمال تحملين وتكرهينها او ماتكون على ذوقه ..
الذهب خذي طقم فخم هذا مع الفستان تلبسينه بعزيمة اهلك وبعزيمة حمولتك البسي طقم حماتك
واشتري شوية خواتم مع اساور وحلق مع ساعتين فضيه وذهبيه للتغيير ..
هذا اذا كان بيجيك هدايا ذهب اما اذا لا فزيدي اطقم .
اما الشنط والاحذيه لاتكثرين منها لانها تتغير موضتها بسرعه ..
وش باقي
وش باقي ياربي <<<<< راعية طويله ههههههه
ايه عبايتين وطرحتين وحده قماش صح هذي للمناسبات ووحده للسفر والطلعات تكون عاديه ..
تنانير كم وحده حلوات وقماشهم حلو و2 او 3 للسفرحتى ماتشيلين هم لو اختربت لكن يكون لونهم حلو والقماش مو مهم اصالته
ولاتكثرين من البلايز لانك بتتقضين مع زوجك بشهر العسل او بعده ببفتره قصيره

بس انتببببببببببببببببهي!!!!!
اذا انتي من النوع اللي تسمنين بسرعه لازم تقللي من الملابس لانك بعد الزواج ماراح تستفيدين منها ..
واعرف وحده صاحبتي تزوجت و3 شهور الا وهي حامل وولدت ولا استفادت من ملابس زواجها ولاشي لانها سمنت عن اول بكثير


ولاتنسين امك وابوك واخوانك من هدية زواجك
وتصدقي ولو بالقليل شكرا لله وحتى يبارك لك في زواجك ....

اهم شي ؟
؟






؟
؟
سلميلي على قريبتك وقولي لها ترسلي بطاقة دعوه لزواجها اذا كان كبير وان كان صغير ميخالف باحضر عشانها<<<< لــــــــــــزقه
وعطيها هذا الشريط هديه مني وتاخذه معها معها بشهر العسل وتراه ( بحر الحب ) لابراهيم الدويش وهذا الشريط بعد عطيها وقولي لها تسمعه قبل الزواج واسمه (السحر الحلال ) اما هذا الكتاب فهو ( تحفة العروس) خليها تفصفصه كله .. اما طقم الذهب اذا عزمتني جبته لها


اوووووه تعبت هذا وانا اكتب اجل لو انا اتقضى وش بيصير..
في امان الله

[* اليازية *]

السلام عليكم ورحمة الله وبركاته
ألف ألف ألف مبروك للعروس والله يتمم عرسها علي خير
وما شاء الله علي الاخت قرطاسة ما خلت لنا شئ نجولة
كفت وفت
اما بخصوص ميزانية الذهب انا كان مهري 70 ألف بس
نحن ما شترطنا عليهم جلنا لهم ادفعوا إلي تجدروا عليه فدفعوا 70 ألف
بس انا صرفت منهم فقط 40 ألف وعطيت اهلي 5 ألف وحطييت
الباقي بأسمي في البنك وبصراحة كثير نفعني هاالمبلغ
وعملت لستة بمطلبات التي احتاجها
فصرفت تقريباً 15 ألف علي الذهب
وفستان العرس استأجرتة 7 ألف
انا طلعت اشطر منك يا قرطاسة شريت معظم
قمصان النوم من النوع الرخيص بس الي شافوهم انهبلو عليهم وحسبو اني شاريتهم
بمبالغ كبيرة بس قميص النوم لاول ليلة شريتة تقريبا 900 درهم
وعملت تقريباً 3 فساتين سهرة و 4 قمصان وتنانير
وشريت تقريباً بألفين درهم عطوروصابون وكريمات معطرة
اوبألف درهم مكياج وكريمات
وشريت عبايتن و ومعظم الشيل جاتني هداي فما شريت غير 2
وتقريباٌ شريت 4 جزم بألوان مختلفة و4 شنط بنفس الألوان
وجاتني ايضاً بعض الشنط هدايا الحمد الله والمبلغ كفا معاي

.. اما طقم الذهب اذا عزمتني جبته لها

هههههههههههههههههههههه ضحكتيني يا قرطاسة والله ما دري انك كريمة كذا
كان عزمتك علي عرسي

[موناتي]

بارك الله لهما وبارك عليهما وجمع بينهما في خير
بالنسبه لتوزيع المهر طبعاً وبأختصار
ادا كان المهر 40000 الف ريال
15000 للدهب لانه يستاهل وكدالك للظروف
4000 للفستان الشرعه ادا بتفصلي وادا لقيتي عند زمياتك فستان حلو يكون اوفر واحسن
5000 للقمصان النوم , واشتري 2 طويل والباقي مشكل شيء فوق الركبه وشيءتحت الركبه وشيء ماسك عليك لأن الرجال يحبوا الماسك على الجسم
10000 ملابس الخروج وكدالك البيت
5000 للجزم والصنادل والشنط والأكسسوارات والدلع كله ولا تنسي ان تطقمي الأشياء بنفس اللون
1000 تصدقي بها للفقراء حتى يبارك الله لهما في الزواج
والف الف الف الف الف الف الف الف الف الف مبروك

[سمسومه]

ياريت الرد على هذا الموضوع لان منجد محتاجين مساعده

[سلفية كويتية]

السلام عليكم
مبروك الزواج ان شاء الله
اولا نصيحة لا تشتري الا الي محتاجة له
لاني والله مهري اكثر شوي(5000 دينار كويتي )مااعرف احسبة بالريال .............ما استفدت منه وشريت خرابيط كان عندنا بالكويت مهرجان والسوق كلة تنزيللللللللللللللللللللللات وانا ماصدقت قعدت اخمط جني مو شايفة خير وبالاخير تغير مقاسي وطاحو بجبدي.................

انا شريت ألماس شبكة وماكانت غلية(1600 دينار)
دبلة(200 دينار)
شنط وحدة 140
والثانية 60
وشوية اطقم موذهب لاني ما احبة
ساعة 200
والباقي خلاجيييييييييييييييييين

النصيحة

انها ماتخربط وايد لانها اذا تزوجت الريل اولها بيستحي منها ولا توصينها عالطلبات

واذا عندها اغراض وملابس قبل الزواج يديدة وحلوة تستعملهم لانة ما شافهم عليها

تقسيم المهر
15000 الشبكة
10000 الاطقم الصغيرة والخواتم والساعة
5000 بدلة العرس
5000 بدل طلعة ودراعات((واذا تبي اصمم له انا حاظرة لاني مصممة ازياء صغيرة وعني معارض))
1500 قمان نوم
والباقي تخشهم...........

[سمسومه]

شكرا على الرد
واذا احد عنده غير اقتراح لا يبخل علينا