الزواج

[بيالة شاهي]

السلام عليكم اخواتي الغاليات
حبيت أخذ رايكم في موضوع وياليت الكل يتفاعل من العضوات والأعضاء
ولا ترى بزعل عليكم هاه لاتكسفوني تكفوون
وش رايكم في الزواج من ناحية
ايهم افضل زواج الأقارب ام الأباعد
قولوا لي وش مميزات زواج الأقارب وسلبياته



نفس الشي زواج الأباعد او الأجانب او اللي يصير سموهم اللي تبون اهم شي ما يقربون للوحدة بس من نفس الجنسية فقط
وش مميزاته وش سلبياته

نفس الشي وش افضل تكون زوجة اخوك قريبة لكم ولا ما تعرفونها

يالله اتمنى الكل يتفاعل معي ابغى اشوف وجهات النظر
وسلامتكم

[um bader]

حياك الله أختى بيالة شاهى... عطينا فنجان بالله بالميرامية من فضلك؟

حبيت أرحب فيك ولى عودة بإذن الله على موضوعك

تحياتى,,,

[ام قتيبه]

وعليكم السلام ورحمة الله وبركاته

هلاااا وغلااااااااااا ببياالة شاااااي

على قولة أم بدر نبغى بيالة نعناع على شااان نصحصح ونرد على سؤااالك زين

أفضل زوااج الأبااااعد وكذالك الطب يفضل عدم الزواج من الأقااارب علشان الأمراااض

ومن رأيي إن زواج الأباااعد أفضل علشان المشاكل ما تكون كبيره

وحتى زوجة أخوي أفضل إنها تكون مو من نفس العائله

وتحياااااااااااااااااااااااااااتي

[بيالة شاهي]

ابشروا باللي تبون قهوة, شاهي, نعناع ,مرامية ,حبق ,كركدية
عساكم كيفتم
تقهويتوا
شبعتوا
صحصحتوا
نعنشتوا

يالله عاد سولفوا وتناقشوا وش احسن الزواج من ولد العم أو ولد الخال أوولد العمة أوالخالة المهم من نفس العيلة والحمولة ولا من برى العيلة

[أم ساروونة]

السلام عليكم

زواج الاباعد افضل للهروب من مشاكل العائلة..

ونبتعد زواج الاقارب مشان الامراض الى تنتقل الى الاطفال

اختكم..أم ساروونة

[بيالة شاهي]

اختي الغالية ام بدر
نستنى ردك على احر من الجمر








ام قتيبه
مشكورة ياعمري على الرد


ام سارونة
مشكورة على الرد


بس ليتكم الثنتين فصلتوا شوي في الرد

[um bader]

الشاهى حار و حرقلى لسانى إنتظرى ليمن أقدر أتكلم

[بيالة شاهي]

اختي ام بدر
حرام عليك خليتيني على اعصابي وينك ؟

[um bader]

الله يا بيالة شاهى كل هالأسئلة على فنجان واحد شاى والله إبريق يخلص قبل ما أجاوب على الأسئلة..


عم بمزح معك يا أحلى شاى بالزعفران...... كيف طعمه هذا ؟؟؟؟ ترى ما جربته؟


وش رايكم في الزواج من ناحية
ايهم افضل زواج الأقارب ام الأباعد

والله بالنسبة لى أحبذ زواج الأباعد .... ولكن إن كان فى من الأقارب شاب لا يرد لتدينه و خلقه فهذا طيب أيضا

قولوا لي وش مميزات زواج الأقارب وسلبياته
مميزاته إنه معروف أكثر وما بتحتاجى تسألى عنه مثل الغريب. وفى مثل بيقلك "" اللى بتعرفه أحسن من اللى بتتعرف عليه"""

سلبياته إنه راح يكون التكليف ولاعتب عليه أكبر لو صار سوء فهم او تقصير.
وممكن بسبب القربة يكون فى خجل بالنسبة لترتيب المهر و المؤخر. يعنى حنا شاريين ريال مو بنك.

نفس الشي زواج الأباعد او الأجانب او اللي يصير سموهم اللي تبون اهم شي ما يقربون للوحدة بس من نفس الجنسية فقط
وش مميزاته وش سلبياته

إيجابياته بالنسبة لرأيى إنه تغيير دم ونسب جديد. بيظل فيه نوع من الرسميات و مو كل الأمور بتكون مكشوفة.
يعنى القريب بيكون عارف البير و غطاه بس الغريب بيظل فى نوع من الحدود

إذا صار ما صار طلاق أو غيره لا سمح الله بيظل بعيد ومو بقلب العيلة بحيث إنه الزعل بيعم الأسرتين وبتبقى المشكلة عايشة للأبد

سلبياته: إنه بدك وقت لتعرفيه و تعرفى أهله وبهالحالة راح تكون مغامرة. بس البنت الشاطرة والفنانة هى اللى بتكسب قلب زوجها و أهله وبالتالى بتكون هى الفايزة.


نفس الشي وش افضل تكون زوجة اخوك قريبة لكم ولا ما تعرفونها
والله مرت الأخ إذا كانت بنت عالم و خلق وصاحبة دين وخلق طيب فما بتفرق إذا كانت قريبة أو بعيدة. فكم من غريبة قربت بين أفراد العايلة و كم من قريبة عملت مشاكل وشتت أسر

يالله اتمنى الكل يتفاعل معي ابغى اشوف وجهات النظر

شو عجبك تفاعلى عزيزتى بيالة شاهى صبيلى كمان فنجان ترانى نشف حلقى.
تسلمى حبيبة قلبى على هالموضوع الجميل.

وسلامتكم

[بيالة شاهي]

اهلين اختي ام بدر
مشكورة ياعمري على الرد ماأصرتيش
[QUOTE]إذا صار ما صار طلاق أو غيره لا سمح الله بيظل بعيد ومو بقلب العيلة بحيث إنه الزعل بيعم الأسرتين وبتبقى المشكلة عايشة للأبد
انا معك في هذا صدقتي بالفعل اذا صارواهم مب قرايب ولا وفق ربي بينهم يتفرقون وخلاص
لكن اذا صاروا اقارب تحصل فرقة ومشاكل نسأل الله العافية
ويمكن الوحدة تجامل زوجها اذا كان ولد عمها وتتحمل لو كان غثيث وما شافت منه خير عشان عمها ومرة عمها وابوها

اللي لا حظته ان الكل مع زواج الأباعد لكن بدايه الحياة فيه تكون صعبة وان محاسنه أحسن من زواج الأقارب
ونفس الشي الأقارب اذا كان الخاطب منهم ويستاهل افضل من البعيد صح ولا
لكن انا أفضل مرت الأخ تكون بعيدة وهذي وجهة نظري