افكار لهدية زوجي

[زوجة عدول]

بنات حياكم

ودي اهدي زوجي هديه بمناسبة زواجنا هو دايم يهديني

وبصراحه فلوسي بس 300 ريال عطوني افكاركم ابيها ليله حلوه رومنسيه وودي اشتري له هديه وش احلى شي افيدوووووووووني والله منحرجه هو دايم يتذكر ويهديني وانا ماقد هديته

[eman design]

حبيبتي اشتريله قلم جيب اتوقع يجي 300 ريال

هذا رايي

[دندوشه1]

انا اقول اشتري له طقم ساعه وقلم وميداليه وكبك
واكتبي عليه صدقيني هديه رووووووعه

[زوجة عدول]

مشكورين بس ودي كذا تكون ليله رومنسيه عطوني افكاركم

[نجوم حياتي]

ركن الأشغال والحفلات مليئ بالأفكار
زوريهم وان شاء الله تلاقي مطلبك

[غنة]

قدمي له السعااادة ما في احسن منها ... الراحة والحب والطمئنينة كل ما يرضي الزوج يكون اسعد رجل وانت افضل امراة وهذا بلا ثمن واغلى من الثمن

[نجوم حياتي]

قدمي له السعااادة ما في احسن منها ... الراحة والحب والطمئنينة كل ما يرضي الزوج يكون اسعد رجل وانت افضل امراة وهذا بلا ثمن واغلى من الثمن

بالفعل معك حق في كل ماقلتيه لكن
لايمنع إظهار حبنا وتغيير روتيننا بشئ بسيط لاسرف فيه ولافسوق
( تهادوا تحابوا )

وماقصرت يالغلا على النصيحه
وكثر الله من امثالك

[LOOODI]

اشتري له شي يحبه ويحتاجه

انا مثلا : زوجي يحب الهلال والكوره بشكل عام مره جبت له فانيلة الهلال الاصليه ب200 وشوي
ويحب دايم يغير الله يكرمك الصنادل جبت له صندل شرقي روعه ب100 ريال من الدقل

ومره خيطت له ثوب وشريت معاه شماغ لون مناسب كلها ب270 ريال

وطبعا تجيبي معاه كرت صغير وتكتبي عباره حلوه ووحده ورده حمراء

وكيكه صغيره ومعجنات وعصير وشويه (بالونات وشموع ) من محلات ابو ريالين وموسيقى هاديه من النت واناره خافته ولبسك يكون حلو وريحتك حلوه وكلام حلو منك

بتصير احلى ليله صدقيني

والله يديم عليكم الحب

[عزوتي ابوي]

الاخوات ماقصروا
لو شي بسيط راح يترجم مافي قلبك
و ركن الحفلات في الفهرس اعلي
الصفحه راح تلقين افكار كثيره لليله رومانسيه

[زوجة عدول]

مشكورات حبيباتي ودي فعلا تكون ليله مميزه

[أزهار الياسمين]

شوفي حبيبتي انا مرة حبيت اعمل مفاجاة لزوجي و ماكان معي اكثر من اللي معك فشوفي اش سويت
اولا عملت تقويم و كل صفحة خليت احدى الصور اللي زوجي يحبها كثير وماكلفني شي لان برنامج موجود على الكومبيوتر (أوفيس) وهذا البرنامج عمل كل شي انا بس ادخل الصور و اكتب معها شوية كلمات حلوة ، وهذي الهديه تبقى طول السنة على مكتبه وكلما يشوفها يتذكر المفاجاه ويفرح ، وبعدين طبعا لازم تطبعين التقويم على ورق وهذا كله مو مكلف أبدا بس ياخذ وقت (3-4 ايام)
والشي الثاني احنا عندنا اضاءه الليزر وتطلع فيها نجوم و كدا فجهزتها بحيث اول ما يدخل البيت يشوف الظلمة و بعدين لما يوصل للغرفه يشوفها منوره بضوء الليزر وانا لابسه شي حلو و رومانسي و تكوني شاريه زيت او كريم للمساج ( موجود بأي مكان حتى التميمي) ومو غالي وتكوني مجهزة المكان حتى تعملي له مساج وبعدما تخلصون كل شي ويفتح النور يتفاجأ بالتقويم موجود على المكتب او السرير او اي مكان ظاهر و يكون محاط بزهور (خذيها من المزهريه اللي في غرفة الضيوف لا داعي لشراءها من برة) و لكن نسقيها بشكل جميل حول التقويم و بس وطبعا مجهزة مسبقا عشا لذيذ و منسقته على طاولة الطعام او في ركن من غرفة النوم (حسبما تسمح بي شقتكم) وطريقة تنسيق الصحون والطعام والكاسات ممكن تلاقيها في النت وايضا ما تكلفك اي شي بس هو راح يفرح اكيد و ماينسى هذي الليله و اهم شي ابتسامتك ورقتك والله يسعدكم ويهنيكم ببعض

[قلبي يفداك]

البنات ماقصرو بس حبيت ادعيلك دعوه من قلب لكي اختي بلله اللهم قوي علاقتها الزوجية والاسرية واحفظها من كل سوء
اللهم استرعيوبه عنها وواستر عيوبها عنه
واظهر محاسنه لها واظهر محاسنها له
ورضهم بما رزقتهم اللهم آمين
واعطي نفس كل واحد منهما تقواها وزكيها أنت خير من زكاها أنت وليها ومولاها اتمنى تتقبلي ردي

[TWETTY]

مافي احلى من عطر او دهن عود

[زوجة عدول]

مشكورات حبيباتي كلكم وشكر خاص لمن خصتني بالدعاء اللهم امين ولك بالمثل ياااااارب