نادي للسباحه لتعليم النساء المحجبات في المعادي والجيزه

[قطقوطه مصريه]

السلام عليكم ورحمه الله وبركاته

انا مش عارفه موضوعى مكانه هنا صح ولا غلط المهم

انا عايزه نادى لتعليم السباحه للسيدات المحجبات وطبعا يكون هناك مدربه والفتره مخصصه للسيدات فقط وياريت يكون فى الجيزه او المعادى لانى ساكنه قريب للمنيب

معلش هو طلب غريب بس مهم جدا ليا وشكرا

[♥أم عبد الله♥]

إن شاء الله بنات مصر يساعدوكي

[- بنت الأحرار -]

وين بنات مصر
يلا سعدوها يا غاليات

[☺أم إبراهيم☺]

سبحان الله مع أن تواجدهم كثير في الركن إلا أنهم اختفوا

عسى المانع خير

إن شاء الله يساعدوكي

موفقة إن شاء الله بما أن طلبك يمشي مع شريعتنا


رفع

[ضحى 2]

اختى الكريمه للاسف انا من اسكندريه مش من القاهره
وماسمعتش عن مكان لتعليم السباحه غير فى النوادى الكبرى
زى نادى سموحه او سبورتنج
ودول فى اسكندريه
عندى ليكى اقتراح
اتصلى بالدليل
رقم 140او 141
واسئلى وان شاء الله حد يجاوبك هناك
ان شاء الله موفقه يا بنت بلدى

[healthy]

سلام عليكم ورحمه الله وبركاته
اظن ياقطقوطه ياقمر ان اى نادى رياضى مشهر زى الاهلى ووووووووو
طبعا اكيد الاهلى يكسب
الا ازا كنتى اتحاد سكندرى زى صابرين كده

هههههههه

هيكون فيه على الاقل يوم او يمكن ساعات معينه خلال اليوم للسيدات فقط اكيد متهايالى

بس الاكيد ان نادى الشمس فيه واحد متاكده باذن الله

دليل ايه ياصابرين انتى ممكن تاخدى نمر النوادى وتسالى بالتليفون بس بتوع الدليل
مش بيطيقو نفسهم لما تساليهم على نمره
هتساليهم على حمام سباحه خاص بالسيدات
ههههههه لا طبعا

اما عن معلوماتى الضئيله فى هذا المجال
لانى مابحاولش اهوب من اى حته فيها حمام سباحه
لاحتياطات امنيه

بس

ويووووووويويو يو ابو غالى لبسنا مايوه ههههههههههه

مابلاش سباحه وتيجى تشتركى معانا فى الرابح ههههههههه

تقبلى مرورى

[قطقوطه مصريه]

متشكره لردودكك جدا وجزاكم الله كل خير

[♥أم عبد الله♥]

جزا الله خيرا البنات اللي حاولوا يساعدوك
سأنقل موضوعك لركن ساعدوني و إن شاء الله أمورك تتيسر

[الاميره الطيبه]

بنات مصر موجودين دايما وجاهزين للمساعده واكيد لو حد فيهم شاف الموضوع اكيد كان هيرد غليها يا ام ابراهيم. مش هنتاخر عنك يا قطقوطه
المشكله انك محدده منطقتين اثنين فممكن اوي يكون بنات مصر في المنتدي هنا مش من المنطقتين دول علي العموم
ممكن تعملي زي ما صابرين قالتلك اتصلي ب140 وهاتي اسامي النوادي الموجوده في المنطقتين دول وكلميهم وان شاء الله
تلاقي النادي الي انتي عايزاه

[عزوتي ابوي]

وعليكم السلام

حياك الله قطقوطه

وان شا ءالله بنات مصر الحبيبه يفيدونك

[أمـة الرحمن]

انا كمان نفسي اتعلم سباحة
يا ريت لواحدة من القاهرة تعرف مكان للسيدات وامان للمحجبات تقولنا

[نسائم حائره]

كليه تربية رياضية
بتعمل كورسات على طول ممكن تسالي
انا من اسكندرية فمش حاعرف افيدك
بس اسالي في الكليه اكيد فيه