فلل في شمال الرياض

[نصوحه]

السلام عليكم


كيفكم يابنات انشاء الله بخير؟؟؟؟


حابه اسأل عن عروض فلل صغيره للبيع في شمال الرياض

وتكون بحدود 400 او 450 او 500 ألف والي تحصلي طلبي ابعطيها سعيها

[عزوتي ابوي]

وعليكم السلام

غاليتي في فلل جديده ومره حلوة في حي الملقى
ممكن تروحين تشوفينها و تسألين عن اسعارها

بالتوفيق

[أسيرة الغربة]

حددي الاحياء الي تبين ..
وعمر الفلة هل هي جديدة وإلا لا ؟
وماهي المميزات الي تبين .

[نصوحه]

عزوتي ابوي الف شكر على مرورك
اسيرة الغربه مشكوووره على اهتمامك لموضوعي
انا قلت في الشمال مثل المصيف الملقا الرائد النفل حطين التعاون العقيق
وعادي لوتكون مستعمله لمدة سنه فقط والافضل تكون جديده
اما المميزات اهم شي تكون مخططه تخطيط كويس

[نصوحه]

استغفر الله

[أسيرة الغربة]

وتكون بحدود 400 او 450 او 500 ألف والي تحصلي طلبي ابعطيها سعيها

السعر الي حطيته مره قليل الان الاراضي في الملقا مترها ب2000 ريال يعني القيمة الي ذكرتيها ماتغطي قيمة الارض .

[عزوتي ابوي]

اختي نصوحه ..

الان زي ماقالت الغاليه اسيره الاراضي غاليه مره
والمتر من 1400 الى 2000 ما اتوقع بتلقين فله جاهزه بالسعر!!
حتى اللي 300 متر قيمتها فوق 900 الف !!

[نصوحه]

طيب ابحولها شقق وياليت شقق البدور يكون افضل
مشكورين على الرد

[نصوحه]

لرفع ....

[نصوحه]

وينكم يا حلوات

[نصوحه]

استغفر الله

[ام لاحلى بنات]

ياعمري العقار مرتفع وبقوه
وفي الشمال اسعار خياليه يعني الي معك مايغطي الا ممكن شقه او دور بس
ممكن تدقين على اي عقار وتسالينه عن طلبك
موفقه

[Eqa3]

ياقلبي الحين المبلغ اللي انتي حاطته مايجيب الا شقه ملك
الله يوفقك ويرزقك باللي تبينه