ااحتاج مساعدتكم و مشورتكم فأنا انوي فتح مشغل نسائي في الرياض

[العنفوااان]

السلام عليكم و رحمت الله و بركاته
كيف الحلوات
دمتم بصحة و عافية
احتاج مساعدتكم و مشورتكم فأنا انوي فتح مشغل نسائي في الرياض
و اريد ان اسمع مقتراحاتكم الجميلة
موقع المشغل ؟
كم عاملة للخياطة ؟ وما جنسيتها ؟
كم عاملة للكوفير ؟ و ما جنسيتها ؟
افكار لجذب الزبائن ؟
و كل مايخص المشغل ؟
الفزعة لا تتأخرو بالردود
جزاكم الله خير

[عزوتي ابوي]

وعليكم السلام

حياك الله اختي العنفوان

الموقع ياغاليه اهم شيء يكون وصفه واضح
سواء كان شرق او شمال الرياض >لانها الاكثر جذب

الخياطه اتصور خياطتين في البدايه لحد ماتشوفي الاقبال
على الخياطه عندك في المشغل و برأيي تفصلين و تعرضينه
في المشغل و تسوقين له حتى لو عن طريق الاقارب لحد ماتنتشر سمعة
المشغل ..
اتوقع فلبينيات الخياطات ,,

الكوفير هو اللي الناس تقصده خصوصا في المواسم مدري كم العدد بالضبط
بس ممكن تبدأين بشكل مصغّر واذا صار فيه اقبال تجيبين كوفيرات اكثر
خليه من جنسيات مختلفه الفلبينيه و اللبنانيه و المغربيه و الحبشيه عادة اشوف الحبشيات
يغسلون و يجهزون الشعر للكوفير..


ممكن تحطين كوفي شوب في المشغل
واهم شيء اسعارك تكون معقوله !!
في البدايه الناس تجيك عشان تجرب بالسعر المعقول
واذا اعجبهم يصيرون يتعاملون معك ..

الديكور خليه يكون بسيط و شيك بنفس الوقت
وبالتوفيق لك

[goode]

اهلللللليييييييييييين ربي يحبك انا ام المشاغل عندنا ولله الحمد 4 مشاغل واحد خاص وفاتحينه
بالجنوب والثاني بجده وله 3 فروع والحمدلله

طبعآالي فهمته منك تبين مشغل كامل خياطه وكوافير

طيب حبيبتي الموقع مايختلف مهما كان اذاكان الشغل حلو والاسعار مناسبه

شوفي انتي سوي بناييه ويكون الخياطه لها مدخل والصالون له مدخل خاص علشان اذا صارو فاضيين الخياطات مايتجمعون ويسونلك ازعاج

وتحسين انك بحراج لازم يكون فيه تنظيم
بتكلملك اول شئ عن الخياطه
مثلا اول ماتدخلين يكون فيه استقبال وتكون الي جالسه فيه المصممه تستقبل الزائرات وتشوف اش يبغوون والالوان الي تحب ولاتصعبيها مو لازم مصممه مصممه المهم وحده يكون لها خلفيه بالرسم وشاطره وعندها فن الازياء وتشوف وش يناسب زباينها
انا المشغل حقنا حطينا مصممه بنت سعوديه مرررره شاطره بتلاقين كثير
وبالفرع الثاني حاطين فلبينيه
يعني الخياطات جيبي 3 مبدئي وواحد هندي وهذذ السر والله مامشا المشغل الاالهنود عندنا ماسكي الخياطه
يعني يتساعدون احنا جايبين 3 وحاطينه بزي البدروم تحت بس تنزللهم الفلبينيه الشغل واحد يشك شك باليد وواحد يساعد الي فوق
لان الرجال عمليين اكثر ومعروفين الهنود شطار مره
مثلا جيبي 3 فلبينيات لانهم امينات ومافي زيهم او2 وواحد هندي وخلي زوجك او اخوك يوقف على راسه ليين يعلمه الاحترام
خلاص وخلي المصممه ترسم مثلا 3 فساتين واعرضيهم وحاولي يكون الصالون مهما كان صغير
يكووون مررررررررررررتب لان اهم شئ النظافه والراحه النفسيه وتكون نفسيه المصممه حلوه

لاستقبال الزباين وهذا مهم

انا برأيي تكتفين اول شئ بالخياطه واذا رجعتي رأس مالك تفتحين كوافير

بس بتلكملك برضه عن الكوافير
لازم يكون فيه منسقه بتكون على الاستقبال هذي وضيفتها توزع الاعمال بين العاملات وتسوي مواعيد
جيبي لك وحد كويسه مغربيه او لبنانيه او سوريه وتكون شاااااااااااااااطره لازم الاساس تجيبين وحده مررررره شاطره وجيبي تحت يديها عاملات مثلا اذا حبيتي الحبشيات ذوات البشره السمراء شاطرات بالشعر او فلبينيات للشعر وكذا
يعني عامله اساس مثل ماذكرت ووحده فلبينيه و2حبشيات او اي جنسيه ممكن فلبينيات لانهم يحبون الشغل
هذا مبدئي وبعدين زيدي ومثل ماذكرت لااوصيك بالديكوووور انا عن نفسي اذا شفت
صالون مخرب والله مااسوي عنده هذا شئ نفسي
الحين نجي بالاسعار حاولي تخفضين شوي بالبدايه بعدين ابدأي اجلدي الزباين
ههههههههههههههههههههههههههههه

وخلييك امينه الخامات الاقمشه والمواد الشعر والصبغاات خليها افضل شئ والله ماتخسري بتلاقين الزباين زي النمل
وانتي اوقفي عليه يعني خليك متابعتهم واي خدمه انا حاظر

وانا اول من راح يفصل عندك ويسوي شعره بس افتحيه انتي
ونسيت اقولك وفري بالصالون
كفي مويه شاي اشياء خفيفه

اتمنى تستفيدين والله معاك

[العنفوااان]

حبيبتي عزوتي ابوي
حبيبتي goode
ماقصرتوا
الله يجزاكم الف خير على المعلومات
كثير استفدت منها
فيه اشياء كنت محتارة فيها و فيه اشياء ماكنت فهمتها
زيدوني من معلوماتكم و خبرتكم
طبعا انا معي شهادت دبلوم مهني
و ودي اخذ قرض من بنك التسليف بس مو عارفة كيف الطريقة
فاقلت لخوي يسأل و الفترة هذي استخير أنا فيها
و اي وحدة عندها معلومة الله يرزقها الفردوس الاعلى
تقولها
و انا في انتظار المزيد
على فكرة المشغل ودي يكون شرق الرياض بس
ابغى مكان مافيه مشاغل كثيرة
يعني برأيكم اي حي و أي شارع

عزيزتي goode
انا برأيي تكتفين اول شئ بالخياطه واذا رجعتي رأس مالك تفتحين كوافير

فكرتك هذي اعجبتني كثير و كنت افكر فيها
بس الكثير يزعم بأن اهم حاجة بالمشغل الكوفير
لكن ان شاء الله رح اطبق فكرتك

أكرر خالص شكري للعزيزة عزوتي ابوي و goode

[goode]

اهلييين والله قلبي معاااك وكل شوي ادخل واشوف وش قررتي

ايه استخيري وحاولي تبدئين بس خياطه وسبحان الله والله لوتفتحبن جمب 100مشغل

ربي بيوفقك صدقيني بس اذا كان الشغل مميز ولازم يكون فيه انجاز

واذا القرض عليكي صعب دخلي معاك شريك يكون عنده راس مال بس احد تعرفينه مثلا اخوك اختك

او خالك زي كذا بس يساعدك براس المال وبعدين الارباح تنقسم لين
تتمكنين ثمن اشتري حصته وخليكي لحالك لان الشراكه مو زينه هذا بحاله
انك ماقدرتي تسحبين قرض

وماشاء الله ماخذه دبلوم حلو مره

بس انتي من الحين دوري لوحده مصممه بنت حلال وتفاهمي معاها

خليها تساعدك قولي راح اكرمك بس ابغا منك تصاميم حلو
وحسن استقبال بس لاتجيبي وحده

تضارب الناس وخنافرها واصله للباب لا جيبي وحده فرفوشه

والقلب معاك وداعيلك مررره متحمسه معاك بس اعطينا جديدك واخر قراراتك

[العنفوااان]

goode يابعد روحي انت و الله بدعيلك من قلبي
الله يرزقك من اوسع ابوابه و يعطيك اللي تتمنيه
و يرزقك الفردوس الاعلى يارب

حبيبتي بغيت اعرف من وين اجيب مصممة
كيف اتوصل لها ؟
و هل لازم تكون معها خبرة ؟
و هل لازم تكون خبرتها في اخياطة ؟

[goode]

اهلين حبيبتي
شوفي فيه بنات كثير من جميع الجنسات تلاقينهم دارسين تصميم وجالسات بالبيوت

بتلاقيم سعوديه يمنيه مصريه سوريه بتلاقين كثيييييييير حطي طلب بالنت

زي كذا اما من ناحيه الخبر ه اكيد هي بتكون دارسه تصميم يعني مثلا

تدخل الزبون وحده سمينه ومختاره تصميم ضيييق وهي سمينه هنا يجي دور المصممه

ترفض تقولها ماراح يناسبك فهمتي

او تخلك وحده تقول نفسي فلون كذا بس مافكرت بالموديل تقوم المصممه تسألها عن

الموديل الي يعجبها

وتبدا ترسم وهذا شغلها الاساسي ترسم تصاميم ولها نسبه

بس مالها علاقه بالخياطه بس تعطي افكار وترسم موديلات وتختار اقمشه

وراح ادورلك لمصممات وارد لك

وتسلمين على الدعوات الحلوه ياعسل

[العنفوااان]

أنت انسانة رائعة يا goode ياليت فيه كم وحدة مثلك
الله يكثر من امثالك
خلك على طول متواصلة معي
لاتنسيني ماصدقت القى احد استشيره يفهم بالاشياء هذه

[goode]

افا عليييك وراك اسود<<<<<<<تقصد نفسها


لالااحبيبتي لن ادعك

ههههههههههههه

يالغلا والله احرجتيني وش دعوه انا نزلت بكذا منتدى طلب مصممات وحركت الرادارت حقتي بالرياض وجده

وانشاء الله الاقيلك

[العنفوااان]

مكثورة الخير يا goode

[العنفوااان]

وين بفية الحلوات
ليه يابنات الموضوع معجبكم أو ماعندكم خلفية

[|حكآيآ حلم~|]

و اريد ان اسمع مقتراحاتكم الجميلة
موقع المشغل ؟

اولا واخيرا تقوى الله(ومن يتقي الله يجعل له مخرجا ويرزقه من حيث لايحتسب)
امنعي الاغاني والبناطيل ع العاملات وخلي محلك نقي ونظيف من كل المنكرات
وقت الصلاه الكل يوقف عن الشغل وسوي مصلى للصلاه
امنعي النمص والقصات المخالفه للشريعه


واتذكري هالأيه وحطيها بين عيونك()
(ومن يتقي الله يجعل له مخرجا ويرزقه من حيث لايحتسب)

[العنفوااان]

اختي حكايا حلم جزاك الله الف خير على النصيحة الحلوة
و الله يبعدنا عن الحرام
انا ناوية ان شاء الله امنع المنكرات
لاني ابغى البركة
ابغى الحلال
الله يرزقنا و المسلمين الرزق الحلال
لذالك احتاج افكار عشان ينجح المشغل
و ينكم يا بنات عطوني افكار

[العنفوااان]

وينكم يا صاحبات المشاغل وين مقترحاتكم
وش الاشياء اللي تجلب الزبائن وش اللي يزيد الربح
وش اللي
وش اللي
وش اللي
افيدوني الله يرزقكم دنيا واخرة
احتاج اعرف كل شي عن المشاغل و حتياجاتها

[*دموع الصمت*]

عسى ربي ييسر أمرك
بما إن نيتك طيبه وتبين الحلال
بحول الله وقوته إن ربي يفتحلك ابواب الرزق

الله يبارك لك ويزيدك
وعسى البنات اللي عندهم خلفيه يفيدونك بحاجتك

ومايجلب الزباين إلا النفسيه الطيبه والأخلاق العاليه والنظافه

أعتقد لو يكون ديكورك بناتي يكون أفضل

لأن المشاغل اللي اشوفها من برا
تخوف الوانها كأنها كهوف
وتصاميمها معقده مره

مع العلم بإن المشاغل مرتادوها نساء وطبع النساء النعومه