تكفووووووووووووون ساااااعدوني وفالكم الزواج

[الحلم المحال]

بسم الله الرحمن الرحيم

انا زواجي بالعيد وابي رجيم ينحفني 7كيلو لااحديقولي خففي مااقدر ابي
استمر عليه بشهر وانحف والعقبال لكل وخده مي متزوجه تتزوج اختكم الدبدوبه
الحلم المحال

[مغناجه]

اهلين فيكى اختى ومبروك ان شاء الله عقبال العيال
بالنسبه للرجيم اختى فيه رجيم لمده اسبوع يخفف 5 كيلو حلو مره
اليوم الاول فواكه
الثانى خضار ما عدا البطاطس
الثالث فواكه و خضار
الرابع موز
الخامس رز مسلوق
السادس و السابع مشاوى
ممكن شرب الشاهى و القهوه من دون سكر و شرب الدايت
الاكل طول اليوم و بالنسبه الفواكه ماعدا الممنوع (التمر ـ المنجا ـ العنب ـ الموز)
ادعيلى ربى يرزقنى ولد ان شاء الله .

[أنوار الكويت]

حياج الله أختي الحلم المحال معانا في المنتدى
وإن شاء الله تفيدين وتستفيدين
أول شيء حابة أقوله لج إن الله يوفقج ويسعدج
بالنسبة للرجيم لازم تروحين لدكتور تغذية لإستشارته بالموضوع
لأن ياعزيزتي مو زين الوحدة تسوي رجيم من نفسها بدون لاتستشير دكتور تغذية
وصدقيني آنا مجربة
مرة سويت رجيم وطحت مغمى علي يوم رحت الدكتور قال إنتي مسوية رجيم والمفروض إنج تستشيرين أستشاري غذاء وتغذية وهذي نصيحتي لج
والنصيحة الثانية
المشي بمعنى إنج تمشين في اليوم نص ساعة وتستمرين على المشي لأنه وايد زين
وشيء ثاني حبيت أقوله لج إنج تشربين الشاي الأخضر بعد الأكل بفترة لأن وايد زين

وأتمنى إني أفدتج والله يهنيج .

[غالـــــــــيه]

الى الحلم المحــــــــــــــــــــال

السلام عليكم ورحمه الله وبركاته

اول شي الف مبروك واتمنالك حياه سعيده

عندي لكي حل شبه سحري
جربته بعد ماشفت نتائجه المذهله على امي اللي اضعفت بشكل فضيع
بس اهم شي لازم يكون لك معارف بسوريا او انك تنزيل سوريا
وتشترين اعشاب العطار من اول صيدليه
صدقيني كلنا نسمع عن اعشاب وخلطات وندفع فلوسنا على الفاضي
لكن هالامره اقدر أأكد لك ان النتيجه مضمونه
في بعد منهم على شكل كبسولات سريعه ومالها اي اثار جانبيه
جربيها بأقل من شهر راح تدعيلي
بس هااااااااااا لاتنسين تشترين الاعشاب اللي تشد الجسم لانك راح تعانين من الترهل بعد ما تنحفين

[sunny_moon]

الحلم المحال... ألف مبروك وربنا يتمم بخير

أنا انصحك برده إنك تتابعى مع دكتور تغذية علشان الرجيم مايضركيش...وعموما الأكل المشوى بينزل الوزن والسكر اللى تستخدميه يكون دايت وممكن تشربى شويه مياه قبل الأكل لأنها حتملى بطنك ومش حتكلى كتير وربنا يوفقك وادعيلى بالزواج العاجل إن شاء الله

[عسل الجنه]

البنات ماقصروا بس داخله ابارك لك
الله يوفقك يارب
وبالنسبه لدعوتك ماتفيدني
<<<<<<ام لولد بعد
ادعي ان الله يوفقني في دراستي

[وسام]

اهلا وسهلا بيك اختي الحبيبة الحلم المحال
اول شي انصحك انك تعملي تخفيف في الاكل قبل ان تبتدئي في الريجيم يعني تخففي من الحلويات وتاكلي مره او مرتين في الاسبوع وتستبدلي المقلي بالمسلوق او المشوي وتبتعدي عن الدهون وتاكلي الفواكة وكثري من الخضار المسلوقه والسلطة واكلي قليل الدسم من الالبان .. وامشي كل يوم ساعه واعملي تمارين علشان ينشد جسمك ..
واذا حابة تعملي ريجيم الاخوات راح يبتدوا بحملة ريجيم يوم السبت اذا احببتي ان تبتدئي معاهم هذا الرابط

http://www.lakii.com/vb/showthread.php?t=105546

[ورد القمر]

حبيبتي انا قبل سنه استخدمة الرجيم الكميائي لمدة شهر بس ونقصت ثمانيه كيلو بس والله بسببه تعبت نفسيا وتعقت من شي اسمه رجيم بس انت لو في جده انا ممكن ادلك على دكتور ينزل وزنك في الشهر 12 كيلو تقريباانا الحين اتابع معاه لي شهرين والنتائج مررره ممتازه حتى اني كتبت عن تجربتي معها في المنتدى وموجوده الى الحين اذا حايه تقريها
ان شاء الله اكون افدتك والله يزوجك ويرزقك يدرزن عيال ودرزن بنات تسمين وحده منهم على اسمي (منى)
تحياتي لك.........................................
ملاحظه(مو لا زم تدعيلي بزواج لاني متزوجه وما ابغى زوج ثاني لانه واحد مطلع عيوني بطلباته فما بالك باثنين)

[وعود الخير]

اختي مبارك الزواج مقدما..
بداية ابتعدي عن الحلويات والشيبس والشوكلاه بأنواعها والأهم ابتعدي عن شرب الكولا وكل المياه الغازية والعصائر الصناعية
وكزي في طعامك على الخضار والفواكه واللحوم والدجاج المسلوق او المشوي.. وراح تنزلي بسهولة..
وربنا معك .. وريجيم الشوربة الحارفة فعال جدا خلال اسبوع.

[الفتاةالطويله]

اولا ابارك لك بالزواج لازم تغني بدنا نتزوج عالعيد. لازم تنتبهي للأكل وكثرة الحركه وابتعدي عن اللي قالته وعود لأنه اذا اتبعتي ريجيم معين وامتنعتي عن اكلات كثيره راح تزهقي ويمكن تأكلي اكثر بعدها وهيك صار مع واحده قريبه لي نزلت حوالي عشرين كانت تجوع حالها ودائما عصبيه وبعدها فرطت معها طلعنا رحله عالأردن واكلت كل اللي بالمطاعم وزادت اكثر من اول ميشان اقولك اعتدلي بالأكل وابتعدب عن اللي يسمن وما يفيد ولو اجا عبالك حلو نصف ملعقه شوكلاته ادهنيها بخبز ه وكليها واتحركي كثير والمشي مهم كثير .اتمنى ان تنجي بذلك وانا اعرف ان الريجيم بالشتاء اصعب بس هذا طلبك والله يوفقك .انا من ناحيتي ولا يمكن اخذ حبوب مع اني مش سمينه يعني شوي لأني اسمع ان هذه الأدويه تلعب بالجهاز العصبي

[ام قتيبه]

بسم الله الرحمن الرحيم
اختي الحلم المحال ابارك لك با الزواج وعقبال الذريه الصالحه (مالقيتي الا في ها البرد
اما با النسبه للرجيم انصحك انك تبتعدين عن الرز اهم شي ..
وعندالغداء كولي اكل خفيف .اهم شي لا تنامين (والكرشه مليانه
و السلام عليكم ورحمة الله وبركاته

[السلطانة]

السلام عليكم ورحمه الله وبركاته

اول شي الف مبروك واتمنالك حياه سعيده

عندي لكي حل شبه سحري
جربته بعد ماشفت نتائجه المذهله على امي اللي اضعفت بشكل فضيع
بس اهم شي لازم يكون لك معارف بسوريا او انك تنزيل سوريا
وتشترين اعشاب العطار من اول صيدليه
صدقيني كلنا نسمع عن اعشاب وخلطات وندفع فلوسنا على الفاضي
لكن هالامره اقدر أأكد لك ان النتيجه مضمونه
في بعد منهم على شكل كبسولات سريعه ومالها اي اثار جانبيه
جربيها بأقل من شهر راح تدعيلي
بس هااااااااااا لاتنسين تشترين الاعشاب اللي تشد الجسم لانك راح تعانين من الترهل بعد ما تنحفين

اختي غالية ياريت تزودينا بمعلومات اكثر شوية ..مشكورة.... انتظرك

[روينة]

أولا يااااااااااااااااااهلا بكي معنا أختي في بيتك الثاني

الف مبروك

الله يوفقك ويعينك في انزال وزنك
لاتنسي مع نصائح الاخوات المشي ساعة يوميا ثم تمديدها لساعتين في اليوم بالتدريج طبعا حتى ماتتعب عضلاتك

[لبلبة]

ما أدري ردي في وقته ولا متأخر المهم ما أقدر أقول ألحين إلا مبروك وألللللللللللللللللللف مبروك على الزواج.