انا والمكملات الغذائية ... رحلة كفاح .. شاركونا تجاربكم(4- أشهر المعادن)

[ام سهيل]

ام القادة ياحبيبة بامكانك شرب كميات وفيرة من الماء لمعالجة الامساك وايضا عصير برتقال مع حبة الحديد
تصدقي انه فيه انواع حبوب حديد تسبب العكس

والافضل عند علاج مشكلة الامساك اكل انواع من الاطعمة ذات الالياف حتى توازني جسمك



Sent from my GT-I9100 using منتديات لكي mobile app

[نوارة البيت 2014]

موضوع متكامل
ومعلومات قيمة ومفيدة
الله يعطيك الف عافية

[ghaniaanis]

معلومات جدااااا رائعة
ومفيدة بارك الله فيك انبيلا
شكرا لمجهودك جزاك الله خير

[hiba b]

موضوع جميل ومفيد
واسلوبك سهل وممتع

جزاكي الله خير على المعلومات القيمه

[anapella]

اولا احب اشكر كل من مرت بالموضوع وكتبت حرفا .. وتقبل الله منا جميعا ولكم مثل دعواتكم الصالحة بمثل ويزيد

ثانيا : ا سهيل تجربتك رااااائعة وتحمل الكثير ملاحظاتك عليها قيمة جدا .. جزاك الله خيرا

ازال العريقة .. طيب ماقلتيش كنتى بتعانى من ضعف بالعظام عشان كده كتب لك الكالسيوم ؟ ولا هو كده فى كل الاحوال تاخدى كالسيوم ؟.

ام القادة .. حبيبتى لا تخافى من شئ .. ربك هو الستار .. ساعات الواحد بيحتاج خاصة مع ابتعادنا شوية بشوية عن كل ما هو طبيعى .. وبالنسبة للامساك هو طبيعى يحدث عند بعض الناس كعرض جانبى مع تناول الحديد .. ممكن تغيرى المركب اللى باخديه لنوع تانى او تناول كثير من الالياف والماء مثلما قالت الغالية ام سهيل.

ثالثا بقى فى الرد القادم

[anapella]

تجربتى

هاخدهم كده بالترتيب ..
الزنك:
اول تجاربى معاه مرهم .. اه ما تستغربوش انا من الناس اللى جلدها حساس خاصة بالصيف واحتكاك الملابس بالجلد بيعمل لى مشكلة وكانت ماما .. الله يديها الصحة.. بتجيب لى مرهم يحتوى على اكسيد الزنك وزيت الخروع .. بتقول كنت باستخدمه لالتهابات الحفاظ اما كنتو صغيرين "تقصدنى واخواتى"
وفعلا عندها حق بالاتنين .. يعنى اما جربت كريمات او مراهم تانية لا تحتوى على اكسيد الزنم مكانتش نتايجه افضل لا بالعكس
كمان مع ابنى كريم الحفاظ لابد ان يحتوى على اكسيد الزنك .. وكانه سحر .. لاقوة الا بالله .. بعد دهان مرتين او تلاتة يختفى الالتهاب تماما والحمد لله ..

ثانى تجاربى مع الزنك هى مقويات تساقط الشعر ..بناء على كلام الطبيبة .. وعن تجربة .. لابد ان تحتوى ادوية تساقط الشعر على الزنك والبيوتين دول اهم مركبين .. والباقى مكملات لكن دول اهم حاجة ..
وللعلم .. للناس اللى عندها تساقط شعر وراثى زى حالاتى "صلع انثوى" مش بيطلع شعر جديد بغزارة لكن بسيط والاهم بيحافظ على الشعر القديم من السقوط .

ثالثا : فى الفترة الاخيرة كنت حكيت انه حصل عندى ضعف بالمناعة وااصبح يتكرر اصابتى بنزلات البرد بشكل واخدت مركب لتعزيز المناعة به ايكينيشيا + زنك + ثوم + فيتامين "سى"
ونتيجته معقولة والحمد لله لكن ينبغى المواظبة عليه مدة اطول من الشهرين ..


الحديد:
جربته مرتين .. ده لانى والحمد لله باكل لحوم حمرا بشكل مستمر فا غالبا مستوى الحديد عندى كويس ولله الحمد
اول مرة كان عندى زحمة شغل مش طبيعية وكنت باشتغل حوالى 10 ساعات باليوم خارج المنزل .. غير الشغل جوه المنزل
قابلت بالصدفة صيدلى جار لنا وزميل دراسة قديم فى احدى الصيدليات وطبعا شاكلى كان باين عليه الارهاق والاجهاد لاقصى حد .. نصحنى اخد اقراص الحديد .. واضاف ثيرجران
ثيرجران عندها تركيبة اقراص حديد مضاف اليها معادن وفيتامينات اخرى ومكتب على العلبة من الخارج مقاوم للاجهاد والتعب
وفعلا عملت تحسن ملحوظ .. وماحصلش اعراض جانبية

ثانى مرة طبعا فى الحمل وبعد الولادة ..
الدكتورة كتبت فى الحمل اقراص الحديد "مع ان تحليلى كان معقول" ودى بقى سببت امساك .. وعشان اتخلص منه كنت طول الحمل بافطر لبن رايب او زبادى مع تفاح بقشره او خس !
مش فاكرة اسمها بالظبط لانى كنت بالسعودية .. تقريبا فروز .. مش متأكدة
ورجعت بعد ولادتى فى بلدى اخدت ثيرجران تانى لان نفاسى كان طويل المدة وطبعا اتهلكت ! ولله الحمد ..

الكالسيوم
ده بقى حيرنى .. انا طول عمرى مبحبش اللبن .. بس باكل جبنة وممكن زبادى .. كنت فاكرة انى هالاقى عندى نقص رهيب بالكالسيوم خاصة مع وجود تسوسات بالاسنان لكن الحمد لله كل تحليلاتى فيه سليمة ومعقولة !!!
ما اخدتوش غير مرة واحدة بس بحياتى لمدة شهرين فى حملى لانه بيعمل امساك شديد وانا مكنش ينفع معايا كده والدكتورة كتبته فقط اما اشتكيت لها من شد عضلى وانقباضات بتيجى لى فى ساقى بدون سبب ..وبس

الماغنسيوم :
الحقيقة ما اخدتوش ابدا منفردا .. بس اما كنت باخد فيتامينات متعددة "ملتى قيتامين" بيكون ضمن مكوناتها ..
وبث
دى خلاصة تجاربى المتواضعة

[آزال العريقة]

ازال العريقة .. طيب ماقلتيش كنتى بتعانى من ضعف بالعظام عشان كده كتب لك الكالسيوم ؟ ولا هو كده فى كل الاحوال تاخدى كالسيوم ؟.

استخدمته فترة لما أتعرضت لكسر في إحدى أصابعي و الكالسيوم هنا مفيد للتئام الكسر ..
ودي و احترامي ..

[ساكنة الغيوم]

ماشاء الله موضوع رائع
بالنسبه للمعادن المدكوره انا استخدمت برجفيت زنك ولازلت استخدمه من ثلاث سنوات وصفه لي الدكتور المتابع لحالتي
وهو ايضاً رائع للبشره
فيتامين e فكرت استخدمه على شان البشره وماله من فوائد من تاخر ظهور التجاعيد وووووو.
لكن عندما سألت الصيدلي قال ان البرجفيت زنك يحتوي على فيتامينe خلاص بطلت اخده لكني اخذ الكبسولات واعصرها في الكريم المرطب الذي استخدمه .
استخدمت الكالسيوم والحديد في فترات الحمل فقط
حبيبتي ام القاده عن تجربه شخصيه انا كان الامساك لايفارقني اكن بعد ان واظبت على اخذ ملعقه عسل اصلي مع كوب
ماءدافي بحراره الجسم توقف الامساك والحمد لله .
لارك الله فيك انابيلا.

[{ أم أنـــس }]

ماشاء الله تجارب رائعة وجميلة

جزاكم الله خيرا

[ام عبد الله عراق]

روعه مواضيعك دوما

[عُلو الهمّة]

ما شاء الله
يا لكِ من رائعة
مأجورة إن شاء الله
جزاكِ ربي كل خير ع المجهود الواضح المبذول

[anapella]

ما شاء الله
يا لكِ من رائعة
مأجورة إن شاء الله
جزاكِ ربي كل خير ع المجهود الواضح المبذول

انا عمالة اقول مين ريفال دى اللى باتكعبل فيها فى كل حتة ؟؟!!
اتاريك غيرى تسريحتك علو الهمة ههههههههه
مبروك اللوك الجديد
وشكرا على مرورك الكريم

[نور العيون123]

أهلا بيلا اعتذر عن التأخير لأن النت كان مقطوع عندي من فترة ويدوب دخلت أمس الله يجزيك كل خير ويسعد قلبك يارب

موضوعك مهم لي وجه في وقته أنا بقالي فترة عضمي بيوجعني خصوصا كل مفاصلي وخاصة مفاصل الركب الام شديدة جدا والاعراض اللي انت كتبتيها عندي

فرحت كشفت من شهر والدكتور كتبلي على عدة تحاليل واشاعة ولما رحت قالي التحاليل كويسة ما عدا واحد عندك نقص شديد في الكالسيوم

والنقص ده اللي عاملك الم وتاعب عضمك كله وعضم جسمك كله ضعيف من كده ولو انتظرتي سنه كان جالك هشاشة وقلتله انا دايما سقعانة ولابسة تقيل

والبطانية علطول حتى لو الدنيا حر قالي نقص الكالسيوم بيعمل كده ويشعرك بالبرد الدائم وكمان كان عندي اللي قلتي عليه شد عضلي شديد يجي ويروح

ونبضات عصبية متنقلة سبحان الله ما توقعت ابدا يكون نقص فيتامين المهم قالي انت المفروض تشربي كل ساعة كوب لبن وده طبعا صعب عشان كدة

لازم علاج ومفيش اي اكل هيعوض النقص دة الا العلاج كتبلي على حقن خمسة كل شهر حقنه وان ده لازم جدا وكتب على حبوب مرتين ف اليوم

وحبوب بعد الغدا الكلام ده لسه من يومين بس لكن انا باخد من زمان فيتامينات وباخد من شهر حبوب كالسام من الصيدلية بدون كشف

وباخد اوميجا 3 من ايام ما قرات موضوعك فيه باخده وبحثت ف النت عن الماكولات اللي فيها كالسام عشان اساعد بيها مع العلاج

قرأت عن السمش انها مهمة جدا ونسبة الكالسام فيها لا تعوض بطعام ربع ساعة في اليوم تكفي من الشروق للساعة 9 وممكن ساعة كل يوم

والطعام الغني به هو طبعا اللبن وكل منتجاته والبيض والتونة سردين سلمون ورق كرنب قرنبيط موز فاصوليا بندق سبانخ

سمسم ثوم تين مجفف عسل اسود زيت كبد الحوت بطاطا بقدونس ليمون كمثرى برتقال تفاح عنب زعتر مجفف به نسبة عالية بذور دوار الشمس

والزبادي خالية الدسم فيه كالسام ضعف كاملة الدسم مشمش خس لفت بنجر

جزاك الله كل خير بيلا على مجهودك الكبير وموضوعاتك القيمة جعله الله في ميزان حسناتك

بجد احنا مهملين في صحتنا كتير ومش بنروح نكشف الا متأخر العلاج مطلب شرعي ومهم جدا ونعمة كبيرة جدا من ربنا علينا

ياريت كلنا نهتم شوفوا اهمالي عمل فيه ايه أنا تعبانه علطول بتعب من اي شغلة داما محتاجة أرتاح أنا قلت للدكتور رجلي من عند المفصل

بحس انها تنثني للداخل وأنا ماشية أنا كنت بظن تعب في المفصل نفسه فلازم نتعالج من بدري وكمان أضراسي بتوجعني من ضمن عضمي يعني

ممكن بتعتني باسنانك ونظافتها ومع ذلك تسوس من نقص فيتامين معين شفاني الله واياكم ادعولي بالشفاء يا بنات جزاكم الله خيرا

[anapella]

سلامتك الف سلامة نور العيون
انتى مش بتحبى اللبن والجبنة ولا ايه ؟؟!!!
عموما كويس انك لحقتى الموضوع قبل ما يتدهور لاقدر الله
واظبى على علاجك وكلى تمر وقراصيا صباحا على الريق لتفادى الامساك اللى بيسببه علاج الكالسيوم
واكثرى طبعا من شرب الماء وتناول الالياف

واللهم اشفيك شفاء لا يغادر سقما .. وكل مرضى المسلمين جميعا