مجموعة[ أنا قدها ],مشروع تحدي , الجزء الثاني < تقييمي لنفسي لمدة شهرين>التسجيل مغلق

[laloo]

السلام عليكم

تسلمو ياغاليات الله يبارك فيكم ويبعد عنكم الامراض يارب
رنا الحمد لله على سلامة بنتك والله شي يخوف
الحمد لله انه ماطلع فيها شي وفرحكم بسلامتها يارب

هبهوبه ياحلوه تسلمي عالروابط
انا دخلت عالصفحه وتابعت ماشاء الله معلومات قيمه ومفيده
بس والله ما عندي وقت اشارك فيها .سامحيني ياقمر

لولو الله يحفظلك اولادك يارب
والله كلهم في هذا العمر يجننو الام بحركتهم وتصرفاتهم الله يحميهم يارب
وشوفي شفوعه المسكينه هلا عندهم عطل الله يساعدها اولادها في وشها ههههه
انا افرح يوم الدوام راسي يكون بارد من المشاكل والازعاجات ويكون البيت مرتب وهاااادئ والعب رياضه على كيف كيفي ههه
شفوعه يمكن نزل الثلج عندكم صح ؟؟
الله ييسرلك امورك يارب
وشمو وملاك الامل وملك روحي فين مختفيات يارب تكونوا بخير

والبنات كلكم مشتاقين لسوالفكم تعالو ندردش سوا يا حلوات

[laloo]

اهلا اهلا ملوكه ياقمر
والله كنت اكتب الرساله وما شفتك كتبتي
الحمد لله على سلامتك ياحلوه

[الشفاعة]

هههههه اي والله يالالو خلص راسي رح ينفجر

ملووكة انا نو بالاردن بس باذن الله نازلة بالصيف شوف اهلي هنيك
والحمد لله مافي تخبيص وزني ثابت واذا رتفع فورا بخفف تاني يوم بفضل الله لسا محافظة
Sent from my SAMSUNG-SGH-I717 using منتديات لكي mobile app

[shimaaamostafa]

صباح الخير على الناس الحلوه اللي مسالتش عني خالص .
انا امبارح رحت الجامعه عشان اشوف نتيجه امتحان ماده الاطفال وكالعاده طلعوا عنينا لغايه ما اتعلقت انتظرنا لحد العصر والحمد لله نجحت.
وعندي امتحان باطنه يوم 16-12.
فلذلك عذرا منك حبيبتي شفوعه لن استطيع ان اواصل في التعليق على اليوميات فوالله الماده ده صعبه جدا وكبيره عندي في حدود 15 كتاب لازم يتذاكر والمده المتبقيه قصيره جدا تحتاج مني الى تركيز شديد فسامحيني جزاك الله كل خير عنا.لكن ساستمر في تسجيل يومياتي ولن انسحب من المجموعه ارجوكي اعذريني.

[اللولو المكنون]

شيماء وملوكة والله اشتئتلكن ومبارح كنت جاية اسأل عنكم بس مستحية منكم لانو عم خبص ومتجاكرة من حالي ولسا عم خبص :what::what::what:
حاسة حالي مابدي اتقيد


شيماء الله ينجحك باعلى العلامات
ويسرلك كل خير


ملوكة وين كنت غايبة
طمنينا عنك
ولالو كمان ماكانت موجودة
الجروب بلاكن ممل وغليظ

لاتغيبوا مرة تانية
عنجد عم استفئدلكن

[ملاك الامل1]

والله كنت تعبانة اول مبارح ضليت بالسرير

ومبارح اجاني ضيوف وطول اليوم شغل بالبيت وتعزيل كأنو عقاب اخدتو عن عطلة اليوم السابق هههههههههههه

وبالنسبة للدايت ناوية اشد حيلي ان شاء الله

وانتو يا بنات شو اخباركم

[رفات الصبا]

السلام عليكم .. كيفكن صبايا ؟
اشتقتلكن , هاليومين صايرة منشغلة مع الصغار الله يحفظهن ..
إن شاء الله أجر وعافية حبيبتي ملوكة ,
بس يلا شو عليكي كل هالتعب بميزان حسناتك بإذن الله
وبنفس الوقت الحركة بركة ، وأجر إكرام الضيف عظيم
الله يعينك ويعيننا على طاعته

[اللولو المكنون]

[اللولو المكنون]

اهلين رفات
الله يحميلك ولادك

بسم الله عليهن جيل واعي و ذكي كتييير

ملوكة معافاية ان شاء الله
يلا الشغل منيح كتيير على قولة امي بتقول
الشغل بجوهر النسوان
يعني بساويها متل الجوهرة

صرتي ياملوكة جوهرتنا

[يااارب اهدني]

السلام عليكم ورحمه الله وبركاته
اخبااااااااااركم ياقمران اشتقت لكم والله
وربي يفرج قربتكم يلا في سورياااا
وفلسطين
ومصر اسال الله ان يفك قربتكم اخبارك لولو
ايش مسوين يااحلوين

[مدام علا]

السلام عليكم

طبعا غبت كتيييير عن منتدانا حبيبى وحشنى كل البنات جدااااااااااااا






شفاعه انتى فين دورت على ريجين النقاط وصلنى لهنا ههههههههه ربنا يبارك فيكم



انا شايفه ان الجروب اوشك على الانتهاء لو ينفع انضم لكم قولولى لانى محتاجه كتير انزل وزنى

[مدام علا]

ولو فى جروب جديد لريجيم النقاط قولولى عليه لانه انجح ريجيم انا نزلت عليه وهيلثى جداااااااا



وبنت الاحرار جزاكى الله خيرا وربنا يبارك فى مجهودك

[laloo]

السلام عليكم
ماشاء الله الكل حاضر هون اللهم زد وبارك
كيفكم ياحلوات

ملوكه الف سلامه عليكي ياقمر اجر وعافيه ان شاء الله
وشمو الف الف مبارك يارب ان شاء الله امتحان الباطنه اعلى العلامات
واهلا فيكي يا رفات الله يحفظلك اولادك يارب ..
خليكي وراهم هسه بتنحفي عالسريع ههه
انا لما كان ابني صغير يااي عالرشاقه والسرعه
ويارب اهدني اشتقنالك ياحلوه مو بس انتي ههه
مدام علا اهلا وسهلا بيكي معنا
ما اعتقد انه شفوعه ترفض انضمام اي بنت جديده
ولولو يالولو شو هذي الصوره كثير حلوه
انتي بتعملي دعايه لاسمك ههه
شفوعه يارب الله يسهلك وتجي عالاردن تشوفي اهلك
وان شاء الله تصير فرصه واشوفك يارب

[الشفاعة]

السلام عليكم يا صبايا

شيماء
ولايهمك ياقمر انا هنا ورح علق على اليوميات عنك
الله يوفقك وييسر امرك وينجحك باعلى العلامات

مدام علا
الك وحشة يابنت نووورتي المجموعة وتقدري تشتركي معنا هنا باي ريجيم بتحبيه على راحتك اصلا بنت الاحرار حابة الكل يتبع ريجيم النقاط ولو حابة تسجلي معنا طبعا مافي مانع وانا حعلق ع اليوميات بس لازم تلتزمي بالشروط اقرايها باول صفحة وكمان الرياضة لاتقل عن نص ساعة
يلا ياجميل شدي حيلك معنا

لالو
ياريت والله بس انزل ع الاردن بخبرك ولو كنتي قريبة منلتقي باذن الله
بتمنى دايما ربنا يجمعني باخواتي الغاليات
اذا مو بالدنيا بالاخرة بجنات النعيم باذن الله

يارب اهدني
نورتي ياقمر
آمين لدعواتك ياغالية

رفات
الله يعينك والله اصعب شي الصغار ورا بعض انا هيك كنت 3 ورا بعض


ملاك الامل
شتقنالك جدددا ياقلبي
وثوابك كبيير باذن الله مافي متل اكرام الضيف
الله يرضى عنك ويجعلو خالص لوجه الله


Sent from my SAMSUNG-SGH-I717 using منتديات لكي mobile app

[ملاك الامل1]

مساء الخير



شو أخباركن بنات


وين غاطسين