الفريق السادس / فريق زهرات الشام / مسابقة بالإتحاد قوة

[اشجان الحياة]

صباح الخير
كيفكم يازهرات الشام ليش مابتزورونا
بالتوفيق وبكرا احلى

[شـآم]

اليوم الجمعة

انتو وينكن هبة خانوم

مبارح مدري كم تعليق كتبتن ورا بعض و ما حدا رد و كانت اللمبة تبعكن مضوية

مليت و قمت

[حبيبة ودي]

يوم الخميس
النظام الصحي
الافطار : خبزة نخالة صغيرة وملعقتين لبنة وزعتر ولقمتي بيض وبندورة وخيار
سناك :تفاحة وموزة
غداء 5 قطع كبة بالفرن صغارو زبدية لبن و
تمر (7تمرات كل اليوم
حليب ق د
شوية سلطة

سناك بسكوت سادة
العشا لبنة وجبنة وزعتر بخيارة
المي ليتر ونص
الرياضة تمارين فتونة اكتر من نص ساعة
المخالفات برأيي :كنت لازم كتر سلطة وقلل من الكبة

[هبهوبة]

هلا خانوم
سقا الله لما كنتي اطقي حنك صفحين وتلاتة بسباق النجوم
هلأ ما عاد حكيتي ؟!!
بدنا ليزا تفوت تحط يومياتها
صار الضهر
تأخرنا

[هبهوبة]

أول ما كبست إضافة رد كان عمبرن التلفون
ولا طلعت ليزا
قلتلها والله طلعتي بنت حلال ههههههههه
عطتني يومياتها وبتسلم عليكن وما عندها كهربا والوضع سيء
الله يفرجها يااا رب

[شـآم]

أهليييييييييين بالعروس - مو أصدي شي لا تفهموني غلط اللي عندها ولدين بسميها عروس - ههههههه

صح النوم يا قمر

[شـآم]

لا حول ولا قوة الا بالله العلي العظيم

الله يعينها يا رب

[شـآم]

مبارح التهيت بالجيمب قلتلحالي مو حلوة ما ساويه

و غرقت يا بنات بالصور

بس الحمد لله يالآخر لقيت صورة حلوة و وقت زبطت طااار عقلي من الفرحة

بس ضاع وقتي و لعبت الرياضة بالزووووووووووووووووووووووور

[شـآم]

أنا قلت هيك عن الفري بس باذن الله ما رح كتر بالمرة

يا رب اقدر النفسية بتلعب دور و الله يهدينا

آلاء معقول نشوف الـ 65

؟

يا رب نشوفها و نقدر نثبت يا رب

[شـآم]

على فكرة مقالي مافي

من زمان ملغية بس بدي حاول لاقي البديل لأني بموت عالمقالي و خاصة البيتنجان و الزهرة

ييييييييييمي

[شـآم]

هبهوبتي ما قلتي رأيك بتصميمي من كتر مو فرحانة فيه درت فيه المنتدى كلوووووووووو ههههههه

لأ بس الفرق

[شـآم]

[هبهوبة]

يوميات ليزا (الكهربا مقطوعة والوضع سيء)
الخميس
قهوة سادة
ف:ربع رغيف بيضة مسلوقة ولبنة وفول وكاسة حليب قليل الدسم
سناك على مراحل: نص كاسة حليب ,,قهوة.. متة
غ: 4 معالق برغل وربع صدر دجاجة وصحن صغير سبانخ مع لحمة + سلطة
ع: تفاحة
الرياضة : 95د. رياضة مشي ...وكانت بدها تكمل بس اشتغل القصف ونزلت لتحت
المي :لترين وربع

رأيها بيومها ..قال أنا أكتب اللي بدي ياه هههه
بس قالت كان لازم زود خضار بوجبة تانية كمان

[هبهوبة]

كتير حلو هلا التصميم
بس خطرلي أنا عمشوفه لو كانت الخلفية شفافة يا ترى مو بيطلع أحلى ؟
بدو يجرب الواحد ويشوف
طبعا هو حلو وما عليه حكي بس أنا صايرة كلما بساوي تصميم أو بشوف تصميم لحدا بصير بفكر كيف ممكن يكون أحلى

[هبهوبة]

هلا
يلا اليوميات كملت
يا ريت تنقليهن لهنيك
لأنو بدي قوم