أقووول تبون تضعفون دخلوا ..

[أم دودي]

مرحبا بقولكم عن طريقة تضعفكم كم كيلو بسهولة بس اللي عليكم تقصرون يدكم عن الأكل شوي يعني تخففون أكلكم شوي بس مب تموتون من الجوع اسملله عليكم عقب تقولون أنا السبب مالي خص .. المهم أدري لوعت كبدكم ..السالفة وما فيها أن الله يسلمكم في جهاز معين خاص بتكسير الدهون يعمل على تكسير الدهون في المنطقة المرغوب تنحيفها وبعدين تقدرين تشدين المنطقة اللي نحفت بنفس الجهاز وتبون الصراحة أنا جربته و وايد استفدت نقصت 3 كيلو في 4 جلسات بس للأسف صادتني ظروف وما كملت ..
على الجهاز جدا آمن ولا له أي تأثير وموجود في مركز معين إذا تحبون تسألون أكثر أنا حاضرة وفي الخدمة .. وأنا ناوية الأسبوع الجاي أروح المركز وأتابع عندهم ..

أنتظركم

[للصبرحدود]

بصراحه ياأم دودي مافيهأحسن من الرياضة
_______________________________
اذكرواالله

[نوسه الننوسه]

مرحبا ام دودي

بغيت اسئلج
يعني نقدر نشتري الجهاز ؟؟ ولا اهو معهد و نسويه عندهم جلسات ؟؟؟؟

ومشكووووووره

[أم دودي]

ننوستي الجهاز ما ينباع وبعدين له نظام معين لازم اللي يشغله لج متخصص وإذا انتي من قطر قولي لي عشان أقول لج اسم المركز لأنه موجود في مركز واحد بس ويعتمد الجهاز على لصاقات توضع على الجسم لمدة ساعتين وبعدين تقيسين وزنج بالميزان وبالمتر .
أي سؤال بعد أنا في الخدمة عزيزتي نوسة الننوسة

[أثيـــر]

يا خساره توقت انه ينباع

[نوسه الننوسه]

وانا بعد توقعت انه ينباع

اختي ام دودي للاسف انا من الكويت

مشكووووووره وايد

[النيروز]

سلام عليكم أختي أم دودي.
أنا بصراحه سامعه كثير عن ها المراكز، ومتفاوته أسعارهم مابين " 1500 ،و2500".
ماهو مرددني إلا إني أخاف ماألقى نتيجه.
هي عباره عن كورس ،خلال كم جلسه وتبان النتيجه؟
غير إني أنا مابي أضعف أبي شد وإزالة السيلوليت.
أرجو إفادتي في أسرع وقت لإني فعلاً محتاره لي أكثر من شهرين.
وشكرً لك أم دودي.

[أم دودي]

أختي العزيزة آسفة على التأخير كانت عندي ظروف ابعدتني عن المنتدى شوي ..
بانسبة للشد تقدرين تشدين أي منطقة من جسمج وتبين النتيجة على حسب الجسم وبالنسبة حق الأسعار الجلسة بـ300 ريال وإذا تبين تمددين الكورس يقل السعر الى 275 ريال وكل مازيدتي عدد الجلسات يقل السعر وصدقيني بتستفيدين وايد أنا كنت ما أصدق هالأشياء ويوم جربت بصراحة وضح على جسمي والكل كان يقول لي شسويتي لأني ضعفت بسرعة وبدون مجهود غير اني خففت أكلي شوي .. جربي وقولي لي النتيجة ..

[النيروز]

أخيراً أم دودي الله يجزاك خير ويبارك فيك .
عندي سؤال بسيط بس هاااااااااااااا لاتتأخرين عيوني أبغى أسويه في أقرب وقت.
أنا مابي أضعف أنا ضعيفه أبي شد وإزالة السيلوليت؟ ينفع

وشكراً لك أم دودي.

[أم دودي]

ينفع حبيبتي انك بس تشدين يلله روحي شدي وبشريني والله يوفقك ..
سيروا ونحن ورائكم ..

[المتوكلة على الله]

ام دودي..........
اذا الجهاز اللي تقولين عنه مضمون......لا تبخلين علينا.....عطينا عنوان المحل اللي سويتي عنده
لانه بصراحه سولفت للبنات عنه...وكلهن نتحمسين....مو انتي تعرفين الوحده لا طلعت من النفاس...............الله وكيلج.............بس ها لا تتأخرين بالرد..............

[خلوووود]

اختي ممكن اتقولين اسم المحل ... يمكن ايكون عند فرع منه ....

[المتوكلة على الله]

ام دودي...................وينج؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

[أم دودي]

هلا حبيبتي انا ستازيا .. آسفة ولدي ما يعطيني فرصة عشان أرد عليكم على العموم المحل اسمه ( سلم لاين ) موجود في منطقة المعمورة تقدرين تطلبين رقمه من الاستعلامات وتتصلين فيهم وتاخذين موعد بس على شرط اذا سجلتي خليني اشوفك هناك واتعرف عليك واعلق على جسمك..(لا تزعلين اتغشمر معاك ) ..

عزيزتي خلوووود أنا سمعت ان في دبي مركز أو محل يستعمل نفس الجهاز بس صدقيني ماعرف اسمه للأسف لكن بسأل أهلي اللي في الشارقة يمكن عندهم فكرة عنه ..

[Nova]

حبيباتى انا فى الرياض وابي مكان وجود هذا الجهاز

تسلمون