نادي صحي .. يا الكويتيات

[om-maryoom]

بنات الكويت
حبيت اسألأكم عن نادي صحي جربتوه ونفعكم
لكن شرطي ان يكون متوسط الحال
اقصد سعره مناسب
لان النوادي السنعة وايد بالكويت
لكن بغيت واحد رخيص شوي
يعني بالشهر مثلا 30 اذا ممكن
دلوني عليهم او عطوني اسمهم
شاكرة لكم

[- نواعس دامعة -]

هلا عيوني

وحياك الله

انا مو بالكويت ولا كان من عيووني

ان شاء الله بنات الكويت ماراح يقصرون

دمتي سالمه

[om-maryoom]

تسلمين يا الغالية
مجرد ردك على الموضوع هو فرحة لي
تشكرين

[بنت بلدها]

شوفي حبيبتي


عندج نادي الصحي ((كونكورد)) في الرقعي يمدحونه بس ما جربته

أي خدمه ولا يهمج

تسلمممممممممممممممممين

[غفرانك]

انا اشتركت قبل 3 سنوات بمعهد كونكورد الصحي
اما عن اذا كان نفعني فبصراااحة انا اصلا ضعييييييفة بس دشيت على شان الليااقة والسبااااحة

وبصراااحة شفت نتااايج على الكثييير من المشتركااات خسوا بشكل رهييييييب 0
وعلى فكرة السعر الي ذكرتيه لمدة سنة كااااملة

واي استفسااار حاظرييين

[مس بيوتي]

مرحبا عزيزتي...

مثل ما قالت معهد كونكورد في بالرقعي وفي بالسالميه اعتقد بعد واهوا 30 دينار سنه كامله وانا كلمت المدرب مالهم عشان اشترك فيه انشالله هاليومين وقالي قوليلي جم وزنج وطولج والوزن اللي تبين توصليله......... يعني ينقصونج ليما الوزن اللي انتي تبينه وبالوقت اللي يعجبج تروحن له... في نادي الفتاة بس ماادري جم سعره ... بس انصحج بمعهد كونكورد..


تقبلي ارق تحيــــاتي

[أم طلحة]

الحبيبة om-maryoom : ماذا تقصدون بالاشتراك بنادي صحي ؟ يعني مكان تلبس فيه المرأة ملابس رياضية من بنطلون وبلوزة وتلعب رياضة على صوت الموسيقى ؟ والمكان ما تضمنينه ؟؟؟؟ أظنها صعبة يا الحبيبة............. لكن إن كنت مضطرة أنا سمعت الأخوات يمدحون نادي جمعية الإصلاح مكان إسلامي مضمون وما فيه موسيقى ...........وإذا ما كنت مضطرة اشتري أي نوع من الأجهزة الرياضية واقعدي في بويتك يا الغالية .............عسى الله يحقق لك كل أمانيك .

[Om-YouSeF]

السلاااام ..

om-maryoom انتي بأي منطقه تبين النادي يكون؟؟ نصيحه روحي نادي قريب من بيتكم عشان ما تستثقلين الطلعه كل يوم من بيتك ..

Om-YouSeF

[RASHROOSH]

السلام عليكم
اختي ام مريوم
احب ازودك من الشعر بيت
في نادي الهلال وهو تابع للهلال الاحمر في الشويخ في نفس المقر وعندهم نادي تخسيس تمارسين رياضة وسباحة لمدة شهرين بثلاثين دينار
والله يعيننا كلنا
سلام

[om-maryoom]

جزاكم الله الف خير اخواتي
واسفة على التاخير في الرد
المهم شكرا على ملاحظاتكم واستغربت ان النادي سنة كاملة 30 ...توقعت الشهر 30
واختي ترى الرياضة بالبيت صعبة خاصة ان الوحدة تحتاج تحفيز يالا تقوم من مكانها
انا عموما مو سمينة وايد يعني 57 وطولي 160 تقريبا
لكن الجسم مو متناسق بعد الحمل والادة ومجرد تعديل هذا اللي ابيه
يعني تقريبا اخترت كونكورد باتصل عليهم واستفسر
اما نادي جمعية الاصلاح سمعته زينه لكنه بعيد شوي وصح هو اسلامي ومضمون لكن موجود في مبنى مجاور لمبنى الرجال يعني الدخلة والطلعة شوي صعبة
اشكركم على الملاحظات وتسلمون

[RASHROOSH]

السلام عليكم om -maryoom
والله ومشكورة ياريت بعد تسألي لنا هل يمترسون الرياضة في كونكورد مع موسيقى ولا بدون ؟
وبالتوفيق ان شاء الله

[om-maryoom]

ان شاء الله

[غفرانك]

كوووونكوورد بدون موسيقى
ممنوووووووووووع اللبس الغير المحتشم
مممنووووووع دخووووول حمام البخاار بدوون ملابس سااااترة

يوم النساء يختلف عن يووووم الرجال

احب اذكر الاخت زوجة اسير انها ليست الوحييييدة الي تحرص على دينها فقكلنا ولله الحمد ما نعتب مكاااان الا بعد ما نضمن انه بعييييد عن كل الشبهااات

واذا تبووون اي استفساار عن الناادي المذكووور انا حاااااظرة

وللامااانة لاحظت على بعض المشتركااات انهم خسوا بشكل كبيييييير وانه نفع ويااااهم الريياااااضة والنظااام الي ماشيين فيه المعهد

[RASHROOSH]

السلام عليكم غفرانك وجزاك الله خير على معلوماتك المفيدة عن المعهد وكمان نشكر الأخت زوجة أسير على حرصها على دين أخواتها والنصح لهم فجزاها الله ألف خير
بس حبيت أعرف اختي غفرانك كام يوم الحضور بالمعهد ؟ يعني يومياً ولا أيام معينة وصحيح اشتراك السنة كلها بثلاثين دينار ؟
وكمان لما سألت قالوا لي ممكن يكون العدد كبير جداً في المعهد لأنه رخيص وممكن توقفون على الأجهزة الرياضية بالدور فهل هذا الكلام حاصل ولا كيف الوضع هناك ؟ ومشكورة ياغالية

[om-maryoom]

غفرانك
ارجو اجابتك على اسئلة رشروش
لانها قالت كلام خوفني اذا المكان زحمة فيعني الصراحة ازعاج وخنقة
اذا تعرفين فروعهم الثانية وين قوليلنا
وشلون على المكان هل ساتر وبعيد عن الانظار