استفسار هام من الاخت جيهان ابو الغيط

**چيهان أبو الغيط** · 04-08-2009, 11:43 AM

وعليكم السلام ورحمه الله و بركاته

حبيبتى اهلا بيكى

انا للاسف ليس لى عياده حتى الان لو تحبى اى حاجه تحت امرك هنا بالمنتدى

او تقدرى ترسلينى على الخاص فى اى تفاصيل

اذكرى طولك ووزنك وهل انتى طالبه ام موظفه ام ربه منزل ؟
واكتبى اكلك 24 ساعه بكميات تقديريه
وهل تلعبى رياضه ام لا ؟
اخبار شربك للماء هل تحبى شربها ام لا ؟
هل تستخدمى اى ادويه او وصفات لزياده الوزن ؟
هل حللتى دم فى فتره ال6 شهور الماضيه و ان كانت الاجابه نعم ما نوع التحاليل التى قمتى بعملها ؟
هل تعانى من اى امراض ؟
هل النحافه مشكله حاليه ام عانيت منها من مده ؟

انتظرك

**#nashwa#** · 04-08-2009, 04:26 PM

سلام عليكم

اشكر لكى ردك على استفسارى

طيب اقدر اتواصل مع حضرتك ازاى ما فيش رقم تليفون او ما شابه مع العلم انه لايمكن لى

المراسلة لقلة عدد المشاركات اتمنى تكون فى طريقة سريعة اقدر اتواصل مع حضرتك بيها

انا عندى 28 سنة مش بشتغل

طولى 167سم وزنى 53كيلو

لا اشرب الماء الا قليلا

كميات الاكل قليلة يعنى مش بفطر والغدى يعنى على 5مساء او اكتر وكذلك العشاء متاخر

وبيكون ساندوتش او انتين بالكتير

سبق لى زيادة الوزن من حوالى 7سنوات عن طريق دكتور عبارة عن اعشاب وادوية فاتحة للشهية

ولكن الزيادة لم تستمر يعنى ازيد فترة وانزل فترة وهكذا

انا بالفعل عملت من حوالى 3شهور تحليل صورة دم وغدة درقية ويعنى النتيجة كويسة

انا عندى القولون العصبى مصاحب بترجيع

حاليا بستخدم سوستاجين مع فواتح شهية زى موسيجور شراب وديجستين شراب

ايضا

لكن مش مدوامة على اخدهم

انا مش بلعب اى رياضة نهائى بس سمعت ان فى رياضة لمعالجة نحافة اجزاء فى الجسم

بالنسبة للصدر انا فكرت اروح لدكتورة نساء بس لسه ما روحتش ودى اخر حاجة هدانى ليها تفكيرى

انا اسفة الاطالة اتمنى ان شاء الله ان يكون عند حضرتك حل مع العلم انى لما زدت لم

تزيد منطقة الساق او الصدر وده مسبب ليا ضيق شديد

اتمنى يكون فى طريقة اقدر اقابل بيها حضرتك او اكلمك ضرورى جدا

شكرا جزيلا جزاكى الله كل الخير ...

**#nashwa#** · 06-08-2009, 05:13 PM

سلام عليكم

انا ارسلت لحضرتك المعلومات اللى طلبتيها يا ريت ما تنسينى ردى عليا ضرورى
اسفة بتعبك معايا جزاكى الله خيرا

**چيهان أبو الغيط** · 06-08-2009, 06:08 PM

بصى كده اللى بتاخديهم ممتازين لكن لابد من المداومه كما ذكرت لكى

بس عدم لعب الرياضه هو السبب فى ان زياده الوزن غير متناسقه

يعنى لو لعبتى رياضه ح تلاقى كل جسمك زاد مع بعضه ونفسك ح تتفتح وح تلاقى شهيتك افضل بكثير

وكمان القولون ح يبقى افضل

ديجستين ده مهضم صح لو مش بتاكلى ليه تاخدى مهضم ح يتعبك وبس

مش بافطر ومش باتعشى طيب ح يزيد وزنك ازاى السوستاجين مكمل للوجبه مش وجبه بحد ذاته يعنى يعطى لزياده محتوى اكلك من السعرات وليس بديل لاكل نفسه

النحيف لابد يأكل 6 وجبات 3 رئيسيه و 3 بينيه تكون عاليه السعرات بمعنى

خيارات الوجبات الخفيفه

فواكه مجففه او زبيب منقوعه فى حليب

بسكويت بالتمر مع اللبن الرايب وجبه لذيذه وصحيه جدا

حفنه او اثنين مكسرات مشكله ممكن بعدها كوب زبادى

حبوب افطار مع لبن

كعك المافين

قطعتين بسكوست بالشيكولاته

قطعتين كيكه

وحدتين فاكهه

شريحتين خبز او توست مع 2 ملعقه مربى او عسل

الاول رتبى انك تاكلى 3 مرات وجبات رئيسيه اى كميات المهم تاكلى و3 بين الوجبات وتابعى السوستاجين بنفس الجرعه اللى ذكها لكى الدكتور

والاهم مهم جدا شرب الماء دورها فى حياتنا الى الان كل ما ذكر ربع فوايدها بجد اقل من 3 لترات فى الصيف غلط

السوستاجين او اى ادويه من هذه النوعيه مهم جدا نشرب معاها ميه برضه

انتظرك بعد اسبوعين ( بس 15 يوم ) تبشرينى انك نظمتى وجباتك الرئيسيه باى كميات المهم تاكلى وبعدها السوستاجين
3 وجبات بينيه ( ما بين الافطار والغداء وما بين الغداء والعشاء وما قبل النوم )
شرب 3 لترات ماء
النوم لا يقل عن 8 ساعات والافضل قبل الساعه 12 بالليل الجسم كالبطاريه يحتاج شحنه وتتجدد الخلايا وتفرق كتير كصحه عامه عدد ساعات النوم

وحاولى تشتركى فى جيم لو قدرتى ( لو حد سألك جايه هنا ليه ؟ ردى عشان الصحه العامه واى تعليقات ما ترديش انتى ح تخسى اكتر و لا انتى فيكى عشان تلعبى ولا تسألى عنهم كلام غير متخصصين ولا يشغلك )

او تلعبى مع نفسك و لو حتى تلعبى تمارين الصباح بتاعه المدرسه ح تفرق معاكى بعد لعب الرياضه لمده 30 دقيقه افضل وقت للامتصاص رتبى تأكلى وقتها يعنى العبى وبعدها على طول كلى

زياده الوزن تكون عباره عن زياده فى دهون وعضلات الجسم لو دهون فقط ممكن تنزل تانى زى ما حصل معاكى لكن العضلات بتعطى الشكل الصحى للجسم

ان شاء الله متوفقه