هاااام جداامين تعرف دكتور تغذية شاطر من القاهرة ت

[#nashwa#]

سلام عليكم

الى الاخوات المصريات رجاء تفيدونى مين راحت لدكتور تغذية ونحافة وجاب معاها نتيجة وزاد وزنها

لانى انا اريد ان ازود وزنى وعرفت ان فى حقن

لتحفيز الهرمونات عشان تكبير الصدر والاماكن النحيفة فى الجسم ايه رأيكم بس انا

خايفة جدا من الموضوع ده وبصراحة انا عاوزة دكتور تغذية يكون شاطر واقدر ازود

وزنى والاماكن النحيفة عندى زى الساق وكده فياريت لو احد من الاخوات جربت مع

دكتورة او دكتور تغذية وجاب معاها نتيجة سواء بالابر الصينية او غيرهاانا سمعت انها

بتجيب نتيجة سريعة فى المناطق النحيفة فياريت تدلونى بسرعة جزاكم الله خيرا

انا من القاهرة

[باحثه عن حل]

انا معاكي والموضوع ده محتاجاه قوي
بس ياتري تعرفي ايه عن الحقن اللي بتقولي عليها دي
انا بتابع مع دكتوره سنمه ونحافه وممكن اسئلها عليها لما اروحلها
لانها لغايه دلوقتي مدتنيش اي حاجه تتخن كل اللي بتديهولي فواتح ومقويات وهضم
ياريت تفيديني وانا في اول زياره ليها هاسئل يمكن تفيدنا في المناطق اللي محتاجين تزيد دي

[Lojain]

و عليكم السلام و رحمة الله و بركاته


للاسف لا توجد عندي اي فكرة

ان شاء الله بقة الاخوات يفيدوك في ركن التغذية و الصحة و الريجيم

[كرز وتوت]

ان شاء الله بنات مصر يفيدوك

[باحثه عن حل]

ايه يابنات
محدش عنده اي فكره ولا ايه

[چيهان أبو الغيط]

وعليكم السلام ورحمه الله وبركاته

حبيباتى مين اللى قال لكم ان الهرمونات آمنه ؟

اصلا كان هناك علاج هرمونى يعطى للنساء بعد سن انقطاع الطمث بطلوا يستعملوها لانهم وجدوا علاقه بين الهرمونات و اصابه النساء بالسرطان

النحافه علاجها ليس باعطاء هرمونات انوثه ابدا

اختى باحثه عن حل الدكتوره التى تعطيكى فواتح شهيه ومقويات هو ده الاجراء الصح

اعملوا حسابكم ما تنحفه البدينه فى شهر تزيده النحيفه فى 6 شهور

يعنى الامر يحتاج صبر ثم صبر ثم صبر

الجسم ليس تمثال صلصال ازود هنا او انحف هنا لتنحيف او لزياده منطقه بعينها لعب الرياضه هو الطريقه الوحيده المتعارف عليها

انا لم اذهب لطبيب لانى بنفسى اخصائيه تغذيه و كنت نحيفه و زودت وزنى بنفسى بالطعام و الرياضه فقط لا غير

ومن الاخر زاد وزنى فى سنه 13 كيلو يعنى الامر يحتاج كما قلت صبر ليس الا

[#nashwa#]

سلام عليكم

اشكر كل الاخوات الاتى قمن بالرد جزاكم الله خيرا

الاخت باحثة عن حل انا بالفعل رحت لدكتور سمنة ونحافة ولكن فجئت بيقولى زيدى الاول

خمس كيلو وبعدين هنبدأ بالحقن على طول حقن للصدر والتانية للساق بس انا قلقت جدا

ولحد دلوقتى ما رحتش للدكتور تانى ومش عارفة اعمل ايه فقلت اسأل البنات فى المنتدى

يمكن حد يفيدنى

[باحثه عن حل]

اختي الدكتوره جيهان
انا بالفعل بتابع معاها بقالي حوالي 6 او سبع شهور
والحمد لله زدت 10 كيلو ومازلت محتاجه ازيد حوالي 5 كيلو
لكن برضه الصدر مش كبر ولا وصل لحجم طبيعي
ومش عارفه اعمل ايه
انا مخنوقه من الموضوع ده
نفسي في اي حد باي طريقه
علشان كده بفكر في حل
وشكرا ليكي يا نشوي علي ردك
واهو احنا في انتظار الحل من عند ربنا
والحمد لله علي كل شيء

[چيهان أبو الغيط]

باحثه عن حل ما شاء الله تبارك الله زياده جميله

انتى تلعبى رياضه و لا لأ ؟

بالنسبه للصدر هناك مواضيع فى ركن الجمال عن بعض التمارين والمساج لتكبير الصدر ان شاء الله تفيدك اكثر

واذكرى اسم الدكتوره و عنوانها حتى تعم الفائده باذن الله