بنات مصر ادخلوا وقولوا رأيكم فى المعامل ( المختبرات )

[PoliteGirl]

يا بنات

عايزة اعرف رأيكم فى معامل التحليلات

اى معمل تثقين فيه ...

البرج

المختبر

الفا

او اى معمل اخر

وتجربتك مع المعامل ....

علشان كل البنات تستفيد ....

خصوصا ان فى معامل واخدة سمعة على الفاضى وانا عايزة اعرف معمل يكون كويس لأن طبعا التحاليل دى مهمة سواء فى الحمل الطبيعى او عمليات الحقن والتلقيح ولازم يكون المعمل موثوق فيه

وجزاكم الله خير مقدما

[elham2]

المختبر والبرج

بس المختبر احسن من البرج بكتيييير ده فى طنطا معرفش عندكم ايه

[PoliteGirl]

شكرا يا الهام على الرد

وجزاك الله خير

[نووودى]

السلام عليكم

انا كمان اتعاملت مع البرج والمختبر فى طنطا وفى محافظتى

ورأيى ان المختبر افضل كتير سواء فى المعامله او الكواليتى كنترول فى طريقة أخد العينه
و دايما نتايجهم معايا بتكون كويسه ومظبوطه

ولو هتحللى فى معمل عادى يبقى لازم تتاكدى ان الطبيب او الكيميائى موجود فى المعمل مش فنى المعمل هو اللى موجود لوحده او بيشتغل لوحده و الريبورت يكون عليه امضاء الطبيب وياريت لو تقابليه وتستلمى منه النتيجه بنفسك و تسأليه فيها عشان تبقى مطمنه

[rasha tarek]

انا جربت البرج والمختبر

وبحس ان المختبر احسن كتيييير
بس طبعا ده احساسي الشخصي مش مبني علي اي ظواهر خالص

[lollypopy79]

أنا بما إني مش عايشة في مصر فمش ليا تجارب كتير مع المعامل
بس كانت ليا تجربة مع البرج لولا ستر ربنا كانت بقت كارثة
أنا بنتي إتولت عندها ثقب في القلب و عملت عملية و هي عندها 4 شهور
و كان لازم متبرعين بالدم و هي فصيلة دمها فصيلة نادرة AB negative
فطبعا ملقيناش متبرعين و عملنا إعلانات في الجرايد و على النت لحد ما جلنا 2 متبرعين وواحد كان من كلية الطب لإن صحباتي كانو في كلية طب و عملو إعلان هناك
و الدكتور كان عاوز 3 متبرعين
و قال واحد يكون موجود قبل العملية وواحد بعدها بساعتين وواحد في أخرها
المهم عملنا تحاليل cross matching في المحروس البرج و كله تمام و متطابق
و جينا يوم العملية بعد ما دخلت العمليات و أثناء التخدير لقيت دكتورة التحاليل اللي في المستشفى جاية تقولي إن اللمتبرع الأول دمه مش متطابق معاها لإنهم كانو عادوا التحاليل قبل العملية بيوم و إنهم عملو عينة في المستشفى و عينة بعتوها للمصل و اللقاح و نفس النتيجة
طبعا مش قادرة أقولك الإنهيار اللي كنت فيه و مش عارفة أتصرف إزاي و أعمل إيه
ورحت إتصلت باللي كان المفروض هيجي في أخر العملية و طلبت منه يجي بسرعة
و ده كان سنه 70 سنة و كنت قلقاة منه جدا بس سبحان الله هو لإنه مداوم على التبرع كل 6 شهور كان دمه متجدد و غني جدا ما شاء الله و أخدوا منه بسهولة جدا 500 مل
و أخدوا من التاني 400 بالعافية مع إن سنه كان 36 سنة
ربنا يجازيهم كل خير يا رب
معلش انا طولت عليكي و حكيتلك قصة حياتي بس علشان أشرحلكم الموقف بالظبط
و طبعا من ساعتها و انا بكره ومش بطيقه
و بعدها ندمت جدا إني مش قدمت شكوى في المعمل بس لخمتي في بنتي لهتني

[nona no]

انا كمان شايفة ان المختبر احسنهم واصبح له شهره كأفضل معمل وربنا يدبر لك امرك ويسره