تجمع لبنات القاهره لنجد حل مشكله خنقنتى

[شذى عمرو]

السلام عليكم ورحمته وبركاته

انا مشكلتى كبيره نفسى اخس باسرع وقت وفى نفس الوقت من كتر الرجيمات مفيش اراده يبقى ايه الحل الجرى على الدكتور الفلانى هنزلنى مش عارفه كام كيلو بس فوجئت بحاجه وقولت لازم نتكلم فيها يمكن انا غلطانه مبدائيا انا هتكلم بصراحه شديده بدايتى فى الرجيمات كانت مع الدكتور راضا بهنوس وخالد دراهم كنت اول مره دفعت كشف 60 وكل مره 10 جنيه بروح مرتين فى الاسبوع والدكتور التانى بهاء الدين ناجى اول مره 100 جنيه وكل مره 40 جنيه المهم الدكتور بهاء مكملتش معاه طبعا لانى لقيت بقى فى حمل عليه فى الفلوس ومش عارفه اعمل سبته واخيرا لقيت انى عندى الغده الدرقيه خامله جدا فبدا فى علاجها ومش هقول الاسعار بتاعت الدكتوره وكمان تحاليل لان الجانب ده مرضى واخيرا رشحتلى دكتور اسمه عمرو مطر فى مستشفى الجارم وقالتى راجل سنى وبتاع ربنا والخ قولت خلاص اروح احجز فوجئت ان الكشف الاول 180 جنيه بيقيت اكلم نفسى يعنى الدكاتره بيتاجروا بينا حرام بجد مش عارفه اعمل ايه قولت اسالكم يمكن انا غلط وللعلم انا اولاد والتزامات كتيره جدا ياترى ايه الحل مع الجشع وفى نفس الوقت محتاجه المساعده فى نزول الوزن يارب ماكون طولت عليكم وانا عارفه ان المشكله ديه بيعانى منها جزء كبير من البنات تحياتى

[@honey@]

ازيك يا شذى
ما تتخنقيش ولا حاجة احنا جسمنا من كتر الرجيمات اللى عملناها خلاص تعب ومش قادر يحرق زى الاول لازم نعترف بالموضوع ده
انا كمان تابعت عند دكاترة كتير بداية من مصطفى سارى وخالد دراهم واخيرا الدكتور فاروق شاهين وانا باتابع مع الدكتور فاروق من شهرين وخسيت 11 كيلو

[شذى عمرو]

وياترى ياهنى نظامه المادى ايه كمان فاروق شاهين وخسيتى 11 كيلو بس فى شهرين ليه قليل كده

[@honey@]

الدكتور فاروق نظامة اول مرة 120 جنيه وبعد كده المتابعة كل اسبوع 40 جنيه بتفضلى تروحى له لمدة شهر كل اسبوع مرة وبعد كده بيرضى تروحى كل اسبوعين مرة
وان شاء الله الشهرين هيكملوا يوم السبت الجاى وعندى امل اخس 3:2 كيلو تانى

[@honey@]

على فكرة نسيت اقول لك يا شذى اننى اما كنت عند خالد دراهم خسيت فى اول شهر 13 كيلو وبعد كده خسيت حوالى 7كيلو فى شهرين يعنى فى 3شهور 20كيلو والكلام ده كان من سنتين
وبعد ما سبته وزنى زاد جدا ورجعت زدت 30كيلو بدل 20 واكيد طبعا الزيادة والنقصان ده بيقلل معدل الحرق
بس بصراحة الدكتور فاروق شاهين انا ما شفتش دكتور احسن منه هو اول ما بتروحى اول مرة عنده دكاترة بياخدوا مقاسات الجسم علشان يشوفوا بعد كل فترة بتنزلى اد ايه فى المقاسات وبعد كده فى كل مرة بيقيسوا الضغط وبيوزنوا
زيادة على كده بتدخلى لوحدك كل مرة وكمان هو اسلوبه حلو قوى وبتحسى فعلا انه استاذ كبير
وبعدين يا شذا اوعى تستعجلى النزول السريع اسالينى انا مع النزول السريع مفيش فايدة هترجعى هترجعى
وانا ساعات باقول له عايزة دايت سريع شوية بيدينى اسبوع واحد احس اننى نزلت شوية وبعدين الدكتور ده بيديكى اكل حلو ومن اللى انتى بتحبيه عشان كده مش بتزهقى من الرجيم
وربنا معانا جميعا ونخس كلنا

[nashwa algammal]

شذا إزيك إيه اخبارك يارب إن شاء الله كلنا نخس ونوصل للهدف
بالنسبه للدكاتره كلامك صح 100% لان موضوع الرجيم ده اصبح تجاره وانا كمان رحت لدكاتره كتير وانا كمان متابعه مع الدكتور فاروق شاهين زي هاني ده لاني مشيت لوده فتره بس لقيتني مش عارفه اخس بس علي فكره ده حاجه انا إكتشفتها في موضوع الدكاتره ده لما تيجي تروحي بلاش تروحي لبتوع العلاج الطبيعي والجلسات والحاجات دي لان أن من وجهة نظري كل ده كلام فاضي واهم حاجه الدايت أنا فضلت تقريبا متابعه مع دكتور إسمه أسامه حجازي( بييجي علي قناة الخليجيه) وكان ماشي نظام جلسات وإبر صينيه 3 مرات في الإسبوع وكل مره 25 جنيه بس بصراحه أنا ما حستش انه بيجيب نتيجه معايا فعلشان كده مارحتلهوش تاني
ولو حسبتيها 3 مرات في الإسبوع يعني 75 جنيه والدكتور فاروق كل مره بدفع 40 جنيه يعني كده الدكتور فاروق أرخص مع إنه نار علي علم وفعلا أستاذ واضف إلي ذلك إنه كان مدير معهد التغذيه وفعلا هو عارف بيعمل إيه ورجيماته حلوه جدا ومش بيعقد الدنيا زي دكاتره كتير وخلي بالك بلاش حكاية إنك عاوزه تخسي بسرعه دي عموما فيه دكاتره كويسين كتير وسمعتهم معروفه
وعلي فكره فيه كمان الدكتور محمد حجاج ده عيادته في الزمالك وبيروح مسجد مصطفي محمود أنا ما جربتهوش بس أسمع انه كويس اهم حاجه إنك تمشي مع دكتور مايزهقكيش في الدايت علشان تستمري وتقدري تكملي لكن الرجيمات بتاع التخسيس إللي بسرعه ده بيخليكي تزهقي ومش بتلتزمي وبالتالي بتبوظي الدايت ويبقي كده كأنك يا أيوزيد ما غزيت فهماني يا شذا يعني أنا كنت قابلت واحده عند الدكتور فاروق كانت بتقول إنها كانت ماشيه مع الدكتور محمد ابو الغيط وبعد كده سابته وتابعت مع الدكتور فاروق ولما سألتها ليه بالرغم من إن الدكتور محمد أبو الغيط ممتاز قالت لي إن نظامه كيميكال فلازم تلتزمي بيه بالحرف وإلا مش بتخسي وطبعا إحنا عمرنا ما بنلتزم حرفيا بالدايت لازم بنلخبط وعلشان كده البنت دي خست كويس مع الدكتور فاروق اكتر من الدكتور محمد أبو الغيط
يارب اكون افادتك وربنا يوفقك وعلي فكره إنت ممكن تروحي للدكتور فاروق مره كل إسبوعين بس مش في الاول بعد كده بتقولي له عاوزه أجي كل إسبوعين

[lolita elgmila]

بصى انا مش هقدر افيدك بالكم اللازم (لانى اصلا شبه القلم الرصاص)بس اهم شئ الرياضة يعنى مثلا ممكن تتمشى فى شارع زى شارع فيصل بشرط تكونى مش شايله حاجة ونفسيتك كويسة (مش تشغلى بالك بأشياء تسبب ضغط ,فكري بأشياءتسعدك زى استرجاع زكريات الطفولة)وتمشى بخطوات متوسطة ومتساويه

[چيهان أبو الغيط]

السلام عليكم ورحمه الله وبركاته

حبيباتى

اكيد طبعا ما تتكلموا عنه مشكله حقيقيه مش بس فى مصر لأ فى الدنيا كلها بس بجد وامانه كل اللى بتقولوه ده مش الحل لانزال الوزن مش القصه الدكتور الفلانة ولا الدكتور العلانى

الموضوع كله بيتطلب منك تحددوا هدفكم وسبب زياده الوزن من الاساس

وشويه تعديل للعادات الغذائيه عمر وزنكم ما ح يبقى زايد ولا عمركم ح تشتكوا من رجوع الوزن

محدش يفهم كلامى ده انى ضد ان الناس تروح لدكاتره لأ بس التغذيه تحتاج منا القراءه جبدا واتباع نظام بسيط يتماشى وعادتنا احنا الشخصيه
مش حته ورقه ناخدها ونعلقها على باب التلاجه كل وجبه نلف وندور يا ترى ح ناكل ايه النهارده لأ طبعا

يعنى اللى ح يقوله الدكتور الخاص ح يقوله دكتور معهد التغذيه ح يقوله الدكتور اللى فى المستشفيات التعليميه فالموضوع مش مستاهل دفع كل ده
معليش ده مصروف جنب المصروف ربنا يكون فى عونكم

شذا قلت لك لو لسه عندك الغده متجيش على نفسك كده الموضوع محتاج منك شويه صبر واما الغده تخف ح تلاقى نفسك لوحدك وزنك نزل

وانا تحت امركم فى اى سؤال

[@honey@]

المشكلة يا راجية فينا احنا
انا عن نفسى مش بامشى فى الدايت كويس الا مع دكتور واخيرا توصلت ان اللى بيخلينى اتخن تانى هو اننى باحرم نفسى فى الرجيم فبمجرد ما تركه بارجع اكل تانى
بس اما تابعت مع الدكتور فاروق شاهين واكيد انتى عارفاه لقيته بيدينى رجيمات حلوة فعلا يعنى مش باحس اننى محرومة زى الرجيمات اللى فاتت وهو بيخلينى احس اننى باكل كل حاجة وانا عاملة رجيم واعتقد ان هو ده الرجيم الصحى
هو صحيح ان انا مش باخس بنفس سرعة الرجيمات اللى كنت باعملها قبل كده بس كفاية اننى حاسة بالرضا وعدم الحرمان
وللاسف انا واحدة من الناس مش باعرف اعمل رجيم الا مع دكتور لاننى بالخبط لو مش مع دكتور بس الدكتور فاروق قاللى اننى اما اوصل للوزن اللى انا عاوزاه هاثبت وهيدينى نظام امشى عليه لمدة سنة

[مهتاب محمد حمد]

انا بردو خلاص زهقت من اللف على الدكاترة بداية من مها لمصطفى لخالد لا احمد ومحمود لم تعبت واللهى ومفيش نتيجة اروح للدكتور وادفع وبعدين معملش حته الرجيم مش عارفه من ايه ممكن تدونى عنوان دكتور فاروق شاهين

[چيهان أبو الغيط]

المشكلة يا راجية فينا احنا
انا عن نفسى مش بامشى فى الدايت كويس الا مع دكتور واخيرا توصلت ان اللى بيخلينى اتخن تانى هو اننى باحرم نفسى فى الرجيم فبمجرد ما تركه بارجع اكل تانى
بس اما تابعت مع الدكتور فاروق شاهين واكيد انتى عارفاه لقيته بيدينى رجيمات حلوة فعلا يعنى مش باحس اننى محرومة زى الرجيمات اللى فاتت وهو بيخلينى احس اننى باكل كل حاجة وانا عاملة رجيم واعتقد ان هو ده الرجيم الصحى
هو صحيح ان انا مش باخس بنفس سرعة الرجيمات اللى كنت باعملها قبل كده بس كفاية اننى حاسة بالرضا وعدم الحرمان
وللاسف انا واحدة من الناس مش باعرف اعمل رجيم الا مع دكتور لاننى بالخبط لو مش مع دكتور بس الدكتور فاروق قاللى اننى اما اوصل للوزن اللى انا عاوزاه هاثبت وهيدينى نظام امشى عليه لمدة سنة

من جهه عارفاه اه عارفاه كان مشرف على رساله الدكتوراه لاستاذتى ربنا يكرمها ( بس عشان ما نكبروش ) استاذتى دى كانت اساسا معيده ايام دراستى أعتبرها صديقتى ومثلى الاعلى اكتر منها استاذه

وفعلا الحرمان ده ابشع شىء على الريجيم لانه بنخرج منه نأكل بمبدا الممنوع مرغوب اضعاف مضاعفه

عارفه مش مهم النزول يكون كتوقعاتنا المهم انه يكون فى نزول منتظم يعنى لا ثبات ولا زياده بعيد عنكم

ربنا يعينكم على انفسكم و يوصلكم للوزن المثالى بصحه وعافيه

[@honey@]

انا بردو خلاص زهقت من اللف على الدكاترة بداية من مها لمصطفى لخالد لا احمد ومحمود لم تعبت واللهى ومفيش نتيجة اروح للدكتور وادفع وبعدين معملش حته الرجيم مش عارفه من ايه ممكن تدونى عنوان دكتور فاروق شاهين

عنوان الدكتور فاروق 3 شارع شجرة الدر الزمالك
بس لو انتى معندكيش عزيمة تعملى الرجيم يبقى هتروحى تعملى ايه
لازم قبل ما تروحى يكون عندك عزيمة الاول وتعملى الرجيم اللى هيديهولك والرجيمات بتاعته حلوة ومفيهاش حرمان ومن الحاجات اللى بتحبيها
وربنا يوفقك يارب وتخسى للوزن اللى انتى عايزاه

[@honey@]

من جهه عارفاه اه عارفاه كان مشرف على رساله الدكتوراه لاستاذتى ربنا يكرمها ( بس عشان ما نكبروش ) استاذتى دى كانت اساسا معيده ايام دراستى أعتبرها صديقتى ومثلى الاعلى اكتر منها استاذه

وفعلا الحرمان ده ابشع شىء على الريجيم لانه بنخرج منه نأكل بمبدا الممنوع مرغوب اضعاف مضاعفه

عارفه مش مهم النزول يكون كتوقعاتنا المهم انه يكون فى نزول منتظم يعنى لا ثبات ولا زياده بعيد عنكم

ربنا يعينكم على انفسكم و يوصلكم للوزن المثالى بصحه وعافيه

ربنا يخليكى يا راجية ودايما مشجعانا
بس انا عايزة اسالك سؤال هل ممكن الترهلات اللى فى الجسم تروح بعد نزول الوزن ولا الامل مفقود وكفاية علينا ننزل الوزن

[چيهان أبو الغيط]

ح اقولك الترهلات طبيعى دى نتيجه طبعا ان الجسم كان بحجم وبقى بحجم تانى والجلد تمدد فالريجيم اللى ينزل الوزن بالراحه بيقلل فرصه حدوث الترهلات من الاساس لان الجلد يبدأ يتراجع شويه بشويه مش بنحس بيها
اما لو حصلت الترهلات وكان اللى كان الرياضه ممكن تحسنها بس تحتاج منا للصبر

مش فى شهر او اتنين ح نرجع لأ مش اقل من 3 شهور لسنه التزام بالرياضه من 3 الى 4 مرات فى الاسبوع تمارين منوعه للجسم كله
حتى نرى تغيير

وليه الامل مفقود لازم الامل يكون فى ربك سبحانه وتعالى مفيش حاجه بعيده عليه جل وعلا

انتى لو تفتكرى بطن الحامل بعد الولاده كأنها لسه حامل ترهلات وارتخاء بس تتم الاربعين تلاقى الموضوع اختلف العضلات اخدت شكلها و لو بتلعب رياضه تلاقيها بدأت ترجع كأنها مش حامل

ربنا يوفقكم للى تحبوه يارب

[شذى عمرو]

على فكرة نسيت اقول لك يا شذى اننى اما كنت عند خالد دراهم خسيت فى اول شهر 13 كيلو وبعد كده خسيت حوالى 7كيلو فى شهرين يعنى فى 3شهور 20كيلو والكلام ده كان من سنتين
وبعد ما سبته وزنى زاد جدا ورجعت زدت 30كيلو بدل 20 واكيد طبعا الزيادة والنقصان ده بيقلل معدل الحرق
بس بصراحة الدكتور فاروق شاهين انا ما شفتش دكتور احسن منه هو اول ما بتروحى اول مرة عنده دكاترة بياخدوا مقاسات الجسم علشان يشوفوا بعد كل فترة بتنزلى اد ايه فى المقاسات وبعد كده فى كل مرة بيقيسوا الضغط وبيوزنوا
زيادة على كده بتدخلى لوحدك كل مرة وكمان هو اسلوبه حلو قوى وبتحسى فعلا انه استاذ كبير
وبعدين يا شذا اوعى تستعجلى النزول السريع اسالينى انا مع النزول السريع مفيش فايدة هترجعى هترجعى
وانا ساعات باقول له عايزة دايت سريع شوية بيدينى اسبوع واحد احس اننى نزلت شوية وبعدين الدكتور ده بيديكى اكل حلو ومن اللى انتى بتحبيه عشان كده مش بتزهقى من الرجيم
وربنا معانا جميعا ونخس كلنا

ربنا معنا ياعانى ونخس وانا بقول عايزة اخس بسرعه لانى زهقت موت بجد يارب نخس ونخلص