,* رحله تشجيعية*, >>>>>

[كلمة.ملازمة]

السلام عليكم ورحمه الله وبركاته

النهارده يا جماعه حبيت ابدا نظامي الجديد .. فحبيت اشرك الناس فيه
فياريت لو حد عنده الاستعداد للبدايه في ريجيم يستمر شهرين (لغايه الامتحانات احم احم .. عشان مش بعرف ابقي مظبطه ايامها .. ثانويه متعبه يقول هنا عشان نشجع بعض

انا مش هطلب منك تحطي وزنك ولا الهدف لان الحاجات دي بتبقي ليك انت وحدك وانت الوحيده اللي هتقدري تتحكمي فيهم .. ودي حاجه مبينك وبين نفسك

انا هطلب مجرد تشجيع لكل حد فينا لاننا مش عندنا اكتر من( انواع الريجيم )اللي موجوده في كل حته لكن اللي هينفذ هو المختلف واحنا هنا عشان ننفذ مش نقرا بس بس كل واحد يحط سبب بدايته لريجيم جديد , او اذا كانت اول مره يعني
و الهدف منه .. والمده المطلوبه في رايك ..
ان شاء الله حد يوافقني و يبدا معايا بليز .. ويقول ايه هو الدايت اللي هيبدا فيه ان شاء الله ..

[lose_weight]

الأسم: سمر
السن:25 سنه
الطول:168سم
الوزن الحالي:105كيلو
الهدف الأول: 95 كيلو
المدة المحددة: ان شاء الله حتى نهاية شهر 3
ميعاد الوزن القادم: 13\3\2209

انا مشكلتي مشكلة كبيرة جدا و شبه جايبالي حالة نفسيه في كل حياتي. و هي اني بخس و اتخن من ايام ما كنت 17 سنه و دلوقتي انا عندي 25 سنه.

سنه 2007 عملت دايت جامد و كان وزني 115 كيلو و طولي 168 سم خسيت ووصلت 75 و كل اللي حواليا مكنوش متخيلين و بعدها حصلتلي مشاكل في حياتي خلتني كالعاده اقعد لوحدي و مكلمش حد من اهلي و لا اصحابي و اقضيها اكل اكل حتى الموت هههه المهم من 10 ايام بالظبط كنت 110 كيلو يعني تخنت في سنه واحده 35 كيلو شوفتو مصيبه اكبر من كده و طبعا كل ما اقف على الميزان و الاقي نفسي زايده اضايق و اكل اكتر.

المهم قررت انه كفايه كده باه و عملت دايت و الحمد لله و دلوقتي خسيت 5 كيلو بس لسه قدامي كتيييير اوي عشان وزني 105 يعني لازم ان شاء الله اخس على الاقل 30 كيلو لان مسألة التخن دي جابتلي عقدة مع العلم ان عيلتي كلهم اجسامها حلوه جدا و دي مش حاجه وراثيه و الحمد لله صحتي كويسه و عملت تحاليل طلعت سليمه و الحمد لله بس منهم لله هارديز و ماكدونالدز و دار القمر و الكافيهات موديني في دهيه خالص و بقيت بتدايق لما اي حد يكلمني في موضوع التخن و الخسيه دي و خصوصا القريبين مني و بعدها فضلت افكر احنا ليه كلنا بنفكر في الشكل و كل شويه يكلموني في الموضوع ده و اتخانقت معاهم و رجعت تاني فكرت اذا كنت انا نفسي مش قابله نفسي كده و بكره اتصور و لو اتصورت بقطع الصوره و مش بحب اخرج كتيير يعني انا مش قابله نفسي و عايزه الناس تقبلني لقيتها فعلا حاجه غريبه جداً.

ياريت تشجعوني عشان انا محتاجه ده جداً جداً و مش هقدر اتكلم مع حد قريب مني في الموضوع ده عشان الكلام فيه بيجرحني جامد.