مجموعة البنات السمبتيك و الجسم الرشيق مع د.بهاء ناجي (2)

[ايمو]

سلمى الشيكولاته بتسلم عليكى

بس برضه حنخس يعنى حنخس هههههههههههههه

[nada77]

مساء الفل عليكم يا بنات يا سمبتيك
جوزى النهارده كان واخد اجازة ومقضيها مع الاولاد اكل فى اكل فى حلويات حاجه تبوظ الاعصاب وكمان الريجيم بس على مين قاومت حتى النهاية والفطار كان ثمرة فاكهة والغداء فراخ مشوية بس الثومية زودتها شويه يلا مفيش عشا النهاردة
حبيبتى برافو الف سلامه على ابنك ان شاء الله يكون احسن دلوقتى
ياريم ده عندك رحمه فى لبس العبايات لكن فى مصر على رايك اللبس هو اللى بيختارنا بدخل محل الملابس وقول فى حاجه مقاسى حاجه تضحك والمحلات كلها للنحيفات فقط
بس خس يعنى خس ومسيرى البس اللى انا عاوزاه
انتو بتدخلوا المنتدى الصبح ولا بالليل انا اتلخبط معاكوا

[nada77]

شكرا يا بيرو على سؤالك عليه ومتخفيش انا لسه رافعه الشعار
انا مش شوال فريك انا حلوة وسمبتيك

[posicat]

اولا مساء الورد والفل عليكو وبشكركو علي الترحيب الحر جدا ده بصي يا برافو انا من مصر من فيصل وعشان جوزي مسافر بقسم وقتي بين ماما وحماتي في طنطا
بسافر اسبوعين هناك والمفروض هسافر يوم الجمعه الجايه وهقعد اسبوعين بس هكلمكوا برضوا بس ممكن مش كل يوم وهناك انسب مكان هبتدي في الرجيم لان الدلع كله عند ماما هههههههههههها
ومتشكره اوي ليكي يا بيرو علي الاميل بس انا عندي اميل علي اسكاي بي والياهو هوه ده mostafa.zonfol لو ينفع تضيفيني عندك لو مشتركه عل اي واحد فيهم ولولا هعمل اميل مخصوص ليكي علي الهوت ميل ماشي يا قمر وبجد انتوا حلوين اوووووووي
وشكرا لريم علي ترحيبها بيا وماتزعليش علي الهدوم انا برضوا بزعل اوي لان مفيش حاجه من هدومي داخله فيا وبقيت البس عبايات وانا بكرهها اوي وبعدين انا قصيره وتخني باين فيا وليا بطن كبيره زي ما كنت حامل بالظبط في الشهر السادس يعني شكلي شبه الكورة الكفر ومبسلمش من التريقه وده مزهقني لاني مش عارفه البس حاجه يعني انتحر بس بتشجيعكو هقول هنخس يعني هنخس وانا مش شوال فريك انا بنت حلوة وسمبتيك بس بقي عاوزه اعرف حاجه انا مبعرفش اشرب مايه علي الريق دي ابدا ومبشربش مايه كتير غير وانا باكل اعمل ايه الشاي بتاع الفطار يغني وعايزه اعرف انا سمعت ان الشاي الساده بيخسس بس من غير سكر فممكن اشربه في الفطار بمعلقتين سكر ولا الاحسن اجيب ماتش شوجر حد في المجموعه العامه قال ان الدكتور قال عليه كويس قولولي ايه رايكم

[posicat]

برافو سلامه ابنك الف سلامه وان شاء الله يبقي كويس هوة عنده قد ايه انا ابني عنده سنه ونصف ومجنني بسببه مبعرفش امشي ولا اروح في حته لكن هحاول ان يبقي في ربع ساعه فيها رياضه في البيت لكن قولولي بقي احسن وقت للرياضه امتي علي الريق ولابعد الغدا وممكن تعمل حاجه لو هي تمارين ايروبيك عاديه ولالا وتمرين البطن لو الواحد يعملوا يبتدي بكام مره ويزود قد ايه ويزود كل يوم ولا بالاسبوع لاني قبل كده جربتها ووجعتلي ظهري جدا لاني زودت
يا بيرو يا حبيبتي بصي انا بحب شوربه الخضار ماشي بس ممكن اكل 4 او5 اطباق منها طول النهار مع رغيف واحد اسمر صح ولا غلط

[posicat]

قولولي كلوكو ايه اللي بيسد النفس غير الميه عشان اسد نفسي وممكن بين الوجبات اكل جزر وخيار ولا لا وقولولي المياه في وسط الاكل بتعمل كرش كبير ولا ايه لاني سمعت اراء كتير في الموضوع ده متناقضه ماشي

[ريم اسلام]

مساء الفل عليكم يا بنات يا سمبتيك
جوزى النهارده كان واخد اجازة ومقضيها مع الاولاد اكل فى اكل فى حلويات حاجه تبوظ الاعصاب وكمان الريجيم بس على مين قاومت حتى النهاية والفطار كان ثمرة فاكهة والغداء فراخ مشوية بس الثومية زودتها شويه يلا مفيش عشا النهاردة
حبيبتى برافو الف سلامه على ابنك ان شاء الله يكون احسن دلوقتى
ياريم ده عندك رحمه فى لبس العبايات لكن فى مصر على رايك اللبس هو اللى بيختارنا بدخل محل الملابس وقول فى حاجه مقاسى حاجه تضحك والمحلات كلها للنحيفات فقط
بس خس يعنى خس ومسيرى البس اللى انا عاوزاه
انتو بتدخلوا المنتدى الصبح ولا بالليل انا اتلخبط معاكوا

لا لبس العبايه مشكلته انك ممكن تزيدي وانت مش عارفه علشان كده انا بلبس لبس عادي تحتيها علشان اقدر اعرف انا بخس ولا لاءه
عندك حق اللبس ف مصر مبقاش في مقاسات تقريبا الاكس لارج ده بقه سمول
ولا هنا كمان برده المقاسات بقت رهيبه تجي تقيسي حاجه تحسي انهم عملينها للاجانب وزنهم صغير
يلا ادينا راجعين مصر ونرجع للهم ده تاني بس انا هروح اقعد اعيط قدام الدولاب بتاعي

[ريم اسلام]

بصي يا بوسي يا قطه
اولا المايه مش بتعمل كرش ولا حاجه وانا كنت ساله دكتور ف الموضوع ده وانا بشرب كتير ف وسط الاكل ومعنديش بطن الحمد لله مع اني والاده قيصري
بس لازم كوبيتين المايه اللي قبل الاكل دول علشان يسد نفسك وكمان المايه بتساعد علي انها تزود معدلات الحرق للجسم
حاولي تشربيهم وشويه شويه هتتعودي
بحكم اني رياضيه قديمه
والتمارين ابداي تمارين البطن بعشرين عده وبعدين كل يوم زودي خمسه ولما التمرين ياثر ع ظهرك معناه ان مش بتعمليه صح لانه المقاومه المفروض للبطن فحاولي تعمليه صح وكمان اعملي تمارين تسخين للجسم قبل ما تبداي
وكمان ممكن الرياضه تكون الصبح او بليل بس الافضل الصبح علشان تعلي معدلات حرق جسمك بس اهم حاجه تكون بعد الاكل بساعتين علشان معدتك او قبل ما تاكلي
انت فعلا احسن وقت تعملي ف رجيم عند حماتك اقعدي هناك شهر تخسي فيه وسلميلي ع طنطا اوي لانها وحشتني اوي
انت وزنك مش كتير اوي يعني ممكن تلبس لبس غير العبايات علشان متبقاش حالتك النفسيه وحشه
بس المشكله ان الواحد بيزعل ع لبسه اوي اهئ اهئ
وان شاء الله تخسي قبل ما جوزك يرجع بالسلامه نخس كلنا يااااااارب اميييين
بس قوليلي انت منين من طنطا لاحسن نطلع قرايب ولا اصحاب
انا من طنطا

[marwa81]

اخواتىالجميلات وحشتونى كتير اوى ايه اخبار الرجيم معاكوا انا انهردا وزنت نفسى والحمد لله بقيت 85 كيلو يعنى 7 كيلو فى اسبوع والفضل لله وحده ثم تقليل الاكل مع الشاى الاخضر بس انهردا بقه عكيت شويتين بوكره هاضبط انا خروجى من البيت بيودينى فى داهيه بضعف قدام الاكل موت عاوزة اسال عن شويه حاجات
المشروم غلط لانى بعشقه
الكسكسى
لو حسيت انى هموت واكل حاجه حلوة اعمل ايه
هل الشاى الاخضر بيأثر على الحمل لو فى حمل ان شاء الله
السمان ايه اخباره ينفع اكله لو مشوى؟؟؟
بس خلاص

[bero333]

صباح الخير يا بنات
بصوا بقي طالما ان انا مش ومجودة النهاردة طول اليوم
فأكيد الردود هتكمل و الموضوع يتقفل و عشان كده انا هأكتب الموضوع الجديد بس ما تكتبوش فيه غير لما ده يتقفل
مروة
ما شاء الله لا قوة الا بالله
الف مبروك نزول ال 7 كيلو يا حبيبتي
و يا ريت تقولي لنا عملتي ايه بالضبط
و بلاش عك بقي اتمتعي بيهم شوية يا قمر
الكسكسي محرم يا كتكوتة
انا المشروم فهو مفيد جدا و الدطتور اوصي به في اكتر من حلقة

بوسي
انا للأسف معنديش غير الميل اللي انا كتبته لك
و معلش يا حلوة مش هأقدر أرد عليكي دلوقتي
انا اصلي مستعجلة و نازلة عشان عندي شغل
اشوفكم بالليل

[bero333]

يا بنات ان نسيت أقول لكم
انا وزنت امبارح
لقيت مفاجأة
نزلت 3 كيلو يا حلوين
يعني بقيت 93
ياللا هوب هوب
انا مش شوال فريك انا بنت حلوة و سمبتيك