أخواتي المرضعات أهلا و سهلا بكن

[shamooo0]

ههههههههههه هون هون مشتاقه

بس انا بعد اجازه اخر الاسبوع بعمل كل شي بحياتي
الطبخ والبيت والرياضه وبجيب اغراض للبيت ناقصه
يلا اهو تخفيف وحركه برضو هههههههههههههه
اليوم افطرت ساندويش وحده وعصير برتقال وطبعا الصبح بكير في حليب

هلأ رح اتغدى سمك مشوي ورز وسلطه

نفسي بكيكه شوكالا دسمه ههههههههه

[الأميرة رفال]

السلام عليكم

كيفكم اخواتي جميعا


قولولي مبروك رحت للدكتورة السبت اخد نظام لقيت وزني نزل مع التخفيف من 86 وصار 83 ولله الحمد



معليش امس مادخلت لأنه النت ما كان يشتغل
بس الحمد لله مشيت على الدايت ومشيت نصف ساعة مع رياضة بسيطة لشد الجسم

اليوم مشيت ساعة وقبل الفطور بعشرة دقائق كما في النظام شربت كاسة ماء
وافطرت على ساندويشة توست حب مع اللبنة والخيار وحليب قليل الدسم

والغداء كان ربع سمك في الفرن مع خضار بدون زيت وسويت كمية كبيرة للعائلة وعجبهم
واكلت معاه 6 ملاعق ارز

وبعد الغداء عندي اما تمر مع حليب او 3 شابورة رجيم مع شاي او اي فاكهة بنفس السعرات فأنا اخذت الموز لأنه التمر خلص وراح اشتري

وعندي كمان بيتن الوجبات عصير برتقال راح اشرب

وبعد شوية راح اشرب حليب قليل الدسم

والعشا راح يكون باذن الله توست حب مع شرايحة جبنة قليلة الدسم وايضا حليب قليل الدسم

وبس
بصراحة سعيدة للعودة للالتزام والمشي وكمان مبسوطة من النظام لأنه مشبع وما احس فيه بجوع ابدا

والوزن راح يكون عند الدكتورة كل سبت مع يوم مفتوح في وجبة وحدة يارب اوصل للسبعينات واكسر حاجز الثمانينات السبوع الجاي عندي امل كبير

[الأميرة رفال]

أنا غبت طول اليوم توقعت أرجع ألاقي ردود كتيييييييييييييييييييييييييييييرة
وينكم يا بنات ليكون عمتاكلوا

أنا مقهورة و متدايقة و طول الوقت بلوم حالي لأني كنت مريحة حالي فترة الحمل و تركت وزني يزيد
مع إني و الله للشهر الخامس و ما كان مبين علي أبدا و بالسادس بدا وزني يزيد و بشكل عام الزيادة كلها كانت أقل من حملي السابق و مع هيك جوزي مجنني و بيت حماني هلكوني بالكلام و التلطيش تعبت
و كمان اليوم أكلت كتير عندي عزايم امبارح عالعشا و اليوم عالفطور و الغدا و الأكل طيب و كتير
ادعولي يا جماعة

والله حبيبتي انا كمان نفس المشكلة بالضبط وزعلانة من نفسي لاكن ان شاء الله ارجع تاني
وخصوصا جاني الحماس اكثر لمن ونت الأبوع هادا عند الدكتورة ولقيت وزني نزل ل83 بعد ماكان 86
حاولي في اعزيمة تكتري موية وسلطة في الول عشان تحسي بشبع وما تاكلي كثير

ههههههههههه هون هون مشتاقه

بس انا بعد اجازه اخر الاسبوع بعمل كل شي بحياتي
الطبخ والبيت والرياضه وبجيب اغراض للبيت ناقصه
يلا اهو تخفيف وحركه برضو هههههههههههههه
اليوم افطرت ساندويش وحده وعصير برتقال وطبعا الصبح بكير في حليب

هلأ رح اتغدى سمك مشوي ورز وسلطه

نفسي بكيكه شوكالا دسمه ههههههههه

يمي يمي الا الكيكة خليها بعيدة عشاننا رشوقات >>>>>>>> يعني يعني نرفع معنوياتنا خخخخخخخخ

[مشتاقة للأمان]

شامو
على سيرة الكيك
الناس بيعملوا ريجيم بيبعدوا عن الكيك أنا ما خليت كيكة بالعالم لك عمحس الكيك عميجي لعندي
شي بنعزم على كوستا كوفي و هناك الكيك يمممممممممممممم
و شي عند بيت حماي
و شي بيجيني ضيوف و بعمل الكيك الشهي
و شي بعمل لأختي مشان عيد ميلادها
كل هاد و أنا عاملة ريجيم
لو مو عاملة شو كنت عملت كنت بدعت ههههههههههههههه


الأميرة رفال
مبروووووووووووووك ألف مبروك عقبال المثالي يا رب يا قلبي
و الله فقدتك هاليومين
الله يوفقك مع دكتورتك

[shamooo0]

مشتاقه كلي كيك ازا اشتهيتيه بس ما تكتري والغي شي من نظامك يومها
ولا تكتئبي ولا تزعلي

بتعرفي مشتاقه انا قرأت النظام يلي كتبتيلي ياه مره وماشيه عليه بس برجع بقلك مو بالحذافير ومارجعتله مره تانيه بس خلص فهمت شو اساسه .. صاير محسوبتك ما بتحب تلتزم بشي او تتقيد بشي ( عقل اجئم بعيد عنك)
بس تقريبا ماشيه عليه وبمزاجي
شو صار معك انتي عم تعملي رياضه شي ولا بس ريجيم؟؟؟

[shamooo0]

لالالالالالالالالالالالالالالالالالالالالالالالالا لالالالالالالالالالالالالالالا

كتبت كتير وطاروا اهئ اهئ اهئ اهئ

لالالا تعقدت

كنت كاتبه كلام كتير وحلو

اهئ اهئ اهئ اروح اغير جو وبرجع

[مشتاقة للأمان]

هههههههههههه شامو تعيشي و تاكلي غيرها صارت معي
أنا ياستي ضليت عمبمشي في البيت و بطلع و بنزل عالدرج عشر دقايق باليوم
الأسبوع الماضي ما التزمت كتير بالمشي و خبصت شوي بالأكل نزلت نص كيلو بس بحاول أظبط هالأسبوع المفروض ننزل اتنين كيلو بالأسبوع بس اندبحت بالعزايم كلها أكل و حلويات و معجنات
الله بيعين

[shams el7ob]

تمام كدا ياريفال
عقبال المثالي والجميع كمان يااارب

وأنا كمان نسيت!

[shams el7ob]

والله يابنات أنا مو عمله رجيم ماشيه حياتي طبيعي
بس رياضه وشوية تخفيف
من كل شي دسم او سعراته الحراريه عاليه

[مشتاقة للأمان]

شامو
كنت بدي قلك على شغلة الريجيم هو بالفعل هيك النظام يعني الكيك يعتبر من مجموعة الخبز بالتالي إذا أخدتي قطعة بتلغي ربع رغيف يعني ما في شي ممنوع
يعني هو ما يعتبر ريجيم هو نظام حياة
و سلامة عقلك من (الجئمان)ههههههههههههه


شمس الحب
وييييييييين غاطة
كمان هيك منيح بس أوقات الواحد بدو ينضبط و ياكل بالضبط الأشياء اللي محتاجها جسمه و ما يزيد عنها و هاد هو ريجيم السعرات الصحي

[الأميرة رفال]

السلام عليكم
شوووووووووووووو مافي غير انا ومشتاقة وشامو

كيفكم يارشوقات شامو ومشتاقة والبقية

الحمد لله اليوم مشيت ساعة
وماشية على نظام السعرات مع الدكتورة كويس

وصح كلامك يا مشتاقة المفروض يكون نظام حياة مو بس فترة ويرجع الواحد يلخبط

[shamooo0]

اي يا بنات
انا بخير الاميره رفال وبتمنى الكل يكون بخير
هلأ راحت الصدمه من مبارح وقت طار الحكي يلي كتبتو ورجعتلكم

كنت عم بحكيلكم عني وعن غرامي للبطاطا المقليه بكل انواعها ونكهاتها
هيه صح فيها سعرات كتير هاد غير الكربنه والزيت المقلي كلو ضرر
كنت بالسوق وشفت مقلايه بطاطا كهربا جديده نازله وفكرتها حلوه بتقلي البطاطا والخضرا واللحوم كلها بملعقه زيت وحده للكيلو
جربتها وكتيييييييييييييييييييييير منيحه والاكل اطيب بدون زيت كتير ومع هيك مقرمش يم يم
لقيتها غاليه بس انا كنت مخبيه فلوس بدي اجيب شي تاني للبيت وقلت هي اهم واشتريتها
نصييييييييحه يلي متوفره ببلدها تجربها مفيده وسهله وكويسه لاولادكم كمان
نحنا كلنا بالبيت مناكل بطاطا مقليه كتير
هيه من ماركة تيفال ومعها عرض ميزان تيفال كل يوم بيذكرني كم جرام نزلت هههههههه
او زدت طبعا

[مشتاقة للأمان]

بااااااااااااااااركولي يا حلوات
امبارح خلصت اربعيني و الدورة و رجعت عروووس هههههههههههههههه
و اليوم صباحيتي
عقبال ما أرجع رشيقة
شو رأيكم نتذكر بعض دايما بالدعاء إنه ننحف بصحة و عافية
رفال هي شمس معانا كمان بس الباقي غايبين بس أكيد بمروا
شامو و الله طلعتيها بمخي هي المقلاية صايرة أنا عمبشتري كل شي ماركة تيفال المكواية و محضرة الطعام روعة منتجاتهم تيفال

[shamooo0]

اي مشتاقه كتير منيحه المقلايه جربيها ومشان ولادك ما ياكلوا مقالي كتير

بدي اسألك شو يعني صرتي عروس ؟ عم تمزحي ولا عن جد الوحده لازم تجيها الدوره وتخلص لحتى ترجع طبيعيه ؟
لا تضحكي عليي القصد اني خلصت دم النفاس من شي 10 ايام وشفت طهر وعم صلي ومتل العاده
بس ما اجتني دوره ولا في دم بس افرازات بيضا زياده .. من اسبوع اجاني وجع الدوره بس وراح
يعني قصدك الرحم لسا ما رجع ولا شو ما فهمت عليكي
معلش ولو سؤال غبي ههههههههه بس ما بعرف

[shamooo0]

صحيح انعجئت ونسيت قلك
مبروووووووووووووووووووووووووك وان شالله دائما بتضلي عروس وبتشوفي حالك ولا عاراضات الازياء فشروا عارضات الازياء ما بيطلعلهم معك


بتعرفوا المدربه بعد الرياضه شو بتعمللنا يا بنات؟؟

بتخلينا كل وحده قدام المرايه تشكر حالها وتقول انا الاحسن مو غرور بس من باب الثقه بالنفس وبترفع معنوياتنا جربوا انتوا كمان تزيدو الثقه بالنفس شعور حلو والله