الي الراجيه عفو ربها

[نايس1]

السلام عليكم
اختي الراجيه عفو ربها
استسمحك في استفسار
انا رحت صيدليه فيها جهاز بيقيس الضغط والوزن والطول والدهون
لقيت الطول 161
الوزن 69
نسبه الدهون 40 في المائه
فكيف تكون نسبه الدهون بهذا الكم؟ انا اتخضيت بصراحه وعليا اعمل ايه؟
لان مكتوب نسبة الدهون المثاليه من 14 الي 24في المائه؟

[چيهان أبو الغيط]

وعليكم السلام ورحمه الله وبركاته

الحقيقه الجهاز ده بيقيس ازاى لا علم عندى اللى اعرفه ان مقياس الدهون لابد من اكثر من مقاس له

احنا بنقيسه باجهزه ( جهاز اسمه كاليبر وهو غير متوافر فى السوق )ومعادلات وجداول

مش وقفه على ميزان لأ

وعموما جربى هذا الموقع فيه طريقه لحساب نسبه الدهون

http://www.lakii.com/modules.php?name=Calc

اذا اختلف خلاص

[نايس1]

شكرا علي ردك
الجهاز اسمه euro pharma international

بالنسبه للموقع لقيت نسبة الدهون 25 في المائه

ايه رايك؟

[چيهان أبو الغيط]

حبيبتى الاسم اللى انتى كاتباه طلع اسم شركه مش جهاز

الجهاز اللى اقصده لابد ان يتم القياس به من اماكن معينه ( لا أظنك فى صيدليه تقدرى تعمليها )

اما من منتصف الذراع ( نصف المسافه بين الكوع وعظم الكتف بالضبط )او من البطن

القياس بيه بيكون بقرص الجلد لفصل الدهن عن العضلات

وهو ده اليدوى منه



وده الديجيتال منه



وبالنسبه لوزنك ال 25 منطقى ال ا40 غير منطقى بالمره

وبعدين اخد مقاييس الورك والارداف تجعل اللى فى الموقع اكثر واقعيه

[نايس1]

الراجيه عفو ربها جزاكي الله خيرا علي اهتمامك

انا اصلي اتخضيت من 40 في المائه
خاصه ان باقي القياسات مضبوطه
وعموما الف شكر

[ام نووور]

بس مو غريبه ان انتي وزنك قريب من المثالي وطالع عندك نسبه الدهون 25
وانا لسه بقيلي كثير وطلع الدهون عندي24,3
ياترا ايه هو السبب مع العلم ان طولي اقل منك بس الموقع ما يطلب الطول ؟؟؟؟؟؟؟؟؟؟؟؟

[نايس1]

ام نور واضح ان عندي دهون كتير
مش عارفه الحل ايه
العب رياضه ولا اعمل ايه
اعتقد نسبة الدهون في الجسم بتعبر عن حاجه كمان غير السمنه
عن الحاله الصحيه مثلا؟ مش عارفه

[lola tarek]

هلا نايس على فكرة انا كمان نسبة الدهون عندى طلعت زي ام نور كدة 24.8
بجد حاجة غريبة ممكن تكوني غلطانة فى القياسات قيسي كويس وراجعي تاني

[نايس1]

النسبه 24.8
ده بيعتمد علي قياسات الجسم اعتقد

[ام نووور]

نايس انتي قد ايش تسوي رياضه باليوم

[نايس1]

ام نور انا لا اسوي رياضه خالص
كنت بمشي نصف ساعه باليوم من فتره والان لا اعمل شيء

[ام نووور]

عارفه ان الرياضه بتشد الجسم وبتساعد كتير
اول ما ابتديت رجيم كنت اعمل
نص ساعه تمرين للبطن يوم ويوم
وامشي نص ساعه مرتين بالاسبوع
والعب مع عيالي كل ويوم ربع ساعه هو صح مش رياضه بس بيحرك الجسم
وبعدين فيه دهون بتكون متركزة بمكان معين بالجسم ما بتنزل بالرجيم او بيكون نزولها صعب
ولا زم رياضه مثل الافخاذ والبطن والزنود ياليت ولو تلعبي وتجري مع عيالك نص ساعه باليوم
منها رياضه حلوة ومنها تفرفشي العيال ايش رايك

[نايس1]

نص ساعه تمارين للبطن كتير اوي
احاول انفذ النصائح الحلوة
الف شكر