وصفة عصير البرتقال والكيوي لأكبر أخصائي تغذية في (الكويت)

[manawe2002]

مرحبا بنااااااااااااااااااااااات:

هذا العصير مجرب من قبلي أنا شخصياً وأختي بعد

وطريقته :


برتقالة +كيوي(1)


تضعينهم في الخلاط مع اشوية ماء وتشربينه على الريق بس


مع التخفيف في الأكل والرياضة(المشي وتمرينات الخاصة بالبطن والأرداف)

[جورى]

حق شنو هذا الشراب

[manawe2002]

وصفة للرجيم

[جورى]

ابى شو تفاصيل يعنى شنو الرجيم الزيم معاه وكم ينزل وكل اللى عندك قوليه شكرا لك

[manawe2002]

أنا اقولك كلشي بالتفصيل :

ما راح ابخل عليج بشي

أول شي الوصفة والرجيم من الأخصائي التغذيد د:محمد ربيع

على الريق---- العصير (كيوي+برتقال)تخلطيهم بالخلاط
الفطور:3-5تمرات أو رطب +كوب حليب
الغداء:شوربة خضار + كوب لبن خالي الدسم(لبن الوفرة) أو اي لبن عندك
العشاء: فول أو بيض أو هبرجرأو لبنه+سلطة +نصف خبزة

إذا سويتي الرجيم نفس ما قتلك راح ينزلل وزنك 3,5 كيلو غرام
مع اشويه حركة يكون أحسن بعد
لانه أنا وأختي وبنت عمي اتبعنا نفس الرجيم وكلنا نزلنا 3,5 .

انشاءالله أكون افدتج وإذا عندك أي استفسار قولي لا تترددين

[جورى]

انزين كم المده الى نزلتوا فيها واقدر اغير الرطب اوالتمر لانى ما احبه بس اذا ممكن الخلال(الاصفر) ممكن تكفين قوليلى ابى اضعف بموت علشان اضعف خليك على اتصال معاى علشان تتابعين حالتى لانه ميئوس مهنا مشكوره

[manawe2002]

تقدرين أختي لانه رطب أو تمر أو خلال كله نفس الشي , والمدة في الاسبوع 3,5 وإذا تبين اي شي بعد قولي ,تبين اعطيك البرنامج كامل هم آمري

[جورى]

والله انى اذيتك بس ما عليك امر ابى البرامج كامل!!!!!!!!!!!لانى فعلا فعلا ابى اضعف مليت من نفسى قلت بسوى الشوربه قالوا طعمها خابس والريحه بعد ما ابى شئ بعقدنى بس ان شاء الله هذا ينفع واذا شفت انه سهل ان شاء الله بكر انا بالجمعية اشرى الاغراض

[manawe2002]

انشاءالله أنا بحاول اعطيج برنامج سهل وما تملين منه

بعدين شفت موضوعي عن رجيم حسين دشتي ترى والله حلو شوفيه وقولولي رايج
؟ أنتظر ردج؟

[جورى]

ايه والله انطرك وانا ما شفت الموضوع بس راح اشوفه الحين وارد عليك

[جورى]

شفت الرجيم يمدحونه وايد من يوم ما نزل فى الجريده عندك موقع د/ محمد ربيع ان شاء الله انقى المريح اللى ينزل اكثر واسويه

[manawe2002]

اختي جوري أنتي تبين شي قاسي ولا عادي مثل تخفيف
؟

[جورى]

ابى شئ ينزل وايد بفتره شويه

[manawe2002]

2 كوب ماء دافىء على الريق + 1 حبه كيوي

الأفطار: كوب حليب خالي من الدسم+ قصطعة جبن قليل الدسم+ 1/4 خبزة سمرة أو شريحة توست واحدة + (طماطم,خيار,الخضرا الورقية).

الغداء: سلطة+ شوربة خضار بدون شعرية وبدون بطاط+ لحم (قطعة صغيرة), أو صدر دجاجة أو سمك , +1/2 خبرزة سمرة + حبه فاكهة (برتقال أو أناناس).

العشاء: 2 حبه خيار _ روب + نعناع +سلطة +حبه فاكهة. أو نفس الأفطار.

ملاحظة: يطبق هذا النظام لمدة ثلاثة أسابيع.

2 كوب ماء دافىء على الريق + 1 حبة كيري

الأفطار: كوب حليب خالي الدسم +(2) ملعقة فول أو حمص أو لبنة أو بيضة مسلوقة+ 1/4 خبزه سمرة أو شريحة واحدة توست أسمر + (طماطم, خيار, الخضرا الورقية).

الغداء: سلطة+ شوربة خضار+ لحم أو دجاج أو سمك +1/2 خبزة سمرة أو شوربة عدس + ثلاث شرائح توست أسمر +سلطة+ حبة فاكهة.

العشاء: كورن فلكس + كوب حليب خالي الدسم +حبه فاكهه.

ملاحظة: يطبق النظام لمدة أسبوعين .

مدة النظام كلياً خمسة أسابيع يمكن تناول حبه فاكهه او شرب عصير (برتقال أو أناناس في فتره الضحى و المغرب.

شوفي هالرجيم وايد زين انا جربته بس يطول على ما تضعفين بس روعه

[جورى]

مشكره وايد ان شاء الله اسوه واقولك النتيجه والحين تصبحين على خير