طلب عاجل من الأخت الراجية عفو ربها

[dodymido]

السلام عليكم

الأخت الراجية
كل عام انت بخير

انا عايزة أعمل ريجيم يخفف وزني 30 ك في 5 شهور

وزني دلوقتي 90ك ونفسي يكون 60ك وطولي 170سم

ايه احسن ريجيم أعملوا لأني نويت ان شاء الله أبتدي من يوم 1/1
وجزاك الله كل خير

[dodymido]

يعني يا جماعة ما حدش رد عليا ليه كده بس

يارب حد يرد

[dodymido]

ايه بس يا راجية انت مش رديتي عليا ليه هو أنا مزعلاكي ولا إيه

انا بعيط يلا ربنا يحميك ردي عليا

[meme19]

جبيبتي جربي سكارس ديل مرررررره كويس

ينزل كل يوم نص كيلو

يعني 0,5 * 90 = 45 كيلو

الله يوفقك وينحفك وينحفني يااااااااارب

[چيهان أبو الغيط]

السلام عليكم ورحمه الله وبركاته

دودى

والله حقك عليا انا افتكرت رديت عليكى بس مش عارفه الموضوع تاه منى

انتى مؤشر كتله جسمك 31 يبقى تحتاجى 1500 سعر

ملحوظه هامه هذا النظام لا ينصح باتباعه فى حال الحامل ولا المرضع ولا من تعانى من اى مرض


وجبات حوالى 1500 سعر

اليوم الاول

الافطار
زبادى كوب

4 ملعقه فول مدمس بزيت خفيف

نصف رغيف خبز يفضل اسمر



الساعه 10
وحده فاكهه او كوب عصير

الغذاء

طبق خضار مشكل مطهى

طبق سلاطه اى حجم بدون اى اضافات لا ملح لازيت لا مسترده

وحده لحوم 100 جم لحم ( يقطع الكيلو على 10 قطع من الاول ) او ربع فرخه يستحسن منزوعه الجلد ويفضل مسلوقه او مشويه (بالنسبه لمشويه تشوى بجلدها ثم لا نأكله )او سمكه وسط مشويه او فى الفرن بدون مواد دهنيه

4 ملاعق ارز مطهى عادى

وحده فاكهه

الساعه 5
كوب شاى باللبن محلى ب 2 ملعقه سكر

العشاء

جبن ابيض او قريش او 4 ملعقه حمص

سلاطه خضراء او خضار مطهى

نصف رغيف خبز او 2 شريحه توست


قبل النوم وجبه خفيفه

كوب زبادى او ثمره فاكهه او خضار طازج اى شىء بس عشان لا ننام ونحن جوعى


اليوم الثانى

الافطار

نصف رغيف او رغيف فينو
كوب لين
بيضه مسلوقه او مقليه فى طاسه بدون ما ده دهنيه
خضار سلاطه



الساعه 10
وحده فاكهه او كوب عصير


الغذاء

طبق خضار مشكل مطهى

طبق سلاطه اى حجم بدون اى اضافات لا ملح لازيت لا مسترده

وحده لحوم 100 جم لحم ( يقطع الكيلو على 10 قطع من الاول ) او ربع فرخه يستحسن منزوعه الجلد ويفضل مسلوقه او مشويه (بالنسبه لمشويه تشوى بجلدها ثم لا نأكله )او سمكه وسط مشويه او فى الفرن بدون مواد دهنيه

4 ملاعق ارز مكرونه بالصلصه او باللحم المفروم

وحده فاكهه


الساعه 5
كوب شاى باللبن محلى ب 2 ملعقه سكر



العشاء

جبن ابيض او قريش

سلاطه خضراء او خضار مطهى

نصف رغيف خبز او رغيف فينو



البدائل للمجموعات الغذائية الخاصة بريجيم السعرات

قائمه بدائل الحليب

كوب واحد حليب
كوب لبن رائب او زبادي
نصف كوب حليب مكثف معلب
3 : 5 ملاعق حليب بودرة ثلث كوب
الجبن في حجم البيضة


قائمه بدائل اللحوم

اللحوم قطعه 100 جرام (يقطع اللحم الكيلو على 10 نيئ)
الأسماك سمكه متوسطة
الأسماك المعلبة علبه صغيره تونة او سالمون او ماكر يل
الجمبري الوسط والأصداف 5 حبات

الدواجن ربع بالعظم حوالي 250 جم
البيضة واحده
بياض البيض نصف كوب
(ويدخل من ضمنها النقانق والسجق والهامبورجر ولكنى لا اعتبرهم غذاء لاحتوائهم نتيجة التصنيع على الكثير من المواد الضارة)


قائمه بدائل الخضراوات

المطهية كوب
والنيئ كميات مفتوحة ما عدا المذكورة كنشويات مع الخبز والحبوب فتحدد


قائمه بدائل الفاكهة

الثمرة الكبيرة كالبرتقال والتفاح ثمره واحده
الثمرة الوسط كالمشمش ثمرتان
الثمرة الصغيرة كالتمر 3
العنب 10 حبات
للمعلوميه هذه طريقه للتسهيل في البيوت وان كانت السعرات تختلف ولكن لفوائدها العظيمة نتغاضى قليلا عنها


بدائل الخبز والحبوب

الخبز الأسمر ربع رغيف
التو ست شريحة
الصامولى حبه صغيره كسر الخبز الجاف 3 ملاعق
الكورن فليكس ثلاث أرباع الكوب
الفشار بدون دهن 3 أكواب
البسكويت المملح 5 حبات
2 ملعقة بطاطس او بطاطا او جزر او بسله او قلقاس
الشيبسى 10 حبات
الغريبة حبه
الايس كريم نصف كوب
الشربات ربع كوب
المربيات والعسل الأبيض والأسمر ملعقة صغيره


قائمه بدائل الدهون
السمن ملعقة صغيره
الزيوت ملعقة صغيره
الزيتون 5 حبات كبيره
البيكان حبتان كبيرتان
الفول السوداني 20 حبه
اللوز 10 حبات
الكاشو ملعقة شوربه
اللب او الحبحب ( تقريبا بالسعودي)ملعقة مائدة
المايونيز ملعقة صغيره
القشده ملعقة شوربه
جبنه الكريمة ملعقة شوربه

[dodymido]

شكرا يا راجية وربنا يحميكي ويخليكي لينا ويجعله في ميزان حسناتك

بس عندي سؤال هو ده يخفف قد ايه في الشهر بس الأكل فيه كثير ينفع أقلل فيه

وكمان هو أنا أجيب مشايه في البيت ولا أروح الجيم أحسن والعب ايروبكس

ميرسي وياريت تردي عليا

[چيهان أبو الغيط]

مفيش داعى نعقدها مش محتاجه مشايه لو حتى تمشى فى البيت كفايه

بس لو انتى كنتى اصلا حاطه فى بالك تشتريها اشتريها ممتازه

وطبعا الايروبيكس احسن انتى ممكن تشتركى تتعلمى الحركات وبعدين تعمليها لوحدك بس لو انتى من النوع اللى بيحب يتشجع يبقى خلكى فى الجيم احسن
وباذن الله بالكتير قوى ينزل 2 كيلو فى الاسبوع

وتحت امرك فى اى سؤال

[dodymido]

شكرا يا راجية

وان شاء الله هابتدي من بكرة وهبقا أوزن كل أسبوع ودعواتك لينا كلنا