يأست من كل شي ممكن تفيدوني

[برنس قطر]

سلام كيف الحال اخواني وخواتي ...

انا طولي 174 سم وزني 107 كجم تعبت ماخليت اعشاب ولا حبوب ماجربتها جربت من العشاب
بذرةالكتان افوحها معا الماي واشربها على ريق وقبل لاغداء وقبل العشاء استمريت اكثر من 4 اساابيع ولا في فاايده وجربت : نعناع + زنجبيل+كمون+شاي اخضر .. كل يوم المده شهر و10ايام على الريج وقبل لاكل ولا في فاايده .. والحبوب : اكلت سبيرنسبون +زنكال+واكس الزرقاء+وبعض انواع حبوب مصريه + ولا في فاايده تعبت يأست .. حاولت معا الرجيم مااقدرة لانه دواامي من الفجر الين المغرب ماقدر اصبر على وجبه معينه .. والمشي صعبه على لاني معااي الركبه مش اكثر من نصف سااعه تأثر علي ... ممكن تفيدوني ياا اعزاائي .. لاني والله اني يأست كلش ومن كل شي

[برنس قطر]

ياليت محد يبخل على باي شي مجرب

[رنيوتا]

والله انا كمان زيك بجد يئست من كل حاجه بس انا زهقت من الريجيم خالص خالص انا بردوا
طولى 173 بس وزنى 88 يارب
انا اعتقد انها عزيمه والله لانى لما ببقى عندى عزيمه بخس ربنا يقوى عزيمتنااااااااااااا وانا هبدء من بكره لو تحبى نبدء مع بعض انا مستنيه ردك

[رنيوتا]

لو اوك نتفق على نظام ونعملوا مع بعض

[وداعاً للسمنه]

مساء الخير
شلونك اخوي برنس وكيف الصحه
جرب الرجيم المركب او سكارس ديل او الكيميائي وكلها بتنزل الوزن وحتى لو دوامك 12 ساعه تقدر تشغل نفسك بالفاكهه بالفترات اللي تجوع فيها وجرب بعد رجيم الشوربه الحارقه يشبع لانك طول اليوم بتاكل فاكهه وتشرب شوربه وثاني يوم خضار وجذي شوفه وانشالله يفيدك
والله معاك وبالتوفيق انشالله لنا جميعاً

[شموـــخ]

السلاام عليكم ورحمة الله وبركاته

من فتره انا اتابع المنتدى والنشاطات اللي تصير فيه ,, وعيبني تشجيع المتان لبعضهم للوصول للرشاقه =)

لكن بعد ماقريت الموضوع اليوم عزمت اني اشارك وياكم

والسبب اني اعاني من نفس مشكلتكم وهي السمنه

ياخوي حل مشكلتك بسيط لكن يباله صبر واراده وتشجيع

نصيحه من اخت,, ابتعد عن الادويه لاان ضررها اكثر من نفعها

اهم شي تفهم جسمك صح وتعرف شو يحتاج

بشكل عام تقليل نسبه من السعرات الحراريه بشكل يومي يقلل من الوزن على المدى البعيد

الكلاام اللي اقوله عن تجربه لااني اعاني السمنه من يوم ولاادتي والحمدلله على كل حال

لكن عزمت اني ماادخل ال 24 وانا سمينه وان شاءالله حاطه لي هدف اوصل له على شهر 7

لحد الان انا حصلت نتايج مرضيه من اسلوب الاكل الصحي اللي اتبعه وان شاءالله اكمل عليه

شو رايكم نحط ايدينا في يد بعض ونبدا مع بعض بنظام صحي وحياه صحيه

انا السمنه عندي مفرطه كانت لكن الحمدلله بديت اسيطر عليه

انا عمري 23 و طولي 165 ووزني حاليا 119

وزني كان قبل 140 والحمدلله اعتبر اللي وصلت له الان انجاز وان شاءالله مستمره عليه

مانصحك باتباع نظام غذائي معين او رجيم من الرجيمات المنتشره

لاانه اكيد مابيناسب نمط حياتك وعملك

اذا مستعدين نكون جرووب مع بعض راح اقولكم الطريقة اللي اتبعتها

وان شاءالله نعاون ونساعد ونشجع بعضنا كلنا

والسموحه لااني طولت فالكلاام =)

[وداعاً للسمنه]

هلا فيج اختي شموخ شلونج عساج بخير
تسلمين على كلامج الحلو
احنا مسوين قروب حلو وقاعدين نشجع بعض وقروبين مو قروب واحد لو تحبين انتي والكل تنضمون لنا حياكم الله ويا هلا ومرحبا فيكم
القروب الاول هو اللي فوق الميه وعايزه تخس والثاني هو معنا الحلم مش مستحيل
وايد بيد وانشالله ننحف ونوصل للوزن اللي نبيه ويا ريت تشرفينا وتعطينا فكره عن اللي سويتيه

[حفيده زينب]

http://www.lakii.com/vb/showthread.php?t=393349

السلام وعليكم انا كنت زيكم لكن لما عملت الطريقه التي في هذا الموضوع ساعدتني جدا جربوها

[Danaat]

مرحبا أخوي برنس

نصيحتي لك:
تكون محاولاتك للتخسيس بأشياء طبيعية وتبتعد عن الحبوب والأدوية مثل ما قالت الأخت شموخ
بعض الأحيان التخسيس يبالة طولة بال يعني الصبر
وأهم من هذا كله الإرادة والتوكل على الله

والله يعطيك الصحة والعافية

[شموـــخ]

شكرا اختي "" وداعا للسمنه "" وان شاءالله راح انضم لكم قريب

لااني فالفتره الحاليه وقفت الرجيم لاسباب صحيه وفي نفس الوقت عندي مناسبات وايده

وان شاءالله نويت ارجع من اول ويديد على االاسلوب الصحي من يوم السبت باذن الله

فــ انتظروني جايتكم =)

بس حبيت انوه لشغله ان اللي عنده السمنه من الصغر ماينزل فالوزن وايد يعني عليه بالصبر

انا نزلت ال 20 كيلو في فتره طويله جدا مع ان الاكل خفيف واعمل رياضه بالاضافه لشغل البيت لكن الجسم اتعود على هالوزن ويفقده بصعوبه =)

[احلام عادية]

مرحبا شموخ انضمى اللينا فى مجموعة اللى فوق المية وعايزة تخس وان شاء الله حتجدى هناك مجموعة من الريجيمات سوف تحرك وزنك بسرعة والله الموفق

[شموـــخ]

هلاا اختي العزيزه

ان شاءالله راح انضم لكن من يوم السبت .. لاان عندي مناسبتين هالاسبوع وتعرفين الرجيم صعب فالمناسبات =)


وان شاءالله راح اختار شي يناسبني او راح اكمل على طريقتي السابقه وبحط يومياتي اول باول


تسلمين لي الشيخه

[برنس قطر]

بصراحه يا خواتي الفاضلات اثلجتو صدري بردوودكم ... ابي نتيجه سريعه انا انصدمت يوم قريت اختي الي تقول 7 اشهر طلعت عيووني ... ياليت القى شي سريع وفعال ..

[برنس قطر]

up
up
up

[المزيونة مسك]

السلام عليكم
اخواني وأخواتي
مافي أحسن وأفضل من اتباع نظام غذائي صحي
أنا سويت عملية ربط مده لكن أنا أتبع معاها نظام غذائي
يعتمد على الابتعاد عن الدهون والسكريات والتقليل من النشويات
لوإني متبعه هالنظام ولا سويت العملية كان وصلت للنتيجه المطلوبة
لكن الحمد لله على كل حال

وأحب أقول لأختي شموخ قاومي حتى في المناسبات لا تغرش الحلويات تراها سم لنا احنا فئة السمان
وأنا مر علي زواجات من أقاربنا وألحين العيد
لكن ماهمنتني الحلويات ولا العصيرات
وبعد إللي يسو رجيم أو يتبع حميه تراه مو محروم
روحي أي مركز أو سوبر ماركت
وتشوفين أشياء كثيرة للحمية تبدأن من المعجنات >>> البر طبعا وحتى البقلاوة والأيسكريمات >>> دايت طبعا
ولاتختلف عن الأشياء العادية إلا لأنها أكثر صحة لنا

وربي يوفقكم جميعا
ونصيحة لك يا برنس لا تستخدم أدوية
بس اتبع نظام صحي
اكل خضار وفواكه وقلل نشيات وابتعد عن الدهون والسكريات وراح تشوف النتيجة باذن الله

موفقين جميعا