مركز vlcc للتنحيف والجمال حد جربهم؟؟؟؟؟؟؟؟؟؟؟؟؟؟؟

[قمة التواضع]

السلام عليكم خواتي
هذي أول مشاركة لي
وأتمنى حد يرد علي نستفيد من تجربته
حد جرب مركز vlcc للجمال والتنحيف؟؟؟؟؟؟؟؟؟؟؟؟
موجودين في الهند أساساً 46 فرع وفي الإمارات وباقي دول الخليج

هم هنود ومؤسسة المركز حرمة بدأت في التسعينات في الهند وتوسعت أعمالها
ويستخدمون البرامج الغذائية

أبا أعرف حد جربهم ويعطينا تجربته؟؟؟؟؟؟؟؟؟

أتمنى حد يرد علي
وشكرا حبيباتي

[ل المثابرة]

الله يساعدك

[قمة التواضع]

الله أكبر ماحد رد غير المثابرة؟؟؟؟؟؟؟؟؟؟؟
يزاج الله خير
عالعموم الظاهر ماحد يعرفهم في هالمنتدى وأنا سويت عليهم سيرش طلع في عالم حواء كثير رايحيلهم
وأنا بصراحة تشجعت وصليت استخارة وارتحت ورحت لهم اليوم
مركز جميل وكبير ومريح
يسوون أول شي قياس للوزن والدهون والماء اللي في جسمج وكم يجب تنزلين من الدهون والماء
وبعدين يحسبون لج كم جلسة تحتاجين
يسوون مساجات للمناطق اللي فيها تشحم ماينزل بالريجيم وعندهم أجهزة لفافات كبيرة للجسم تعرق وأجهزة ل ب ج وأشياء وايدة حلوة
بصراحة أنا متحمسة مادري ليش مع إني ماحب المراكز بس عندهم خبيرة تغذية تساعدج
وطريقتهم تعتمد على الوقاية من السمنة وتغيير طريقتج في الأكل والأهم واللي أنا أباه تكسير الدهون المتراكمة بالمساجات والحرارة والماسكات الطينية وياكدون لج أنا نتائجهم فعالة في إنقاص مقاساتك

عندهم عرض في دبي لأخر الشهر خصم 50% يعني حسب حاجتج من الجلسات وخصم 50%

انا طلع محتاجة 90 جلسة لمدة سبعة أشهر وبعد الخصم السعر 10500 درهم يعني الجلسة تقريبا 110 درهم عادي جدا السعر وايد حلو
وادعوا لي بنات جسمي يتغير معاهم أنا مشكلتي كروشة وزنود أباهم يضعفون وينحت جسمي مع تخفيف الدهون والسكريات طبعا

[سمسمه منمنمه]

الله يعينك وينحفنا بصحه وعافيه

[أم كرشة]

الله حلوووو ماعندهم فرع في قطر امانه اسأليهم واااايد المكان شكله تمام ..


ابيييي اروح