استشاااره...برجاء الدخول جزاكم الله كل خير

[M!ss Mahy]

اهلا بكل البنات والمشرفات
انا عندى مشكله اول مره تحصلى
انا كنت بستخدم زيت لازاله الترهلات هو من اعشاب طبيعيه وكده
بعد مابطلته باسبوع كده ظهر فى المناطق دى و خصوصا الصدر (مترهل جدا نتيجه للخسيه)
ظهر زى اللى بيظهر فى القدمين نتيجه للاحذيه الضيقه كيس مدور مملوء بالماء
بس عندى كرات صغيره جدا جدا زى البثور ومن اقل حكه بتنفجر والميه تطلع منها
طيب دا ايه محدش يعرف
الله يكرمكم ردوا عليا

[شوكولاطه77]

لازم تراجعي دكتور جلديه ممكن يكون جلدك تحسس من الزيت ويااختي الصدر منطقه جدا حساسه ماتحطيش اي حاجه عليها ممكن تسبب لك مشاكل كتيره انتي في غنى عنها حاولي تعملي التمارين بتاعة شد الصدر صحيح انها بتاخد وقت علبال ماتدي نتيجه بس في النهايه شيء مضمون ومش مضر وماتشوفيش شر

[چيهان أبو الغيط]

السلام عليكم ورحمه الله وبركاته
سلامتك يا ماهى الف سلامه

خير ان شاء الله اكيد انتى ممكن تميزى حمو النيل الدنيا اليومين دول حر ورطوبه وشهر اغسطس موسم حمو النيل

لو لأ مش حمو النيل

عليكى وعلى دكتوره جلديه عارفه موقف محرج بس مضطره اى تعب صحى لا ينصح بالفتاوى فيه

انا مره بنتى جاها زى وصفك بالضبط كانت زى اللى مفقفقه من حرق فى ظهر ايدها طبعا انشلت واتحطيت و دوغرى على الدكتور كانت تقريباعندها سنتين
مش ح تصدقى طلعت حساسيه من الحيوانات واحنا مفيش عندنا حيوانات الدكتور قالى ممكن تكون قطه فى السلم وبنتى طالعه على السلم لقطت الحساسيه
غريبه حبتين بس والله حصلت

طمنينا عليكى

[M!ss Mahy]

لازم تراجعي دكتور جلديه ممكن يكون جلدك تحسس من الزيت ويااختي الصدر منطقه جدا حساسه ماتحطيش اي حاجه عليها ممكن تسبب لك مشاكل كتيره انتي في غنى عنها حاولي تعملي التمارين بتاعة شد الصدر صحيح انها بتاخد وقت علبال ماتدي نتيجه بس في النهايه شيء مضمون ومش مضر وماتشوفيش شر

مش عارفه والله بس انا بطلته من زمان وطلعلى دا فجاه
الله يكرمك على الرد

[M!ss Mahy]

السلام عليكم ورحمه الله وبركاته
سلامتك يا ماهى الف سلامه

خير ان شاء الله اكيد انتى ممكن تميزى حمو النيل الدنيا اليومين دول حر ورطوبه وشهر اغسطس موسم حمو النيل

لو لأ مش حمو النيل

عليكى وعلى دكتوره جلديه عارفه موقف محرج بس مضطره اى تعب صحى لا ينصح بالفتاوى فيه

انا مره بنتى جاها زى وصفك بالضبط كانت زى اللى مفقفقه من حرق فى ظهر ايدها طبعا انشلت واتحطيت و دوغرى على الدكتور كانت تقريباعندها سنتين
مش ح تصدقى طلعت حساسيه من الحيوانات واحنا مفيش عندنا حيوانات الدكتور قالى ممكن تكون قطه فى السلم وبنتى طالعه على السلم لقطت الحساسيه
غريبه حبتين بس والله حصلت

طمنينا عليكى

الله يسلمك يارب من كل شر
بس حمو النيل مش بيكون جواه ميه تقريبا
هى مفقفقه كده زى مانتى قلتى فعلا واكترها فى منطقه الصدر
هو يعنى ميكونش من الخسيه ولا ايه؟

[چيهان أبو الغيط]

لأ الخسيه تعمل ترهل زى رغيف العيش اما يتلخبط بس فقافيق لأ
مفيش ارتباط

وبعدين الترهل لا يظهر فجأه بالتدريج

طمنينا عليكى غالبا اظنها هى حساسيه بس مهم تروحى للدكتوره

[الحياة كلمات]

الف الف الف الف الف سلاامة عليك يا ماهي خضيتيني
ان شاء الله تكون بسيطة
بس انا راي انك تراجعي دكتوة جلدية احسن ياحبيبتي
و ان شاء الله يكون العلاج سهل و سريع لا تقلقي يا غالية ربنا يشفيك و يعافيك و طمنيني عليك

[الفردوس غايتي]

ألف سلامه يا ماهي لازم فعلا تروحي لدكتورةجلديه ضروري يا ماهي لأن اي حاجه في بدايتها سهل علاجها وربنا يطمنا عليكي يا قمر معلشي ضريبه لازم ندفعها استحملي وان شاء الله يكون حاجه بسيطه