هل الرياااضه تنحف ؟؟؟

**إشراقة حب** · 21-08-2007, 12:14 PM

مرحبا عزيزتي

الرياضة لها دور كبير في إنقاص الوزن وقبل كل شيء تنشط الدورة الدمويه
وتعطي صحة أفضل ..
أنا شخصياً ماأنصح ولاأأيد الرجيم .. قللي اكلك ابتعدي عن الزيوت والسكريات
كثري من الخضار والفواكة الاجبان والحليب خليها قليل دسم .. الخبز خليه اسمر لانه قيمته
الغذائية اكبر من الابيض .. اهم شيء تكون عندك إرادة وتعودي نفسك على الرياضة والاكل القليل
علشان بعدين إذا رجعتي تأكلي تأكلي كميات قليلة ..
أنا أأكل كل شيء بس بطريقه صحية أكثر من قبل .. اكل فواكه واشرب عصير خالي من السكر
للشاي استخدم محلى من الصيدلية قليل السعرات الحراريه .. ااكل جبن قليل دسم .. اكل صدور
دجاج قبل مااحب الصدر مااحب الا الفخد الحين مااكل الا صدر ودايم مع خضار مطبوخ أنتِ نوعي
في طريقة الطبخ لاتملي يعني مو كل يوم نفس الطبخه غيري علشان لاتحسي بالحرمان بعد لان التقيد
بشيء معين يحسسك بالحرمان .. كثري من السلطة .. استخدمي في التحمير للبصل والخضار مثلاً إذا حابه
زيت زيتون بدل الزيت .. خصصي لك يوم بالاسبوع او يوم كل اسبوعين مفتوح وكلي اللي تحبيه بس
انتبهي لاتنفجعي اكلي كل شيء تحبيه بكميات قليله علشان تتعودي وامسكي نفسك لاتكثري الكميه
افضل .. مارسي الرياضة يومياً وحتى إذا ضعفتي ظلي على الرياضة مو تقطعي لاتحسي بالملل والخمول
وترجعي مثل قبل ..
في نقطة مهمه بعد .. احذري تأكلي بالليل نظمي نومك علشان تكون وجباتك بالنهار والليل نامي
لان اكل الليل هو اللي يزيد الوزن ..
هذا كل اللي اسويه انا وللحين نزلت 5 كيلو وصار لي شهر واسبوع وهالاسبوع بوزن مره ثانيه

أتمنى لكِ التوفيق

:

إشراقة حب

**ام نووور** · 21-08-2007, 12:19 PM

شوفي حبيتي انا ماشية على التخفيف والرياضة ماتنحف بس تشد الجسم المنطقة الي تنحف
وتحرق السعرات كمان انا لي شهرين وخليتها اسلوب حياتي يعني عدلت للعأله كلها بس محرم
نفسي من شئ بس قللت والحلى شلتو مرة بس لمن ازور احد المهم نقصت بشهرين 10 كيلو
مع رياضة وشويت تخفيف وكثرت شرب ماء وشاي اخضر

**دانة الـدنيا** · 21-08-2007, 12:28 PM

صباح الورد عزيزتي ..

بالنسبة للرجيم .. أنصحك تروحي للمستشفى .. أي مستشفى حتى لو كان حكومي .. راح يقيسوا لك وزنك وطولك ويعطوكي رجيم صحي .. مناسب لك ..

واتركي عنك الرجيمات السريعة .. وإلي تعتمد على صنف واحد .. لأنها مو صحية .. وتمرض مع الاستمرار عليها .. (بعيد الشر عنك) ..

أما إذا ما ودك تسوي رجيم معين .. فكلام الأخت إشراقة حب سليم 100% ..
لا تسوي رجيم .. لكن خلي كل شي تاكلينه صحي ..
اتركي كل الدهون والزيوت .. وابتعدي عن الحلويات .. والسكريات بشكل عام ..
وابتعدي عن الأرز الأبيض والطحين الأبيض(الأخباز البيضاء) ..

واستبدلي كل نظام حياتك بالخبز الأسمر .. والخضروات والفواكه .. ومنتجات الحليب قليلة الدسم ..
ونصيحة مني لا تاكلي بين الوجبات .. لأن المعدة لو اشتغلت طوول اليوم ما راح تضعفين .. قسمي وجباتك لثلاث وجبات في اليوم .. أو خمس وجبات صغيرة ..

أما بالنسبة للرياضة .. فأحسن وأرخص رياضة هي رياضة المشي ..
لأنها تنحف وفي نفس الوقت تشد الجسم ..
واسأليني أنا مجربة المشي لفترة طويلة .. ونحفت 15 كيلو خلال شهرين ونص ..
لكن لما تركته سمنت شوية ..
وألحين قاعدة أواصل في الرجيم والمشي من جديد ..

بدلي نظام حياتك .. وخلي الرياضة جزء أساسي منه ..
الأوربيين معظمهم ضعاف .. تدرين ليش؟؟
عشان مثل ما احنا نصلي كل يوم .. هم يلعبون رياضة كل يوم ..

أتمنى لك التوفيق يا قمر ..

دانة الدنيا

**do0oba** · 21-08-2007, 12:34 PM

مشكووورااات على المروووور
و النصاائح من ذهب
والله ريحتووني

**do0oba** · 21-08-2007, 12:37 PM

اهلين اختي داانه

بالنسبة للرجيم .. أنصحك تروحي للمستشفى .. أي مستشفى حتى لو كان حكومي .. راح يقيسوا لك وزنك وطولك ويعطوكي رجيم صحي .. مناسب لك ..

رااحت للمستشفى بس عطااني رجيم
المايوكلينك
و تخيلي اليووم الاول اكل بيض بكل الوجبااات
و انا صرراحه ما عجبني الرجيم ابدا

لانه مو صحي فقلت اخخفف الاكل وامشيء واسووي رياااضه

و الف شكر لك

**غلا الشرقيه** · 21-08-2007, 01:28 PM

اختي
بالنسبه للوجبه حاولي تاكلين يوم برتقال ويوم تفاح
او انك تاكلين بطاطس بالتفويح
مع ممارسة جهز الجري
انا جربتها ونحفة كثير وهذا انا امشي مشوار
تحيتي لك
ريتاج

**~lulu~** · 21-08-2007, 05:39 PM

ماشاء الله ماقصروا البنات

هل الرياااضه تنحف ؟؟؟

هل الرياااضه تنحف ؟؟؟

تعليق

تعليق

تعليق

تعليق

تعليق

تعليق

تعليق