نظام م الاخر

[MARWA M]

مش عابزه اقولكم ع اللى عملته طول 7 سنين جربت كل حاجه و مفيش فايده هما 2 او 3 كيلو و يلا السلامه . لغايه ما شفته . جربته . و حبيته . نظام من اربع اسابيع بينزل من 10 ل 20 ك و كل ده بدون تاثير على البشره او احساس بالضعف و الخمول . وبعدها كنت باكل بس مش بزيد ( اصلى فى الاول كنت اشم الاكل اتخن اعدى من قدام المطبخ اتخن ) ز اللى عندها استعداد تعمله ترد عليا و انا حنزله اسبوع اسبوع . الاسبوع الاول : الفطار - نص برتقاله او كوب عصير + 1 او 2 بيضه مسلوقه السبت : الغذاء - فاكهه صنف واحد باى كميه ( تين و موز و عنب و الخخخخخخخخخخ لاااااااااااااااااااء ) العشاء - لحم مشوى او مسلوق او كفته ( طبعا بدون دهن ) الاحد : الغداء - دجاج مشوى او مسلوق + طماطم + برتقاله ( او عصير لو مفيش ) العشاء - 2بيض مسلوق + سلطه + 1 توست او ربع رغيف محمص + برتقاله الاثنين : الغذاء - جبن قريش او جبن بدون دسم + طماطم + ربع رغيف محمص او 1 توست العشاء - لحم مشوى او مسلوق الثلاثاء : الغذاء - فاكهه صنف واحد باى كميه العشاء - لحم مشوى او مسلوق + سلطه الاربعاء : الغذاء - 2 بيض مسلوق + خضار مسلوق العشاء - سمك مشوى او تونه بدون زيت + سلطه + برتقاله الخميس : الغذاء - فاكهه صنف واحد باى كميه العشاء - لحم مشوى او مسلوق + سلطه الجمعه : الغذاء - دجاج + طماطم + خضار مسلوق + برتقاله العشاء - خضار مسلوق المهم فى النظام ده : 1- ممنوع تبديل اى حاجه ممكن تلغى بس متضفيش حاجه 2- بين الوجبات ممكن خيار او جزر او خس بس يكون بعد الاكل بساعه و تاكلى صبف منهم مش سلطه 3- ممكن تشربى اى حاجه المهم تكون دايت مستنيه ردودكم متتاخروش

[hopeful]

مشكوره على الطريقه يسلموو

[FOSTAFESO]

ميرسى يا مروه نظام جميل بس هو العصير لازم يبقى برتقال برضو ولا ايه ؟ اصل مفيش دلوقتى يعنى
يلا ربنا يسعدك يارب وتتجوزى قريب ان شاء الله

[MARWA M]

هو لازم برتقال . فى عصير بيبقى من غير سكر اسمه بيور ممكن تضيفيله سكر دايت وشكراااااا على الدعوه الحلوه يا قمر

[mrs S]

انا فاكرة النظام ده اسمه سكارسيديل مش كده؟ او الريجيم الالمانى للاسف عملته اسبوعين بحذافيره و خسيت 2 كيلو بالعافية بس اكيد بيختلف من شخص لشخص و ربنا يوفقك

[MARWA M]

بصراحه معرفش اسمه ايه بس انا كنت عملته قبل خطوبتى بشهر ومقولكمش على اللى خسيته لدرجه ان اللى مشافنيش من شهر مصدقوش اصلا . وانا ابتديته تانى من اول الاسبوع ده و حاسه بفرق كبير خصوصا فى الهدوم اللى كان ديق اوى فيا دلوقتى بقى كويس خالص .

[FOSTAFESO]

ميرسى يا ميرو على ردك وانا بمووت فى عصير بيور
بس قوليلى بقى انتى وزنك كام وطولك وكده وخسيتى عليه اد ايه فى شهر ؟

[MARWA M]

شوفى بفى يا قمر كل البنات ال CUTE . انا مش بحب اوزن نفسى قوى علشان ماتصدمش و طولى تقريبا 168 سم . بس بعرف خسيت فد ايه بالهدوم ( اوعى تفتكرينى مجنونه ) بس بجد دى احس طريقه لان الميزان بيفرق من مكان للتانى . فشوفى الطريقه الجنان . كنت بتختار جيبه و بلوزه على قدى بالظبط او ديقه شويه و ابتدى الرجيم و بعد اسبوع البسهم واشوف الفرق و كنت اروح لترزيه تديقهم بس كنت اخليها متشيلش حاجه من جوه . وافضل على كده مده و فى الاخر اشوف عدد الخياطات من جوه و الفرق بقى ايه قبل و بعد . ( مش عارفه ليه يا اختى بيتهمونى باطل انى دماغ ) بس بجد خسيت المهم تحافظى على النظام و الاهم انك لو يوم باظ منك تبتدى من اول و جديد ( ههههههههههههههههههههههههههههههههههههههه هو ده العذاب ولا بلاش )

[FOSTAFESO]

على فكره هما ماغلطوش لما قالوا عليكى دمااغ ههههههههههههههه
هى فكره حلوه وكل حاجه بس انا بتهيألى الخياطه دى بقت مليونيره دلوقتى ههههههههههههه
انا بس اللى خايفه منه انه كيميكال والواحد مش ناقص زياده ( قال يعنى انا كنت خسيت هههههههههه ) بس انا هاعمله عشان اللى بيجيب معايا نتيجه هو الكيميكال ورزقى ورزقك على ربنا هههههههههه
انتى صحيح بداتى امتى ؟ وهاتستمرى الاربع اسابيع ولا ايه ؟

[اخر زمن]

جميل جدا بس للأسف مش حجربه
لأسباب خاصه

[MARWA M]

تعرفى يا احلى CUTE السر بقى ان مامتى هى الترزيه و هى مشهوره عندنا ( يعنى الحكايه فى بيتها ) دى فايده الامهات يا بنتى . وبعدين هو فى احسن من الكيمي كيمى كا . بس انا لما عملنه وبطلته محصلش حاجه ( بالرغم انى كنت بآكل اكل فكرتينى نفسى فى المحشىىىىىىىىىىىىىىىىىىىى ) دا تقدرى تقولى انى فضلت ثابته مده طويله . كان نفسى اوريكى فستان خطوبتى ( MAID IN MAMA ) بش فى مشكلتين . مش عندى سكانر و اصلا مش فاكره الصور فين ( و ده سر اصل حبيبى ميعرفش ) آه صحيح انا ابتديت يوم السبت و حكمله لحد العيد ( اصله ميعاد فرحى مش معقوله حيتجوز ديناصور ) وبعدين اتكلى على الله يعنى احنا كنا عملنا حاجه و معملنهاش

[مس عسل]

مش عابزه اقولكم ع اللى عملته طول 7 سنين جربت كل حاجه و مفيش فايده هما 2 او 3 كيلو و يلا السلامه . لغايه ما شفته . جربته . و حبيته . نظام من اربع اسابيع بينزل من 10 ل 20 ك و كل ده بدون تاثير على البشره او احساس بالضعف و الخمول . وبعدها كنت باكل بس مش بزيد ( اصلى فى الاول كنت اشم الاكل اتخن اعدى من قدام المطبخ اتخن ) ز اللى عندها استعداد تعمله ترد عليا و انا حنزله اسبوع اسبوع . الاسبوع الاول : الفطار - نص برتقاله او كوب عصير + 1 او 2 بيضه مسلوقه السبت : الغذاء - فاكهه صنف واحد باى كميه ( تين و موز و عنب و الخخخخخخخخخخ لاااااااااااااااااااء ) العشاء - لحم مشوى او مسلوق او كفته ( طبعا بدون دهن ) الاحد : الغداء - دجاج مشوى او مسلوق + طماطم + برتقاله ( او عصير لو مفيش ) العشاء - 2بيض مسلوق + سلطه + 1 توست او ربع رغيف محمص + برتقاله الاثنين : الغذاء - جبن قريش او جبن بدون دسم + طماطم + ربع رغيف محمص او 1 توست العشاء - لحم مشوى او مسلوق الثلاثاء : الغذاء - فاكهه صنف واحد باى كميه العشاء - لحم مشوى او مسلوق + سلطه الاربعاء : الغذاء - 2 بيض مسلوق + خضار مسلوق العشاء - سمك مشوى او تونه بدون زيت + سلطه + برتقاله الخميس : الغذاء - فاكهه صنف واحد باى كميه العشاء - لحم مشوى او مسلوق + سلطه الجمعه : الغذاء - دجاج + طماطم + خضار مسلوق + برتقاله العشاء - خضار مسلوق المهم فى النظام ده : 1- ممنوع تبديل اى حاجه ممكن تلغى بس متضفيش حاجه 2- بين الوجبات ممكن خيار او جزر او خس بس يكون بعد الاكل بساعه و تاكلى صبف منهم مش سلطه 3- ممكن تشربى اى حاجه المهم تكون دايت مستنيه ردودكم متتاخروش

السلام عليكم ورحمة الله وبركاتة

النظام دة شكلو كويس جدا جدا

يا ريت تتنتطموا علية انتى وياسمينة

بس انا مينفعش اعملة معاكم رغن انة عجبنى مووت

لانى متابعة مع اخصائية تغذية وهيا اللى بتتصرف يعنى

بت يا ياسمينة محدش بيشوف وشك لية هناك فى الصفحة

كلهم بيسالوا عنك يا مفعوووووصصصصصصصصصة

[MARWA M]

شكرا يا مس عسل يا رافعه من روحى المعنويه

[مس عسل]

شكرا يا مس عسل يا رافعه من روحى المعنويه

العفو يا حبيبة قلبى

لو على رفع المعنويات

مستعدة اعليهالك للاخر

بس احنا نخس بقى ونخلص عشان زهقنااا

[MARWA M]

ايه رايك يا احلى مس عسل احنا نشوفلنا واحده رفيعه اوى و نتلخبط على بعض و نطلع 3 بنات متظبطين . ولا رجيم ولا وجع قلب . آه ماحنا سكتنا على الرفيعين كتير