نزول في الوزن بشكل غير رهيب

[بموت على الضعف]

السلام عليكم ورحمه الله وبركاته

اما بعــد

اخواني وخواتي اعضاء المنتدى الراقي

حبيت اقول لكم اليوم عن عمليه (( حزم المعده )) والي نسميها عندنا ربط المعده

انا اعرف واحد من اصدقائي مسوي العمليه تاريخ 3/2/2007 وقاس وزنه من يومين تاريخ 9/7/2007 تخيلو كم نزل كان وزنه ((185 ))كيلو جرام والحين(((((((( 124 ))))))كيلو جرام

تخيلو نزل في 5 شهور 61 كيلو جرام مشاااااااالله

وانا انشالله ناوي اسويها وتريخ العمليه 20/8/2007 بس هو خوفني من شي واحد يقول يوم قام

من العمليه البنج يحس ان بطنه يعوره كنه الله يعزكم يبي يروح دورت المياه واذا دخل الحمام

ماينزل شي الله يعزكم ويوم سال الدكتور قاله عادي هذا هو دخل في البطن وقت العمليه ويقول بعد ثلاث ايام راح وصار عادي


ابي اسال اخواني وخواتي الي سوو العمليه صارلهم نفس الشي او لا

واتمنى انكم تشاركوني

[بموت على الضعف]

سوري غلط في الاملاء

قاله الدكتور هذا هواء داخل البطن وراح يطلع عادي

[أميرتك]

تقومين بالسلامه

[بموت على الضعف]

مشكور اختي قمر 666 على مرورج

بس انا ولد مو بنت عادي مشي مشي

[بموت على الضعف]

شدعوه والله انكم زعلتوني

اول موضوع اكتبه ولا حد يرد علي

شدعوه 77 عضو يدخل على الموضوع ولا حتى كلمته يعطيك العافيه

[sho0omo0o3]

اخوي العزيز والله ماأبالغ بكلامي انا سويتها وليتني ماسويتها كنت بموت تميت بالعناية المركزة اسبوعين بين الحياة والموت والدكاترة يقولون لأهلي ادعو لها يمكن ماتعيش وبعدي كذا حالة سوتها وتوفوا لان القلب مكانه ورا المعده عشان كذا خطيره العمليه اخف شي البالونه يتفخونها في بطنك وبكذا غصبن عنك بتخفف اكلك ودي اسويها بس اهلي ماراح يخلوني يقولون انتي ماتتوبين بغيتي تموتين وبعد تبين تسوين عمليه.....؟؟

[صلاتي حياتي]

أخي أرجو منك التريث وعدم الإستعجال في عمل العملية وسؤال أكثر من دكتور
لأن حياتك أمانة بيدك الله يكتبلك الخير والصحة والسعادة.

[صبيحةلفتة]

اخي ارجو منك التريث وعدم اجراء اي عملية يعني تضحي بحياتك حتى بس لاتحرم نفسك من بعض الاكلات او تخفف الكميات حرااااااااااااام عليك يعني بمعنى اصح ولا تزعل علي بس بسبب النفس ال.................. تروح تذب نفسك بالتهلكة ترة والله لو ما احس انك مثل اخوية ما نبهتك حرام ثم حرام ثم حرام تخضع نفسك لعملية انت بس فكر اكو ناس محتاجة لعملية بسبب مرض او اي عارض اخر ما تستجري تسويها وانت تروح من اجل الاكل تذب نفسك بهاوية لا ارجوك يا اخي لا

[..الطموحة..]

انت منزل الموضوع اخوي تبي رد على سؤالك وبما انك قررت ومافيه مجال تغير رايك
حابه اقولك عن واحد اعرفه مسويها يمكن سواها قبل سنتين او اكثر والى الأن حياته غثىى
لا ياكل زي الناس ولا مرتاح زي الناس كله يرجع وحالته حاله
صحيح هو حل حلو وسريع واذا بتسويها عند اطباء واااثق فيهم وواحد مجربهم زين
فالله يقويك ويخفف عنك ويبعد عنك كل شر ان شا الله
احنا ماراح نغير رايك انت بتسوي هالشي بقناعتك
بس بندعيلك والله يقومك بالسلامه ان شا الله ويحقق لك اللي تتمناه

[(( ألماسه ))]

السلام عليكم ورحمه الله وبركاته

اما بعــد

اخواني وخواتي اعضاء المنتدى الراقي

حبيت اقول لكم اليوم عن عمليه (( حزم المعده )) والي نسميها عندنا ربط المعده

انا اعرف واحد من اصدقائي مسوي العمليه تاريخ 3/2/2007 وقاس وزنه من يومين تاريخ 9/7/2007 تخيلو كم نزل كان وزنه ((185 ))كيلو جرام والحين(((((((( 124 ))))))كيلو جرام

تخيلو نزل في 5 شهور 61 كيلو جرام مشاااااااالله

وانا انشالله ناوي اسويها وتريخ العمليه 20/8/2007 بس هو خوفني من شي واحد يقول يوم قام

من العمليه البنج يحس ان بطنه يعوره كنه الله يعزكم يبي يروح دورت المياه واذا دخل الحمام

ماينزل شي الله يعزكم ويوم سال الدكتور قاله عادي هذا هو دخل في البطن وقت العمليه ويقول بعد ثلاث ايام راح وصار عادي


ابي اسال اخواني وخواتي الي سوو العمليه صارلهم نفس الشي او لا

واتمنى انكم تشاركوني

هلا أخوي . أذا ناوي تسويها أتكل على الله . أنا رضيعتي مسويتها ،، بس ما ضعفت واجد .. لاني هي أتدلع نفسها
قول ليش ؟؟ سألتني ليش ؟؟ وهو إنها لما سوتها مقتنعه بش واحد بس وهو إنها راح تضعف راح تضعف إنشالله بعد 20 سنة ،، ما كانت حاطة ببالها النزول السريع بالوزن .. يعني صارت تآكل عادي بس بكميات أقل بكثير من قبل ..

أما حكايتها حكايه لما قعدت من البنج . كان تحس إن في شي ببلعومها وماتقدر أتطلعه وفعلاً شعور يضايق حتى السليم . كيف و هي بهالحاله . وكان ممنوع يعطونها ماي ,,

أخوي الصراحة هاي اللي عندي ..

سوري نسيت أقوللك ×و زوجي بعد مسوي بس هو ألتزم بالسوائل من بدايه العمليه وفعلا فعلا ضعف اللي يشوفه ما يعرفه ..

[بموت على الضعف]

تكفووون بعد بكرررره عمليتي ربط المعده تكفووون فيدوني

[nice_lady]

للاسف كنت اتمنى اسااعدك

بس ماعندي اي فكررررررره

[سكره منوره]

لى واحده اعرفها عملتها لكن بعد سنتين رجعت لوزنها تانى
وكمان كانت تعانى من الاكل
يعنى ما تقدر تاكل اكثر من تلات ملاعق
واذا زادت عنهم تتقيأ
دا غير انها كانت تمضغ الطعام فى المره الواحده اكثر من تلات دقايق

لان لللاسف العادات الغذائيه الخاطئه لا تتغير
وبالتدريج كلما زادات كميه الاكل زاد حجم المعده تدريجيا وترجع زى الاول

انصحك بالريجيم اولا وحاول قد ما تقدر ما فى احسن من الطرق الطبيعيه
لا تعتقد انك هاتعمل العمليه وتعد تاكل زى مانت عايز ووزنك ينقص
كفايه بس جرح العمليه ومشاكلها الصحيه
المهم الاراده ولللاسف اغلب اصحاب الوزن الزائد بيفتقدوا عنصر الاراده والعزيمه
لى بنت خالتى 7 سنين تعمل دايت وبتتخن

انصحك بالريجيم والرياضه

واذا نويت على العمليه
انصحك تسأل عن عمليات التحوير
سمعت انها افضل من التحزيم والتدبيس
وانها بتحول جزء من المعده على الامعاء

وربنا ييسر لك الخير

[بموت على الضعف]

يعطيكم الف عافيه على الردود

لكن انا انشالله بكررره عمليتي وانا متوكل على الله

وانشالله عندي اراده اني اضعف وتساعدني العمليه

اتمنى منكم تدعولي بسلامه

ابي دعواتكم لي

[~lulu~]

فعلا اختي نزلت عليها 80 كيلو في سنه موفقه ان شاء الله